WENÉNÉ LE JAN A GYE (Évangile selon Jean) 17:3 - Kazambale lé Sebe Sauunu 1979

³ Bii lé i ke Bale nya i do kpen, dé mi i dɔɔ, yé maa Jézu Krist lé i an pa zia, dé mi an dɔɔ, yee ɛ ke vole é yuɛma lé a glɛ ’ka lo, a nya.

WENÉNÉ LE JAN A GYE (Évangile selon Jean) 17:3 ပူးပေါင်းရင်းမြစ်များ

Minwiinzannu lé Wezuofe Sɛbɛ 28:9

Yé bii, an be Salomɔn, ’i i ti Bale dɔɔ ma, bé kun i bɛ fié nya, bélé nyanama pa i bli faa nya ma, naa, Gakelebale éé mi faa bli gi ginian fɔɔ yé é bɔ a wɔlɛ ma, yé é mibligiwe valé mi lé gibɔrɔlenu faa dɔɔ. Dé bé nagini, é dan zi nɔ lɛ i lɛ léé, i ’é ye; dé i sɔn vɔ a ma é dan sɔn vɔ lɛ i ma yifaama.

2 Minwiinmunu lé Wezuofe Sɛbɛ 15:3

Lɛɛ kiɛre wuo, Bale boen ’ka ’kaa Izraɛlnu lee lo, ’té Balebanzan lé éé we paan munu gi, é ’ka ana lo, ’té bélidɔwe ’ka ka lee lo.

Lɛrɛvɔ Sɛbɛ 9:10

Munu lé woo yaan ’bɛnu ta, Gakelebale a ’bɛnu yɔɔna nya, É a wo yɔɔna nya wolé kle ble bléyi va.

Wegɔnévɔlenu 8:35

Naa, mi lé é maa ye, é bélile ye, Yé é Gakelebale lé zin ye.

Ézai 48:16

’Ka bié an va, yé ’ka tɔné dɔ. É sia a pélisia bléyi va, maa ’ka we do kpen fe lɛ kyeen gi lo, We ’konu pélisiana, ’té maa ana. Yé sin, Mizan Gakelebale é maa valé é Léli nwunvɔ.

Ézai 53:11

É dan élé nyanéblele ma tɔnɔ ye lɛ yé ’bɛ é dan a fan lɛ ginanale nya; Alé wedɔɔle nya lé an wuozan tegele é dan mi kiɛre kɛlɛ lɛ tegele, Yé é dan wolé weplenu kɔné si lɛ.

Ézai 61:1

Mizan Gakelebale Léli a an ta, Naa, Gakelebale an suu nyɔnɔ nya, anlé wenéné fele we tɔntɔn?-?bɔmazannu lɛ we ma. É an pa zia, munu lé blikyɛdɔwe blɛn bɔ wo ma, wo bélile we ma; A fele luugimunu valé bokɔngimunu lɛ léé, Wo vo woboma.

Jérémi 10:10

Naa, Gakelebale a Bale nya webozen nya; É a Bale yuɛmale valé minwiinzan lé, éé voo ana lɛɛfaama, ’Té a glɛ ’ka dɔa lo, a nya. Tɛrɛ ma éé nyɔɔn‐an alé bliflile we ma, Yé bɛnnu ’ka dɔa a wɛwɛ wuo lo.

OZÉ (Osée) 6:3

’Ko Gakelebale dɔɔ ma, ’ko kwa kuli léé, ’ko a dɔɔ ma; za ’ka a dale ta lo, bélé tu kinile zo. É dan da lɛ kolé we ma bélé lɛɛ zo, bélé lɛɛ vinin lé éé tɛrɛ ta blin‐an, a zo.

Maak 9:37

Dé miomian né kiéné ’ko zo sié anlé we ma, ’té éé maabozen sié é ziin, yé mian éé maa sié, maa‐an é an si lo, naa, mi lé é an pa zia, ’té ’bɛzan lé é a si.

WENÉNÉ LÉ LUK A GYE (Évangile selon Luc) 9:48

Dé miomian éé né kiéné ’ko sié anlé we ma, ’té éé maabozen sié é ziin; yé mian éé an sié, mi lé é an pa zia éé ’bɛzan sié. Naa, mian é ke kiiéné ka faa méléna, yee ɛ ke mi blɛn nya.

WENÉNÉ LE JAN A GYE (Évangile selon Jean) 10:36

maa lé Kazambale an pa é yɛrama yé é an pa zia tɛrɛlamunu va, dé maa a fe léé, Bale Be lé ke an nya, yé ka léé, an Bale sɔnɔɔ?

