WENÉNÉ LE JAN A GYE (Évangile selon Jean) 15:16 - Kazambale lé Sebe Sauunu 1979

¹⁶ Ka‐an, ka an si a va lo; naa, maa ɛ ka si a va, yé maa ka dɔ gligli, ka gole valé ka baale we ma, léé, ka poro ’é vo ana yé fɛofɛan ka a ma laan Ti lee an tɔ gi, ’é a nɔ ka lɛ.

WENÉNÉ LE JAN A GYE (Évangile selon Jean) 15:16 ပူးပေါင်းရင်းမြစ်များ

Wepélisiananu 18:18

Weboen lé, Abraam é dan kɛlɛ lɛ bɛn blɛn plɛplɛ nya. A pli zi lé tɛrɛ la bɛnnu faa drɔɔ é dan vo lɛ.

Lɛrɛvɔ Sɛbɛ 145:4

Mi kulu faa do do ’wo i panyanamanu tɔ bɔ ma, Yé ’wo i kɛlɛwe blɛɛnnu sɔɔla ma.

Lɛrɛvɔ Sɛbɛ 71:18

Baleoo, Bale, té i sɔn vɔ an ma lo, dé an kɛlɛ kwa yé an nwana kɛlɛ fuoo, té i sɔn vɔ an ma lo, Léé, maa ilé gla zana dɔɔ bléyi ’ko vamunu lɛ, Maa ilé plɛplɛ zana dɔɔ bléyi voéla gi munu lɛ.

Wegɔnévɔlenu 11:30

Mi tegele kɛlɛwe a mibéliyili nya, yé wedɔɔzan éé munu sié we gi.

Ézai 27:6

Bléyi do é dan bɔ lɛ yé Jakɔb suni é dan wɔra lɛ, Izraɛl punla é dan fɔn lɛ é ta yé a vwi é dan bi lɛ, yé a poro é dan tɛrɛ la ble lɛ.

Misé 5:7

Jakɔb kulu pɔnénu é dan kɛlɛ lɛ bɛngɔnɔnu va bɛn kiɛrenu méléna bélé golizra zo pɔrɔ gi winu va, bélé golizra boroné zo ’bla palunu méléna. Dé é a giéna, éé fɛ zɔn‐o é gane nya, ’té éé a wi kinié ékema, yé mi do kpen ’ka a sié a lee lo.

Matio 21:22

Yé fɛ faa lé ka laan bazorole nya, dé ka bli vo a yele lɛ, ka dan a ye lɛ.

Matio 7:7

’Ka fɛ laa, yé wo dan a nɔ lɛ ka lɛ; ’ka fɛ gini, yé ka dan a ye lɛ; ’ka duoli gyɛ yé wo dan kɔn lɛ so lɛ ka lɛ.

WENÉNÉ LÉ LUK A GYE (Évangile selon Luc) 6:13

Dé tu kini faa é zuomunu laa yé é mi si wo va vu ta fié, yé é wo tɔ pa nwunvɔzannu.

WENÉNÉ LE JAN A GYE (Évangile selon Jean) 13:18

Maa ’ka we ’ko fena ka faa lé we ma lo; munu lé maa wo si a va, maa wo dɔɔ. Kazambale lé sɛbɛ gi we lé é a fe léé, Mi lé éé buru blé an va, Yee ɛ é ganetɛn nwa an ma, é a lé a lɛ é sɔɔ.

WENÉNÉ LE JAN A GYE (Évangile selon Jean) 15:19

Dé é vo kɔɔn léé, ka a tɛrɛlamunu zé nya, ’té ka sɔ wo lɛ, naa, ka ’ka tɛrɛlamunu zé nya lo, yé maa ka si tɛrɛlamunu méléna, bɛwemalé ka za a tɛrɛlamunu gi.

WENÉNÉ LE JAN A GYE (Évangile selon Jean) 15:5

Maa a bélé dɔrɔyili zo, yé ka a bélé a bɛnu zo. Mi lé éé voo an gi yé maa voo a gi, éé baan di, naa, dé an ’ka lo, ka ’ka bɔa we do kɛlɛle lɛ lo.

WENÉNÉ LE JAN A GYE (Évangile selon Jean) 6:70

Jézu lé wo lɛ léé: An ’ka ka si lɛ munu va loo? ’Kaa mi vu ta fié; yé ka va mi do a yo nya.

Kelewenu 1:24

Yé wo bazoro léé: Mizambale, mi faa gi bli dɔɔzan, mi fié lé ko wo si ’ko, dé yeean sɔ i lɛ, bé gɔɔn ko lɛ,

Kelewenu 1:8

Naa, dé Léli Sauun vɔ ka ta tɔɔn ’té ka plɛplɛ ye, yé ka kɛlɛ anlé wenayezannu nya, Jérusalɛm koo, Judé tɛrɛ faa koo, Samari tɛrɛ koo, wona, fɔɔ tɛrɛ glɛ sina.

Kelewenu 10:41

naa, mi faa kaan lo; wenayezannu lé Kazambale wo si a va é kyɛn, wo ɛ ye, ’bɛ gi léé, ko lé, ko fɛ ble yé ko ’yi mini a va a nwale gale va zuo, ko lé.

Kelewenu 22:14

Yé é léé: Ko tranu zé Bale i si a va léé, ’i élé blibɔmawe dɔɔ, yé ’i Mi Tegele ye, yé ’i yeebozen dére ’ma.

Kelewenu 9:15

Mizan lé a lɛ léé: ’I go. Mi ’ko, maa a si anlé wekɛlɛfɛ nya an tɔ bɔrale we gi, bɛnnu koo, minwiinmunu koo, Izraɛlnu koo, wo va.

