WENÉNÉ LE JAN A GYE (Évangile selon Jean) 14:26 - Kazambale lé Sebe Sauunu 1979

²⁶ Naa, tɔrɔpaazan lé é ke Léli Sauun nya, ’té Ti é dan a pa lɛ zia an tɔ gi bɛ, é dan we faa paa lɛ ka gi, yé we faa lé maa a fe ka lɛ, é dan wo sele dɔ lɛ ka gi.

WENÉNÉ LE JAN A GYE (Évangile selon Jean) 14:26 ပူးပေါင်းရင်းမြစ်များ

Lɛrɛvɔ Sɛbɛ 51:11

’I anlé wenyanénu si ana, ’I anlé weplenu faa fwi.

Ézai 54:13

I benu faa é dan kɛlɛ lɛ Gakelebale zuozannu nya, Yé wenu nyian é dan wo lɛ i benu lɛ kiɛre.

Ézai 63:10

Naa, wo nwa a ma, yé wo a Léli Sauun bli kyɛ dɔ; yé é nɔla wo nyanézan nya, yé é guli dan wo va.

Matio 1:18

Jézu Krist yaale a ’ko zo: A bu Mari lé, Jozɛfu a pu dɔ, ’té é ’ka tan a si lɛ lo, yé é bɔn si Léli Sauun lé plɛplɛ nya.

Matio 1:20

É a é gi bɔrɔna we ’ko ma aan wo, Mizambale lé lanje do bɔra a va nyɛ fla yé é léé: David gɔnɔlazan Jozɛfu, té i kana i bwɛ Mari sile ma lo, naa, né lé é a bɔn si bɛ, é si Léli Sauun va.

Matio 28:19

’Ka go, ’ka bɛnnu faa kɛlɛ an zuomunu nya, yé ’ka wo batizéwo Ti koo, Be koo, Léli Sauun koo, wo tɔ gi,

Matio 3:11

Maa ka batizéwo ’yi nya ka bli nɔlale we gi, naa, mian é dan da lɛ an zuo, a plɛplɛ mini an ta, yé a yara ’ka an yara lé maa alé sawala si lo. Yee ɛ dan ka batizéwo lɛ Léli Sauun valé kyɛ nya.

Maak 12:36

David bozen a fe Léli Sauun nya léé: Mizambale lé anzan lɛ léé: ’I nyana an bɛyila Fɔɔ yé maa i nyanézannu pla i wuo.

Maak 13:11

Dé wo go ka nya ka nɔle weblezannu lɛ we ma, té ka kalé wefele gi bɔrɔ pa wefebléyi ’lɛ lo, naa, wean é dɔa ka gi a bléyi nya, ’ka a fe. Naa, wefezan ’ka ka nya lo, é a Léli Sauun nya.

WENÉNÉ LÉ LUK A GYE (Évangile selon Luc) 1:15

Naa, é dan kɛlɛ lɛ mi blɛn nya Mizambale yuɛ va. É ’ka dan nwɛ valé dɔrɔ mini lɛ lo, dé a bu a yaa tɔɔn, Léli Sauun é dan vɔ lɛ a ta;

WENÉNÉ LÉ LUK A GYE (Évangile selon Luc) 1:35

Lanje lé a lɛ léé: Léli Sauun é dan zén lɛ i ta, yé Loruzan lé plɛplɛ é dan zén lɛ i ta bélé furɔ zo. Amalé né sauun lé i dan a yaa lɛ bɛ, wo dan a laa lɛ Kazambale Be.

WENÉNÉ LÉ LUK A GYE (Évangile selon Luc) 1:41

Dé Élizabɛt Mari lé weale ’ma tɔɔn, alé né kɔɔ a bɔn gi yé Léli Sauun a kun.

