WENÉNÉ LE JAN A GYE (Évangile selon Jean) 17:11 - Kazambale lé Sebe Sauunu 1979

¹¹ Maa ’ka tɛrɛlamunu méléna é dɛrɛ lo; naa, wa tɛrɛlamunu méléna yé maa a gona i va. An Ti sauun, munu lé i wo nɔ an lɛ, ’i yuɛ pa wo va i tɔ nya, wo kɛlɛle mi do nya ko zo lé we ma.

WENÉNÉ LE JAN A GYE (Évangile selon Jean) 17:11 ပူးပေါင်းရင်းမြစ်များ

Lɛrɛvɔ Sɛbɛ 79:9

Ko Siéwegizan Bale, ’i bɔ ko va, i tɔ kɛlɛle blɛn lé we ma. ’I ko si munu lee yé ’i ko ma we vo kolé wenyanénu ma, i tɔ lé we ma.

Wegɔnévɔlenu 18:10

Gakelebale tɔ a bélé flagɔrɔ nwiin kɔn torole zo, mi tegele éé yɔɔan ana ’té a ta béli a é dɔle.

Ézai 27:3

Maa, Gakelebale, maa ɛ ke a tabinzan nya. An ’yi zén‐é a ta bléyi faa va, an yuɛ paan a va é yiéyi valé é béli, dé wo da a sɛrɛ.

Ézai 64:2

Gyɛzorowenu lé ko ’ka wo lɛbɛnna lo, dé i wo kɛlɛ, dé i zun, gɔnu ma nyɔɔn i ’lɛ.

Jérémi 14:21

I tɔ lé we ma, té i nyé yéli ko ma lo; Té i tɛrɛ zén ilé webleblin tɔ ta lo. Gipawe lé kaa kɛlɛ bɛ, té i gi é san a ma lo, té bé sɛrɛ lo.

Jérémi 14:7

Dé kolé weplenu éé kɛla ko ma kolé wenayezan nyaoo, Gakelebale ’i we kɛlɛ i tɔ lé we ma; Naa, ko yuɛ gi blan namɔn, Ko wenyané kɛlɛ i ma.

Ézékiɛl 20:22

Naa, duowo, an bɛ si wo ma, yé an we kɛlɛ an tɔ lé we ma léé, bɛnnu lé maa wo si Éjipiti tɛrɛ la ’bɛnu yuɛ va bɛ, té an tɔ é sɛrɛ ’bɛnu va lo.

Ézékiɛl 20:44

Oo Izraɛl munu, an ’ka dan we kɛlɛ lɛ ka giébɛ naané valé ka kɛlɛwe vɔnlenu lé we ma lo, an dan we kɛlɛ lɛ ka lɛ an tɔ lé we ma, ’bɛna lé ka dan a gi dɔɔ lɛ léé, maa ɛ ke Gakelebale nya. A zo lé maa, Mizan Gakelebale a fe.

Ézékiɛl 20:9

Naa, duowo, maa we kɛlɛ an tɔ lé we ma, léé, bɛnnu lé Izraɛlnu ke é nyanale wo méléna bɛ, ’té maa wo si Éjipiti tɛrɛ la ’bɛnu yuɛ va anbo nagɔɔnle nya wo lɛ bɛ, té an tɔ é sɛrɛ ’bɛnu va lo.

Matio 10:16

Ka ye, maa ka nwunvɔ bélé ’blanu zo glaunu méléna. Amalé ka gi ’é kini bélé méné zo ma, yé ’ka vo drɔɔ bélé plala zo ma.

Matio 5:48

Ka Lagi Ti a fɛan zo, yé gun ’ka a ma lo, a zo lé té gun é vo ka ma lo ma.

Matio 6:9

’Ka bazoro ’ko zo: Ko Ti lé é ke la gi, munu ’é kana i tɔ ma ma;

WENÉNÉ LE JAN A GYE (Évangile selon Jean) 13:1

Taboyi lé fɛti ’lɛ, Jézu a gi dɔɔ léé, a bléyi bɔ yé é dan si lɛ tɛrɛ la yé é go é Ti va. Azé munu lé wo ke tɛrɛ la, wo sɔ a lɛ fɔɔ yé alé tɛrɛla nyaa a zo.

