WENÉNÉ LE JAN A GYE (Évangile selon Jean) 14:27 - Kazambale lé Sebe Sauunu 1979

²⁷ ’Ka vo drɔɔ. Maa anlé vole drɔɔ no ka lɛ. Maa ’ka a no ka lɛ bélé fɛan zo lé tɛrɛlamunu a no ka lɛ, a zo lo. Té ka we do kpen gi bɔrɔ pa lo. Té ka kana monomono lo.

WENÉNÉ LE JAN A GYE (Évangile selon Jean) 14:27 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 20:30

Yé Jozafat lé tɛrɛla vo drɔɔ, yé alé Bale flinle nɔ a lɛ bɛ faa ma.

JOB (Job) 34:29

Dé é flinle nɔ mi lɛ, de ɛ dan gi bɔrɔ pa lɛ ’bɛzan maa? Dé é yara yɔɔ, de ɛ bɔa a yele lɛɛ? Dé é a bɛn do nyaoo, dé é a mi do nyaoo, éé wo faa lé we kɛla tegele

Lɛrɛvɔ Sɛbɛ 11:1

Lɛrɛ lé David a vɔle gɔɔn lɛrɛvɔmunu ’lɛzan lɛ. An vɔa Gakelebale ɛ zi. É kɛlɛ ka yé ka fé an lɛ léé: ’I fwi, ’i go gɔblɛnnu nwiin bélé miané zoo?

Lɛrɛvɔ Sɛbɛ 112:7

Dé é wenaané ’ma, kana ’ka zén‐é a gi lo, A bli ta a plɛplɛ, ’té é a é pale Gakelebale ta.

Lɛrɛvɔ Sɛbɛ 27:1

David zé lé. Gakelebale a an vakinizan nya, é a an Siéwegizan nya. Maa kanaan de ɛ lee? Anlé tɛrɛla a Gakelebale lee; ’Té de lee lé an kanaan?

Lɛrɛvɔ Sɛbɛ 28:3

Dé i mi nyanénu valé mi plenu sia, té i an pa wo va lo. Woo vole drɔɔ dére fé wo punmazannu lɛ, ’té wenaané a wo bli gi.

Lɛrɛvɔ Sɛbɛ 29:11

Gakelebale éé plɛplɛ no élé munu lɛ; Gakelebale élé munu drɔɔ voo yé éé gi nanale no wo lɛ.

Lɛrɛvɔ Sɛbɛ 56:11

An dan anbo tɔ bɔ lɛ Bale gi, a dére lé we ma; An dan anbo tɔ bɔ lɛ Gakelebale gi, a dére lé we ma.

Lɛrɛvɔ Sɛbɛ 56:3

Yiéyi bléyi faa va an mazannu an blaan bɛ nyané wo; Wa di; woo guli daan an va bélé boblɛnzannu zo.

Lɛrɛvɔ Sɛbɛ 72:2

Yé é dan ilé munu lé we ble lɛ tegele, Yé é dan i wuozan kiénénu lé we ble lɛ é boen ma,

Lɛrɛvɔ Sɛbɛ 72:7

’Bɛzan zé yinu ta, mi tegelenu vwi é dan bi lɛ, Yé vole drɔɔ é dan kɛlɛ lɛ blɛn fɔɔ ’té moné ’ka ana é dɛrɛ lo.

Lɛrɛvɔ Sɛbɛ 85:10

Iin, munu lé woo kanaan a lee, alé mi silewegi a wo sɔnɔ, A tɔbɔle vole ana kolé tɛrɛ la we ma.

Lɛrɛvɔ Sɛbɛ 91:5

Dé gunu dɔra, kana ’ka dan vɔ lɛ i gi lo, Sawɔlɛ lé wa vulian é yiéyi, i ’ka dan kana lɛ a lee lo,

Wegɔnévɔlenu 3:25

Té i kana dikiniémigiwe lé éé bɔa mi ma fiaa, a lee lo; té i kana wenyanékɛlɛmunu baale i ta lee lo;

Ézai 12:2

Bé ye, Bale a an siéwegizan nya; An pale a i ta blɛn, yé maa ’ka dan kana lɛ we do lee lo. Naa, Gakelebaleoo Gakelebale, i a anlé plɛplɛ nya, yé bii ɛ tɔ zin lé maa fé; Bii ɛ ke an Siéwegizan nya.

Ézai 41:10

Té i kana we do kpen lee lo, naa, maa a i va; Té i we do kpen gi bɔrɔ pa lo, naa, maa a ilé Bale nya. Maa i fuu dɔa i ta, maa bɔa i va, Maa, guliwuovolɛzan, maa dɔ i zuo.

