WENÉNÉ LE JAN A GYE (Évangile selon Jean) 17:4 - Kazambale lé Sebe Sauunu 1979

⁴ Maa i tɔ kɛlɛ blɛn tɛrɛ la, yé nyanama lé bé nɔ an lɛ léé, maa a pa, maa a pale lɛ sɔɔ.

WENÉNÉ LE JAN A GYE (Évangile selon Jean) 17:4 ပူးပေါင်းရင်းမြစ်များ

WENÉNÉ LÉ LUK A GYE (Évangile selon Luc) 22:37

Naa, maa lé ka lɛ léé, dére ’ko lé wa gyɛ sɛbɛ gi é a lé a lɛ é sɔɔ an nya; é léé: Wa nɔnɔ wenyanékɛlɛzannu va. An ma we lé wa gyɛ sɛbɛ gi, é vo sɛné yé a faa kɛlɛle lɛ é sɔɔ.

WENÉNÉ LE JAN A GYE (Évangile selon Jean) 12:28

An Ti, ’i tɔ kɛlɛ blɛn ma. Yé dére do we la gi yé é léé: Maa a kɛlɛ blɛn, yé maa dan a taa kɛlɛ lɛ blɛn é ziin.

WENÉNÉ LE JAN A GYE (Évangile selon Jean) 14:13

Yé we faa lé ka a laan an tɔ gi, maa a kɛla, an Ti tɔ kɛlɛle blɛn, maa a Be gi we ma.

WENÉNÉ LE JAN A GYE (Évangile selon Jean) 14:31

Naa, é a lé tɛrɛlamunu a gi dɔɔ léé, an Ti sɔ an lɛ yé maa a dére tawe kɛla. ’Ka nwa fɛkona, kaa go.

WENÉNÉ LE JAN A GYE (Évangile selon Jean) 15:10

Dé ka anlé bélidɔwenu kɛla, ka dan vo lɛ anlé sɔlɛle gi, bélé fɛan zo lé maa an Ti lé bélidɔwenu kɛlɛ yé maa vo alé sɔlɛle gi, a zo.

WENÉNÉ LE JAN A GYE (Évangile selon Jean) 19:28

’Bɛ zuo, Jézu a ye léé, we faa kɛlɛle lɛ sɔɔ, yé é léé: ’Yiminilɔrɔ a an gyɛna. É ’bɛ fe Kazambale lé sɛbɛ giwe lɛsɔɔle we ma.

WENÉNÉ LE JAN A GYE (Évangile selon Jean) 19:30

Jézu a gi dɔrɔ tɔndɔle mini aan wo, é léé: We faa lɛ sɔɔ. Yé é ’wuo tua, yé a lɛ bo.

WENÉNÉ LE JAN A GYE (Évangile selon Jean) 4:34

Jézu lé wo lɛ léé: Mi lé é an pa zia, alé blibɔmawe kɛlɛle koo, alé nyanama pale lɛsɔɔle koo, wo lé ke anlé fɛblele nya.

WENÉNÉ LE JAN A GYE (Évangile selon Jean) 5:36

We lé ’bɛ an ma we fé, ’bɛ blɛn mini Jan lé an ma we fele ta; nyanamanu lé an Ti a nɔ an lɛ léé, maa wo pa, nyanama ’ko bozennu lé maa ke a pana, woo ɛ an ma we fé léé, an Ti ɛ an pa zia.

WENÉNÉ LE JAN A GYE (Évangile selon Jean) 9:3

Jézu a zi pa wo lɛ léé: Yee koo, é yaamunu koo, wolé wenyané ma kaan lo, naa, Kazambale panyanama a fɛan zo, yé munu a ye mi ’ko lé we ma, amalé é kɛlɛ.

Kelewenu 20:24

Naa, an ’ka we do kpen kɛla anlé tɛrɛla we ma, bélé fɛan zo lé a we a an lee, a zo lo. We fié lé ke an bli gi, yee lé é ke ’ko: zi lé Mizan a gɔɔn an lɛ, maa lé a ta tawole lɛsɔɔle gi nanale nya a do; nyanama lé Mizan Jézu a nɔ an lɛ, Bale lé zin lé Wenéné fele nya, ’bɛ lɛsɔɔle a do, woo lé ke bɛ; an ma we bɛ ’ka lo.

2 Timoté 4:7

An guli zin dan; maa anlé za kɛlɛle lɛ sɔɔ; an bli vo Kazambale lɛ.