WENÉNÉ LE JAN A GYE (Évangile selon Jean) 13:3

Yé Jézu a gi dɔɔ léé, é Ti fɛ faa bɛ pa é lee; é a gi dɔɔ léé, é si Kazambale va yé é dan go lɛ Kazambale va é ziin.

WENÉNÉ LE JAN A GYE (Évangile selon Jean) 14:20

’Bɛ yi la, ka dan a dɔɔ lɛ léé, maa a an Ti gi, yé ka a an gi, yé maa a ka gi.

WENÉNÉ LE JAN A GYE (Évangile selon Jean) 16:28

An si an Ti va, yé an da tɛrɛ la; sin, maa a sina tɛrɛ la yé maa go an Ti va.

WENÉNÉ LE JAN A GYE (Évangile selon Jean) 16:33

Maa we ’konu fe ka lɛ ka vole drɔɔ an gi we ma. Ka dan nyané ble lɛ tɛrɛ la, naa, ’ka bli ta dɔ plɛplɛ; maa tɛrɛla kele.

WENÉNÉ LE JAN A GYE (Évangile selon Jean) 17:23

’té maa a wo gi, ’té bii a an gi, wo kɛlɛle tegele mi do nya we gi, yé tɛrɛlamunu a gi dɔɔ léé, bii ɛ an pa zia yé wa dɔɔ é ziin léé, wo sɔ i lɛ, bélé an sɔ i lɛ fɛan zo a zo.

WENÉNÉ LE JAN A GYE (Évangile selon Jean) 17:25

An Ti tegele, tɛrɛlamunu ’ka i dɔɔa lo, naa, maa i dɔɔ, yé an vamunu ’ko a gi dɔɔ léé, bii ɛ an pa zia.

WENÉNÉ LE JAN A GYE (Évangile selon Jean) 17:6

Munu lé i wo si tɛrɛlamunu méléna yé i wo nɔ an lɛ, maa i tɔ gɔɔn wo lɛ. Wa izé nya, yé i wo nɔ an lɛ, yé wo tawo i dére ta.

WENÉNÉ LE JAN A GYE (Évangile selon Jean) 7:33

Jézu léé: Maa dan vo lɛ ka va bléyi sɛ nya é ziin; ’bɛ zuo, yé maa dan go lɛ, mi lé é an pa zia, a va.

Kelewenu 3:21

é dan vo lɛ la gi fɔɔ yé a bléyi é bɔ yé fɛnu faa é kɛlɛ ’wo dɔbɛ gi, fɛan zo lé Kazambale a fe é kyɛn élé balelayezannu sauun lɔlu nya, a zo.

Rom munu 12:5

a zo duo lé kaa lé, kaa ke kiɛre, kaa a kɔlɛ do nya Krist gi, kɔlɛvafɛnu nya ékeva.

Rom munu 9:17

Naa, Kazambale lé sɛbɛ lé Faraɔn lɛ léé: Maa i kɛlɛ blɛn, léé, maa anlé plɛplɛ nagɔɔn ilé we gi, yé an tɔ ’é kɛlɛ gyéiin tɛrɛ faa la.

1 Korent munu 1:10

Bwenu, maa we plaan ka lɛ Kaazan Jézu Krist tɔ gi, ka dére ’é kɛlɛ do. Té ka gɔnɔ kini monomono lo, naa, ka faa ’é vo ékeva tegele bli do valé gibɔrɔle do nya.

Galasi munu 3:28

Juifi mi valé Grɛki mi ’ka é dɛrɛ lo; luu valé migɔné ’ka é dɛrɛ lo; gɔné valé le ’ka é dɛrɛ lo, naa, ka faa a mi do nya Jézu Krist gi.