Ézai 41:14

Jakɔb, bii lé i ’ka vo lɛ we do nya lo, ’Kaa Izraɛl sɛné lé ka vo, ’té ka ke tɔɔtɔɔ, té ka kana lo; Gakelebale léé, é dan bɔ lɛ ka va, Izraɛl lé Mi Sauun lé ke ka siéwegizan nya.

Ézai 54:13

I benu faa é dan kɛlɛ lɛ Gakelebale zuozannu nya, Yé wenu nyian é dan wo lɛ i benu lɛ kiɛre.

Ézai 55:12

Iin, ka dan bɔra lɛ ginanale nya, Yé maa dan go lɛ ka nya drɔɔ; Gɔblɛnnu valé gɔpanénu é dan fan lɛ ginanale nya ka ’lɛ, Yé féi yilinu faa é dan wo bɛ gyɛ lɛ.

Ézai 57:19

Maa dan an tɔ zin fele pa lɛ a ’léé. Mi lé ke baa valé mi lé ke é pu, ’wo vo drɔɔoo, ’wo vo drɔɔ; maa dan wo béli lɛ. A zo lé Gakelebale a fe.

Ézai 9:6

Alé plale mi nwiin tɛrɛ glɛ buru é dan so lɛ é zuo, David lé plale mi nwiin se valé plaleminwiin tɛrɛ, é ’ka dan ’bɛ vole drɔɔ glɛ dɔ lɛ lo, É dan a dɔ lɛ gligli wedrɔle valé we tegele kɛlɛle nya, A pélisia sin yé a glɛ ’ka lo; Lai sunyanu lé Gakelebale fuu a é ta we ’ko kɛlɛna.

Jérémi 1:8

Té i kana wo lee pelo, naa, maa a i va, i ta béli dɔle we ma. Maa Gakelebale ɛ fe.

Jérémi Lé Wuvɔ Sɛbɛ 3:17

É vole drɔɔ si an lee, Maa ’ka ginanale yé é dɛrɛ lo.

Ézékiɛl 2:6

Yé bii blami be, té i kana wo lee lo. Té i kana wolé wefele lee lo, dɔlé té i nyanaan goligyɛné valé lélinu va, ’té i nyanaan zɛnɛanu va. Té i kana wolé wefele lee lo; té i kana wo yara lee lo, dɔlé ’té wa tɔné gi plɛplɛ gɔnɔ nya.

Daniɛl 4:1

Minwiinzan blɛn Nébukanɛsaa lé bɛngɔnɔ faa koo, bɛnnu koo, dére faa do do vɔzannu lé woo nyanaan tɛrɛ faa la koo, wo lɛ léé: Ka drɔɔ ’é vo kiɛre ma.

Daniɛl 6:25

’Bɛ zuo, minwiinzan blɛn Darius sɛbɛ gyɛ bɛngɔnɔ faa koo, bɛnnu faa koo, dére faa do do vɔmunu koo, ’té woo nyanaan tɛrɛ faa la, wo lɛ léé: Ka vole drɔɔ gi ’é gyɛ é baba ma.

Zakari 6:13

É dan Gakelebale lé kɔn dɔ lɛ; tɔ é dan kɛlɛ lɛ a bɛ la; é dan nyana lɛ élé webleblin la yé é dan pla lɛ munu nwiin. É dan kɛlɛ lɛ Balebanzan nya élé webleblin la yé alé balebannyanama valé alé plale mi nwiin nyanama é dan tawo lɛ ékeva drɔɔ.

Mi Nɔnɔle 6:26

Gakelebale ’é yara soi i vazia, yé ’é i vo drɔɔ ma.

Matio 10:26

Amalé té ka kana wo lee monomono lo. Fɛ lé ke é yɔɔle yé a ta ’ka dan bɔra lɛ lo, ’bɛ fɛ ’ka lo; yé kyeengiwe lé, ’bɛ ’ka dan bɔra lɛ lo, ’bɛ ’ka lo.

WENÉNÉ LÉ LUK A GYE (Évangile selon Luc) 1:79

Munu lé wo ke é nyanale gunutinu va, é valé gale furɔ wuo, wo va kinile we gi, Yé é go ko nya vole drɔɔ lé zi ’léé.

WENÉNÉ LÉ LUK A GYE (Évangile selon Luc) 10:5

Dé ka bɔ kɔn‐an ’léé, ’ka fe é vinin léé: Kɔn ’ko ’é vo drɔɔ ma.

