WENÉNÉ LE JAN A GYE (Évangile selon Jean) 17:21 - Kazambale lé Sebe Sauunu 1979

²¹ wo kɛlɛle mi do nya we ma, bélé Bii an Ti, i a an gi yé maa a i gi fɛan zo, wo é ziin yé wo ’é kɛlɛ mi do nya a zo ko gi, yé tɛrɛlamunu a gi dɔɔ léé, bii ɛ an pa zia.

WENÉNÉ LE JAN A GYE (Évangile selon Jean) 17:21 ပူးပေါင်းရင်းမြစ်များ

Jérémi 32:39

Maa dan bli do vɔ lɛ wo gi, yé maa dan zi do gɔɔn lɛ wo lɛ, léé, ’wo kana an lee yifaama, wo valé wolé nénu lé we zin yele we ma.

Sofoni 3:9

Yé maa dan dére tegelenu nɔ lɛ migɔnɔnu lɛ, léé, wo faa é Gakelebale tɔ laa, a bɔle bli do nya we ma.

Zakari 14:9

Gakelebale é dan kɛlɛ lɛ tɛrɛ faa nwiinzan blɛn nya. ’Bɛ yi la Gakelebale do kpen é dan kɛlɛ lɛ Gakelebale nya, yé yee do kpen tɔ é dan vo lɛ.

Maak 3:24

Dé tɛrɛ do la munu a é kinile ékema, ’té tɛrɛ ’ko lé we ’ka bɔa mɔnle lɛ lo,

WENÉNÉ LE JAN A GYE (Évangile selon Jean) 10:16

’Bla bɛnu a é ziin anzé nya, ’té wo ’ka gɔrɔ ’ko gi ’blanu nya lo. ’Bɛnu é ziin, é a lé an da wo nya; wo dan an dére ’ma lɛ yé wo dan kɛlɛ lɛ trubɛ do kpen nya yé ’blatabinzan é dan kɛlɛ lɛ do kpen.

WENÉNÉ LE JAN A GYE (Évangile selon Jean) 10:30

Maa valé an Ti, ko a do.

WENÉNÉ LE JAN A GYE (Évangile selon Jean) 10:38

Naa, dé maa wo paan, dé ka bli ’ka vo an lɛ lo, ka bli ’é vo yee nyanama ’konu lɛ, kalé a gi dɔɔle valé kalé a yele we gi léé, an Ti a an gi yé maa a an Ti gi.

WENÉNÉ LE JAN A GYE (Évangile selon Jean) 11:42

Dé é a maa nya, maa a gi dɔɔ léé, i an dére nyi sié yifaama, naa, maa a fe, munu lé wo zén an zi ’ko, wolé we ma, yé ’wo dɔ a ta léé, bii ɛ an pa zia.

WENÉNÉ LE JAN A GYE (Évangile selon Jean) 13:32

Dé Kazambale tɔ kɛlɛ an gi blɛn, Kazambale é dan an tɔ kɛlɛ lɛ blɛn ébozen gi é ziin, yé é dan a kɛlɛ lɛ blɛn é kele.

WENÉNÉ LE JAN A GYE (Évangile selon Jean) 13:35

Dé ka sɔ ka ke lɛ, ’bɛ lé we ma lé mi faa é dan a gi dɔɔ lɛ léé, ka a an zuomunu nya.

WENÉNÉ LE JAN A GYE (Évangile selon Jean) 17:11

Maa ’ka tɛrɛlamunu méléna é dɛrɛ lo; naa, wa tɛrɛlamunu méléna yé maa a gona i va. An Ti sauun, munu lé i wo nɔ an lɛ, ’i yuɛ pa wo va i tɔ nya, wo kɛlɛle mi do nya ko zo lé we ma.

WENÉNÉ LE JAN A GYE (Évangile selon Jean) 17:18

Fɛan zo lé i an pa zia tɛrɛ la, a zo duo lé maa wo pa zia tɛrɛ la é ziin.