Éfez munu 4:4

Fɛan zo lé Kazambale ka laa yé ka bli kɛlɛ we do kpen lɛ, a zo duo lé kɔlɛ a do kpen, yé Kazambale Léli a do kpen,

Filip munu 2:9

Bɛwemalé Kazambale a nwa é ziin minwiinzan blɛɛn bozen nya, yé tɔ lé é ke é plale tɔ faa nwiin, é a nɔ a lɛ,

Ébrunu 1:3

Bale Be a Bale lé fuasan nya, yé é a Bale bozen nagɔɔnle nya yé a dére plɛplɛ éé fɛ faa kunwo ékema. Dé é nyaa kɛlɛle nya wenyané nyaafɛ nya faa, é nyana fuaneé Bale bɛyila la gi loru.

Ébrunu 9:24

Fɛna sauun lé mi a kɛlɛ fɛ boen zuosonafɛ nya, Krist ’ka wɔra lɛ ’bɛna lo. É wɔra la bozen gi yé ébo dɔ Kazambale yara sin kaalé we gi.

SEBE LÉ JAK A GYE (Épitre de Jacques) 4:4

Ka a bélé le bɛ valé gɔné bɛ ginizannu zo. Ka ’ka a gi dɔɔa léé, tɛrɛla sɔle mi lɛ éé mi kɛla Kazambale nyanézan nya loo? Bɛwemalé, dé mian éé tɛrɛlawe kɛla ’é béé nya, ’té é a ébo kɛlɛna Kazambale nyanézan nya.

1 Piɛri 1:5

Ka bli a Kazambale lɛ amalé alé plɛplɛ éé ka tabin‐é fɔɔ yé ka béliwe lé Kazambale a ma’lɛrɛle nyaa, yé ’é a nagɔɔn bléyi voéla nya.

1 Jan 3:12

Kain lé é ke Satan zé nya yé é é zuané gyɛ, té kaa kɛlɛ bélé yee zo lo. Mɛwemalé é a gyɛɛ? Abozen kɛlɛwenu a é naané, yé a zuané zé a tegele, bɛwemalé é a gyɛ.

1 Jan 5:19

Kaa a gi dɔɔ léé, kaa a Kazambale zé nya, yé tɛrɛlamunu faa a Satan lé plɛplɛ wuo.

SEBE LÉ JUD A GYE (Épitre de Jude) 1:1

’Kaanu lé Tibale ka laa, ’té ka sɔ a lɛ yé é ka tadɔ Jézu Krist zé nya bɛ, maa we ka va. Maa Jud lé an ke Jézu Krist lé luugɔnéné nya, Jak bwe nya, maa ɛ ke sɛbɛ ’ko pana ka lɛ zia.

SEBE LÉ JUD A GYE (Épitre de Jude) 1:24

Bale lé, éé bɔa ’é yuɛ pale lɛ ka va yé ka ’ka saan monomono lo, ’té éé bɔa ka kɛlɛle lɛ sauun yé é da ka nya élé fua tɔbɔle va, ’té ka gi nanale a blɛɛn,

Wegɔɔnle 15:4

Mizan, de ɛ ’ka kanaan i lee loo? De ɛ ’ka i tɔ bɔa loo? Bii do kpen ɛ ke sauun. Ilé weblelenu a é gɔɔnle, amalé bɛnnu faa é dan da lɛ yé wo dia ’wo bli la i ’lɛ.

Wegɔɔnle 19:12

A yuɛnu a bélé kyɛnɛnɛ zo; tɔkoro kiɛre a a ’wuo ma; yé wa tɔ gyɛ, tɔ lé dé é ’ka yeebozen nya lo, mi do kpen ’ka a dɔɔa lo, a nya.

Wegɔɔnle 4:8

Fɛ yuɛmale ziɛn faa do do bɛa a suiɛdo suiɛdo, yé wo zi valé wo gi a é sɔɔlale yuɛnu nya. Yé bladi nyanadi wa fé léé: Mizambale, Plɛplɛfaazan, ’té é ke ana é kyɛn, ’té é ke, ’té é dan bɛ, é a sauun, sauun, sauun, ’té wo ’ka daan a fele ma lo.