WENÉNÉ LE JAN A GYE (Évangile selon Jean) 15:21 - Kazambale lé Sebe Sauunu 1979

²¹ Naa, mi lé é an pa zia wo ’ka a dɔɔa lo, bɛwemalé wo dan we ’konu faa kɛlɛ lɛ ka lɛ an tɔ lé we ma.

WENÉNÉ LE JAN A GYE (Évangile selon Jean) 15:21 ပူးပေါင်းရင်းမြစ်များ

Lɛrɛvɔ Sɛbɛ 69:7

Mizan, lai sunyanu lé Gakelebale; Munu lé wo bli ke i lɛ, té yaragyɛwe é bɔ wo ma anlé we ma lo, Izraɛl lé Bale, Munu lé woo i naginian, té yara é wo gyɛ anlé we ma lo.

Ézai 66:5

Ka lé ka kanaan Gakelebale dére lee, ’ka tɔné dɔ a dére lɛ. Ka bwenu lé woo ka za paan, ’té woo ka nyunuan an tɔ lé we ma, wo léma: Gakelebale ’élé fua nagɔɔn ma, ye ko kalé ginanale ye ma. Naa, wo gi é dan blin lɛ wo ma.

Matio 10:18

anlé we ma lé wo dan go lɛ ka nya yé ka dɔ gbɔrɔnamanu valé minwiinmunu ’lɛ, ka kɛlɛle anlé wenayezannu nya woo valé bɛn bɛnu lɛ we gi.

Matio 10:22

An tɔ lé we ma lé munu faa é dan ka za pa lɛ. Naa, mian éé yara paan anlé we kɛlɛle ta fɔɔ yé ’é bɔ a ’wuoplana ’bɛzan é dan si lɛ we gi.

Matio 10:39

Mian é ’élé tɛrɛla kɛlɛ blɛn, é dan vuru lɛ a gi, yé mian é vuru we faa gi anlé we ma, ’bɛzan é dan ’ézé ye lɛ é ziin.

Matio 24:9

Yé wo dan ka pa lɛ munu lee, yé wo dan kle pa lɛ ka ta, yé wo dan ka gyɛ lɛ, yé an tɔ lé we ma lé bɛnnu faa é dan ka za pa lɛ.

Matio 5:11

Dé wo ka sɔnɔ anlé we maoo, dé wo kle pa ka ta anlé we maoo, dé wo ka tɔ sɛrɛ bɛ faa ma anlé we maoo, ka a bɛan ’bɛ gi bɛ, ’bɛ a é zima kazé nya.

Maak 13:13

An tɔ lé we ma lé munu faa é dan ka za pa lɛ. Naa, mian éé yara paan anlé we kɛlɛle ta fɔɔ yé é bɔ a ’wuoplana, ’bɛzan é dan si lɛ we gi.

WENÉNÉ LÉ LUK A GYE (Évangile selon Luc) 21:12

Naa, ’bɛ faa ’lɛ, wo dan ka kun lɛ yé wo dan nyané pa lɛ ka ta; wo dan ka pa lɛ bazorokɔn gi munu lee, wo dan ka vɔ lɛ bokɔn gi, wo dan go lɛ ka nya minwiinmunu valé gbɔrɔnamanu ’lɛ, an tɔ lé we ma.

WENÉNÉ LÉ LUK A GYE (Évangile selon Luc) 21:17

An tɔ lé we ma lé munu faa é dan ka za pa lɛ.

WENÉNÉ LÉ LUK A GYE (Évangile selon Luc) 6:22

Dé wo ka za paoo, dé wo ka bin?-?oo, dé wo ka sɔnɔoo, dé wo sɔn vɔ ka tɔ ma fɛ naané zo‐oo, maa blami Be lé we ma, ka a bɛan gi bɛ, ’bɛ a é zima kazé nya.

WENÉNÉ LE JAN A GYE (Évangile selon Jean) 15:24

Nyanamanu lé mi bɛ do kpen ’ka a pa lɛ lo, dé maa ’ka wo pa lɛ wo méléna lo, ’té wolé wenyané ’ka kɔɔn lo; naa, sin, wa ye, yé maa koo, an Ti koo, ko za a wo gi.

WENÉNÉ LE JAN A GYE (Évangile selon Jean) 16:3

Wo ’ka an Ti dɔɔa lo, yé wo ’ka an dɔɔa lo, bɛwemalé wo dan kɛlɛ lɛ a zo.

WENÉNÉ LE JAN A GYE (Évangile selon Jean) 17:25

An Ti tegele, tɛrɛlamunu ’ka i dɔɔa lo, naa, maa i dɔɔ, yé an vamunu ’ko a gi dɔɔ léé, bii ɛ an pa zia.

