WENÉNÉ LE JAN A GYE (Évangile selon Jean) 14:17 - Kazambale lé Sebe Sauunu 1979

¹⁷ Yee tɔrɔpaazan lé ke webozen Léli nya; tɛrɛlamunu ’ka a yé lo, yé wo ’ka a dɔɔa lo, bɛwemalé wo ’ka bɔa a sile lɛ wozé nya lo; naa, ka a dɔɔ, é a é nyanale ka va yé é dan kɛlɛ lɛ ka gi, azama.

WENÉNÉ LE JAN A GYE (Évangile selon Jean) 14:17 ပူးပေါင်းရင်းမြစ်များ

Wegɔnévɔlenu 14:10

Mi ébo bli gi kyɛdɔle dɔɔ, yé bɛn ’ka bɔa lɛ léé, é wɔra alé gi nanale gi lo.

Ézai 57:15

Loruzan lé a nyanana ke ana lɛɛfaama, ’té a tɔ ke sauun, é léma: An nyanaan fɛna lorunu na, fɛna sauun na, naa, an nyanaan é ziin, mi lé a bli kyɛ ke é dɔle, ’té ébo kɛlɛ kiéné, a va, léé, maa fuu dɔ bokiénézan ta, yé maa blikyɛdɔzan tɔrɔ paa.

Ézai 59:21

Gakelebale léé: An dan gi pa lɛ wo va ’ko zo: An Léli lé ke ka ta, ’bɛ valé an dére lé maa pa ka ’léé, wo ’ka dan si lɛ ka ’léé lo, wo ’ka dan si lɛ kalé nénu ’léé lo, wo ’ka dan si lɛ ka nénénu ’léé lo; é sia bléyi ’ko va, fɔɔ a glɛ ’ka lo. Gakelebale ɛ fe.

Ézékiɛl 36:27

Maa dan an léli nyana lɛ ka gi, yé maa dan a kɛlɛ lɛ léé, ka an déretawenu kɛlɛ, yé ka anlé bélidɔwenu lɛdɔma yé ka wo ta tawo.

Matio 10:20

naa, wefezan ’ka ka nya lo; ka Ti Léli ɛ dan we fe lɛ ka lɔlu nya.

WENÉNÉ LE JAN A GYE (Évangile selon Jean) 14:16

Yé maa dan bazoro lɛ an Ti lɛ, yé é dan tɔrɔpaazan bɛ nɔ lɛ ka lɛ, yé ’bɛ é dan vo lɛ ka va yifaama.

WENÉNÉ LE JAN A GYE (Évangile selon Jean) 14:23

Jézu lé a lɛ léé: Dé an sɔ mianzan lɛ, é dan tawo lɛ an dére ta, yé é dan sɔ lɛ an Ti lɛ, yé ko dan da lɛ a va, yé ko dan ko nyanana kɛlɛ lɛ a va.

WENÉNÉ LE JAN A GYE (Évangile selon Jean) 15:26

Tɔrɔpaazan lé, maa dan a pa lɛ ka lɛ zia an Ti tɔ gi, yee ɛ ke webozen Léli lé éé sié an Ti va, a nya, dé é da é dan anlé we fe lɛ;

WENÉNÉ LE JAN A GYE (Évangile selon Jean) 16:13

Tɔrɔpaazan lé é ke webozen Léli nya, dé é da é dan go lɛ ka nya webozen faa va. We lé é dan a fe lɛ, abo dére kaan lo, naa, we faa lé é dan a ’ma lɛ, yee lé é dan a fe lɛ, yé é dan wenu fale vɔ lɛ ka lɛ.

WENÉNÉ LE JAN A GYE (Évangile selon Jean) 6:40

An Ti lé blibɔmawe lé é ke ’ko: dé miomian é an ye a Be nya, yé a bli vo an lɛ, vole é yuɛma lé a glɛ ’ka lo, é wɔra ’bɛ gi, yé maa dan a nwa lɛ gamunu va yi voélazan nya.

1 Korent munu 14:15

Maa dan a kɛlɛ lɛ kaa? Maa dan bazoro lɛ an léli nya; é ziin, maa dan a zoro lɛ anlé wedɔɔle nya. Maa dan lɛrɛ vɔ lɛ an léli nya; é ziin, maa dan a vɔ lɛ anlé wedɔɔle nya.

1 Korent munu 2:14

Naa, blami pla ’ka Kazambale Léli lé wenu gi maan lo, wa a yuɛ gi tavowe nya. Mi éé wo gi maan Bale Léli nya, amalé blami pla ’ka wo gi maan lo.

