WENÉNÉ LE JAN A GYE (Évangile selon Jean) 14:16 - Kazambale lé Sebe Sauunu 1979

¹⁶ Yé maa dan bazoro lɛ an Ti lɛ, yé é dan tɔrɔpaazan bɛ nɔ lɛ ka lɛ, yé ’bɛ é dan vo lɛ ka va yifaama.

WENÉNÉ LE JAN A GYE (Évangile selon Jean) 14:16 ပူးပေါင်းရင်းမြစ်များ

Matio 28:20

yé we faa lé maa ka béli dɔ a nya, ’ka a ta tawole paa wo gi. Yé ka ye, maa a ka va yifaama, fɔɔ yé tɛrɛ la é nyaa a zo.

WENÉNÉ LE JAN A GYE (Évangile selon Jean) 14:14

Dé ka weowean laa an tɔ gi, maa a kɛla.

WENÉNÉ LE JAN A GYE (Évangile selon Jean) 14:18

Maa ’ka dan ka vo lɛ bugalazannu valé tigalazannu zo lo; maa dan da lɛ ka va.

WENÉNÉ LE JAN A GYE (Évangile selon Jean) 14:26

Naa, tɔrɔpaazan lé é ke Léli Sauun nya, ’té Ti é dan a pa lɛ zia an tɔ gi bɛ, é dan we faa paa lɛ ka gi, yé we faa lé maa a fe ka lɛ, é dan wo sele dɔ lɛ ka gi.

WENÉNÉ LE JAN A GYE (Évangile selon Jean) 15:26

Tɔrɔpaazan lé, maa dan a pa lɛ ka lɛ zia an Ti tɔ gi, yee ɛ ke webozen Léli lé éé sié an Ti va, a nya, dé é da é dan anlé we fe lɛ;

WENÉNÉ LE JAN A GYE (Évangile selon Jean) 16:22

Bɛwemalé ka é ziin, ka bli gi kyɛ a sin, naa, maa dan ka ye lɛ é ziin, yé ka gi é dan nana lɛ, yé mi do kpen ’ka dan ka gi nanale si lɛ ka lee lo.

WENÉNÉ LE JAN A GYE (Évangile selon Jean) 17:15

Maa ’ka a fena i lɛ léé, ’i wo si tɛrɛ la lo, naa, maa a fena i lɛ léé, ’i yuɛ pa wo va Nyanézan lé we ma.

WENÉNÉ LE JAN A GYE (Évangile selon Jean) 17:20

Maa ’ka bazorona wo saa tɔ ma lo, naa, munu lé ’bɛnu bli é dan vo lɛ an lɛ wo dére lé we ma bɛ, maa a bazorona ’bɛnu tɔ ma é ziin,

WENÉNÉ LE JAN A GYE (Évangile selon Jean) 4:14

Naa, ’yi lé maa dan a nɔ lɛ munu lɛ, dé mian é ’bɛ ’yi mini, ’yiminilɔrɔ ’ka dan ’bɛzan gyɛ lɛ é dɛrɛ lo. Yé ’yi lé maa dan a nɔ lɛ ’bɛzan lɛ, é dan kinin lɛ ’yi’wuo nya a bɔn gi, yé é dan vo lɛ duunna fɔɔ yé é kɛlɛ munubélifɛ nya, yé wo vo é yuɛma ’té ’bɛ glɛ ’ka dɔa lo.

WENÉNÉ LE JAN A GYE (Évangile selon Jean) 7:39

É we ’ko fe munu lé wo dan ’wo bli vo lɛ a lɛ, Kazambale Léli lé wo dan a ye lɛ, alé we ma. Jézu ’ka tan wɔra lɛ élé fua gi lo; bɛwemalé Bale ’ka tan ’é Léli nɔ lɛ munu lɛ lo.

Kelewenu 1:4

Jézu ke aan wo é zuomunu va, é lé wo lɛ léé, té wo si Jérusalɛm lo, naa, Tɔrɔpaazan lé a Ti a fe léé, é dan a nɔ lɛ wo lɛ, ’wa lɛbɛn, yé é lé wo lɛ léé: Yee lé maa a fe ka lɛ é kyɛn.

