WENÉNÉ LE JAN A GYE (Évangile selon Jean) 17:6 - Kazambale lé Sebe Sauunu 1979

⁶ Munu lé i wo si tɛrɛlamunu méléna yé i wo nɔ an lɛ, maa i tɔ gɔɔn wo lɛ. Wa izé nya, yé i wo nɔ an lɛ, yé wo tawo i dére ta.

WENÉNÉ LE JAN A GYE (Évangile selon Jean) 17:6 ပူးပေါင်းရင်းမြစ်များ

Lɛrɛvɔ Sɛbɛ 119:11

Maa i dére paan an bli gi, Té an wenyané kɛlɛ i ma lo we gi.

Lɛrɛvɔ Sɛbɛ 22:22

’I an si golizra lɔ ma, ’I an si du bélinu ’léé.

Fwile 9:16

Naa, é i vo ana, ilé ’élé plɛplɛ yele we gi yé wo ’é tɔ sɔɔla tɛrɛ faa la.

Wegɔnévɔlenu 2:10

Gikinile é dan wɔra lɛ i bli gi, yé wedɔɔle é dan kɛlɛ lɛ i boen ginanawe nya.

Wegɔnévɔlenu 23:23

’I kwa kuli webozen ma, ’bé ye, té bé vo lo, wedɔɔle koo, wepaale koo, gikinile koo, ’i kwa kuli wo ma.

WENÉNÉ LE JAN A GYE (Évangile selon Jean) 1:18

Mi do kpen ’ka tan Kazambale ye lɛ lo; a Be do kpen lé, a zoɛ bɛ ’ka lo, ’té yeebozen ke Bale nya, ’té é ke é Ti bɛ gi, yee ɛ a nagɔɔn.

WENÉNÉ LE JAN A GYE (Évangile selon Jean) 12:28

An Ti, ’i tɔ kɛlɛ blɛn ma. Yé dére do we la gi yé é léé: Maa a kɛlɛ blɛn, yé maa dan a taa kɛlɛ lɛ blɛn é ziin.

WENÉNÉ LE JAN A GYE (Évangile selon Jean) 15:19

Dé é vo kɔɔn léé, ka a tɛrɛlamunu zé nya, ’té ka sɔ wo lɛ, naa, ka ’ka tɛrɛlamunu zé nya lo, yé maa ka si tɛrɛlamunu méléna, bɛwemalé ka za a tɛrɛlamunu gi.

WENÉNÉ LE JAN A GYE (Évangile selon Jean) 15:3

Ka va kɛlɛ é sésé é kyɛn, dére lé maa a fe ka lɛ, a nya.

WENÉNÉ LE JAN A GYE (Évangile selon Jean) 15:7

Dé ka vo an gi yé an dérenu vo ka gi, fɛ faa lé é sɔ ka lɛ, ’ka a ma laa, yé wo dan a nɔ lɛ ka lɛ.

WENÉNÉ LE JAN A GYE (Évangile selon Jean) 17:12

Bléyian va lé maa ke wo va tɛrɛ la, an yuɛ pa wo va i tɔ gi. Munu lé i wo nɔ an lɛ, an wo ta béli dɔ. Dé é ’ka sanzan do kpen nya lo, wo va mi do kpen ’ka san lɛ lo, we lé wa gyɛ Kazambale lé sɛbɛ gi, a lɛsɔɔle we ma.

WENÉNÉ LE JAN A GYE (Évangile selon Jean) 17:14

Wo ’ka tɛrɛlamunu nya lo, bélé fɛan zo lé maa ’ka tɛrɛlami nya lo, a zo, bɛwemalé dé maa i dére fe wo lɛ, wo za a tɛrɛlamunu gi.

WENÉNÉ LE JAN A GYE (Évangile selon Jean) 17:16

Wo ’ka tɛrɛlamunu nya lo, bélé fɛan zo lé maa ’ka tɛrɛlami nya lo, a zo.

WENÉNÉ LE JAN A GYE (Évangile selon Jean) 17:2

fɛan zo lé bé se kɛlɛ an lɛ léé, an pla mi faa nwiin, munu lé i wo nɔ an lɛ, vole é yuɛma lé a glɛ ’ka lo, anlé a nɔle wo lɛ we ma.

WENÉNÉ LE JAN A GYE (Évangile selon Jean) 17:24

An Ti, é sɔ an lɛ léé, fɛana lé an ke, munu lé i wo nɔ an lɛ, ’wo kɛlɛ an va ana, anlé fua tɔbɔle lé bé nɔ an lɛ, wolé a yele we ma. An sɔ i lɛ tɛrɛ bɔrale ’lɛ, ’bɛ lé we ma.

WENÉNÉ LE JAN A GYE (Évangile selon Jean) 17:26

Maa i tɔ gɔɔn wo lɛ, yé maa dan a gɔɔn lɛ wo lɛ é ziin, sɔlɛle lé an sɔ i lɛ a nya, a kɛlɛle wo gi valé an kɛlɛle wo gi we ma é ziin.

WENÉNÉ LE JAN A GYE (Évangile selon Jean) 17:7

Sin wa gi dɔɔ léé, fɛ faa lé bé nɔ an lɛ, i va lé é si,

WENÉNÉ LE JAN A GYE (Évangile selon Jean) 18:9

É we ’ko fe, dére lé é a fe é kyɛn, a lɛsɔɔle we ma; é léé: Munu lé i wo nɔ an lɛ, wo va mi do kpen ’ka san lɛ an lee lo.