1 Korent munu 3:16

Ka ’ka a gi dɔɔa léé, ka a Kazambale kɔn nya loo? Yé Kazambale Léli éé nyanaan ka gi loo?

1 Korent munu 6:19

Ka ’ka a gi dɔɔa léé, Léli Sauun lé ke ka gi, ’té Bale a nɔ ka lɛ bɛ, ka kɔlɛ a alé kɔn nya loo? Yé ka ’ka a gi dɔɔa léé, ka ’ka kabozen zé nya lo loo?

2 Korɛnt Munu 13:5

’Ka kabozen nagini, dé ka a blipale gii? ’Ka kabo gi dan. Ka ’ka a gi dɔɔa léé, Jézu Krist a ka gi loo? Taa, ka a munu lé wo sɔn vɔ wo ma, wo nyaa?

2 Korɛnt Munu 6:16

Kazambale bangikɔn valé miyilinu, ’bɛnu éé nanaan? Naa, ko a Bale yuɛmale lé kɔn nya, bélé fɛan zo lé Kazambale a fe, a zo. É léé: Maa dan nyana lɛ wo va, yé maa dan tawo lɛ wo méléna; maa dan kɛlɛ lɛ wolé Bale nya, yé wo dan kɛlɛ lɛ anlé munu nya.

Galasi munu 4:6

Ka a benu nya, bɛwemalé Kazambale é Be Léli pa kaa bli gi, ’té éé siaan: Aba, ’bɛ gi léé, an ti.

Éfez munu 2:22

Ka é ziin, ka a Jézu gi, amalé é a ka dɔna ékeva yé ka kɛlɛ kɔn nya yé Kazambale ’é nyana a gi é Léli nya.

Éfez munu 3:17

Krist ’é nyana ka bli gi ka bli vole a lɛ we ma ma; ka suni ’é wɔra sɔlɛle gi yé ka dɔ a gi gyéiin ma;

Kolɔs munu 1:27

Weyɔɔle ’ko a we tɔbɔle blɛɛn nya bɛnnu faa méléna fɛan zo, é sɔ Kazambale lɛ léé, ’é a gɔɔn élé munu lɛ. Yee weyɔɔle lé ke ’ko: Krist a ka gi, amalé ka bli a a lɛ léé, kazé a Bale lé fua tɔbɔle va.

2 Timoté 1:14

Wezin lé maa a bɛ pa i lee, ’bé pa i ’wuo gi é zima Léli Sauun lé é ke kaa gi, a bɔle i va nya.

1 Jan 2:27

Krist é Léli zén ka ta; dé a Léli nyana ka gi, ka mawe ’ka a gi léé, mi é we paa ka gi lo. Naa, we faa lé a Léli ke a paana ka gi bɛ, é a webozen nya yé é ka vié nya lo, bɛwemalé ’ka vo Jézu gi, a Léli we paa ka gi fɛan zo, a zo.

1 Jan 3:24

Mian éé alé bélidɔwenu kɛla, ’bɛzan a Kazambale gi, yé Kazambale a ’bɛzan gi. A léli lé é a nɔ kaa lɛ, a nya lé kaa gi dɔɔ léé, é a kaa gi.

1 Jan 4:4

’Kaa, anlé né kiénénu, ka a Kazambale zé nya. Yee lé é ke ka gi é a plɛplɛ é mini yee lé é ke tɛrɛ la, a ta, bɛwemalé ka viebalelayemunu kele.

1 Jan 4:6

Kaa a Kazambale zé nya. Mian é Kazambale dɔɔ éé tɔné dɔa kaa lɛ. Mi lé é ’ka Kazambale zé nya lo, é ’ka é tɔné dɔa kaa lɛ lo. ’Bɛ nya lé kaa wezen léli dɔɔ, yé kaa vié léli dɔɔ.

1 Jan 5:7

Mi yaa a mawe fé la gi: Ti koo, Dére koo, Léli Sauun koo, woo lé, yé woo mi yaa ’ko wa do.

Wegɔɔnle 2:17

Mian we ’ma tɔné ke a ’wuo ma, we lé Kazambale Léli ke a fena léglizinu lɛ, ’é a ’ma ma: Mian we ’ko ’wuo é vo a lɛ, maa dan mana yɔɔle nɔ lɛ a lɛ, yé maa dan gɔlɛ fu nɔ lɛ a lɛ; ’té tɔ dɛrɛ a é gyɛle gɔlɛ ’ko ta, mi do ’ka a dɔɔa lo, ’té dé é ’ka mian wa nɔ a lɛ, a nya lo.