WENÉNÉ LE JAN A GYE (Évangile selon Jean) 15:25 - Kazambale lé Sebe Sauunu 1979

²⁵ Naa, we ’ko bɔ, dére lé é ke é gyɛle wolé bélidɔwe gi, a lɛsɔɔle we ma; é léé: Wo an za pa é pla.

WENÉNÉ LE JAN A GYE (Évangile selon Jean) 15:25 ပူးပေါင်းရင်းမြစ်များ

Lɛrɛvɔ Sɛbɛ 109:3

Woo an zi lɛ sɔɔan zapadérenu nya, Woo guli daan an va é pla.

Lɛrɛvɔ Sɛbɛ 35:19

Munu lé an sɛrɛ wo gi, ’té wo ke an nyanézannu nya, té wo gi é nana an ma lo, Yé munu lé woo an za paan é pla, té wo yara kplililii bo an ma, an sɔnɔle nya lo.

Lɛrɛvɔ Sɛbɛ 69:4

An lagi éé kinié siaale nya, an bɔrɔ gi éé gaan, An yuɛ pɛ ga a gi anlé Bale lɛbɛnle saa nya.

Lɛrɛvɔ Sɛbɛ 7:4

Gakelebale, anlé Bale, dé maa ’bɛ kɛlɛ, Dé we ple a an lee,

Matio 10:8

’Ka gyɛgyɛmunu béli, ’ka gamunu nwa, ’ka pantɛn si munu ma, ’ka yonu si munu gi. Ka a ye é pla, ’ka a nɔ blɛ nya é pla ma.

WENÉNÉ LÉ LUK A GYE (Évangile selon Luc) 24:44

A zuo yé é lé wo lɛ léé: Bléyian va lé maa ke yi la ka va, maa a fe ka lɛ léé, we lé wa gyɛ an ma we nya Moizi lé bélidɔwe koo, balelayemunu lé sɛbɛnu koo, lɛrɛvɔ sɛbɛ koo, wo gi, é a lé wo faa lɛ é sɔɔ. Yeean é kɛlɛ ’ko loo?

WENÉNÉ LE JAN A GYE (Évangile selon Jean) 10:34

Jézu a zi pa wo lɛ léé: É ’ka é gyɛle kalé bélidɔwe sɛbɛ gi léé: Maa léé: Ka a balenu nya, loo?

WENÉNÉ LE JAN A GYE (Évangile selon Jean) 13:18

Maa ’ka we ’ko fena ka faa lé we ma lo; munu lé maa wo si a va, maa wo dɔɔ. Kazambale lé sɛbɛ gi we lé é a fe léé, Mi lé éé buru blé an va, Yee ɛ é ganetɛn nwa an ma, é a lé a lɛ é sɔɔ.

WENÉNÉ LE JAN A GYE (Évangile selon Jean) 19:36

We ’konu bɔ, we lé wa gyɛ Kazambale lé sɛbɛ gi, a lɛsɔɔle we ma; wo léé: Wo ’ka dan a wɔlɛ do kpen yéli lɛ lo.

Rom munu 3:19

Ko a gi dɔɔ léé, we faa lé bélidɔwe ke a fena, é a fena munu lé wo ke bélidɔwe la, wo lɛ, mi faa ’léé lɛ tanle we gi yé munu faa ’é kɛlɛ wegyɛmunu nya Kazambale yuɛ gi.

Rom munu 3:24

alé zin nya lé wo kɛlɛ tegele é pla, Jézu Krist lé wo tabole we ma.

2 Korɛnt Munu 11:7

Maa anbozen kɛlɛ aan wo kiéné, ka kɛlɛle blɛn we gi, Kazambale lé Wenéné fele nya ka lɛ é pla, ’bɛ a wenyané nyaa?

Galasi munu 2:21

An ’ka sɔn vɔa Kazambale lé zin ma lo; naa, dé bélidɔwe nya lé mi éé kɛla tegele, ’té Krist ga é pla.

2 Tɛsalɔnik munu 3:8

ko ’ka mi do kpen lé fɛ ble lɛ é pla lo, ko lɔa é wo; naa, tu valé é kinile ma, ko nyanama paan, ’té ko nyané blé, té ko kɛlɛ mi do kpen nwiin kɔné nya lo we ma.

Wegɔɔnle 21:6

É lé an lɛ léé: A kɛlɛle nyaa. Maa ɛ ke Alfa valé Oméga nya, we pélisiana valé we ’wuoplana nya. Mian ’yiminilɔrɔ ke a gyɛna, maa dan mivoéyuɛma ’yi’wuo?-?la’yi nɔ lɛ a lɛ é pla.

Wegɔɔnle 22:17

Yé Kazambale Léli valé bosizan léé: ’I da. Yé dé mianzan a ’ma, ’bɛzan ’é ’i da vɔ ma. Mian ’yiminilɔrɔ ke a gyɛna, ’é da ma; yé mian é sɔ a lɛ léé, ’é mivoéyuɛma ’yi si, ’bɛzan a si é pla ma.