WENÉNÉ LE JAN A GYE (Évangile selon Jean) 6:37

Munu faa lé an Ti éé wo no an lɛ, wo dan da lɛ an va, yé mi lé é da an va, an ’ka dan sɔn vɔ lɛ a ma monomono lo.

WENÉNÉ LE JAN A GYE (Évangile selon Jean) 6:39

Yé mi lé é an pa zia, alé blibɔmawe lé é ke léé, munu faa lé é wo nɔ an lɛ, té wo va mi do kpen é san an lee lo, naa, ’maa wo nwa gamunu va yi voélazan nya.

WENÉNÉ LE JAN A GYE (Évangile selon Jean) 8:51

Maa fe ka lɛ kyɔ webozen nya, dé mian éé tawoo an dére ta, é ’ka dan ga lɛ monomono lo.

WENÉNÉ LE JAN A GYE (Évangile selon Jean) 8:52

Juifinu lé a lɛ léé: Sin, ko a gi dɔɔ léé, yo a i gi. Abraam ga, yé balelayemunu ga é ziin, yé bii léé, dé mian tawo ’é dére ta, ’bɛzan ’ka dan ga lɛ monomono loo?

Kelewenu 13:48

Bɛn bɛnu we ’ko ’ma aan wo, wo gi nana. Wo Mizan dére zin tɔ bɔ. Munu faa lé Bale a fe é kyɛn léé, wo dan vo lɛ é yuɛma lɛɛfaama a glɛ ’ka lo, wo bli vo we ’konu lɛ.

Rom munu 11:2

Kazambale lé munu lé é wo dɔɔ é kyɛn, é ’ka sɔn vɔ lɛ wo ma lo. We lé Kazambale lé sɛbɛ a fe Éli lé we ma, ka ’ka a gi dɔɔa loo? É Izraɛl tɔ fe Kazambale lɛ fɛan zo, ka ’ka a gi dɔɔa loo?

2 Korɛnt Munu 4:6

Kazambale lé é a fe léé: San ’é bi gunutinu va ma, yee Bale duo lé, ’élé san bi ko bli gi yé é ko va kini, yé Bale lé fuasan lé ko yé Krist yara, é ko bɔn‐in dɔ ko ma yé mi bɛnu a gi dɔɔ ko ma.

Kolɔs munu 3:16

Krist dére ’é kɛlɛ ka méléna di ma. ’Ka we paa ka ke gi yé ’ka we pla ka ke lɛ wedɔɔle faa nya, Bale lé Lɛrɛvɔ sɛbɛ gi lɛrɛnu koo, Bale tɔbɔlɛrɛnu koo, lélilɛrɛnu koo, wo nya; ’ka lɛrɛ vɔ ka bli faa nya Kazambale lɛ zin nya ka bli gi.

2 Timoté 1:13

Wezinnu lé maa wo paa i gi bɛ, ’i yara pa wo ta tawole ta blipale valé sɔlɛle lé i wo ye Jézu Krist va, a nya.

Ébrunu 2:12

Naa, é a fe ’ko zo léé: Maa dan i tɔ bɔra lɛ an zuanénu va; Maa dan i tɔ zin fe lɛ zén‐ékevamunu va.

Ébrunu 3:6

naa, Krist kɛlɛ yarapawelazan nya bélé mi be lé ke é plale ébo lé kɔn nwiin, a zo. Yé kaa a alé kɔn nya, ’té dé kaa bli vo é pale gligli, yé kaa bli vo we lé éé kaa gi nanaan, a lɛ, fɔɔ yé kaa bɔ a ’wuoplana.

1 Piɛri 1:1

’Kaanu lé ka ke é kinile ékema yé ka kɛlɛ bɛnnu nya, Pɔnt tɛrɛ la koo, Galasi tɛrɛ la koo, Kapadose tɛrɛ la koo, Azi tɛrɛ la koo, Bitini tɛrɛ la koo, wona bɛ, an we ka va. Maa Piɛri lé an ke Jézu Krist lé nwunvɔzan nya, maa ɛ ke sɛbɛ ’ko gyɛna ka lɛ.

1 Jan 5:20

Kaa a gi dɔɔ é ziin léé, Kazambale Be da yé é kaa bɔn‐in kini kaa ma, Bale lé ke webozen nya, a dɔɔle we gi; yé kaa a Kazambale Be Jézu Krist gi, bɛwemalé kaa a Kazambale bozen gi. Jézu ɛ ke Bale bozen nya, é valé vole é yuɛma lé a glɛ ’ka lo, a nya.

Wegɔɔnle 2:13

Maa i nyanana dɔɔ, yé maa a gi dɔɔ léé, ana lé Satan lé blin ke. An tɔ a i ’léé, yé yian nya lé wo anlé yarapawela wenayezan Antipas gyɛ ka va, fɛana lé Satan nyanana ke, ana, ’bɛ yinu nyaoo, i bli ’ka si lɛ anlé we lɛ duowo lo.

Wegɔɔnle 3:10

I tawo an dére ta yarapalale nya, amalé maa é ziin, bléyi tɔntɔn lé é dan bɔ lɛ tɛrɛ faa la, tɛrɛlamunu gi danle we gi bɛ, maa dan ka tabin lɛ ’bɛ bléyi va.

Wegɔɔnle 3:8

Maa i kɛlɛwenu dɔɔ. Bé ye, plɛplɛ kiéné a i lee, i tawo an dére ta, yé i ’ka an tɔ yɔɔ lɛ lo, amalé an zi lɛ so i lɛ, yé mi do kpen ’ka bɔa a lɛ tanle lɛ lo.