WENÉNÉ LE JAN A GYE (Évangile selon Jean) 14:21 - Kazambale lé Sebe Sauunu 1979

²¹ Mi lé anlé bélidɔwenu ke a lee, ’té éé wo kɛla, yee ɛ lɛ lé an sɔ, yé mi lé an sɔ a lɛ, é dan sɔ lɛ an Ti lɛ, yé é dan sɔ lɛ an lɛ, yé maa dan anbozen nagɔɔn lɛ a lɛ.

WENÉNÉ LE JAN A GYE (Évangile selon Jean) 14:21 ပူးပေါင်းရင်းမြစ်များ

2 Minwiinzannu 18:6

É yere Gakelebale ma, yé é ’ka diéra lɛ a zuo lo, yé bélidɔwenu lé Gakelebale a fe Moizi lɛ, é wo kɛlɛ.

Lɛrɛvɔ Sɛbɛ 35:27

Yé munu lé an kɛlɛle nwiinplazan nya sɔ wo lɛ, Wo gi ’é nana, ginanale lé éé giéan é glɛ ta, a nya, Yé ’wo vo fena yifaama léé, Gakelebale lé é sɔ a lɛ léé, A wuozan é vo drɔɔ, ’wa tɔ nwa ma.

Fwile 33:18

Moizi léé: ’Ilé fuasan gɔɔn an lɛ ma.

Wegɔnévɔlenu 8:17

Munu lé an sɔ wo lɛ, wo sɔ an lɛ, Yé munu lé woo an ginian, woo an yé.

Jérémi 31:31

Gakelebale léma: Ka ye, a yi é dan bɔ lɛ, yé maa dan gipawe dɛrɛ do kɛlɛ lɛ Izraɛl valé Juda munu va.

Sofoni 3:17

Gakelebale kalé Bale a ka va, bélé nyanazan lé éé mi sié we gi, a zo. É dan ka kɛlɛ lɛ ’é ginanamafɛ blɛn nya; Ka sɔle a lɛ lé we ma lé, é dan flin lɛ; A gi é dan nana lɛ kaii kalé we ma fɔɔ nɛnɛ bole nya.

WENÉNÉ LÉ LUK A GYE (Évangile selon Luc) 11:28

Yé Jézu a zi pa a lɛ léé: Gba, munu lé woo tɔné dɔa Kazambale dére lɛ, ’té woo a ta tawoo, wo ɛ zé ke néné.

WENÉNÉ LE JAN A GYE (Évangile selon Jean) 14:15

Dé an sɔ ka lɛ, ’ka anlé bélidɔwenu kɛlɛ ma.

WENÉNÉ LE JAN A GYE (Évangile selon Jean) 14:18

Maa ’ka dan ka vo lɛ bugalazannu valé tigalazannu zo lo; maa dan da lɛ ka va.

WENÉNÉ LE JAN A GYE (Évangile selon Jean) 15:14

We lé maa ka béli dɔ a nya, dé ka a kɛla, ’té ka a an béénu nya.

WENÉNÉ LE JAN A GYE (Évangile selon Jean) 16:14

We lé é dan a fe lɛ, anlé we lé, bɛwemalé é dan an tɔ kɛlɛ lɛ blɛn.

WENÉNÉ LE JAN A GYE (Évangile selon Jean) 16:27

an sɔ ka lɛ, yé ka dɔ a ta léé, an si Kazambale va, bɛwemalé ka sɔ an Ti bozen lɛ.

WENÉNÉ LE JAN A GYE (Évangile selon Jean) 17:23

’té maa a wo gi, ’té bii a an gi, wo kɛlɛle tegele mi do nya we gi, yé tɛrɛlamunu a gi dɔɔ léé, bii ɛ an pa zia yé wa dɔɔ é ziin léé, wo sɔ i lɛ, bélé an sɔ i lɛ fɛan zo a zo.

Kelewenu 22:18

yé an Mizan ye, yé é lé an lɛ léé: ’I nwa é kele; ’i si Jérusalɛm é nya do. Anlé we lé i dan a fe lɛ wo lɛ, wo ’ka dan a nyi si lɛ lo.

