WENÉNÉ LE JAN A GYE (Évangile selon Jean) 16:33 - Kazambale lé Sebe Sauunu 1979

³³ Maa we ’konu fe ka lɛ ka vole drɔɔ an gi we ma. Ka dan nyané ble lɛ tɛrɛ la, naa, ’ka bli ta dɔ plɛplɛ; maa tɛrɛla kele.

WENÉNÉ LE JAN A GYE (Évangile selon Jean) 16:33 ပူးပေါင်းရင်းမြစ်များ

Lɛrɛvɔ Sɛbɛ 68:18

Woo Gakelebale lé goronu nɔnɔan baa vu vu ’léé, Baa wuru é wuru ’léé nya; Mizan a wo worona, é si Sinai gɔ nwiin yé é wɔra é nyanana ’lɛzan na.

Misé 5:5

Wo dan pla lɛ Asirinu nwiin wolé gwɔun nya yé wo dan pla lɛ Nimrɔd lé tɛrɛ la flanu nwiin. ’Bɛ zo lé é dan ko si lɛ Asirinu lee, ’té dé wo da kolé tɛrɛ la yé wo wɔra ana gla nya.

Matio 9:2

Yé munu da furuagyɛzan nya a va é yiale yialafɛ ta. Jézu a ye aan wo léé, wo bli a ’é lɛ, yé é lé furuagyɛzan lɛ léé: Anlé né, ’i bli ta dɔ plɛplɛ. Maa i ma we vo ilé wenyanénu ma.

WENÉNÉ LÉ LUK A GYE (Évangile selon Luc) 19:38

yé wo léé: Minwiinzan lé é da Mizambale tɔ gi, a drɔɔ ’é vo ma. Lagi ’é vo drɔɔ, yé fuasan ’é kɛlɛ fɛna loru baa mi.

WENÉNÉ LÉ LUK A GYE (Évangile selon Luc) 2:14

’Wo fua nɔ Kazambale lɛ fɛna loru baa mi, Yé munu lé wo sɔ a lɛ, ’wo vo drɔɔ tɛrɛ la ma.

WENÉNÉ LE JAN A GYE (Évangile selon Jean) 12:31

Sin, tɛrɛlamunu lé weblebléyi bɔ yé wo dan tɛrɛ ’ko nwiinzan vuli lɛ béera.

WENÉNÉ LE JAN A GYE (Évangile selon Jean) 14:1

Té ka we do kpen gibɔrɔ pa lo. ’Ka bli vo Kazambale lɛ yé ’ka bli vo an lɛ é ziin ma.

WENÉNÉ LE JAN A GYE (Évangile selon Jean) 14:27

’Ka vo drɔɔ. Maa anlé vole drɔɔ no ka lɛ. Maa ’ka a no ka lɛ bélé fɛan zo lé tɛrɛlamunu a no ka lɛ, a zo lo. Té ka we do kpen gi bɔrɔ pa lo. Té ka kana monomono lo.

WENÉNÉ LE JAN A GYE (Évangile selon Jean) 16:11

wo tɛrɛ ’ko nwiinzan blɛn lé we ble, bɛwemalé we lé ke weblele nya, é dan wo bɔn‐in kini lɛ ’bɛ lé we ma.

Kelewenu 14:22

Yé wo zuomunu bli ta dɔ plɛplɛ, yé wo we pla wo lɛ léé, ’wo dɔ Bale lé we gi gligli, yé wo léé, é a lé ko wɔra nyané kiɛre blele nya Kazambale lé fuatɛrɛ la.

Kelewenu 23:11

É béli Mizan bɔra Pɔl va, yé é léé: ’I bli ta dɔ plɛplɛ. I anlé we fe Jérusalɛm fɛan zo ’ko, a zo duo lé é a lé bé fe Rom.

Kelewenu 27:22

Sin, an we plaan ka lɛ léé, ’ka bli ta dɔ plɛplɛ; naa, kaa va mi do kpen ’ka dan ga lɛ lo. ’Yitagoro do kpen ɛ dan sɛrɛ lɛ.

