WENÉNÉ LE JAN A GYE (Évangile selon Jean) 17:24 - Kazambale lé Sebe Sauunu 1979

²⁴ An Ti, é sɔ an lɛ léé, fɛana lé an ke, munu lé i wo nɔ an lɛ, ’wo kɛlɛ an va ana, anlé fua tɔbɔle lé bé nɔ an lɛ, wolé a yele we ma. An sɔ i lɛ tɛrɛ bɔrale ’lɛ, ’bɛ lé we ma.

WENÉNÉ LE JAN A GYE (Évangile selon Jean) 17:24 ပူးပေါင်းရင်းမြစ်များ

Wepélisiananu 45:13

Fua faa lé maa a ble Éjipiti tɛrɛ la koo, wenu faa lé ka ye ka yuɛ nya koo, ’ka wo zuo fe an ti lɛ. Yé ’ka da an ti nya é kele.

Matio 25:21

Azan lé a lɛ léé: An wuozan zima, yarapawelazan, ’bɛ a é zima. I kɛlɛ yarapawelazan nya we kiéné ’ko gi, amalé maa dan fɛ kiɛre bɛ pa lɛ i lee; ’i da, ’i nyana an va, yé ko gi ’é nana ékeva.

Matio 25:23

Azan lé a lɛ léé: An wuozan zima, yarapawelazan, ’bɛ a é zima. I kɛlɛ yarapawelazan nya we kiéné ’ko gi, amalé maa dan fɛ kiɛre bɛ pa lɛ i lee; ’i da, ’i nyana an va, yé ko gi ’é nana ékeva.

Matio 25:34

Yé maa minwiinzan ’é dan a fe lɛ an bɛyilazannu lɛ léé: Ka lé an Ti ka drɔɔ vo, ’ka da; tɔnɔtɛrɛ lé é a kɛlɛ kazé nya tɛrɛ pélisia bléyi va, ’ka nyana ana.

Matio 26:29

Maa lé ka lɛ léé, é sia yi ’ko ma, maa ’ka dan dɔrɔyi ’ko mini lɛ é ziin lo, fɔɔ ’té kaa kee é wo an Ti va, yé maa a bɛ mini ka va.

WENÉNÉ LÉ LUK A GYE (Évangile selon Luc) 12:37

Wuomunu lé wozan é dan bɔ lɛ wo ma é yuɛma, wozé é dan kɛlɛ lɛ é zima. Maa lé ka lɛ webozen nya léé, wozan é dan sɔ vɔ lɛ é tɛrɛla, yé é dan wo nyana lɛ tablé zi, yé é dan fɛ nɔ lɛ wo lɛ.

WENÉNÉ LÉ LUK A GYE (Évangile selon Luc) 23:43

Yé Jézu lé a lɛ léé: Kyɔ, i dan kɛlɛ lɛ an va paradi webozen nya. Maa fe i lɛ.

WENÉNÉ LE JAN A GYE (Évangile selon Jean) 1:14

Yé Dére kinin mi nya, yé é nyana ko va; ’té zin valé webozen saa ɛ ke a gi; yé ko alé fuasan nagini, mi lé é ke é Ti Be wɔlɛ do kpen lé, a zoɛ bɛ ’ka lo, a nya, ’té é si é Ti va, yee ɛ lé fuasan lé ko a nagini.

WENÉNÉ LE JAN A GYE (Évangile selon Jean) 12:26

Dé é sɔ mian lɛ léé, é anlé nyanama pa, ’é da an zuo ma; yé fɛana lé an ke, ana lé anlé nyanamapazan é dan kɛlɛ lɛ é ziin. Mian éé anlé nyanama paan, an Ti é dan ’bɛzan tɔ kɛlɛ lɛ blɛn.

WENÉNÉ LE JAN A GYE (Évangile selon Jean) 14:3

Yé dé maa go, dé maa ka nyanana ma’lɛrɛ faa, maa dan da lɛ é ziin, yé maa dan ka sia lɛ yé maa go ka nya, yé fɛana lé an ke, yé ka kɛlɛ ana é ziin.

WENÉNÉ LE JAN A GYE (Évangile selon Jean) 15:9

Fɛan zo lé an sɔ an Ti lɛ, a zo duo lé ka sɔ an lɛ. ’Ka vo anlé sɔlɛle gi.

WENÉNÉ LE JAN A GYE (Évangile selon Jean) 17:2

fɛan zo lé bé se kɛlɛ an lɛ léé, an pla mi faa nwiin, munu lé i wo nɔ an lɛ, vole é yuɛma lé a glɛ ’ka lo, anlé a nɔle wo lɛ we ma.