WENÉNÉ LE JAN A GYE (Évangile selon Jean) 17:20

Maa ’ka bazorona wo saa tɔ ma lo, naa, munu lé ’bɛnu bli é dan vo lɛ an lɛ wo dére lé we ma bɛ, maa a bazorona ’bɛnu tɔ ma é ziin,

WENÉNÉ LE JAN A GYE (Évangile selon Jean) 17:25

An Ti tegele, tɛrɛlamunu ’ka i dɔɔa lo, naa, maa i dɔɔ, yé an vamunu ’ko a gi dɔɔ léé, bii ɛ an pa zia.

WENÉNÉ LE JAN A GYE (Évangile selon Jean) 17:3

Bii lé i ke Bale nya i do kpen, dé mi i dɔɔ, yé maa Jézu Krist lé i an pa zia, dé mi an dɔɔ, yee ɛ ke vole é yuɛma lé a glɛ ’ka lo, a nya.

WENÉNÉ LE JAN A GYE (Évangile selon Jean) 17:8

yé dérenu lé bé pa an ’léé, maa a fe wo lɛ yé wa nyi si yé wa gi dɔɔ webozen nya léé, i va lé maa si, yé wo dɔ a ta léé, bii ɛ an pa zia.

WENÉNÉ LE JAN A GYE (Évangile selon Jean) 3:17

Kazambale ’ka é Be pa lɛ zia léé, ’é da tɛrɛlamunu lé we ble lo, naa, é a pa zia léé, ’é tɛrɛlamunu si we gi.

WENÉNÉ LE JAN A GYE (Évangile selon Jean) 5:23

léé, fɛan zo lé woo an Ti tɔ bɔa, wo maa, a Be, tɔ bɔ a zo. Mi lé é ’ka maa Bale Be tɔ bɔa lo, an Ti lé é an pa zia, é ’ka ’bɛ tɔ bɔa lo.

Kelewenu 2:46

Wa yi faa do do ma é nanale ékeva Balebangikɔn gi, ’té woo Taboyi lé buru blé kɔnnu gi, ’té woo fɛ blé gi nanale valé bli do nya.

Kelewenu 4:32

Mi gu lé wo bli ke Jézu lɛ, wo bli valé wo gibɔrɔle a do. Wo va mi do ’ka a fé léé, ézé fɛ ɛ ke ’ko lo, naa, wolé fɛnu faa vo ékeva.

Rom munu 12:5

a zo duo lé kaa lé, kaa ke kiɛre, kaa a kɔlɛ do nya Krist gi, kɔlɛvafɛnu nya ékeva.

1 Korent munu 1:10

Bwenu, maa we plaan ka lɛ Kaazan Jézu Krist tɔ gi, ka dére ’é kɛlɛ do. Té ka gɔnɔ kini monomono lo, naa, ka faa ’é vo ékeva tegele bli do valé gibɔrɔle do nya.

1 Korent munu 12:12

Mi kɔlɛ a do, yé a vafɛnu a di. Mi kɔlɛvafɛnu a dioo, naa, wo faa a kɔlɛ do kpen nya. A zo duo lé Krist zé ke.

1 Korent munu 6:17

Naa, dé mian wo kɛlɛ do Mizan nya, wo fiénu a léli do nya.

Galasi munu 3:28

Juifi mi valé Grɛki mi ’ka é dɛrɛ lo; luu valé migɔné ’ka é dɛrɛ lo; gɔné valé le ’ka é dɛrɛ lo, naa, ka faa a mi do nya Jézu Krist gi.

Filip munu 1:27

Naa, munu lé wo bli ke Krist lé Wenéné lɛ, é a lé wo tawo fɛan zo bɛ, ’ka tawo ’bɛ zo léé, dé an da ka vaoo, dé an ’ka da lɛ ka va looo, yé maa ka tawe ’ma léé, ka a é dɔle gligli bli do nya, ’té blipale lé éé sié Wenéné va bɛ, ’té ka a ta guli daan bli do nya,

1 Jan 1:3

Yee lé ko a ye yé ko a ’ma, ko a yee ɛ fena ka lɛ, kaa kɛlɛle do we ma. Naa, ko a é kɛlɛle do kaa Ti valé é Be Jézu Kristnu nya.

1 Jan 5:7

Mi yaa a mawe fé la gi: Ti koo, Dére koo, Léli Sauun koo, woo lé, yé woo mi yaa ’ko wa do.