WENÉNÉ LE JAN A GYE (Évangile selon Jean) 16:13 - Kazambale lé Sebe Sauunu 1979

¹³ Tɔrɔpaazan lé é ke webozen Léli nya, dé é da é dan go lɛ ka nya webozen faa va. We lé é dan a fe lɛ, abo dére kaan lo, naa, we faa lé é dan a ’ma lɛ, yee lé é dan a fe lɛ, yé é dan wenu fale vɔ lɛ ka lɛ.

WENÉNÉ LE JAN A GYE (Évangile selon Jean) 16:13 ပူးပေါင်းရင်းမြစ်များ

Ézai 11:2

Gakelebale Léli é dan nyana lɛ ’bɛzan gi; Wedɔɔléli lé, ’wuoataléli lé, Weplamilɛléli lé, plɛplɛléli lé, Gikiniléli lé, kana Gakelebale lee léli lé.

Joɛl 2:28

’Bɛ zuo, an dan an Léli zén lɛ mi faa ta; Ka benu valé ka lunu é dan balelawe fe lɛ, Kalé mi kwanu é dan nyɛ gyɛ lɛ, Yé kalé pɛniɛnu wo dan wenu ye lɛ yuɛzi gi.

WENÉNÉ LE JAN A GYE (Évangile selon Jean) 12:49

Wean maa a fe, anbo ’léé dére kaan lo, naa, we lé é a lé maa a fe, é valé dérenu lé é a lé maa a fe, an Ti lé é an pa zia, yeebozen ɛ a pa an ’léé.

WENÉNÉ LE JAN A GYE (Évangile selon Jean) 14:17

Yee tɔrɔpaazan lé ke webozen Léli nya; tɛrɛlamunu ’ka a yé lo, yé wo ’ka a dɔɔa lo, bɛwemalé wo ’ka bɔa a sile lɛ wozé nya lo; naa, ka a dɔɔ, é a é nyanale ka va yé é dan kɛlɛ lɛ ka gi, azama.

WENÉNÉ LE JAN A GYE (Évangile selon Jean) 14:26

Naa, tɔrɔpaazan lé é ke Léli Sauun nya, ’té Ti é dan a pa lɛ zia an tɔ gi bɛ, é dan we faa paa lɛ ka gi, yé we faa lé maa a fe ka lɛ, é dan wo sele dɔ lɛ ka gi.

WENÉNÉ LE JAN A GYE (Évangile selon Jean) 14:6

Jézu lé a lɛ léé: Maa lé ke zi koo, webozen koo, vole é yuɛma koo, wo nya. Mi do kpen ’ka dan an Ti va lo, ’té dé é ’ka gié lɛ an va lo.

WENÉNÉ LE JAN A GYE (Évangile selon Jean) 15:26

Tɔrɔpaazan lé, maa dan a pa lɛ ka lɛ zia an Ti tɔ gi, yee ɛ ke webozen Léli lé éé sié an Ti va, a nya, dé é da é dan anlé we fe lɛ;

WENÉNÉ LE JAN A GYE (Évangile selon Jean) 16:12

We kiɛre a an gi yé é sɔ an lɛ léé, maa a fe ka lɛ é ziin, naa, ka ’ka bɔa wo gi ’male lɛ lao lo.

WENÉNÉ LE JAN A GYE (Évangile selon Jean) 3:32

yé we lé é a ye, é valé we lé é a ’ma, yee lé éé a fé yé a dére ’ka goo mi do kpen ’wuo gi lo.

WENÉNÉ LE JAN A GYE (Évangile selon Jean) 8:38

We lé maa a ye an Ti va, yee lé maa ke a fena, yé ’kaa, we lé ka a ’ma ka ti ta, yee lé ka ke a kɛlɛna.

Kelewenu 11:28

Wo va mi do lé wa laama Agabu, é nwa, yé é we fe Kazambale Léli nya léé, lɔrɔ blɛn é dan dɔ lɛ tɛrɛ faa la. Yé wezen lé, é bɔ minwiinzan Klode bléyi va.

Kelewenu 20:23

Naa, fla faa la Léli Sauun lé an lɛ léé, gɔgɔbalenu valé nyanéblelenu a an lɛbɛnna.

Kelewenu 27:24

yé é lé an lɛ léé: Pɔl, té i kana monomono lo. É a lé i dɔ Sézaa ’lɛ. Yé bé ye, munu faa lé wo ke ’yitagoro gi i va, Kazambale wo nɔ i lɛ.

2 Tɛsalɔnik munu 2:12

yé munu faa lé wo ’ka ’wo bli vo lɛ wezen lɛ lo, ’té wo gi nana weple ma bɛ, yé Bale ’é ga dɔ wo nwiin.

2 Tɛsalɔnik munu 2:3

Dé mian é dabli gɔnɔ faa kɛlɛoo, té ka dɔ ’bɛzan lɛ lo. É a lé midiérabléyi é bɔ é vinin, yé mi ple lé é ke é sanle bɛ, é a lé wa ye bɔrana.

Ébrunu 1:1

É kyɛn Kazambale we fe kaa tranu lɛ gɔnɔ kiɛre valé bɛ kiɛre ma, balelayemunu lɔlu nya.

1 Jan 2:20

Yé ka zin ye mi sauun Jézu va, yé ka faa we dɔɔ.

1 Jan 2:27

Krist é Léli zén ka ta; dé a Léli nyana ka gi, ka mawe ’ka a gi léé, mi é we paa ka gi lo. Naa, we faa lé a Léli ke a paana ka gi bɛ, é a webozen nya yé é ka vié nya lo, bɛwemalé ’ka vo Jézu gi, a Léli we paa ka gi fɛan zo, a zo.

1 Jan 4:6

Kaa a Kazambale zé nya. Mian é Kazambale dɔɔ éé tɔné dɔa kaa lɛ. Mi lé é ’ka Kazambale zé nya lo, é ’ka é tɔné dɔa kaa lɛ lo. ’Bɛ nya lé kaa wezen léli dɔɔ, yé kaa vié léli dɔɔ.

1 Jan 5:6

Jézu Krist ’ko, yee ɛ da ’yi valé nyɛ nya. ’Yi saa kaan lo, naa, ’yi valé nyɛ lé. Kazambale Léli a webozen nya, amalé a Léli ɛ a ma we fé.

Wegɔɔnle 1:1

We lé Kazambale a gɔɔn Jézu Krist lɛ, yee lé ke ’ko. Wenu lé wo bɔle ’ka vo lɛ baa lo, Kazambale a gɔɔn a lɛ, alé wo gɔɔnle é wuomunu lɛ we gi. É a nagɔɔn élé lanje nwunvɔle nya, maa a wuozan Jan lɛ.

Wegɔɔnle 1:19

Fɛ lé bé ye, bé gyɛ sɛbɛ ta; we lé ke ana, é valé yee lé é dan bɔ lɛ é voéla, ’bé gyɛ.