WENÉNÉ LE JAN A GYE (Évangile selon Jean) 17:13 - Kazambale lé Sebe Sauunu 1979

¹³ Yé sin, maa a gona i va, yé maa we ’konu fé tɛrɛ la, léé, an gi boen a é nanale tegele fɛan zo yé wo gi é nana a zo.

WENÉNÉ LE JAN A GYE (Évangile selon Jean) 17:13 ပူးပေါင်းရင်းမြစ်များ

Néémi 8:10

Yé wo lé wo lɛ léé: ’Ka go, ’ka wi nyɔnɔzannu ble yé ’ka dɔrɔ néné mini; yé munu lé wo ’ka fɛ do kpen kɛlɛ lɛ ’wozé nya lo, ’ka wozé pa zia, naa, yi ’ko a Kozan lé yi nyané nya; té ka kle pa kabo ta lo, naa, Gakelebale lé ginanale ɛ ke kalé plɛplɛ nya.

Lɛrɛvɔ Sɛbɛ 126:5

Munuan woo fɛ vɔa yuɛyi sole nya Wo dan fɛ gyɛ lɛ ginanalɛrɛ vɔle nya.

Lɛrɛvɔ Sɛbɛ 43:4

An dan go lɛ Bale banna vazia, Bale lé éé an gi nanaan, ginanale lé éé giéan é glɛ la, a nya, a banna vazia. Baleoo, Bale, anlé Bale, maa dan i tɔ nwa lɛ kɔnɔ gyɛle nya.

WENÉNÉ LE JAN A GYE (Évangile selon Jean) 13:3

Yé Jézu a gi dɔɔ léé, é Ti fɛ faa bɛ pa é lee; é a gi dɔɔ léé, é si Kazambale va yé é dan go lɛ Kazambale va é ziin.

WENÉNÉ LE JAN A GYE (Évangile selon Jean) 15:11

Maa we ’konu fe ka lɛ anlé gi nanale kɛlɛle ka gi we ma, ’é valé ka gi nanale tegelee we ma.

WENÉNÉ LE JAN A GYE (Évangile selon Jean) 16:33

Maa we ’konu fe ka lɛ ka vole drɔɔ an gi we ma. Ka dan nyané ble lɛ tɛrɛ la, naa, ’ka bli ta dɔ plɛplɛ; maa tɛrɛla kele.

WENÉNÉ LE JAN A GYE (Évangile selon Jean) 17:11

Maa ’ka tɛrɛlamunu méléna é dɛrɛ lo; naa, wa tɛrɛlamunu méléna yé maa a gona i va. An Ti sauun, munu lé i wo nɔ an lɛ, ’i yuɛ pa wo va i tɔ nya, wo kɛlɛle mi do nya ko zo lé we ma.

WENÉNÉ LE JAN A GYE (Évangile selon Jean) 3:29

Mi lé le dɛrɛ ke a lee, yee ɛ ke lesizan nya; naa, lesizan béé lé, ’bɛ ke é dɔle ana, ’té ’bɛ éé tɔné dɔa lesizan dére lɛ bɛ, ’bɛ gi éé nanaan lesizan dére lé we ma; yé é ziin, gi nanale ’ko lé é ke anzé nya, ’bɛ lɛ a é sɔɔle.

WENÉNÉ LE JAN A GYE (Évangile selon Jean) 7:33

Jézu léé: Maa dan vo lɛ ka va bléyi sɛ nya é ziin; ’bɛ zuo, yé maa dan go lɛ, mi lé é an pa zia, a va.

Kelewenu 13:52

Naa, Léli Sauun Jézu zuomunu kun, ’té wo gi éé nanaan saawo.

Rom munu 14:17

Naa, Kazambale plale mi nwiin ’ka fɛblele valé fɛminile lé we nya lo; naa, kɛlɛle tegele koo, vole drɔɔ koo, gi nanale koo, wo nya lé é ke Léli Sauun gi.

Galasi munu 5:22

Naa, wenu lé woo sié Kazambale Léli va, wo lé ke ’ko: sɔlɛle koo, ginanale koo, vole drɔɔ koo, bli tiéé koo, wezin kɛlɛle koo, bli zin koo, yarapale we la koo,

Ébrunu 12:2

’té kaa yuɛ a Jézu lɛ téiin, yee ɛ ke kaalé blipale ti valé a lɛsɔɔzan nya. Ginanale lé ke a ’lɛ mi bɛ, a yele we ma lé é nyané ble yiliblan ta, yé é yaragyɛwe ye we pla nya, yé é nyana Kazambale lé fuablin bɛyilazia.

1 Jan 1:4

Yé ko a we ’konu gyɛna kaa gi nanale tegele we ma.

2 Jan 1:12

É sɔ an lɛ léé, maa we kiɛre fe ka lɛ, naa, é ’ka sɔ lɛ an lɛ léé, maa wo gyɛ sɛbɛ ta nankréyi nya lo. An bli a a lɛ léé, maa go ka va, yé kaa we fe kaa ke yara, kaa ginanale ékeva tegele we ma.