WENÉNÉ LE JAN A GYE (Évangile selon Jean) 17:22

Fua tɔbɔle lé bé nɔ an lɛ, maa a nɔ wo lɛ, wo kɛlɛle mi do nya we ma, bélé fɛan zo lé maa valé bii ke mi do nya, a zo,

WENÉNÉ LE JAN A GYE (Évangile selon Jean) 17:5

Yé sin, bii an Ti, ’i an tɔ kɛlɛ blɛn ibozen va, fua lé é ke an lee é kyɛn i va, ’té tɛrɛ ’ka tan lo, a nya.

WENÉNÉ LE JAN A GYE (Évangile selon Jean) 6:37

Munu faa lé an Ti éé wo no an lɛ, wo dan da lɛ an va, yé mi lé é da an va, an ’ka dan sɔn vɔ lɛ a ma monomono lo.

WENÉNÉ LE JAN A GYE (Évangile selon Jean) 6:39

Yé mi lé é an pa zia, alé blibɔmawe lé é ke léé, munu faa lé é wo nɔ an lɛ, té wo va mi do kpen é san an lee lo, naa, ’maa wo nwa gamunu va yi voélazan nya.

WENÉNÉ LE JAN A GYE (Évangile selon Jean) 8:58

Jézu lé wo lɛ léé: Maa fe ka lɛ kyɔ webozen nya, bléyian va lé Abraam ’ka lo, ’té maa ana.

1 Korent munu 13:12

Kyɔ, kaa wenu yé é vɔɔle bélé fɛan zo lé wa vlinvlin gi, a zo, naa, dé a bléyi bɔ, kaa dan wo ye lɛ wéiin kaa ke yara. Kyɔ, maa we kenu dɔɔ, naa, ’bɛ bléyi va maa dan we dɔɔ lɛ bélé fɛan zo lé wo an dɔɔ, a zo.

2 Korɛnt Munu 3:18

Yé sɔné ’ka ko yara lo amalé ko Mizan lé fuasan yé tegele bélé fɛan zo lé mi é ’é yara yé vlinvlin gi, a zo. ’Bɛ zo lé, Mizan Léli éé goo ko dɔbɛ nɔlale nya, ’té éé kolé fuasan taa paan, fɔɔ yé kolé fuasan é kɛlɛ bélé Mizan zé zo.

2 Korɛnt Munu 4:6

Kazambale lé é a fe léé: San ’é bi gunutinu va ma, yee Bale duo lé, ’élé san bi ko bli gi yé é ko va kini, yé Bale lé fuasan lé ko yé Krist yara, é ko bɔn‐in dɔ ko ma yé mi bɛnu a gi dɔɔ ko ma.

2 Korɛnt Munu 5:8

Ko fuu a ko ta yé é sɔ ko lɛ léé, ko si kɔlɛ ’ko gi yé ko go Mizan va.

Filip munu 1:23

An bli a bɛ fié la. É sɔ an lɛ léé, ’an go yé an kɛlɛ Krist va. ’Bɛ fila vɔ é baba.

1 Tɛsalɔnik munu 4:17

’Bɛ zuo yé ko mi yuɛmalenu lé, ko vo ’ko, wo dan ko faa sia lɛ ékeva wo nya latinu ta, keele we gi Mizan nya la worona. A zo lé ko dan vo lɛ yifaama Mizan va.

1 Piɛri 1:21

Yee ɛ ma lé é ziin ka bli vo Kazambale lé, ’bɛ a si gale va yé ’bɛ fua nɔ a lɛ bɛ, ’bɛ lɛ, ka pale Kazambale ta valé ka bli vole Kazambale lɛ we gi.

1 Jan 3:2

Ka lé ka sɔ an lɛ, kaa a lao Kazambale lé nénu nya. Kaa dan kinin lɛ fɛan nya, wo ’ka tan ’bɛ gɔɔn lɛ kaa lɛ lo. Naa, kaa gi dɔɔ léé, dé wo ’bɛ gɔɔn kaa lɛ bléyian va, kaa dan kɛlɛ lɛ bélé Jézu bozen zo; fɛan zo lé Jézu ke, a zo duo lé kaa dan a ye lɛ, azama.

Wegɔɔnle 21:22

Maa ’ka Balekɔn ye lɛ fla lo, naa, Mizambale, Plɛplɛfaazan valé ’Blané ɛ ke Balekɔn nya.

Wegɔɔnle 3:21

Mian we ’ko ’wuo vo a lɛ, ko dan nyana lɛ a nya anlé webleblin ta, bélé fɛan zo lé a ’wuo vo an lɛ yé an Ti an nyana ’é va élé webleblin ta, a zo.