Kelewenu 27:25

Bɛwemalé, ’ka bli ta dɔ plɛplɛ. An bli a Kazambale lɛ léé, é a fe an lɛ fɛan zo, é dan a kɛlɛ lɛ a zo.

Kelewenu 9:31

Léglizigimunu a drɔɔ Judé tɛrɛ faa koo, Galilé tɛrɛ koo, Samari tɛrɛ koo, wona. Wa é dɔle plɛplɛ yé wo tawo Mizambale lee kana nya wo gi, yé wo ’léé gi gyɛ Léli Sauun bɔle wo va nya.

2 Korɛnt Munu 1:3

Kaazan Jézu Krist Ti lé é ke é ziin alé Bale nya, a drɔɔ ’é vo ma. É a ko Ti lé a nyanai éé zén‐é ko ta, yé é a Bale lé éé ko tɔrɔ paan, a nya.

2 Korɛnt Munu 13:11

An bwenu, we voéla lé é ke ’ko: ka gi ’é nana ma; ’ka gun faa si ka ma ma; ’ka ka ke tɔrɔ paa; ka gibɔrɔle ’é kɛlɛ do ma; ’ka vo drɔɔ ma yé sɔlɛle valé mi vo drɔɔ Bale é dan kɛlɛ lɛ ka va.

2 Korɛnt Munu 2:14

Kazambale lé éé ko kɛla we faa ’wuovolɛzannu nya Krist gi, yé é ’é dɔɔle gi gyɛ ko nya bélé fɛan zo lé lasikɔrɔ gin néné éé nwɛɛn‐an, a zo, ’wa bɔ vɔ ma.

2 Korɛnt Munu 4:7

Fɛwezan ’ko, é a ko tɛrɛbɔnu gi, léé, munu a gi dɔɔ léé, plɛplɛ boen ’ko éé sié Kazambale va; é ’ka sié ko va lo.

2 Korɛnt Munu 6:4

Ko kle ble, fɛ nyaan ko lee, ko nyané ble, wo ko bla, wo ko vɔ bokɔn gi, flamunu nwa ko ma, ko nyanama pa, ko vo é vuole é béli, ko lɔrɔ sɔn. We ’konu faa gi, ko bli kɛlɛ tiéé é baba yé kobo gɔɔn Kazambale wuomunu nya.

2 Korɛnt Munu 7:4

An bli a ka lɛ é baba; maa anbo ze vɔa ka tɔ gi bɛ faa ma, ka an tɔrɔ paa é baba, dé ko a nyané kiɛre blenaoo, an gi a é nanale, é gié é glɛ la.

Galasi munu 1:4

Naa, Krist ébozen nɔ kaalé wenyanénu ma, kaa sile bléyi nyané ’ko gi we ma. É ébo nɔ kaalé wenyanénu ma kaa Ti Bale lé blibɔmawe nya.

Galasi munu 6:14

Naa, dé é a maa nya, dé é ’ka Kaazan Jézu Krist lé yiliblan lé we nya lo, ’té an ’ka anbo ze vɔa we do kpen gi lo. A nya lé tɛrɛlafɛnu ga yiliblan ta an vazia, bélé fɛan zo lé an ga yiliblan ta tɛrɛlafɛnu vazia, a zo.

Filip munu 4:7

Yé Kazambale lé vole drɔɔ lé, kalé bɔn‐in bɔrɔlenu ’ka sɔa a gi ’male lɛ lo, é dan ka bli valé kalé gibɔrɔlenu tabin lɛ ka kɛlɛle Jézu Krist gi we ma.

Kolɔs munu 1:20

É sɔ Kazambale lɛ é ziin léé, ’yee valé munu faa ’é zén ékeva, yé Jézu nyɛ lé é zana yiliblan ta, yé ’wo nana ’bɛ ta, dé wa tɛrɛ laoo, dé wa lagioo, ’té yee lé.