WENÉNÉ LÉ LUK A GYE (Évangile selon Luc) 12:4

’Kaa lé ka ke an béénu nya, maa lé ka lɛ léé, wo lé woo mi kɔlɛ gya, yé ’bɛ zuo wo ’ka bɔa we bɛ kɛlɛle lɛ lo, té ka kana wonu lee lo.

WENÉNÉ LÉ LUK A GYE (Évangile selon Luc) 2:14

’Wo fua nɔ Kazambale lɛ fɛna loru baa mi, Yé munu lé wo sɔ a lɛ, ’wo vo drɔɔ tɛrɛ la ma.

WENÉNÉ LE JAN A GYE (Évangile selon Jean) 14:1

Té ka we do kpen gibɔrɔ pa lo. ’Ka bli vo Kazambale lɛ yé ’ka bli vo an lɛ é ziin ma.

WENÉNÉ LE JAN A GYE (Évangile selon Jean) 16:33

Maa we ’konu fe ka lɛ ka vole drɔɔ an gi we ma. Ka dan nyané ble lɛ tɛrɛ la, naa, ’ka bli ta dɔ plɛplɛ; maa tɛrɛla kele.

WENÉNÉ LE JAN A GYE (Évangile selon Jean) 20:19

Yee dimansi duo nya é nyanadi, wo kanale Juifinu lee we ma, wo kɔn lɛ tan ’wo ta, yé Jézu da yé é dɔ wo méléna, yé é lé wo lɛ léé: ’Ka vo drɔɔ ma.

WENÉNÉ LE JAN A GYE (Évangile selon Jean) 20:21

Jézu lé é ziin wo lɛ léé: ’Ka vo drɔɔ ma. Fɛan zo lé an Ti an nwunvɔ, a zo duo lé maa ka nwunvɔa é ziin.

WENÉNÉ LE JAN A GYE (Évangile selon Jean) 20:26

’Bɛ zuo yi sɔraa, Jézu zuomunu ke aan wo é ziin kɔn gi, ’té Tɔmas a wo va. ’Té kɔn lɛnu a é tanle. Jézu da, yé é dɔ wo méléna yé é léé: ’Ka vo drɔɔ ma.

Kelewenu 10:36

É dére pa Izraɛl munu lɛ zia yé é wenéné ’ko fe wo lɛ léé, mi é vo drɔɔ Jézu Krist lé we ma. Yee ɛ ke mi faa zan nya.

Kelewenu 18:9

Mizan lé Pɔl lɛ yuɛzi gi é béli léé: Té i kana lo. ’I we fe; té i tadɔ lo.

Rom munu 1:7

’Kaa Rom munu faa lé ka we ke Kazambale lee, ’té é ka laa ka kɛlɛle élé munu nya we gi bɛ, an we ka va. Kaa Ti Bale valé Mizan Jézu Krist, ’wo zin kɛlɛ ka lɛ yé ’wo ka vo drɔɔ ma.

Rom munu 15:13

Blivolɛ Bale ’é ka fan gi nanale nya yé ’é ka vo drɔɔ bɛ faa ma ka pale a ta we ma, fɔɔ yé ka bli é vo a lɛ tegelee, Léli Sauun lé plɛplɛ nya.

Rom munu 5:1

Ko kɛlɛ tegele blipale ma, amalé ko nana sin Kazambale va, Kozan Jézu Krist lé we ma.

Rom munu 5:10

Dé ko nana Kazambale va a Be gale lé we ma, bléyian va lé ko ke a nyanézannu nya, ’bɛ bléyi va ’naan, ko nanale a va zuo ’té a Be bélile ’ka dan ko si lɛ we gi loo?

Rom munu 8:6

Gibɔrɔle mi dɔbɛ kyɛn lé we nya, a ’wuo éé plaan ga nya, yé gibɔrɔle Kazambale Léli lé we nya ’wuo éé plaan bélile valé vole drɔɔ nya.

1 Korent munu 1:3

Kaa Ti Bale valé Mizan Jézu Krist ’wo zin kɛlɛ ka lɛ yé ’wo ka vo drɔɔ ma.

Galasi munu 1:3

Kaa Ti Bale valé Mizan Jézu Krist ’wo zin kɛlɛ ka lɛ yé ’wo ka vo drɔɔ ma.

Galasi munu 5:22

Naa, wenu lé woo sié Kazambale Léli va, wo lé ke ’ko: sɔlɛle koo, ginanale koo, vole drɔɔ koo, bli tiéé koo, wezin kɛlɛle koo, bli zin koo, yarapale we la koo,

Galasi munu 6:16

Munu faa lé wo ke tawona bélidɔwe ’ko ta, é valé Kazambale zé Izraɛlnu, Bale ’é wo vo drɔɔ yé a nyanai ’é zén wo ta ma.

