WENÉNÉ LE JAN A GYE (Évangile selon Jean) 12:48 - Kazambale lé Sebe Sauunu 1979

⁴⁸ Mi lé éé sɔn vɔa an ma, yé é ’ka tawoo an dérenu ta lo, alé weblezan ana; dérenu lé maa wo fe, wo ta lé Bale é dan alé we ble lɛ yi voéla nya.

WENÉNÉ LE JAN A GYE (Évangile selon Jean) 12:48 ပူးပေါင်းရင်းမြစ်များ

Ézai 53:3

Munu serele bo a ma yé wo sɔn vɔ a ma, Kleblezan lé, nyanéblezan lé, Bélé mi lé wo yara si a ta, a zo; Ko lɔlu plɛn a ma, yé é ’ka ko yuɛgi bɔ lɛ lo.

Matio 10:15

Webleyi nya, fla ’ko zé kleblele é dan mini lɛ Sɔdɔm valé Gɔmɔɔ zé ta. Maa fe ka lɛ.

Matio 21:42

Jézu lé wo lɛ léé: Dére lé wa gyɛ Kazambale lé sɛbɛ gi, ka ’ka tan a ta fe lɛ monomono loo? Wo léé: Gɔlɛ lé kɔndɔmunu sɔn vɔ a ma, É kɛlɛ kɔnsungɔlɛ nya. We ’ko si Mizambale va, Yé é a givuruwe nya ko yuɛ gi.

Matio 25:31

Dé maa blami Be da anlé fua ta gɔɔnle nya anlé lanjenu faa nya an va, an dan nyana lɛ anlé webleblin tɔbɔle ta.

Maak 12:10

Dére ’ko lé wa gyɛ Kazambale lé sɛbɛ gi, ka ’ka tan a ta fe lɛ loo? Wo léé: Gɔlɛ lé kɔndɔmunu sɔn vɔ a ma, É kɛlɛ kɔnsungɔlɛ nya.

Maak 16:16

Mian é bli vo a lɛ yé wa batizéwo, é dan si lɛ we gi. Mian é ’ka é bli vo lɛ a lɛ lo, alé we é dan a gyɛ lɛ.

Maak 8:31

Yé é kun we paale ma wo gi yé é léé: É a lé maa blami Be, an nyané ble é baba; é a lé mi segelenu koo, Balebanmunu segelenu koo, sɛbɛgifemunu koo, ’wo sɔn vɔ an ma; é a lé ’wo an gyɛ, yé yi fié a yaazan nya yé an nwa gamunu va.

WENÉNÉ LÉ LUK A GYE (Évangile selon Luc) 10:16

Mi lé éé tɔné dɔa ka lɛ, éé tɔné dɔa an lɛ, yé mi lé éé sɔn vɔa ka ma, éé sɔn vɔa an ma; yé mi lé éé sɔn vɔa an ma, éé sɔn vɔa mi lé é an pa zia, a ma.

WENÉNÉ LÉ LUK A GYE (Évangile selon Luc) 17:25

Naa, é a lé an nyané ble kaii yé bléyi ’ko vamunu é sɔn vɔ an ma we ’konu bɔlɛ ’lɛ.

WENÉNÉ LÉ LUK A GYE (Évangile selon Luc) 20:17

Naa, Jézu wo nagini yé é léé: We lé wa gyɛ sɛbɛ gi léé: Gɔlɛ lé kɔndɔmunu sɔn vɔ a ma É kɛlɛ kɔnsungɔlɛ nya, ’bɛ gi lé nɔɔ?

WENÉNÉ LÉ LUK A GYE (Évangile selon Luc) 7:30

Naa, zi lé Kazambale léé, mi ’é tawo a ta, Farizimunu valé bélidɔwedɔɔmunu a kɛlɛ boazi nya ’wo vazia sɔn vɔle nya Jan lé ’wo batizéwole ma.

WENÉNÉ LÉ LUK A GYE (Évangile selon Luc) 9:22

Yé é we taa fe léé: É a lé maa blami Be, an nyané ble é baba; é a lé mi segelenu koo, Balebanmunu segelenu koo, sɛbɛgifemunu koo, wo sɔn vɔ an ma; é a lé wo an gyɛ yé yi fié a yaazan nya yé an nwa gamunu va.

WENÉNÉ LÉ LUK A GYE (Évangile selon Luc) 9:26

Naa, mian é yara gya maa valé an dérenu lé we ma, yara é dan maa blami Be gyɛ lɛ ’bɛzan lé we ma, yian nya lé an dan da lɛ, maabozen koo, an Ti koo, lanje sauunnu koo, wolé fua gi, a yi nya.

WENÉNÉ LE JAN A GYE (Évangile selon Jean) 11:24

Maate lé a lɛ léé: Maa a gi dɔɔ léé, yi voélazan nya é dan nwa lɛ gamunu nwabléyi va.

WENÉNÉ LE JAN A GYE (Évangile selon Jean) 5:45

Té é dɔ ka gi léé, maa ɛ dan we dɔ lɛ ka nwiin an Ti va lo; mi lé é dan we dɔ lɛ ka nwiin, Moizi lé ka bli ke a lɛ bɛ, yee lé.

