WENÉNÉ LE JAN A GYE (Évangile selon Jean) 16:22 - Kazambale lé Sebe Sauunu 1979

²² Bɛwemalé ka é ziin, ka bli gi kyɛ a sin, naa, maa dan ka ye lɛ é ziin, yé ka gi é dan nana lɛ, yé mi do kpen ’ka dan ka gi nanale si lɛ ka lee lo.

WENÉNÉ LE JAN A GYE (Évangile selon Jean) 16:22 ပူးပေါင်းရင်းမြစ်များ

JOB (Job) 34:29

Dé é flinle nɔ mi lɛ, de ɛ dan gi bɔrɔ pa lɛ ’bɛzan maa? Dé é yara yɔɔ, de ɛ bɔa a yele lɛɛ? Dé é a bɛn do nyaoo, dé é a mi do nyaoo, éé wo faa lé we kɛla tegele

Lɛrɛvɔ Sɛbɛ 146:2

An dan Gakelebale tɔ zin fe lɛ anlé tɛrɛla faa gi, An dan anzé Bale tɔ kɛlɛ lɛ blɛn an yuɛma bléyi faa va.

Lɛrɛvɔ Sɛbɛ 33:21

Naa, alé we ma lé ko gi a é nanale, Naa, ko bli a é vole a tɔ sauun lɛ.

Ézai 25:9

’Bɛ yi la, wo dan a fe lɛ léé: Ka ye, ko pale a kolé Bale ’ko, yee ɛ ta, yee ɛ ko sié we gi; ko pale a Gakelebale ’ko, yee ɛ ta; kaa gi ’é nana ma, ko gi ’é nana alé ko sile we gi we ma.

Jérémi 31:12

Wo dan da lɛ, wo dan siaa lɛ ginanale nya Siɔn gɔ nwiin; Wo dan vlanburu lɛ Gakelebale lé fɛ zinnu zuo, ’Sa koo, dɔrɔ dɛrɛ koo, nyɔnɔ koo, ’Blanu koo, dirinu koo, wo zuo; Wo boennu é dan kɛlɛ lɛ bélé féi lé woo ’yi zén‐é a ta, a zo, Yé wo ’ka dan nyané ble lɛ é dɛrɛ lo.

Matio 28:8

Wo si gɔlɛkoro ’léé é kele, kanale valé gi nanale blɛn nya, yé wo vlan si we ’ko zuo fele a zuomunu lɛ we ma.

WENÉNÉ LÉ LUK A GYE (Évangile selon Luc) 10:42

Naa, we do kpen ɛ ke mi mawe nya. A zin lé Mari a si ézé nya, yé wo ’ka dan a si lɛ a lee lo.

WENÉNÉ LÉ LUK A GYE (Évangile selon Luc) 16:25

Abraam lé a lɛ léé: Anlé né, i ’ilé fɛ zinnu ye ilé tɛrɛla bléyi va, yé Lazaa nyané ye ézé bléyi va, ’bɛ saan i gii? Sin wa ’bɛ tɔrɔ paana ’ko, yé bii a nyané blena.

WENÉNÉ LÉ LUK A GYE (Évangile selon Luc) 19:26

É léé: Maa fe ka lɛ, mi lé fɛ ke a lee, wo dan fɛ nɔ lɛ a lɛ, naa, mi lé azé ’ka lo, fɛ lé é ke a lee, wo dan a si lɛ a lee.

WENÉNÉ LÉ LUK A GYE (Évangile selon Luc) 24:41

Wo gi nanale zi wo ’ka wo bli vo lɛ a lɛ tan lo, ’té wo gi a é vurule wo ma duowo, é lé wo lɛ léé: Fɛblele a ka lee ’koo?

WENÉNÉ LE JAN A GYE (Évangile selon Jean) 14:1

Té ka we do kpen gibɔrɔ pa lo. ’Ka bli vo Kazambale lɛ yé ’ka bli vo an lɛ é ziin ma.

WENÉNÉ LE JAN A GYE (Évangile selon Jean) 14:19

É vo sɛ yé tɛrɛlamunu ’ka dan an ye lɛ é dɛrɛ lo, naa, maa a é yuɛma, yé ka dan kɛlɛ lɛ é yuɛma é ziin, amalé ka dan an ye lɛ.

WENÉNÉ LE JAN A GYE (Évangile selon Jean) 14:27

’Ka vo drɔɔ. Maa anlé vole drɔɔ no ka lɛ. Maa ’ka a no ka lɛ bélé fɛan zo lé tɛrɛlamunu a no ka lɛ, a zo lo. Té ka we do kpen gi bɔrɔ pa lo. Té ka kana monomono lo.