Rom munu 1:13

Bwenu, é sɔ an lɛ léé, ka a gi dɔɔ léé, gɔnɔ kiɛre nya maa a a va léé, an go ka va, anlé nyanama ma tɔnɔ ke yele we ma ka méléna, bélé fɛan zo lé maa a ye bɛn bɛnu méléna, a zo; naa, fɔɔ bléyi ’ko va maa ’ka tan zi ye lɛ lo.

Rom munu 1:5

Yee ɛ lé we ma lé Kazambale zin kɛlɛ an lɛ yé é an kɛlɛ nwunvɔzan nya, léé, ’maa go Jézu tɔ gi yé ’maa munu ye bɛnnu faa méléna, yé ’maa wo nɔla Bale vazia, yé wa lɛdɔma.

Rom munu 15:4

Yé we faa lé wa gyɛ é kyɛn sɛbɛ gi, wa gyɛ we paale kaa gi we ma, léé, kaa bli ’é kɛlɛ we lɛ. Dé kaa bli kɛlɛ tiéé, ’té Kazambale lé sɛbɛ éé kaa tɔrɔ paan, ’bɛna lé kaa bli é dan kɛlɛ lɛ we lɛ.

Rom munu 9:21

Bɔdɔzan ’ka bɔtɛrɛzan nya loo? Dé é sɔ a lɛ léé, é bɔtɛrɛyɔɔ si yé é bɔ tɔbɔle dɔ a ke nya yé é bɔ pla dɔ a ke nya, a leewe kaan loo?

1 Korent munu 10:11

We ’konu bɔ wo ma tɔmasenu nya, yé wo wo gyɛ sɛbɛ gi, a gɔɔnle ko lɛ we gi léé, ko lé ko ke bléyi voélanu gi ’ko, té kozé é kɛlɛ wozé zo lo.

Galasi munu 1:15

Naa, Bale lé sɔlɛwe yɛrama é an pa é yɛrama an bu lé an yaa bléyi va, yé é an laa élé zin nya.

Éfez munu 2:10

Kaa a Kazambale panyanamanu nya, é kaa kɛlɛ Jézu Krist gi, we zinnu lé é wo dɔnama fe é kyɛn, kaalé wo kɛlɛle we gi.

Kolɔs munu 1:23

’té dé ka suni wɔra yé ka tin blɛɛn blipale gi, yé we lé ka bli ke a lɛ Wenéné lé ka a ’ma, alé we ma, ’té ka bli ’ka sié ’bɛ lɛ monomono lo. Wenéné ’ko, wa fe tɛrɛlamunu faa lɛ, yé maa Pɔl, maa kɛlɛ a gi nyanamapazan nya.

Kolɔs munu 1:6

Wenéné ’ko, é bɔ ka va, é a tɛrɛ la fɛfaana, ’té a tɔnɔ éé kɛla a ma yé ’té a gi éé gya bélé fɛan zo lé é a kɛlɛna ka va, a zo. É sia yian nya lé ka Kazambale lé zin lé we ’ma yé ka a dɔɔ webozen nya, a yi ma, we ’konu a nyanama pana ka va.

1 Timoté 2:7

Aléwemalé Bale an kɛlɛ yee we fezan valé nwunvɔzan nya, blipale lé we valé webozen paale bɛn bɛnu gi we ma. Maa a webozen fena, maa ’ka viéwona lo.

2 Timoté 1:11

Kazambale an dɔ nwunvɔzan nya Wenéné ’ko lé we ma yé é an dɔ a fezan valé a paamigizan nya.

2 Timoté 2:2

Yé we lé bé ’ma an ta wenayemunu kiɛre yuɛ va bɛ, ’bé bɛ pa yarapawelazannu lee, munu lé woo bɔa a paale lɛ mi bɛnu gi, wo lee.

Tite 1:5

Maa i vo Krɛt tɛrɛ la, wenu lé wo vo, ilé wo yuɛ gi bole we ma, yé i munu dɔ léglizinu gi mi segelenu nya fla do do ta, maa a fe i lɛ fɛan zo, a zo;

Ébrunu 11:4

Blipale nya lé saraka lé a zima mini Kain zé ta, Abɛl a bo Kazambale lɛ. Bɛwemalé wa ma we fe léé, é a mi tegele nya, yé é ziin Kazambale é ban‐ɛn ble; alé blipale lé we ma lé, Abɛl gaoo, ’té éé we fé duowo.

SEBE LÉ JAK A GYE (Épitre de Jacques) 3:18

Munu pa ékemazannu lé woo we kɛla bli drɔɔ nya, woo we tegele yé a ma tɔnɔ nya.

1 Piɛri 3:15

naa, ’ka Krist pa é yɛrama ka bli gi Kazan nya. We lé ka bli ke a lɛ, dé miomian é a gi laa ka lee, ’ka gi fe a lɛ. ’Ka a fe bli drɔɔ valé kanale nya,

1 Piɛri 3:2

’té dé wa ye léé, ka giébɛ a wéiin yé ka a plana wo wuo.

1 Jan 4:10

Sɔlɛle ’ko, é ’ka kɛlɛ lɛ léé, Kazambale ɛ sɔ kaa lɛ, ’bɛ lé lo, naa, kaa ɛ sɔ Kazambale lɛ, yé é Be pa zia kaalé wenyané ’yibofɛ nya.

1 Jan 4:19

Kaa sɔ Kazambale lɛ é vinin, amalé sɔlɛle a kaa gi.