WENÉNÉ LE JAN A GYE (Évangile selon Jean) 14:6 - Kazambale lé Sebe Sauunu 1979

⁶ Jézu lé a lɛ léé: Maa lé ke zi koo, webozen koo, vole é yuɛma koo, wo nya. Mi do kpen ’ka dan an Ti va lo, ’té dé é ’ka gié lɛ an va lo.

WENÉNÉ LE JAN A GYE (Évangile selon Jean) 14:6 ပူးပေါင်းရင်းမြစ်များ

Matio 11:27

An Ti fɛnu faa nɔ an lɛ; yé mi do kpen ’ka maa Bale Be dɔɔa lo, ’té dé é ’ka an Ti nya lo, yé é ziin, mi do kpen ’ka an Ti dɔɔa lo, ’té dé é ’ka maa Bale Be nya lo, maa valé mian é sɔ an lɛ léé, maa a nagɔɔn ’bɛzan lɛ, ’bɛ nya lo.

WENÉNÉ LE JAN A GYE (Évangile selon Jean) 1:14

Yé Dére kinin mi nya, yé é nyana ko va; ’té zin valé webozen saa ɛ ke a gi; yé ko alé fuasan nagini, mi lé é ke é Ti Be wɔlɛ do kpen lé, a zoɛ bɛ ’ka lo, a nya, ’té é si é Ti va, yee ɛ lé fuasan lé ko a nagini.

WENÉNÉ LE JAN A GYE (Évangile selon Jean) 1:17

Moizi ɛ da bélidɔwe nya, naa, Jézu Krist ɛ da zin valé webozen nya.

WENÉNÉ LE JAN A GYE (Évangile selon Jean) 1:4

A gi lé vole é yuɛma ke, yé yee vole é yuɛma a munu lé san nya.

WENÉNÉ LE JAN A GYE (Évangile selon Jean) 10:28

Vole é yuɛma lé a glɛ ’ka lo, maa wo wɔra ’bɛ gi, yé wo ’ka dan zamaga wo lɛ monomono lo; yé mi do kpen ’ka dan wo si lɛ an lee gla nya lo.

WENÉNÉ LE JAN A GYE (Évangile selon Jean) 10:7

Jézu lé é ziin wo lɛ léé: Maa fe ka lɛ kyɔ webozen nya, maa a ’bla gɔrɔ ’léé nya.

WENÉNÉ LE JAN A GYE (Évangile selon Jean) 10:9

Maa a gɔrɔ ’léé nya. Dé mian é wɔra an vazia é dan si lɛ we gi; é dan wɔra lɛ, yé é dan bɔra lɛ, yé é dan fɛblelenu ye lɛ.

WENÉNÉ LE JAN A GYE (Évangile selon Jean) 14:19

É vo sɛ yé tɛrɛlamunu ’ka dan an ye lɛ é dɛrɛ lo, naa, maa a é yuɛma, yé ka dan kɛlɛ lɛ é yuɛma é ziin, amalé ka dan an ye lɛ.

WENÉNÉ LE JAN A GYE (Évangile selon Jean) 15:1

Maa a bélé dɔrɔyili bozen zo, yé an Ti a bélé féipazan zo.

WENÉNÉ LE JAN A GYE (Évangile selon Jean) 18:37

Pilat lé a lɛ léé: ’Té i a minwiinzan blɛn nyaa? Jézu léé: Yee lé bé fe bɛ. Maa a minwiinzan blɛn nya. Wo an yaa, yé maa da tɛrɛ la webozen ma we fele we ma. Miomian é ke webozen va, éé an dére maan.

WENÉNÉ LE JAN A GYE (Évangile selon Jean) 5:21

Naa, fɛan zo lé an Ti éé munu nwaan gamunu va ’té éé wo bélié, a zo duo lé mi lé é sɔ an lɛ léé, maa a béli, ’bɛzan lé maa a bélié.

WENÉNÉ LE JAN A GYE (Évangile selon Jean) 6:33

Naa, Kazambale lé buru lé é ke maa lé an si la gi yé an zun tɛrɛ la, an nya, vole é yuɛma lé a glɛ ’ka lo, maa ɛ a no tɛrɛlamunu lɛ.