WENÉNÉ LÉ LUK A GYE (Évangile selon Luc) 1:67

Léli Sauun Jan ti Zakari kun, yé é balelawe fe dére ’konu nya léé:

WENÉNÉ LÉ LUK A GYE (Évangile selon Luc) 11:13

Naa, ka‐an ka ke é naané, dé ka fɛ zin nɔle gi dɔɔ kalé nénu lɛ, ka Lagi Ti ’ka dan Léli Sauun nɔ lɛ munu lé wa laan a lee, wo lɛ loo?

WENÉNÉ LÉ LUK A GYE (Évangile selon Luc) 2:25

Yé bé ye, mi do a Jérusalɛm wa laama Siméɔn. Mi ’ko a mi tegele valé Bale bɔzan nya, yé é a Izraɛl tɔrɔpaazan lɛbɛnna, yé Léli Sauun a a ta.

WENÉNÉ LÉ LUK A GYE (Évangile selon Luc) 24:49

Yé fɛ lé an Ti a fe léé, é dan a nɔ lɛ ka lɛ, maa ɛ dan a zén lɛ ka ta; naa, ’ka vo fla ’ko la fɔɔ yé Bale é ka suu élé lagi plɛplɛ nya.

WENÉNÉ LÉ LUK A GYE (Évangile selon Luc) 3:22

yé Léli Sauun zun a ta é kɔlɛ nya bélé plala zo. Yé wo dére do ’ma la gi yé é léé: An Be, i sɔ an lɛ é baba; i va sɔlɛle a an gi blɛn.

WENÉNÉ LE JAN A GYE (Évangile selon Jean) 1:33

Maa ’ka a dɔɔ lɛ lo, naa, mi lé é an pa zia léé, an munu batizéwo ’yi nya, yee ɛ fe an lɛ léé: Mi lé i dan Kazambale Léli ye lɛ zunna a ta, yé é dɔ a nwiin, yee ɛ ke mi lé é dan munu batizéwo lɛ Léli Sauun nya bɛ, a nya.

WENÉNÉ LE JAN A GYE (Évangile selon Jean) 12:16

É vinin a zuomunu ’ka we ’konu gi ’ma lɛ lo, naa, Jézu wɔra aan wo élé fua gi, a sele dɔ wo gi léé, wo we ’konu gyɛ sɛbɛ gi alé we ma yé a kɛlɛwenu yee sɛbɛ gi we lɛ sɔɔ.

WENÉNÉ LE JAN A GYE (Évangile selon Jean) 14:16

Yé maa dan bazoro lɛ an Ti lɛ, yé é dan tɔrɔpaazan bɛ nɔ lɛ ka lɛ, yé ’bɛ é dan vo lɛ ka va yifaama.

WENÉNÉ LE JAN A GYE (Évangile selon Jean) 14:25

Bléyian va lé maa ke ka va, maa we ’konu fe ka lɛ.

WENÉNÉ LE JAN A GYE (Évangile selon Jean) 15:26

Tɔrɔpaazan lé, maa dan a pa lɛ ka lɛ zia an Ti tɔ gi, yee ɛ ke webozen Léli lé éé sié an Ti va, a nya, dé é da é dan anlé we fe lɛ;

WENÉNÉ LE JAN A GYE (Évangile selon Jean) 16:7

Naa, webozen lé maa a fe ka lɛ duowo, dé an go ’bɛ fila vɔ ka lɛ; naa, dé an ’ka go lɛ lo, Tɔrɔpaazan ’ka dan da lɛ ka va lo; naa, dé an go maa dan a pa lɛ ka lɛ zia.

WENÉNÉ LE JAN A GYE (Évangile selon Jean) 2:22

Bɛwemalé, dé é nwa gamunu va a sele dɔ a zuomunu gi léé, é we ’ko fe yé wo bli vo Kazambale lé sɛbɛ valé dére lé Jézu a fe, wo lɛ.

WENÉNÉ LE JAN A GYE (Évangile selon Jean) 20:22

Dére ’konu fele zuo, é wo suu é ’léé fu nya, yé é lé wo lɛ léé: ’Ka Léli Sauun ye ma.

