WENÉNÉ LE JAN A GYE (Évangile selon Jean) 13:2 - Kazambale lé Sebe Sauunu 1979

² Yonufaatagɔné da gibɔrɔle nyané nya Kariɔtzan Simɔn be Judas gi léé, ’é Jézu pa munu lee.

WENÉNÉ LE JAN A GYE (Évangile selon Jean) 13:2 ပူးပေါင်းရင်းမြစ်များ

Ezidras 7:27

Gakelebale, ko tranu lé Bale drɔɔ ’é vo ma. Yee ɛ we fe minwiinzan blɛn bli gi léé, Gakelebale lé kɔn lé ke Jérusalɛm, ’é a tɔ kɛlɛ blɛn.

Néémi 2:12

’Bɛ zuo, maa valé mi kenu nwa é béli, ’té we lé anlé Bale a pa an bli gi léé, maa a kɛlɛ Jérusalɛm, maa ’ka tan a zuo fe lɛ mi do kpen lɛ lo. Dé é ’ka wi lé an vɔ a ta, a nya lo, ’té wi bɛ ’ka an va lo.

Matio 10:4

Zélɔt mi Simɔn valé Jézu pa munu leezan Kariɔtzan Judas koo, woo lé.

WENÉNÉ LÉ LUK A GYE (Évangile selon Luc) 22:3

Naa, Judas lé wa laama Kariɔtzan, ’té é ke mi vu ta fié va mi do nya bɛ, Satan wɔra a bli gi.

WENÉNÉ LÉ LUK A GYE (Évangile selon Luc) 22:31

Mizan léma: Simɔn, Simɔn, é sɔ Satan lɛ léé, ’é i wuo bo bélé ’sawɔlɛ wuobole zo.

WENÉNÉ LE JAN A GYE (Évangile selon Jean) 13:11

’Té mi lé ’bɛ é dan a pa lɛ munu lee, é ’bɛzan dɔɔ, bɛwemalé é léé: Ka faa ma ’ka é bɔle lo.

WENÉNÉ LE JAN A GYE (Évangile selon Jean) 13:4

Wa fɛ blena aan wo, yé é nwa fɛblele zi, yé élé sɔnu si é ta, yé é sɔ do si yé é a vɔ é tɛrɛ la.

Kelewenu 5:3

Piɛri lé a lɛ léé: Ananias, mɛwemalé Satan i bli fan fɔɔ yé i viéwo Léli Sauun lɛ, ’té féi ma gɔɔli ke vo i lee?

2 Korɛnt Munu 8:16

Maa Kazambale bɔ vɔ léé, we lé ke an gi ka vazia, Kazambale yee we duo dɔ Tite gi é ziin.

Éfez munu 2:3

Ko é ziin, ko faa a wo va mi kenu nya é vinin, ’té ko ko dɔbɛ kyɛn lé sɔlɛwe kɛla, yé ko ko dɔbɛ kyɛn valé ko ’wuogibɔrɔlenu lé blibɔmawenu lɛ sɔɔan. Ko dɔbɛ ’ko, é ko kɛlɛ blifliémazannu nya bélé mi pɔnénu zo.

Wegɔɔnle 17:17

We lé Kazambale ’é bɔn‐in dan a ma é kyɛn, é a pa wo bli gi léé, ’wa kɛlɛ, yé wo giwe ’é kɛlɛ do yé wo ’wolé bɛngɔnɔnu nɔ wi lɛ fɔɔ yé Kazambale dérenu lɛ é sɔɔ.