1 Tɛsalɔnik munu 3:4

Bléyian va lé ko ke ka va, ko we ’ko lɛ kini ka lɛ. Yé ka a gi dɔɔ léé, é bɔ a zo.

1 Tɛsalɔnik munu 3:7

Amalé, bwenu, we lɛrɛlɛrɛnu valé kleblelenu lé wo bɔ ko ma bɛ, kalé blipale ko fuu dɔ ko ta wo faa méléna.

2 Tɛsalɔnik munu 3:16

Mizan, mivodrɔɔzan bozen, ’é ka vo drɔɔ bléyi faa ma, bɛ faa ma. Mizan ’é kɛlɛ ka faa va ma.

2 Timoté 3:12

Naa, munu faa lé é sɔ wo lɛ léé, ’wo tawo Kazambale lé zi ta tegele Jézu Krist gi, munu é dan nyané pa lɛ wo ta.

Ébrunu 11:25

Nyanéblele Kazambale lé munu va sɔ a lɛ é mini wenyané kɛlɛle ma gi nanale ta bléyi sɛ nya.

Ébrunu 7:2

Yee ɛ lɛ lé Abraam fɛ faa vuzan nɔ. A tɔ gi léé, minwiinzan lé éé we tegele kɛla, yé é ziin, é a Salɛm nwiinzan nya, ’bɛ gi léé, minwiinzan lé éé mi voo drɔɔ.

1 Piɛri 5:9

’Ka dɔ a ma plɛplɛ blipale tegele nya; ka a gi dɔɔ léé, nyanénu lé ka ke a blena, ka bwenu lé wo ke é nwɛɛnle tɛrɛ la, wa yee nyané duo ɛ blena.

1 Jan 2:13

Né tinu, mi lé é ke ana tɛrɛ bɔrayi nya, ka a dɔɔ, amalé maa a sɛbɛ ’ko gyɛna ka lɛ. ’Kaa pɛniɛnu, ka Satan kele, amalé maa a sɛbɛ ’ko gyɛna ka lɛ. Anlé né kiénénu, ka Ti dɔɔ, amalé maa sɛbɛ gyɛ ka lɛ.

1 Jan 4:4

’Kaa, anlé né kiénénu, ka a Kazambale zé nya. Yee lé é ke ka gi é a plɛplɛ é mini yee lé é ke tɛrɛ la, a ta, bɛwemalé ka viebalelayemunu kele.

1 Jan 5:4

munu faa lé wo ke Kazambale lé nénu nya, woo tɛrɛlawenu keleé yifaama, bɛwemalé Kazambale lé bélidɔwenu kɛlɛle ’ka wo ma tɔntɔn lo. Fɛ lé éé tɛrɛlawe keleé yé a ’wuo éé voo a lɛ, yee lé ke kaa blivole Jézu lɛ nya.

Wegɔɔnle 12:11

Wa kele ’Blané nyɛ valé wolé wenayedére fele nya, yé wo bli si wobo lɛ léé, ’wo ga.

Wegɔɔnle 3:21

Mian we ’ko ’wuo vo a lɛ, ko dan nyana lɛ a nya anlé webleblin ta, bélé fɛan zo lé a ’wuo vo an lɛ yé an Ti an nyana ’é va élé webleblin ta, a zo.

Wegɔɔnle 7:14

Maa lé a lɛ léé: Anzan, bii ɛ ’bɛ gi dɔɔ. É lé an lɛ léé: Wa munu lé wo si nyané blɛn gi, wo nya; wo ’wolé sɔnu zuru ’Blané nyɛ nya yé wo kɛlɛ fu tata.

Weblezannu 3:2

Izraɛl lé nénu kulunu lé wo ’ka gulidanle lé we dɔɔ lɛ é vinin lo, é sɔ Gakelebale lɛ léé, ’wo gulidanle draan, yé wa gi dɔɔ.