WENÉNÉ LE JAN A GYE (Évangile selon Jean) 13:34 - Kazambale lé Sebe Sauunu 1979

³⁴ Maa bélidɔwe dɛrɛ nɔ ka lɛ léé: ’Ka sɔ ka ke lɛ, bélé fɛan zo lé ka sɔ an lɛ, ’ka sɔ ka ke lɛ a zo.

WENÉNÉ LE JAN A GYE (Évangile selon Jean) 13:34 ပူးပေါင်းရင်းမြစ်များ

Lɛrɛvɔ Sɛbɛ 119:63

Munu faa lé woo kanaan i lee, maa a wo béé nya, Woo valé munu lé woo i déretawenu kɛla, wo nya.

Lɛrɛvɔ Sɛbɛ 16:3

Bale lé munu lé wo ke tɛrɛ la, Wo valé Bale lé zisɔlɛmunu, wo ɛ sɔ an lɛ.

Lévinu 19:18

Té ibo lé we lɛ gi pa lo, té ilé munu vawe pa i bli gi lo. I bɔluzan ’é sɔ i lɛ bélé biibozen zo. Maa a Gakelebale nya.

Lévinu 19:34

Bɛn bɛ mi lé ke é nyanale ka va, ’ka alé we kɛlɛ bélé kalé flami zo; ’é sɔ ka lɛ bélé kabozen zo, naa, ka a bɛnnu nya é vinin Éjipiti tɛrɛ la. Maa a Gakelebale, kalé Bale nya.

Matio 5:44

Naa, maa lé ka lɛ léé: Ka nyanézannu ’é sɔ ka lɛ ma; munu lé woo bale paan ka ma, ’ka wo drɔɔ vo ma; ’ka wezin kɛlɛ ka zapamunu lɛ ma; munu lé woo nyané valé kle paan ka ta, ’ka bazoro wolé we ma ma.

WENÉNÉ LE JAN A GYE (Évangile selon Jean) 15:17

We lé maa ka béli dɔ a nya, ka sɔle ka ke lɛ lé.

WENÉNÉ LE JAN A GYE (Évangile selon Jean) 17:21

wo kɛlɛle mi do nya we ma, bélé Bii an Ti, i a an gi yé maa a i gi fɛan zo, wo é ziin yé wo ’é kɛlɛ mi do nya a zo ko gi, yé tɛrɛlamunu a gi dɔɔ léé, bii ɛ an pa zia.

Rom munu 12:10

Ka bwenu ’é sɔ ka lɛ tegele ma. ’Ka ka bɔluzan kɛlɛ blɛn é mini kaboen ta.

Rom munu 13:10

Sɔlɛle ’ka wenyané kɛla ’é bɔluzan lɛ lo, bɛwemalé sɔlɛle a bélidɔwe lɛsɔɔle nya.

Rom munu 13:8

Dé é ’ka ka ke lɔrɔ pale nya lo, té mi do kpen lé vɛɛn é kɛlɛ ka ma lo; naa, mian mi bɛnu éé sɔa a lɛ éé Kazambale lé bélidɔwe lɛ sɔɔan.

Galasi munu 5:22

Naa, wenu lé woo sié Kazambale Léli va, wo lé ke ’ko: sɔlɛle koo, ginanale koo, vole drɔɔ koo, bli tiéé koo, wezin kɛlɛle koo, bli zin koo, yarapale we la koo,

Galasi munu 5:6

Dé mi a Jézu Krist gi, ganedɔle valé ganedɔlo tɔnɔ ’ka lo; naa, blipale lé éé we kɛla sɔlɛle nya, yee ɛ tɔnɔ ke.

Galasi munu 6:10

Bɛwemalé, bléyian va lé a se a kaa lɛ, kaa wezin kɛlɛ mi faa lɛ ma, naa, bwenu lé wo ke Kazambale lé we gi, kaa wozé kɛlɛ kiɛre yé é mini mi bɛnu zé ta ma.

Galasi munu 6:2

’Ka dɔ ka ke lé we tɔntɔn kɔnénu wuo, a zo lé ka dan Krist lé bélidɔwe lɛ sɔɔ lɛ.

Éfez munu 5:2

’Ka tawo ka ke va sɔlɛle nya, Krist kɛlɛwe ma. Kaa sɔ a lɛ, yé ébozen nɔ Kazambale lɛ kaalé we ma bélé blan valé saraka gin néné zo.

Kolɔs munu 1:4

ko a ’ma léé, ka bli vo Jézu lɛ yé Kazambale lé munu faa va sɔlɛle a ka gi, azama.

1 Tɛsalɔnik munu 3:12

Mizan Jézu ’é ka sɔle ka ke lɛ valé munu faa sɔle ka lɛ gi gyɛ, yé é gié é glɛ ta, bélé fɛan zo lé ka sɔ ko lɛ, a zo.

2 Tɛsalɔnik munu 1:3

Bwenu, kalé blipale gi a gyɛna, yé ka sɔle ka ke lɛ gi a gyɛna, bɛwemalé é a lé ko Kazambale bɔ vɔ kalé we ma bléyi faa ma. ’Bɛ a we tegele nya.

Ébrunu 13:1

’Ka yara pa bwenu lɔrɔpale ta.

SEBE LÉ JAK A GYE (Épitre de Jacques) 2:8

Fuaneé lé bélidɔwe lé wa gyɛ Kazambale lé sɛbɛ gi léé, ’i bɔluzan lɔrɔ pa bélé biibozen zo, dé ka a ’bɛ ta tawona, ’té ka a kɛlɛna é zima.

1 Piɛri 1:22

Webozen lɛdɔmale nya lé ka boen kɛlɛ wéiin, ka sɔle ka ke lɛ tegele bélé bwenu zo we gi, amale sin, ’ka sɔ ka ke lɛ é baba, ka bli faa nya ma.

2 Piɛri 1:7

yé ’ka bwenu va sɔlɛle pa Bale lé zi sɔle ka lɛ va, yé ’ka mi lɔrɔ pale pa bwenu va sɔlɛle va.

1 Jan 3:11

Wean wa fe ka lɛ yé ka a ’ma a pélisia bléyi va fɔɔ kyɔ, yee lé é ke ’ko: é a lé kaa sɔ kaa ke lɛ.

1 Jan 3:23

Alé bélidɔwe lé é ke ’ko: kaa bli vo a Be Jézu Krist tɔ lɛ ma, yé kaa sɔ kaa ke lɛ, bélidɔwe lé Jézu a nɔ kaa lɛ, a yɛrama.

1 Jan 4:21

Kaa bélidɔwe ’ko ye Jézu va, léé, mian Kazambale sɔ a lɛ, a bwe ’é sɔ a lɛ ma.

2 Jan 1:5

Yé sin, lezan Kiria, maa ’ka bélidɔwe dɛrɛ gyɛna i lɛ sɛbɛ ’ko gi lo; naa, bélidɔwe lé wa nɔ kaa lɛ a pélisia bléyi va, yee lé; maa lé i lɛ léé, é a lé kaa sɔ kaa ke lɛ.