WENÉNÉ LE JAN A GYE (Évangile selon Jean) 16:16

Maa a gona an Ti va, bɛwemalé é vo bléyi sɛ nya yé ka ’ka dan an ye lɛ é dɛrɛ lo; ’bɛ zuo sɛ ka dan an ye lɛ é ziin.

WENÉNÉ LE JAN A GYE (Évangile selon Jean) 16:20

Maa fe ka lɛ kyɔ webozen nya, ka dan wuvɔ lɛ, yé ka dan gyɛ bo lɛ, yé tɛrɛlamunu gi é dan nana lɛ. Ka gi kyɛ é dan dɔ lɛ, naa, kalé gi kyɛ dɔle é dan nɔla lɛ gi nanale nya.

WENÉNÉ LE JAN A GYE (Évangile selon Jean) 16:6

Naa, maa we ’konu fe aan wo ka lɛ, amalé ka bli kyɛ dɔ é baba bɛ.

WENÉNÉ LE JAN A GYE (Évangile selon Jean) 21:7

Yé Jézu zuozan lé é sɔ Jézu lɛ, é lé Piɛri lɛ léé: Mizan lé. Simɔn Piɛri a ’ma aan wo léé, Mizan lé, ’té é a é porole, tɔɔn yé é sɔ vɔ é tɛrɛ la yé é vɔ ’yi va.

WENÉNÉ LE JAN A GYE (Évangile selon Jean) 4:14

Naa, ’yi lé maa dan a nɔ lɛ munu lɛ, dé mian é ’bɛ ’yi mini, ’yiminilɔrɔ ’ka dan ’bɛzan gyɛ lɛ é dɛrɛ lo. Yé ’yi lé maa dan a nɔ lɛ ’bɛzan lɛ, é dan kinin lɛ ’yi’wuo nya a bɔn gi, yé é dan vo lɛ duunna fɔɔ yé é kɛlɛ munubélifɛ nya, yé wo vo é yuɛma ’té ’bɛ glɛ ’ka dɔa lo.

Kelewenu 13:52

Naa, Léli Sauun Jézu zuomunu kun, ’té wo gi éé nanaan saawo.

Kelewenu 16:25

Tu méléna, Pɔl valé Silas a bazorona ’té woo lɛrɛ vɔa Kazambale tɔ zin fele nya, ’té bokɔngimunu a maan.

Kelewenu 2:46

Wa yi faa do do ma é nanale ékeva Balebangikɔn gi, ’té woo Taboyi lé buru blé kɔnnu gi, ’té woo fɛ blé gi nanale valé bli do nya.

Kelewenu 5:41

Nwunvɔzannu si webolikinimunu va yé wo gi nana léé, Kazambale a ye léé, wo dɔle nyané blele wuo Jézu tɔ ma yara lé.

2 Korɛnt Munu 6:10

woo ko yé bélé ko a bligikyɛdɔzannu nya, dɔlé ’té ko gi a é nanale yifaama; woo ko yé bélé nyanégyɛzannu zo, dɔlé ’té ko fuafɛnu nɔ mi kiɛre lɛ; woo ko yé bélé fɛ do kpen ’ka ko lee lo, dɔlé ’té fɛ faa a ko lee.

2 Tɛsalɔnik munu 2:16

Kaazan Jézu Krist bozen valé kaa Ti Bale lé kaa sɔ a lɛ bɛ, ’té é zin kɛlɛ kaa lɛ kaa tɔrɔpaale nya yifaama, a glɛ ’ka lo, é valé bli kɛlɛle wezin lɛ nya bɛ,

Ébrunu 10:34

É ziin, ka nyanai zén bokɔngimunu ta, yé dé wo kalé fɛnu si ka lee, ka gi nana ’bɛ ma, naa, ka gi dɔɔ léé, fɛ zin babanu lé wo ’ka nyaan lo, wa ka lee.

Ébrunu 6:18

Yé we fié ’ko lé wo ’ka nɔlaan monomono lo, ’té Kazambale ’ka bɔaléé, é viéwo wo gi lo, woo plɛplɛ no kaa lɛ. Kaa lé, kaa kaa yɔɔna ye, we fié ’ko, woo plɛplɛ no kaa lɛ, yé yee yɔɔna lé é ke blivolɛdére lé Bale a fe kaa lɛ, a nya.

1 Piɛri 1:8

Ka ’ka tan Jézu ye lɛ lo, yé é sɔ ka lɛ duowo; ka bli a a lɛ, dɔlé ’té ka ’ka tan a ye lɛ lo, yé ka gi a é nanale, gi nanale blɛn lé a gifedére ’ka lo, ’té é gié é glɛ la, a nya,