WENÉNÉ LE JAN A GYE (Évangile selon Jean) 6:51

Maa a mibéliburu lé é si la gi, a nya. Dé mi buru ’ko ble, é dan vo lɛ é yuɛma lɛɛfaama, a glɛ ’ka dɔa lo. Yé buru lé maa dan a nɔ lɛ a lɛ, an wi lé, yee lé maa dan a nɔ lɛ tɛrɛlamunu bélifɛ nya.

WENÉNÉ LE JAN A GYE (Évangile selon Jean) 6:57

Fɛan zo lé an Ti lé é ke é yuɛma é an pa zia, yé an voo é yuɛma alé we ma, a zo duo lé mian éé an blé é dan vo lɛ é yuɛma anlé we ma.

WENÉNÉ LE JAN A GYE (Évangile selon Jean) 6:68

Simɔn Piɛri lé a lɛ léé: ’I, Mizan, de ɛ va lé ko dan go lɛɛ? Vole é yuɛma lé a glɛ ’ka lo, a dérenu a i ’léé,

WENÉNÉ LE JAN A GYE (Évangile selon Jean) 8:32

yé ka dan webozen dɔɔ lɛ, yé webozen é dan ka kɛlɛ lɛ minénu nya.

WENÉNÉ LE JAN A GYE (Évangile selon Jean) 8:51

Maa fe ka lɛ kyɔ webozen nya, dé mian éé tawoo an dére ta, é ’ka dan ga lɛ monomono lo.

Kelewenu 3:15

Yé ka bélile punsina gyɛ, yee lé Kazambale a nwa gamunu va. Ko a anayezannu nya.

Kelewenu 4:12

Mi bɛ ’ka mi sié we gi lo; yé tɔ bɛ ’ka munu va la wuo ’ko, yé ko si we gi ’bɛ nya lo.

Kelewenu 9:2

yé é a laa ’bɛ lee léé, ’bɛ ’é sɛbɛ nɔ ’é lɛ Damas lé bazorokɔn gi munu zé nya léé, dé é zi dɛrɛ ’ko ta tawozannu ye, dé wa gɔnénu nyaoo, dé wa lomu nyaoo, ’é bale vɔa wo ma yé ’é da wo faa nya Jérusalɛm.

Rom munu 15:16

Bale va nyanama lé ke Kazambale lé Wenéné fele nya, yee lé maa ke a pana bɛn bɛnu va léé, Léli Sauun lé we ma bɛnnu ’é kɛlɛ saraka lé é sɔ Kazambale lɛ, a nya.

Rom munu 5:2

Kolé blipale ma lé Jézu ko wɔra Bale lé zin ’ko lé, ko ke é dɔle a gi gligli ’ko, a gi, yé ko gi a nanana léé, ko bli a Kazambale lé fuasan yele lɛ.

Rom munu 5:21

léé, fɛan zo lé wenyané pla munu nwiin gale nya, a zo duo lé zin éé plaan munu nwiin kɛlɛle tegele nya, yé a ’wuo éé plaan vole é yuɛma lé a glɛ ’ka lo, a nya, Kozan Jézu Krist lé we ma.

1 Korent munu 15:45

Bɛwemalé é a é gyɛle sɛbɛ gi léé: Mi vininzan Adam a mibozen yuɛmale nya; Adam voélazan a mibéliléli nya.

Éfez munu 2:18

naa, alé we ma lé a se a Juifinu lɛ léé, ’wo bié Kazambale sɔnɔ Kazambale Léli nya, yé yee Léli duo nya lé a se a bɛnnu lɛ léé, ’wo bié Kazambale sɔnɔ.

Kolɔs munu 2:17

’Bɛ a wenu lé wo dan bɔ lɛ, wo furɔ nya, naa, kɔlɛ bozen a Krist nya.

Kolɔs munu 2:9

Naa, Krist kɔlɛ gi lé Kazambale dɔbɛ bozen lɛsɔɔlenu ke,

Kolɔs munu 3:4

Krist lé ke kalé vole é yuɛma nya, dé é da, ka dan da lɛ a va é ziin fua gi.

Ébrunu 7:25

Bɛwemalé, munu lé woo biéan Kazambale sɔnɔ Jézu tɔ gi, Jézu éé bɔa wo sile lɛ we gi tegele. É a é yuɛma lɛɛfaama ’té éé dɔa wolé we gi lɛɛfaama Kazambale ’lɛ, azama.