Kelewenu 13:52

Naa, Léli Sauun Jézu zuomunu kun, ’té wo gi éé nanaan saawo.

Kelewenu 9:31

Léglizigimunu a drɔɔ Judé tɛrɛ faa koo, Galilé tɛrɛ koo, Samari tɛrɛ koo, wona. Wa é dɔle plɛplɛ yé wo tawo Mizambale lee kana nya wo gi, yé wo ’léé gi gyɛ Léli Sauun bɔle wo va nya.

Rom munu 14:17

Naa, Kazambale plale mi nwiin ’ka fɛblele valé fɛminile lé we nya lo; naa, kɛlɛle tegele koo, vole drɔɔ koo, gi nanale koo, wo nya lé é ke Léli Sauun gi.

Rom munu 15:13

Blivolɛ Bale ’é ka fan gi nanale nya yé ’é ka vo drɔɔ bɛ faa ma ka pale a ta we ma, fɔɔ yé ka bli é vo a lɛ tegelee, Léli Sauun lé plɛplɛ nya.

Rom munu 5:5

yé bli kɛlɛle fɛ lɛ ’ka ko gya yara nya lo; Léli Sauun lé Bale a nɔ ko lɛ, é Kazambale lé sɔlɛle wɔra ko bli nya bélé nyɔnɔbɔ zo, azama.

Rom munu 8:34

De ɛ dan wo gyɛ lɛ we nyaa? Jézu Krist ga, ’bɛ ta loru yé é nwa é ziin; é a Kazambale bɛyila, ’té éé goo kaalé muun nya Kazambale va.

Galasi munu 5:22

Naa, wenu lé woo sié Kazambale Léli va, wo lé ke ’ko: sɔlɛle koo, ginanale koo, vole drɔɔ koo, bli tiéé koo, wezin kɛlɛle koo, bli zin koo, yarapale we la koo,

Filip munu 2:1

’Kaa lé ka ke Krist gi, é ka tɔrɔ paa? Sɔlɛle ka fuu dɔ ka taa? Ka a é nanale Bale Léli nyaa? Ka a miwe ’namazannu valé nyanaizénzannu nyaa? Dé ka we ’konu yé Krist gi,

2 Tɛsalɔnik munu 2:16

Kaazan Jézu Krist bozen valé kaa Ti Bale lé kaa sɔ a lɛ bɛ, ’té é zin kɛlɛ kaa lɛ kaa tɔrɔpaale nya yifaama, a glɛ ’ka lo, é valé bli kɛlɛle wezin lɛ nya bɛ,

Ébrunu 7:25

Bɛwemalé, munu lé woo biéan Kazambale sɔnɔ Jézu tɔ gi, Jézu éé bɔa wo sile lɛ we gi tegele. É a é yuɛma lɛɛfaama ’té éé dɔa wolé we gi lɛɛfaama Kazambale ’lɛ, azama.

1 Jan 2:1

Anlé né kiénénu, maa a we ’konu gyɛna ka lɛ, té ka wenyané kɛlɛ lo we ma. Yé dé mianzan wenyané kɛlɛ, kaa ta weblezan a kaa Ti sɔnɔ mi, yee lé é ke mi tegele Jézu Krist nya.

1 Jan 2:27

Krist é Léli zén ka ta; dé a Léli nyana ka gi, ka mawe ’ka a gi léé, mi é we paa ka gi lo. Naa, we faa lé a Léli ke a paana ka gi bɛ, é a webozen nya yé é ka vié nya lo, bɛwemalé ’ka vo Jézu gi, a Léli we paa ka gi fɛan zo, a zo.

2 Jan 1:2

Webozen lé é ke kaa gi, ’té é dan kɛlɛ lɛ kaa va lɛɛfaama a glɛ ’ka lo, alé we ma lé ka sɔ an lɛ.