WENÉNÉ LE JAN A GYE (Évangile selon Jean) 15:2 - Kazambale lé Sebe Sauunu 1979

² An bɛ faa lé wo ke an ma yé wo ’ka baan lo, éé wo kinié an ma, yé an bɛnu faa lé woo baan éé wo ma bɔié yé wo va ’é kɛlɛ é sésé, wo taa baale é ziin wo ma we gi.

WENÉNÉ LE JAN A GYE (Évangile selon Jean) 15:2 ပူးပေါင်းရင်းမြစ်များ

JOB (Job) 17:9

Duowo, mi tegele a é dɔle gligli ézé zi ta, Mi lé a bɛ ma ke é bɔle a suni taa wɔra.

Lɛrɛvɔ Sɛbɛ 92:14

Wa é surule Gakelebale lé kɔn gi, Wolé we nyian é wo kolé Bale lé gɔrɔ gi;

Wegɔnévɔlenu 4:18

Mi tegelenu lé zi a bélé san lé éé bié nyananyana, a zo; a bile gi éé goo gyɛle nya fɔɔ yé yiéyi é pa.

Ézai 27:9

’Bɛ zo lé Bale é dan Jakɔb lé wenyané ’yibo lɛ; a ma we vole alé wenyanénu ma tɔnɔ é dan kɛlɛ lɛ ’ko zo: é dan yobannanu lé gɔlɛnu kɛlɛ lɛ é vun nya; Asataté miyilinu valé yiribɔnu, wo ’ka dan nwa lɛ é dɛrɛ lo.

Ézai 29:19

Wenaanébɔmazannu gi nanale lɛ é dan si lɛ Gakelebale lé we ma, yé Izraɛl lé Mi Sauun é dan kɛlɛ lɛ nyanégyɛzannu lé ginanamazan nya.

Daniɛl 11:35

Wedɔɔmunu va mi kenu é dan dia lɛ léé, wo kɛlɛ wéiin, wo kɛlɛ sauun, yé wo gi é bɔ fɔɔ yé bléyi voélazan é bɔ, naa, é ’ka dan bɔ lɛ lo, fɔɔ bléyi lé Bale a dɔ, ’té é bɔ é wo.

OZÉ (Osée) 6:3

’Ko Gakelebale dɔɔ ma, ’ko kwa kuli léé, ’ko a dɔɔ ma; za ’ka a dale ta lo, bélé tu kinile zo. É dan da lɛ kolé we ma bélé lɛɛ zo, bélé lɛɛ vinin lé éé tɛrɛ ta blin‐an, a zo.

Malasi 3:3

É dan nyana lɛ, yé é dan gɔɔlifu sele lɛ yé é a bo si a va; yé é dan Lévi kulunu ma bɔ lɛ; é dan fɛ naané si lɛ wo ma bélé woo gɔɔlifu valé kyan bo sié é ma fɛan zo, a zo, yé wo dan we tegele blɛ kɛlɛ lɛ Gakelebale lɛ.

Matio 13:12

Wo dan fɛ nɔ lɛ mian fɛ ke a lee, a lɛ, yé azé ’é kɛlɛ kiɛre, naa, mian azé ’ka lo, fɛ lé é ke a lee, wo dan a si lɛ a lee.

Matio 13:33

É gɔné bɛ vɔ wo lɛ é ziin yé é léé: Kazambale plale mi nwiin a bélé lévɛn lé lezan a si yé é a pa suo nya yaa burupun va, a zo, yé lévɛn a yɔɔ faa nwa.

Matio 15:13

Jézu a zi pa léé: Fɛ faa lé Lagi Ti ’ka a vɔ lɛ lo, wo dan wo soowɔla lɛ.

Matio 21:19

É bɔrɔyili ye zi ma yé é bié a ma, naa, a laa saa lé é a ye a nwiin, yé é lé a lɛ léé: Té i poro é baa é dɛrɛ monomono lo ma. Tɔɔn bɔrɔyili ga.

Matio 25:29

Mian fɛ ke a lee, wo dan fɛ nɔ lɛ a lɛ, yé alé fɛ ’é bɔ di, yé mian alé fɛ ’ka lo, wo dan a leefɛ si lɛ a lee.

Matio 3:10

Wo zaa dɔ kɔɔn yili suni ma é kwakwa; bɛwemalé yili faa lé wo ’ka ’wo poro zima baan lo, woo wo bɔié yé woo wo vulian kyɛ va.

Matio 3:12

Alé guli a a lee. É dan élé ’sa sunwo lɛ, yé é a fɛɛ, yé é dan élé ’sawɔlɛ zén lɛ ’sawɔlɛ tadɔna, naa, é dan ’sa pɛɛnu kyɛ ble lɛ, kyɛ lé é ’ka dirian monomono lo, a va.

Matio 7:19

Yili faa lé wo ’ka ’wo poro zima baan lo, woo wo bɔié yé woo wo vulian kyɛ va.