2 Korɛnt Munu 12:8

Maa bazoro gɔnɔ yaa nya Mizambale lɛ léé, ’é a si an ma,

2 Korɛnt Munu 3:18

Yé sɔné ’ka ko yara lo amalé ko Mizan lé fuasan yé tegele bélé fɛan zo lé mi é ’é yara yé vlinvlin gi, a zo. ’Bɛ zo lé, Mizan Léli éé goo ko dɔbɛ nɔlale nya, ’té éé kolé fuasan taa paan, fɔɔ yé kolé fuasan é kɛlɛ bélé Mizan zé zo.

2 Korɛnt Munu 4:6

Kazambale lé é a fe léé: San ’é bi gunutinu va ma, yee Bale duo lé, ’élé san bi ko bli gi yé é ko va kini, yé Bale lé fuasan lé ko yé Krist yara, é ko bɔn‐in dɔ ko ma yé mi bɛnu a gi dɔɔ ko ma.

Bélidɔwesɛbɛ Fiézan 11:13

Bale sɔnnénu lé maa wo fe ka lɛ kyɔ, dé ka wo pa, dé ka Gakelebale kalé Bale lɔrɔ pa, dé ka a bɔ ka bli valé kaboen faa nya,

Bélidɔwesɛbɛ Fiézan 7:13

É dan ka lɔrɔ pa lɛ; é dan ka drɔɔ vo lɛ yé é dan ka fan lɛ; nénu lé wo bɔn ke wo bunu ma, é dan wo drɔɔ vo lɛ yé é dan kalé féifɛ drɔɔ vo lɛ; kalé ’sa koo, kalé dɔrɔ dɛrɛ valé kalé nyɔnɔ koo, kalé dirinu valé kalé trubɛnu lé né yaale koo, é dan wo faa drɔɔ vo lɛ, tɛrɛ lé ébo ’nyɔɔn ka tranu lɛ léé, é dan a nɔ lɛ ka lɛ, a ta.

2 Tɛsalɔnik munu 2:16

Kaazan Jézu Krist bozen valé kaa Ti Bale lé kaa sɔ a lɛ bɛ, ’té é zin kɛlɛ kaa lɛ kaa tɔrɔpaale nya yifaama, a glɛ ’ka lo, é valé bli kɛlɛle wezin lɛ nya bɛ,

2 Timoté 4:22

Mizan ’é vo i léli va ma. Bale ’é ka drɔɔ vo ma. Amɛɛn.

1 Jan 2:5

Naa, mian éé tawoo Jézu dére ta, Kazambale lé sɔlɛle boen a ’bɛzan gi weboen nya. Ka a Jézu gi weboen nyaa? A tɔmase lé ke ’ko:

1 Jan 3:1

Ka gini do. Kaa Ti bli bɔ kaa ma fɛan zo, yee lé é ke ’ko: é kaa laa Kazambale lé nénu, yé kaa a ’bɛ nya. Yé tɛrɛlamunu ’ka Jézu dɔɔ lɛ lo, bɛwemalé wo ’ka kaa dɔɔa lo.

1 Jan 5:3

Kazambale va sɔlɛle ɛ ke alé bélidɔwe kɛlɛle nya, yé alé bélidɔwe kɛlɛle ’ka tɔntɔn lo;

2 Jan 1:6

Yé mɛ ɛ ke sɔlɛle nyaa? Tawole Bale lé bélidɔwenu yɛrama, yee ɛ ke sɔlɛle nya. Bélidɔwe lé é a lé ka a ta tawo, yee lé é ke bɛ, ka a ’ma fɛan zo a pélisia bléyi va, yee lé.

Wegɔɔnle 2:17

Mian we ’ma tɔné ke a ’wuo ma, we lé Kazambale Léli ke a fena léglizinu lɛ, ’é a ’ma ma: Mian we ’ko ’wuo é vo a lɛ, maa dan mana yɔɔle nɔ lɛ a lɛ, yé maa dan gɔlɛ fu nɔ lɛ a lɛ; ’té tɔ dɛrɛ a é gyɛle gɔlɛ ’ko ta, mi do ’ka a dɔɔa lo, ’té dé é ’ka mian wa nɔ a lɛ, a nya lo.

Wegɔɔnle 22:14

Munu lé woo ’wolé sɔnu zuruwo, mibéliyiliporo blele se valé wɔrale fla ’léé zia se yele we gi, wozé a é zima.

Wegɔɔnle 3:20

Bé ye, maa a é dɔle kɔn ’léé, ’té maa duoli gya. Dé mian é an dére ’ma yé é kɔn lɛ so an lɛ, ’té maa a wɔrana a va, yé maa fɛ blé a va yé éé fɛ blé an va.