WENÉNÉ LE JAN A GYE (Évangile selon Jean) 11:42

Dé é a maa nya, maa a gi dɔɔ léé, i an dére nyi sié yifaama, naa, maa a fe, munu lé wo zén an zi ’ko, wolé we ma, yé ’wo dɔ a ta léé, bii ɛ an pa zia.

WENÉNÉ LE JAN A GYE (Évangile selon Jean) 14:26

Naa, tɔrɔpaazan lé é ke Léli Sauun nya, ’té Ti é dan a pa lɛ zia an tɔ gi bɛ, é dan we faa paa lɛ ka gi, yé we faa lé maa a fe ka lɛ, é dan wo sele dɔ lɛ ka gi.

WENÉNÉ LE JAN A GYE (Évangile selon Jean) 17:18

Fɛan zo lé i an pa zia tɛrɛ la, a zo duo lé maa wo pa zia tɛrɛ la é ziin.

WENÉNÉ LE JAN A GYE (Évangile selon Jean) 17:21

wo kɛlɛle mi do nya we ma, bélé Bii an Ti, i a an gi yé maa a i gi fɛan zo, wo é ziin yé wo ’é kɛlɛ mi do nya a zo ko gi, yé tɛrɛlamunu a gi dɔɔ léé, bii ɛ an pa zia.

WENÉNÉ LE JAN A GYE (Évangile selon Jean) 17:23

’té maa a wo gi, ’té bii a an gi, wo kɛlɛle tegele mi do nya we gi, yé tɛrɛlamunu a gi dɔɔ léé, bii ɛ an pa zia yé wa dɔɔ é ziin léé, wo sɔ i lɛ, bélé an sɔ i lɛ fɛan zo a zo.

WENÉNÉ LE JAN A GYE (Évangile selon Jean) 17:25

An Ti tegele, tɛrɛlamunu ’ka i dɔɔa lo, naa, maa i dɔɔ, yé an vamunu ’ko a gi dɔɔ léé, bii ɛ an pa zia.

WENÉNÉ LE JAN A GYE (Évangile selon Jean) 17:8

yé dérenu lé bé pa an ’léé, maa a fe wo lɛ yé wa nyi si yé wa gi dɔɔ webozen nya léé, i va lé maa si, yé wo dɔ a ta léé, bii ɛ an pa zia.

WENÉNÉ LE JAN A GYE (Évangile selon Jean) 3:17

Kazambale ’ka é Be pa lɛ zia léé, ’é da tɛrɛlamunu lé we ble lo, naa, é a pa zia léé, ’é tɛrɛlamunu si we gi.

WENÉNÉ LE JAN A GYE (Évangile selon Jean) 3:34

Naa, Kazambale ’ka ’é Léli nɔle glɛ dɔ lɛ a lɛ lo; bɛwemalé, mi lé Kazambale a pa zia, Kazambale dérenu lé éé a fé.

WENÉNÉ LE JAN A GYE (Évangile selon Jean) 5:44

Ka a ka ke tɔ bɔna, yé Kazambale lé ’bɛ ke Bale nya é do kpen, ka ’ka a va léé, ’bɛ é ’wo tɔ bɔ lo; ka bɔa ka bli vole lɛ an lɛ kaa?

WENÉNÉ LE JAN A GYE (Évangile selon Jean) 6:57

Fɛan zo lé an Ti lé é ke é yuɛma é an pa zia, yé an voo é yuɛma alé we ma, a zo duo lé mian éé an blé é dan vo lɛ é yuɛma anlé we ma.

WENÉNÉ LE JAN A GYE (Évangile selon Jean) 7:29

Naa, maa a dɔɔ; a va lé an si, yé yee ɛ an pa zia.

WENÉNÉ LE JAN A GYE (Évangile selon Jean) 8:19

Yé wo lé a lɛ léé: I Ti a kyɛɛn? Jézu lé wo lɛ léé: Ka ’ka an dɔɔa lo, yé ka ’ka an Ti dɔɔa lo. Dé é a lé ka an dɔɔ, ’té ka an Ti dɔɔ é ziin.

1 Korent munu 15:34

Té ka vo ka tanyila lo. ’Ka kɛlɛ tegele; té ka wenyané kɛlɛ lo. Mi kenu ’ka Kazambale dɔɔa lo. Maa fe ka lɛ, yaragyɛwe lé.

1 Korent munu 8:4

Yobanwi blele lé we a ’ko zo: ko a gi dɔɔ léé, miyili ’ka we do nya tɛrɛ la lo, yé Bale a do kpen.