Maak 4:20

A wɔlɛnu lé wo dia tɛrɛ zima la, ’bɛ gi lé ke ’ko: dé mi kenu Bale dére ’ma, yé wa nyi sié, yé wo ma tɔnɔ éé kɛla, a do éé kɛla yɔ do wɔlɛ vu, a do éé kɛla yɔ yaa, yé a do éé kɛla yɔ soru.

WENÉNÉ LÉ LUK A GYE (Évangile selon Luc) 8:13

Wo lé wo dia gɔlɛ ta, wa munu lé woo Bale dére maan yé wa sié gi nanale nya, wo nya; naa, wo suni ’ka goo baa lo, woo bli voo Bale dére lɛ bléyi sɛ nya, yé woo diaan mi gidanbléyi va.

WENÉNÉ LE JAN A GYE (Évangile selon Jean) 15:1

Maa a bélé dɔrɔyili bozen zo, yé an Ti a bélé féipazan zo.

WENÉNÉ LE JAN A GYE (Évangile selon Jean) 15:16

Ka‐an, ka an si a va lo; naa, maa ɛ ka si a va, yé maa ka dɔ gligli, ka gole valé ka baale we ma, léé, ka poro ’é vo ana yé fɛofɛan ka a ma laan Ti lee an tɔ gi, ’é a nɔ ka lɛ.

WENÉNÉ LE JAN A GYE (Évangile selon Jean) 15:3

Ka va kɛlɛ é sésé é kyɛn, dére lé maa a fe ka lɛ, a nya.

WENÉNÉ LE JAN A GYE (Évangile selon Jean) 15:6

Dé mian é ’ka voo an gi lo, wa vulian béera bélé yilibɛ zo, yé ’é ga; ’bɛ zuo yé woo yee yilibɛnu sian yé woo wo vɔa kyɛ va, yé wo kyɛ é ble.

WENÉNÉ LE JAN A GYE (Évangile selon Jean) 15:8

Dé ka baan di, ’bɛ a gɔɔn léé, ka a an zuomunu nya, yé ’bɛ é dan an Ti tɔ bié lɛ.

WENÉNÉ LE JAN A GYE (Évangile selon Jean) 17:12

Bléyian va lé maa ke wo va tɛrɛ la, an yuɛ pa wo va i tɔ gi. Munu lé i wo nɔ an lɛ, an wo ta béli dɔ. Dé é ’ka sanzan do kpen nya lo, wo va mi do kpen ’ka san lɛ lo, we lé wa gyɛ Kazambale lé sɛbɛ gi, a lɛsɔɔle we ma.

Rom munu 11:17

Naa, dé wo yilibɛ kenu bɔi é ma, yé bii lé i ke bwi gi ɔliviyili nya, dé wo i dɔ wo pun ’léé, yé ɔliviyili ’yi lé éé sié a suni gi yé i kɛlɛ a ke yezan nya bɛ,

Rom munu 11:22

Bɛwemalé Kazambale lé zin koo, a wɛwɛ koo, ’ka bɔn‐in bɔrɔ wo ma; munu lé wo diéra, a wɛwɛ a wo ma; yé alé zin a i ta, ’té dé i dɔ gligli zin ’ko gi; dé ’bɛ kaan lo, bii é ziin, é dan sɔn vɔ lɛ i ma.

Rom munu 8:28

Yé kaa gi dɔɔ léé, munu lé Kazambale éé sɔa wo lɛ, ’té Bale wo laa ’é bɔn‐in danle yɛrama bɛ, we faa lé éé bɔa wo ma, Kazambale a nɔlaan wo ma wezin nya.

1 Korent munu 13:1

Dé an munu valé lanjenu dérenu vɔoo, dé sɔlɛle ’ka an gi lo, ’té maa a bélé zéné lé é ke wena, a zo; dé ’bɛ kaan lo, ’té maa a bélé kɔa lé a dére ’ka néné lo, a zo.

Tite 2:14

Jézu ébozen nɔ kolé we gi, weple faa sile ko lee we gi, é valé ko kɛlɛle ézé munu nya we gi, munu lé é wo kɛlɛ tegele, ’té wezin kɛlɛlɔrɔ a wo ma blɛn, wo nya.

Ébrunu 12:15

’Ka yuɛ pa kabozen va, léé, té mi do é vuru Kazambale lé zin ma lo; mi sɛrɛwenu lé woo blan sié é kele bɛ, té wo wɔra ka méléna yé wo gi bɔrɔ pa mi ma yé mi kiɛre é sɛrɛ lo.

1 Jan 2:19

Wo si kaa méléna, naa, wo ’ka kaazé nya lo. Dé é vo léé, kaazé lé é ke wo nya, ’té wo vo kaa va kɔɔn. We ’ko kɛlɛle ma lé munu faa a gi dɔɔ léé, wo faa ’ka kaazé nya lo.

Wegɔɔnle 3:19

Munu faa lé wo sɔ an lɛ, maa we plaan wo lɛ plɛplɛ yé maa we lɛdɔa wo gi. Amalé i fuu ’é dɔ i ta yé ’i bli nɔla ma.