WENÉNÉ LE JAN A GYE (Évangile selon Jean) 6:45

Balelayemunu a gyɛ wolé sɛbɛ gi léé: Kazambale é dan we paa lɛ wo faa gi. Dé miomian é an Ti dére ’ma, yé é alé we paale nyi si, ’bɛzan ɛ dan an va.

WENÉNÉ LE JAN A GYE (Évangile selon Jean) 7:39

É we ’ko fe munu lé wo dan ’wo bli vo lɛ a lɛ, Kazambale Léli lé wo dan a ye lɛ, alé we ma. Jézu ’ka tan wɔra lɛ élé fua gi lo; bɛwemalé Bale ’ka tan ’é Léli nɔ lɛ munu lɛ lo.

Kelewenu 1:4

Jézu ke aan wo é zuomunu va, é lé wo lɛ léé, té wo si Jérusalɛm lo, naa, Tɔrɔpaazan lé a Ti a fe léé, é dan a nɔ lɛ wo lɛ, ’wa lɛbɛn, yé é lé wo lɛ léé: Yee lé maa a fe ka lɛ é kyɛn.

Kelewenu 1:8

Naa, dé Léli Sauun vɔ ka ta tɔɔn ’té ka plɛplɛ ye, yé ka kɛlɛ anlé wenayezannu nya, Jérusalɛm koo, Judé tɛrɛ faa koo, Samari tɛrɛ koo, wona, fɔɔ tɛrɛ glɛ sina.

Kelewenu 11:16

Yé Mizan dére sele dɔ an gi; é a fe léé: Jan mi batizéwo ’yi nya, naa, wo dan ka batizéwo lɛ Léli Sauun nya.

Kelewenu 13:2

Wa Mizambale bɔna bléyian va, ’té woo lɔrɔ sɔn‐o, Léli Sauun léma: ’Ka Banabas valé Sɔl pa é yɛrama, nyanama lé maa wo laa a ma, wolé a pale we gi.

Kelewenu 13:4

Léli Sauun Banabas valé Sɔl pa zia, yé wo go Sélusi. ’Bɛna lé wo vɔ ’yitagoro gi yé wo go wɛyi worona tɛrɛ lé wa laama Sipri, a ta.

Kelewenu 15:28

Naa, é sɔ Léli Sauun lɛ, yé é sɔ é ziin ko lɛ léé, té wo kɔné bɛ dɔ ka nwiin lo, fɔɔ yee lé é ke tegele, yee lé ke ’ko:

Kelewenu 15:8

Yé Kazambale lé, é munu bli dɔɔ, é Léli Sauun vɔ wo ta bélé fɛan zo lé é a vɔ kaa ta, a zo, alé wo sile tɔmase nya.

Kelewenu 16:6

Léli Sauun Kazambale dére fele Azi tɛrɛ la yi ga wo lee aan wo, wo gié Friji valé Galasi tɛrɛ la.

Kelewenu 2:33

Kazambale a nwa aan wo é bɛyi nya, yé Léli Sauun lé a Ti a nɔle lé we fe a lɛ é kyɛn, é a ye a va, yé é a zén ko ta, fɛan zo lé ka a ye yé ka a ’ma, a zo.

Kelewenu 2:4

Yé Léli Sauun vɔ wo faa la yé wo wefele pélisia dére bɛnu gi, fɛan zo lé Léli a pa wo ’léé, a zo.

Kelewenu 20:28

Bɛwemalé, ’ka yuɛ pa kabozen valé trubɛ palu gimunu faa lé Léli Sauun ka kɛlɛ wo tabinzannu nya, wo va. Mizan lé léglizigimunu lé é wo lɔ ébo nyɛ nya bɛ, Bale ka kɛlɛ wo tabinzannu nya léé, ’ka fɛblele nɔ wo lɛ.

Kelewenu 20:35

Maa a nagɔɔn ka lɛ bɛ faa ma léé, nyanama ’ko zo pale nya lé é a lé wo bɔ mi tɔɔtɔɔnu va. Yé Mizan dérenu sele ’é dɔ ka gi ma, yeebozen a fe léé: Fɛ nɔle lé gi nanale mini fɛ yele zé ta.