2 Korɛnt Munu 4:6

Kazambale lé é a fe léé: San ’é bi gunutinu va ma, yee Bale duo lé, ’élé san bi ko bli gi yé é ko va kini, yé Bale lé fuasan lé ko yé Krist yara, é ko bɔn‐in dɔ ko ma yé mi bɛnu a gi dɔɔ ko ma.

Filip munu 3:10

Maa a a va léé, maa Krist dɔɔ, yé plɛplɛ lé é Krist nwa gale va koo, nanale a va alé nyanéblelenu gi koo, maa a wo va. É sɔ an lɛ léé, an ga, bélé fɛan zo lé é ga, a zo,

Filip munu 3:8

Anzan Jézu Krist dɔɔle bozen lé we ma lé an fɛnu faa yé boafɛnu nya. É sɔ an lɛ léé, ’an Krist ye anzé nya yé an kɛlɛ a gi, aléwemalé an bli si fɛnu faa lɛ yé wa an yuɛ gi bélé bli zo.

1 Tɛsalɔnik munu 1:9

’Bɛna munu a ka tawe fena léé, ko go ka va yé ka ko si é zima yé ka nɔla Kazambale va yé ka sɔn vɔ miyilinu ma, Bale yuɛmale lé é ke Bale bozen nya, a bɔle we gi.

2 Tɛsalɔnik munu 1:8

É dan da lɛ kyɛnɛnɛ méléna, munu lé wo ’ka Kazambale dɔɔa lo, é valé munu lé wo ’ka Kaazan Jézu lé Wenéné lɛdɔama lo, we lɛdɔle wo gi we ma.

Ébrunu 3:1

Bɛwemalé, ka lé ka ke an bwenu nya Kazambale va, ’té é ka laa la gi bɛ, ’ka bɔn‐in bɔrɔ Jézu ma do. Bale a pa zia léé, kaalé blipale mawe lé kaa fé, ’é kɛlɛ a gi nwunvɔzan valé Balebanmunu ’lɛzan nya.

2 Piɛri 1:2

Zin valé vole drɔɔ gi ’é gyɛ ka ta Kazambale valé Kaazan Jézu dɔɔle nya ma.

2 Piɛri 1:3

Fɛnu faa lé wo bɔa kaa va kaalé tɛrɛla valé Bale lé zi ta tawole gi, Bale lé plɛplɛ ɛ wo nɔ kaa lɛ blɛ nya, yé yee Bale lé plɛplɛ lé we ma lé, mi lé é kaa laa ébo lé fua tɔbɔle valé élé wezin nya, yé kaa a dɔɔ.

2 Piɛri 1:8

Naa, dé we ’konu a ka bli gi yé wo fan ana, ka ’ka kɛla boazannu valé mimagalenu nya Kaazan Jézu Krist dɔɔle gi lo.

1 Jan 1:2

wo yee bélile nagɔɔn ko lɛ, yé ko a ye yé ko kɛlɛ a nayezannu nya, yé yee bélile lé a glɛ ’ka lo, é a Ti va yé é a nagɔɔn ko lɛ, yé yee lé ko ke a fena ka lɛ.

1 Jan 1:3

Yee lé ko a ye yé ko a ’ma, ko a yee ɛ fena ka lɛ, kaa kɛlɛle do we ma. Naa, ko a é kɛlɛle do kaa Ti valé é Be Jézu Kristnu nya.

1 Jan 2:23

Dé mian éé a fé léé, Jézu ’ka Bale Be nya lo, ’té Bale ’ka ’bɛzan Ti nya lo; mi lé é a fe léé, Jézu a Bale Be nya, ’té Bale a ’bɛzan Ti nya é ziin.

1 Jan 4:6

Kaa a Kazambale zé nya. Mian é Kazambale dɔɔ éé tɔné dɔa kaa lɛ. Mi lé é ’ka Kazambale zé nya lo, é ’ka é tɔné dɔa kaa lɛ lo. ’Bɛ nya lé kaa wezen léli dɔɔ, yé kaa vié léli dɔɔ.

1 Jan 5:20

Kaa a gi dɔɔ é ziin léé, Kazambale Be da yé é kaa bɔn‐in kini kaa ma, Bale lé ke webozen nya, a dɔɔle we gi; yé kaa a Kazambale Be Jézu Krist gi, bɛwemalé kaa a Kazambale bozen gi. Jézu ɛ ke Bale bozen nya, é valé vole é yuɛma lé a glɛ ’ka lo, a nya.