WENÉNÉ LE JAN A GYE (Évangile selon Jean) 15:11 - Kazambale lé Sebe Sauunu 1979

¹¹ Maa we ’konu fe ka lɛ anlé gi nanale kɛlɛle ka gi we ma, ’é valé ka gi nanale tegelee we ma.

WENÉNÉ LE JAN A GYE (Évangile selon Jean) 15:11 ပူးပေါင်းရင်းမြစ်များ

Ézai 53:11

É dan élé nyanéblele ma tɔnɔ ye lɛ yé ’bɛ é dan a fan lɛ ginanale nya; Alé wedɔɔle nya lé an wuozan tegele é dan mi kiɛre kɛlɛ lɛ tegele, Yé é dan wolé weplenu kɔné si lɛ.

Ézai 62:4

Wo ’ka dan i laa lɛ, lebɔrale, é dɛrɛ lo; Wo ’ka dan ilé tɛrɛ laa lɛ, boatɛrɛ, é dɛrɛ lo; Wo dan i laa lɛ Esiba, ’bɛ gi léé, é sɔ an lɛ, Yé wo dan ilé tɛrɛ laa lɛ, Bula, ’bɛ gi léé, bofla le; I sɔ Gakelebale lɛ, ’bɛzama, Yé ilé tɛrɛ zana é dan kɛlɛ lɛ.

Jérémi 32:41

Wezin kɛlɛle wo lɛ é dan an gi nana lɛ, yé maa dan wo nyana lɛ kli tɛrɛ ’ko ta, an bli faa valé an boen faa nya.

Jérémi 33:9

Fla ’ko é dan kɛlɛ lɛ anlé ginanalafla koo, an tɔbɔla fla koo, anlé fua tɔbɔla fla koo, wo nya, tɛrɛla bɛnnu faa va. We zinnu faa lé maa dan a kɛlɛ lɛ wo lɛ, bɛnnu é dan a ’ma lɛ; dé wo an ye bɛ ma wolowolozan nya Izraɛl munu vazia, wo gi é dan vuru lɛ, ’té éé kɔɔan wo bli gi.

Sofoni 3:17

Gakelebale kalé Bale a ka va, bélé nyanazan lé éé mi sié we gi, a zo. É dan ka kɛlɛ lɛ ’é ginanamafɛ blɛn nya; Ka sɔle a lɛ lé we ma lé, é dan flin lɛ; A gi é dan nana lɛ kaii kalé we ma fɔɔ nɛnɛ bole nya.

WENÉNÉ LÉ LUK A GYE (Évangile selon Luc) 15:23

Diriné bualeo, ’ka da a nya, ’ka a gyɛ. Kaa fɛ ble, kaa gi é nana.

WENÉNÉ LÉ LUK A GYE (Évangile selon Luc) 15:32

Naa, i zuané ’ko, é ga yé é vuo, é san, yé é bɔra a gi; amalé é a lé ko gi é nana a we ma yé ko fɛti kɛlɛ webozen nya.

WENÉNÉ LÉ LUK A GYE (Évangile selon Luc) 15:5

Yé dé é a ye, éé a vɔa é bɔrɔ zi gi nanale nya;

WENÉNÉ LÉ LUK A GYE (Évangile selon Luc) 15:9

Dé é a ye, é é bwɛnénu valé é punma lomu laan, yé é léé: Tanma lé é san an lee, maa a ye, bɛwemalé ka gi ’é nana an va ma.

WENÉNÉ LE JAN A GYE (Évangile selon Jean) 16:24

Fɔɔ bléyi ’ko va, ka ’ka tan we do kpen laa lɛ an tɔ gi ’lo. ’Ka fɛ laa, yé ka dan a ye lɛ, ka gi nanale tegelee we ma.

WENÉNÉ LE JAN A GYE (Évangile selon Jean) 16:33

Maa we ’konu fe ka lɛ ka vole drɔɔ an gi we ma. Ka dan nyané ble lɛ tɛrɛ la, naa, ’ka bli ta dɔ plɛplɛ; maa tɛrɛla kele.

WENÉNÉ LE JAN A GYE (Évangile selon Jean) 17:13

Yé sin, maa a gona i va, yé maa we ’konu fé tɛrɛ la, léé, an gi boen a é nanale tegele fɛan zo yé wo gi é nana a zo.

WENÉNÉ LE JAN A GYE (Évangile selon Jean) 3:29

Mi lé le dɛrɛ ke a lee, yee ɛ ke lesizan nya; naa, lesizan béé lé, ’bɛ ke é dɔle ana, ’té ’bɛ éé tɔné dɔa lesizan dére lɛ bɛ, ’bɛ gi éé nanaan lesizan dére lé we ma; yé é ziin, gi nanale ’ko lé é ke anzé nya, ’bɛ lɛ a é sɔɔle.

Rom munu 15:13

Blivolɛ Bale ’é ka fan gi nanale nya yé ’é ka vo drɔɔ bɛ faa ma ka pale a ta we ma, fɔɔ yé ka bli é vo a lɛ tegelee, Léli Sauun lé plɛplɛ nya.

2 Korɛnt Munu 1:24

Ko ’ka kalé blipale zavɔna lo, ka bli a we lɛ tegele, naa, é sɔ ko lɛ léé, ko bɔ ka va yé kalé gi nanale ’é kɛlɛ blɛn.

Éfez munu 5:18

Té nwɛ é ka gyɛ lo ma, ’bɛ a we vɔnle nya, naa, Kazambale Léli ’é ka kun ma.

Filip munu 1:25

An gi dan tirilii, yé maa a ma kunna ye, yé maa a gi dɔɔ léé, maa dan vo lɛ ana, yé an kɛlɛ ka faa va, léé, an bɔ ka va yé ka bɔ baa Bale lé we gi, ’té ka gi éé nanaan.

1 Tɛsalɔnik munu 5:16

Ka gi ’é nana yifaama ma.

1 Piɛri 1:8

Ka ’ka tan Jézu ye lɛ lo, yé é sɔ ka lɛ duowo; ka bli a a lɛ, dɔlé ’té ka ’ka tan a ye lɛ lo, yé ka gi a é nanale, gi nanale blɛn lé a gifedére ’ka lo, ’té é gié é glɛ la, a nya,

1 Jan 1:4

Yé ko a we ’konu gyɛna kaa gi nanale tegele we ma.

2 Jan 1:12

É sɔ an lɛ léé, maa we kiɛre fe ka lɛ, naa, é ’ka sɔ lɛ an lɛ léé, maa wo gyɛ sɛbɛ ta nankréyi nya lo. An bli a a lɛ léé, maa go ka va, yé kaa we fe kaa ke yara, kaa ginanale ékeva tegele we ma.