Kelewenu 28:25

Wo kini aan wo ékema ’té woo za vɔa, Pɔl we sɛné fe é ziin yé é lé wo lɛ léé: Wezen lé Léli Sauun a fe ka tranu lɛ balelayezan Ézai lɔlu nya; é léé:

Kelewenu 5:3

Piɛri lé a lɛ léé: Ananias, mɛwemalé Satan i bli fan fɔɔ yé i viéwo Léli Sauun lɛ, ’té féi ma gɔɔli ke vo i lee?

Kelewenu 7:51

’Kaa wemaplɛplɛzannu, ka lé ka bli ’ka sié ka kɛlɛwe kyɛn lɛ lo yé ka tɔnénu ’ka voo we lɛ lo, ka a é dɔle Léli Sauun ma plɛplɛ yifaama. Ka tranu a fɛan zo, a bɛ duo gi lé ka ke é ziin.

Kelewenu 7:55

Naa, Léli Sauun Étiɛne kun, yé é lagi gini téiin, yé é Kazambale lé fuasan ye, yé é Jézu ye é dɔle Kazambale bɛyila.

Rom munu 14:17

Naa, Kazambale plale mi nwiin ’ka fɛblele valé fɛminile lé we nya lo; naa, kɛlɛle tegele koo, vole drɔɔ koo, gi nanale koo, wo nya lé é ke Léli Sauun gi.

Rom munu 15:13

Blivolɛ Bale ’é ka fan gi nanale nya yé ’é ka vo drɔɔ bɛ faa ma ka pale a ta we ma, fɔɔ yé ka bli é vo a lɛ tegelee, Léli Sauun lé plɛplɛ nya.

Rom munu 15:16

Bale va nyanama lé ke Kazambale lé Wenéné fele nya, yee lé maa ke a pana bɛn bɛnu va léé, Léli Sauun lé we ma bɛnnu ’é kɛlɛ saraka lé é sɔ Kazambale lɛ, a nya.

Rom munu 5:5

yé bli kɛlɛle fɛ lɛ ’ka ko gya yara nya lo; Léli Sauun lé Bale a nɔ ko lɛ, é Kazambale lé sɔlɛle wɔra ko bli nya bélé nyɔnɔbɔ zo, azama.

1 Korent munu 12:3

Bɛwemalé maa lé ka lɛ wéiin léé, dé mi a wefena Kazambale Léli nya, é ’ka bɔa a fele lɛ léé: Jézu a balepamazan nya, lo; yé dé mi ’ka wefena Léli Sauun nya lo, é ’ka bɔa a fele lɛ léé, Jézu a Mizan nya, lo.

1 Korent munu 6:19

Ka ’ka a gi dɔɔa léé, Léli Sauun lé ke ka gi, ’té Bale a nɔ ka lɛ bɛ, ka kɔlɛ a alé kɔn nya loo? Yé ka ’ka a gi dɔɔa léé, ka ’ka kabozen zé nya lo loo?

2 Korɛnt Munu 6:6

Kobo gɔɔn a nya é ziin, kɛlɛle sauun koo, wedɔɔle koo, bli tiéé koo, wezin kɛlɛle koo, Léli Sauun koo, lɔrɔpale bozen koo,

Éfez munu 1:13

Ka é ziin, webozen dére lé é ke ka siéwegi Wenéné nya, ka a ’ma aan wo, ka bli vo a lɛ yé ka wɔra Krist gi, yé é fɛ dɔ ka ma Léli Sauun lé, wa nɔle we fe, a nya;

Éfez munu 1:17

We lé maa a laan kazé nya, yee lé ke ’ko: Kaazan Jézu Krist zé Bale, Fuasan faa Ti, ’é wedɔɔbli nɔ ka lɛ ma, yé ’é pa ka ta ma, kalé yeebozen dɔɔle we gi ma;

Éfez munu 4:30

Té ka Kazambale Léli ’namawe kɛlɛ lo, a nya lé Kazambale fɛ dɔ ka ma taboyi zé nya.