Filip munu 4:7

Yé Kazambale lé vole drɔɔ lé, kalé bɔn‐in bɔrɔlenu ’ka sɔa a gi ’male lɛ lo, é dan ka bli valé kalé gibɔrɔlenu tabin lɛ ka kɛlɛle Jézu Krist gi we ma.

Kolɔs munu 1:2

’Kaa Kazambale lé munu lé ka ke yarapawela bwenu nya Krist gi Kolɔs, ko we ka va; kaa Ti Bale ’é zin kɛlɛ ka lɛ yé ’é ka vo drɔɔ ma.

Kolɔs munu 1:20

É sɔ Kazambale lɛ é ziin léé, ’yee valé munu faa ’é zén ékeva, yé Jézu nyɛ lé é zana yiliblan ta, yé ’wo nana ’bɛ ta, dé wa tɛrɛ laoo, dé wa lagioo, ’té yee lé.

Kolɔs munu 3:15

Yé Krist lé vole drɔɔ lé wo ka laa a gi, ka kɛlɛle kɔlɛ do kpen nya we gi bɛ, yee ’é kɛlɛ ka kuunzan nya ka bli gi ma. Yé ’ka kɛlɛ bɔvɔmunu nya ma.

2 Tɛsalɔnik munu 1:2

Kaa Ti Bale valé Mizan Jézu Krist ’wo zin kɛlɛ ka lɛ yé ’wo ka vo drɔɔ ma.

2 Tɛsalɔnik munu 3:16

Mizan, mivodrɔɔzan bozen, ’é ka vo drɔɔ bléyi faa ma, bɛ faa ma. Mizan ’é kɛlɛ ka faa va ma.

2 Timoté 1:7

Kazambale ’ka kanabli vɔ lɛ kaa gi lo, naa, plɛplɛ koo, sɔlɛle koo, bo?-?kunle koo, a bli lé é a vɔ kaa gi.

Ébrunu 13:20

Mi vo drɔɔ Bale lé é ’Blatabinzan blɛn, Kaazan Jézu si gamunu va, yé é da a nya é ziin, gipawe lé é ’ka nyaan lo, a dɔ plɛplɛ nyɛ nya bɛ,

Ébrunu 7:2

Yee ɛ lɛ lé Abraam fɛ faa vuzan nɔ. A tɔ gi léé, minwiinzan lé éé we tegele kɛla, yé é ziin, é a Salɛm nwiinzan nya, ’bɛ gi léé, minwiinzan lé éé mi voo drɔɔ.

Wegɔɔnle 1:4

’Kaa léglizi sɔrafié lé ka ke Azi tɛrɛ la, an we ka va. Maa Jan ɛ ke sɛbɛ ’ko gyɛna ka lɛ. Mi lé é ke, ’té é ke ana é kyɛn, ’té é dan bɛ, yee koo, léli sɔrafié lé é ke alé webleblin ’lɛ, wo koo, Jézu Krist lé é ke yarapawela wenayezan, gamunu va nwazan vininzan, tɛrɛlamunu nwiinzannu ’é nwiinzan nya, yee koo, ’wo zin kɛlɛ ka lɛ yé ’wo ka vo drɔɔ ma. Mi lé kaa sɔa a lɛ, ’té é kaalé wenyané si kaa lee é nyɛ nya,

Wegɔɔnle 2:10

Nyané lé i dan a ble lɛ, té i kana a blele ma lo. Bé ye, yonufaatagɔné é dan ka va mi kenu vɔ lɛ bokɔn gi ka gi danle we ma, yé ka dan nyané ble lɛ yi vu. ’I yara pa a ta fɔɔ yé i gayi é bɔ, yé maa dan vole é yuɛma nɔ lɛ i lɛ ilé tɔkoro nya.

Wegɔɔnle 21:8

Naa, kanazannu koo, blipaanlomunu koo, we gin dɔle kɛlɛzannu koo, migyɛzannu koo, pɛnpɛnnégyɛmunu koo, yokɛlɛmunu koo, miyilibɔzannu koo, viéwomunu faa koo, wozé é dan kɛlɛ lɛ kyɛ lé ke blɛn bélé gyankyɛ zo, ’té wo povun zén a va, a nya, yee lé ke gale fiézan nya, ’té mi gulii ga é wo sin bɛ.