WENÉNÉ LE JAN A GYE (Évangile selon Jean) 8:19

Yé wo lé a lɛ léé: I Ti a kyɛɛn? Jézu lé wo lɛ léé: Ka ’ka an dɔɔa lo, yé ka ’ka an Ti dɔɔa lo. Dé é a lé ka an dɔɔ, ’té ka an Ti dɔɔ é ziin.

WENÉNÉ LE JAN A GYE (Évangile selon Jean) 8:54

Jézu a zi pa wo lɛ léé: Dé maa anbo tɔ kɛla blɛn, ’té an tɔbɔle a we pla nya. An Ti ɛ an tɔ kɛla blɛn, yee lé ka léé, é a ’wolé Bale nya.

WENÉNÉ LE JAN A GYE (Évangile selon Jean) 8:55

Ka ’ka a dɔɔa lo; dé é a maa nya, maa a dɔɔ. Yé dé maa a fe léé, maa ’ka a dɔɔa lo, ’té maa kɛlɛ viéwozan nya bélé ka zo. Naa, maa a dɔɔ, yé an tawoo a dére ta.

Kelewenu 17:23

Maa a giéna aan wo kalé fla, yé fɛnu lé ka wo bɔa, dé maa wo nagini maa balebanna do ye, yé ka a gyɛ a ta léé: Bale lé, munu ’ka a dɔɔa lo, a banna lé. Fɛ lé ka a bɔa, ’té ka ’ka a dɔɔa lo, yee lé maa ke alé we fena ka lɛ.

Kelewenu 26:9

É vinin, é dɔ an gi léé, dé an we plɛplɛ kiɛre kɛlɛ Nazarɛtzan Jézu tɔ ma, ’bɛ a é zima.

Kelewenu 3:17

Yé sin, an bwenu, maa a gi dɔɔ léé, ka we ’ko kɛlɛ ’ka tanyila, ka valé ka nwiinmunu nya.

Kelewenu 4:17

Naa, kaa yi ga wo lee glawe plale nya wo lɛ léé, té wo we fe mi do kpen lɛ tɔ ’ko nya é dɛrɛ lo, té we ’ko é nwɛɛn munu méléna lo we gi.

Kelewenu 5:41

Nwunvɔzannu si webolikinimunu va yé wo gi nana léé, Kazambale a ye léé, wo dɔle nyané blele wuo Jézu tɔ ma yara lé.

Kelewenu 9:14

Balebanmunu segelenu a se kɛlɛ a lɛ léé, munu faa lé wo ke i tɔ laana fɛkona, é bale vɔ ’bɛnu ma.

Kelewenu 9:16

É dan nyané ble lɛ an tɔ ma fɛan zo, maa dan ’bɛ gɔɔn lɛ a lɛ.

Rom munu 1:28

Kazambale dɔɔle gi bɔrɔ ’ka aan wo wo ma lo, Kazambale wo nɔ wolé gi bɔrɔle naanénu lɛ, yaragyɛwe gɔnɔ faa kɛlɛle we ma.

1 Korent munu 15:34

Té ka vo ka tanyila lo. ’Ka kɛlɛ tegele; té ka wenyané kɛlɛ lo. Mi kenu ’ka Kazambale dɔɔa lo. Maa fe ka lɛ, yaragyɛwe lé.

1 Korent munu 2:8

Tɛrɛ la ’ko minwiinzannu ’ka wedɔɔle ’ko gi ’ma lɛ lo. Dé é vo léé, wa gi ’ma kɔɔn, ’té wo ’ka Fuasanzan gya yiliblan ta lo.

2 Tɛsalɔnik munu 1:8

É dan da lɛ kyɛnɛnɛ méléna, munu lé wo ’ka Kazambale dɔɔa lo, é valé munu lé wo ’ka Kaazan Jézu lé Wenéné lɛdɔama lo, we lɛdɔle wo gi we ma.

1 Jan 3:1

Ka gini do. Kaa Ti bli bɔ kaa ma fɛan zo, yee lé é ke ’ko: é kaa laa Kazambale lé nénu, yé kaa a ’bɛ nya. Yé tɛrɛlamunu ’ka Jézu dɔɔ lɛ lo, bɛwemalé wo ’ka kaa dɔɔa lo.

3 Jan 1:7

Jézu Krist tɔ lé we ma lé wo go, yé wo ’ka fɛ do kpen si lɛ yolémunu lee lo.

Wegɔɔnle 2:3

I yara a é pale we la yé i nyané ble an tɔ ma yé i wɔlɛ gi ’ka nyaa lɛ i ma lo. Maa ’bɛ faa gi dɔɔ.