1 Tɛsalɔnik munu 4:8

Bɛwemalé mian éé sɔn vɔa we plalenu ’ko ma, é ’ka sɔn vɔ lɛ mi ma lo, naa, Kazambale lé é Léli Sauun nɔ ka lɛ, é sɔn vɔ yee ɛ ma.

2 Timoté 1:14

Wezin lé maa a bɛ pa i lee, ’bé pa i ’wuo gi é zima Léli Sauun lé é ke kaa gi, a bɔle i va nya.

Tite 3:5

É ’ka ko si lɛ we gi we tegelenu lé ko a kɛlɛ, wo ma lo; naa, a nyanai zén ko ta, amalé é ko si we gi; é ko yaa é dɛrɛ, yé ’bɛ a bélé ko zurule zo, yé é ko kɛlɛ mi dɛrɛ nya Léli Sauun lé plɛplɛ nya, amalé ko si we gi.

Ébrunu 10:15

Léli Sauun a yee we duo nayezan nya yé é léé:

Ébrunu 2:4

yé Kazambale bozen wolé wenayedére dɔ plɛplɛ tɔmasenu koo, we blɛnblɛnnu koo, gyɛzorowe gɔnɔ faa koo, Léli Sauun lé blɛnu kɛlɛle élé blibɔmale nya koo, wo nya. Amalé, dé kaa yara si silewegi ’ko ta, we é dan si lɛ kaa nwiin kaa?

Ébrunu 3:7

Bɛwemalé Léli Sauun a fe ’ko zo, léé: Kyɔ, dé ka a dére ma,

Ébrunu 9:8

We ’ko nya Léli Sauun a gɔɔn léé, bléyian va lé sɔkɔn vininzan ke é dɔle, ’té fɛna sauun tinle lé zi lɛ ’ka tan so lɛ lo.

1 Piɛri 1:12

Yé Bale a gɔɔn wo lɛ léé, wo ’ka we ’konu fena wobozen lé we ma lo, naa, ka ɛ lé we ma lé wo ke wo fena. Yé sin, Bale Léli Sauun pa zia yé alé plɛplɛ nya lé munu we ’konu fe ka lɛ sin. Lanjenu bozen, wo bli a é bɔle a ma léé, ’wo we ’konu gi maan.

2 Piɛri 1:21

Munu lé blibɔmawe ’ka da lɛ balelawefele do kpen nya monomono lo, naa, Léli Sauun ɛ Kazambale lé munu nyunu yé wa fe Kazambale tɔ gi.

1 Jan 2:20

Yé ka zin ye mi sauun Jézu va, yé ka faa we dɔɔ.

1 Jan 2:27

Krist é Léli zén ka ta; dé a Léli nyana ka gi, ka mawe ’ka a gi léé, mi é we paa ka gi lo. Naa, we faa lé a Léli ke a paana ka gi bɛ, é a webozen nya yé é ka vié nya lo, bɛwemalé ’ka vo Jézu gi, a Léli we paa ka gi fɛan zo, a zo.

1 Jan 5:7

Mi yaa a mawe fé la gi: Ti koo, Dére koo, Léli Sauun koo, woo lé, yé woo mi yaa ’ko wa do.

SEBE LÉ JUD A GYE (Épitre de Jude) 1:20

An béé zinnu, Kazambale lé we sauun lé ke kazé nya, ’ka kabo dɔ gligli a gi. ’Ka bazoro Léli Sauun bɔle ka va nya.

Wegɔɔnle 2:11

Mian we ’ma tɔné ke a ’wuo ma, we lé Kazambale Léli ke a fena léglizinu lɛ, ’é a ’ma ma: Mian we ’ko ’wuo vo a lɛ, a gulii ’ka dan ga lɛ lo.