WENÉNÉ LE JAN A GYE (Évangile selon Jean) 15:18 - Kazambale lé Sebe Sauunu 1979

¹⁸ Dé ka za a tɛrɛlamunu gi, ka gi dɔɔ léé, maa ɛ za ke wo gi é vinin ka ’lɛ.

WENÉNÉ LE JAN A GYE (Évangile selon Jean) 15:18 ပူးပေါင်းရင်းမြစ်များ

1 Minwiinzannu 22:8

Izraɛl nwiinzan a zi pa Jozafat lɛ léé: Mi do ana é ziin yé ko bɔa we laale lɛ Gakelebale lee ’bɛ nya; naa, a za a an gi, é ’ka balelawe zin fé an lɛ monomono lo, é balelawe naané saa ɛ fé, azama. Jimla be Misé lé. Yé Jozafat léé: Té minwiinzan é we fe ’bɛ zo lo ma.

Wegɔnévɔlenu 29:27

Mi ple a bélé bo zo mi tegelenu yuɛ gi, yé mi lé alé zi ke é drɔle é a bélé bo zo mi naanénu yuɛ gi.

Ézai 49:7

Mi lé woo serele boo a ma, ’té munu a yé naaninvɔmafɛ nya, ’Té é ke mi plɛplɛnu lé luu nya bɛ, Mitabozan Gakelebale, Izraɛl lé Mi Sauun lé a lɛ léma: Munu nwiinzannu é dan i ye lɛ yé wo dan dɔ lɛ loru, Mi segelenu é dan i ye lɛ yé wo dan dia lɛ wo bli la i ’lɛ, Gakelebale lé é ke yarapawelazan nya, Izraɛl lé Mi Sauun lé é i si a va, alé we ma.

Ézai 53:3

Munu serele bo a ma yé wo sɔn vɔ a ma, Kleblezan lé, nyanéblezan lé, Bélé mi lé wo yara si a ta, a zo; Ko lɔlu plɛn a ma, yé é ’ka ko yuɛgi bɔ lɛ lo.

Ézai 66:5

Ka lé ka kanaan Gakelebale dére lee, ’ka tɔné dɔ a dére lɛ. Ka bwenu lé woo ka za paan, ’té woo ka nyunuan an tɔ lé we ma, wo léma: Gakelebale ’élé fua nagɔɔn ma, ye ko kalé ginanale ye ma. Naa, wo gi é dan blin lɛ wo ma.

Zakari 11:8

Maa ’blapazannu yaa si ana moné do kpen gi; an boen bli a pɛpɛ wolé we ma, yé an sɛrɛ wo gi.

Matio 10:22

An tɔ lé we ma lé munu faa é dan ka za pa lɛ. Naa, mian éé yara paan anlé we kɛlɛle ta fɔɔ yé ’é bɔ a ’wuoplana ’bɛzan é dan si lɛ we gi.

Matio 24:9

Yé wo dan ka pa lɛ munu lee, yé wo dan kle pa lɛ ka ta, yé wo dan ka gyɛ lɛ, yé an tɔ lé we ma lé bɛnnu faa é dan ka za pa lɛ.

Matio 5:11

Dé wo ka sɔnɔ anlé we maoo, dé wo kle pa ka ta anlé we maoo, dé wo ka tɔ sɛrɛ bɛ faa ma anlé we maoo, ka a bɛan ’bɛ gi bɛ, ’bɛ a é zima kazé nya.

Maak 13:13

An tɔ lé we ma lé munu faa é dan ka za pa lɛ. Naa, mian éé yara paan anlé we kɛlɛle ta fɔɔ yé é bɔ a ’wuoplana, ’bɛzan é dan si lɛ we gi.

WENÉNÉ LÉ LUK A GYE (Évangile selon Luc) 6:22

Dé wo ka za paoo, dé wo ka bin?-?oo, dé wo ka sɔnɔoo, dé wo sɔn vɔ ka tɔ ma fɛ naané zo‐oo, maa blami Be lé we ma, ka a bɛan gi bɛ, ’bɛ a é zima kazé nya.

WENÉNÉ LE JAN A GYE (Évangile selon Jean) 16:1

An we ’konu fe ka lɛ, bɔle ka va we ma, léé, té ka diéra lo.

WENÉNÉ LE JAN A GYE (Évangile selon Jean) 16:33

Maa we ’konu fe ka lɛ ka vole drɔɔ an gi we ma. Ka dan nyané ble lɛ tɛrɛ la, naa, ’ka bli ta dɔ plɛplɛ; maa tɛrɛla kele.

WENÉNÉ LE JAN A GYE (Évangile selon Jean) 3:20

Miomian éé wenyané kɛla, san za a a gi yé é ’ka dan san va monomono lo, dé wo da é kɛlɛwenu ye;

WENÉNÉ LE JAN A GYE (Évangile selon Jean) 7:7

Tɛrɛlamunu ’ka bɔa ka za pale lɛ lo. Maa wo ma we fe léé, wo kɛlɛwenu a é naané, amalé an za a wo gi.

Kelewenu 14:22

Yé wo zuomunu bli ta dɔ plɛplɛ, yé wo we pla wo lɛ léé, ’wo dɔ Bale lé we gi gligli, yé wo léé, é a lé ko wɔra nyané kiɛre blele nya Kazambale lé fuatɛrɛ la.

Ébrunu 12:2

’té kaa yuɛ a Jézu lɛ téiin, yee ɛ ke kaalé blipale ti valé a lɛsɔɔzan nya. Ginanale lé ke a ’lɛ mi bɛ, a yele we ma lé é nyané ble yiliblan ta, yé é yaragyɛwe ye we pla nya, yé é nyana Kazambale lé fuablin bɛyilazia.

SEBE LÉ JAK A GYE (Épitre de Jacques) 4:4

Ka a bélé le bɛ valé gɔné bɛ ginizannu zo. Ka ’ka a gi dɔɔa léé, tɛrɛla sɔle mi lɛ éé mi kɛla Kazambale nyanézan nya loo? Bɛwemalé, dé mian éé tɛrɛlawe kɛla ’é béé nya, ’té é a ébo kɛlɛna Kazambale nyanézan nya.

1 Jan 3:1

Ka gini do. Kaa Ti bli bɔ kaa ma fɛan zo, yee lé é ke ’ko: é kaa laa Kazambale lé nénu, yé kaa a ’bɛ nya. Yé tɛrɛlamunu ’ka Jézu dɔɔ lɛ lo, bɛwemalé wo ’ka kaa dɔɔa lo.

1 Jan 3:13

An zuanénu, dé ka za a tɛrɛlamunu gi, té ka gi é vuru ’bɛ ma lo.

1 Jan 3:3

Yé dé miomian a bli ke Jézu dale lɛ, ’bɛzan é ébozen kɛla sauun, bélé fɛan zo lé Jézu ke sauun, a zo.