WENÉNÉ LE JAN A GYE (Évangile selon Jean) 6:39

Yé mi lé é an pa zia, alé blibɔmawe lé é ke léé, munu faa lé é wo nɔ an lɛ, té wo va mi do kpen é san an lee lo, naa, ’maa wo nwa gamunu va yi voélazan nya.

WENÉNÉ LE JAN A GYE (Évangile selon Jean) 8:47

Mi lé é ke Kazambale zé nya, éé tɔné dɔa Kazambale dérenu lɛ. Ka ’ka Kazambale lé munu nya lo, bɛwemalé ka ’ka ka tɔné dɔa a dére lɛ lo.

Kelewenu 3:23

Dé miomian ’ka é tɔné dɔ lɛ yee balelayezan ’ko lɛ lo, wo dan ’wo kan kini lɛ ’bɛzan ma.

Rom munu 2:16

Yee ɛ dan bɔra lɛ yian nya lé Kazambale é dan munu lé kyeengiwenu ble lɛ Jézu nya anlé Wenéné yɛrama, a yi nya.

2 Korɛnt Munu 4:3

Yé dé kolé Wenéné a é ziin é yɔɔle, ’té é a é yɔɔle munu lé wa gona zamaga wona, wo ɛ ma.

2 Tɛsalɔnik munu 1:8

É dan da lɛ kyɛnɛnɛ méléna, munu lé wo ’ka Kazambale dɔɔa lo, é valé munu lé wo ’ka Kaazan Jézu lé Wenéné lɛdɔama lo, we lɛdɔle wo gi we ma.

Ébrunu 10:25

Té ka sɔn vɔ ka zénle ékeva ma lo, bélé fɛan zo lé mi kenu ke a kɛlɛna, a zo lo, naa, kaa we pla kaa ke lɛ, yé dé kaa a ye léé, Jézu dayi bɔ é pu, kaa ’bɛ kɛlɛ é ziin é baba ma.

Ébrunu 12:25

’Ka yuɛ pa kabozen va, mi lé ke we fena ka lɛ, té ka sɔn vɔ a dére ma lo. Munu lé wo sɔn vɔ Moizi lé é we fe wo lɛ tɛrɛ la ’ko, a dére ma, dé Bale we lɛdɔ wo gi ’naan, ’té kaa nii? Dé kaa sɔn vɔ mi lé é ke we fena lagi loru bɛ, ’bɛzan dére ma, Bale ’ka dan we lɛdɔ lɛ kaa gi loo?

Ébrunu 2:3

Dé kaa yara si silewegi blɛn ’ko zo ta, we é dan si lɛ kaa nwiin kaa? Mizan bozen ɛ silewegi ’ko lé we fe é vinin, yé munu lé wo we ’ko ’ma a ta, wo yee duo fe kaa lɛ é ziin,

Ébrunu 4:12

Naa, Kazambale dére a é yuɛma, yé a ’lɛ a, yé a ’lɛ mini gwɔun‐o gwɔun‐an a ’léé ke fié, a ta, yé éé wɔraan fɔɔ yé éé mi boen valé é léli kini‐é ékema, yé éé mi wɔlɛ vɔna é ke ’léénu valé mi zununu kinié ékema yé éé migiblinu lé we valé mi bɔn‐in bɔrɔlenu lé we va sié.

1 Piɛri 1:5

Ka bli a Kazambale lɛ amalé alé plɛplɛ éé ka tabin‐é fɔɔ yé ka béliwe lé Kazambale a ma’lɛrɛle nyaa, yé ’é a nagɔɔn bléyi voéla nya.

2 Piɛri 3:3

We faa ’lɛ, we lé é a lé ka gi dɔɔ, yee lé é ke léé, yi voélanu nya, mi ma we?-?nanamunu é dan bɔra lɛ ’wolé mi ma wenanalenu nya, ’té woo tawoo wobozen lé blibɔmale yɛrama. Yé wo dan a fe lɛ léé:

2 Piɛri 3:7

yee dére duo nya lé lanu valé tɛrɛ lé é ke ana lao, Bale é yuɛ pa wo va yé é wo tadɔ wo kyɛblele we ma, yian nya lé Bale é dan munu lé we ble lɛ yé é Bale lé zi ma wenyané fezannu guru zana a gi, a yi nya. Wo gi san we ’konu ma wobo yuɛ va.

1 Samuɛl 10:19

Yé kyɔ, ka a sɔn vɔna kalé Bale lé é ka si kalé nyanéblele faa valé kalé kleblele faa lee, a ma, yé ka lé a lɛ léé, ’i ’wo nwiinzan dɔ. Sin, ’ka da Gakelebale ’lɛ ka bɛn ma bɛn ma, mi wuru soru soru.

1 Samuɛl 8:7

Gakelebale lé Samuɛl lɛ léé: We faa lé munu a fena i lɛ, ’i tɔné dɔ wo lɛ; naa, wo ’ka sɔn vɔna i ma lo, an ma lé wo ke sɔn vɔna, té ’an pla wo nwiin lo we ma.