Ébrunu 9:8

We ’ko nya Léli Sauun a gɔɔn léé, bléyian va lé sɔkɔn vininzan ke é dɔle, ’té fɛna sauun tinle lé zi lɛ ’ka tan so lɛ lo.

1 Piɛri 1:21

Yee ɛ ma lé é ziin ka bli vo Kazambale lé, ’bɛ a si gale va yé ’bɛ fua nɔ a lɛ bɛ, ’bɛ lɛ, ka pale Kazambale ta valé ka bli vole Kazambale lɛ we gi.

1 Piɛri 2:4

’Ka bié Jézu va; gɔlɛ yuɛmale lé, munu sɔn vɔ a ma yé Kazambale a si élé fɛwezan nya bɛ, ’ka bié a va;

1 Piɛri 3:18

Krist é ziin, é nyané ble wenyané ma gɔnɔ do; yee, Mi Tegele, é nyané ble mi plenu lé we gi, gole ka nya Kazambale va we ma; dé é a a kɔlɛ nya, ’bɛ ga, yé dé é a a léli nya, ’bɛ béli;

1 Jan 1:8

Dé kaa fe léé, kaalé wenyané ’ka lo, ’té kaa a dabli kɛlɛna kaabozen lɛ, ’té webozen ’ka kaa gi lo.

1 Jan 2:23

Dé mian éé a fé léé, Jézu ’ka Bale Be nya lo, ’té Bale ’ka ’bɛzan Ti nya lo; mi lé é a fe léé, Jézu a Bale Be nya, ’té Bale a ’bɛzan Ti nya é ziin.

1 Jan 5:20

Kaa a gi dɔɔ é ziin léé, Kazambale Be da yé é kaa bɔn‐in kini kaa ma, Bale lé ke webozen nya, a dɔɔle we gi; yé kaa a Kazambale Be Jézu Krist gi, bɛwemalé kaa a Kazambale bozen gi. Jézu ɛ ke Bale bozen nya, é valé vole é yuɛma lé a glɛ ’ka lo, a nya.

1 Jan 5:6

Jézu Krist ’ko, yee ɛ da ’yi valé nyɛ nya. ’Yi saa kaan lo, naa, ’yi valé nyɛ lé. Kazambale Léli a webozen nya, amalé a Léli ɛ a ma we fé.

2 Jan 1:9

Miomian éé go baa yé é ’ka voo Krist lé wepaale va lo, Kazambale ’ka azé nya lo. Yé mian éé tawo wepaalenu ’ko ta, Kazambale valé é Be a azé nya.

Wegɔɔnle 19:11

A zuo maa la lɛ ye é sole yé bé ye, wisoo fu bɔra. Wo atazan laama yarapawelazan valé webozen, yé éé we blé tegele ’té éé guli daan tegele.

Wegɔɔnle 20:15

Munuan wo tɔ ’ka é gyɛle mibélilenu tɔgyɛlasɛbɛ gi lo, wo wo vuli yee kyɛ blɛn ’ko ɛ va.

Wegɔɔnle 22:1

Yuu lé éé mi voo é yuɛma, ’té a yuɛ a sésé bélé vlinvlin wezan zo, ’té éé sié Kazambale valé ’Blané lé webleblin gi bɛ, lanje a gɔɔn an lɛ.

Wegɔɔnle 22:17

Yé Kazambale Léli valé bosizan léé: ’I da. Yé dé mianzan a ’ma, ’bɛzan ’é ’i da vɔ ma. Mian ’yiminilɔrɔ ke a gyɛna, ’é da ma; yé mian é sɔ a lɛ léé, ’é mivoéyuɛma ’yi si, ’bɛzan a si é pla ma.

Wegɔɔnle 3:14

’I sɛbɛ pa Laodisé léglizi lé lanje lɛ zia. ’Bé fe a lɛ léé: Mi lé ke Amɛɛn nya, yarapawela wenayezan bozen nya, Kazambale lé fɛ kɛlɛle pélisiale nya, a dére lé ke ’ko:

Wegɔɔnle 3:7

’I sɛbɛ pa Filadɛfi léglizi lé lanje lɛ zia. ’Bé fe a lɛ léé: Mi sauun valé Webozen, ’té David lé lakléwɔlɛ ke a lee, dé é a lɛ so, mi do kpen ’ka a lɛ taan lo, dé é a lɛ tan, mi do kpen ’ka a lɛ soo lo, a dére lé é ke ’ko: