WENÉNÉ LE JAN A GYE (Évangile selon Jean) 12:32 - Kazambale lé Sebe Sauunu 1979

³² Yé maa, dé wo an si yian ma tɛrɛ la yé wo an dun loru, maa dan mi faa gana lɛ an va.

WENÉNÉ LE JAN A GYE (Évangile selon Jean) 12:32 ပူးပေါင်းရင်းမြစ်များ

2 Samuɛl 18:9

Abusalɔm valé David wuomunu kee. Abusalɔm a é nyanale sokofale ta. Sokofale wɔra térébɛnt yili blɛn lé a bɛnu ke bélé klaba zo, a wuo, yé a ’wuo kua a gi; é vo é dunle la valé tɛrɛ méléna, yé sokofale si a wuo yé ’bɛ go.

Wegɔné Ma Lɛrɛ 1:4

’I an sia ana yé ’an go i zuo; ’ko vlanburu. Minwiinzan blɛn go an nya ’é yiana. Ko gi vo drɔɔ ékeva; yé ko gi nana é baba ilé we ma; Ko sɔle i lɛ tɔ éé bɔa é mini dɔrɔ ta. I sɔle ko lɛ yara lé.

Ézai 11:10

’Bɛ yi la, gɔn lé é fɔn Izai ma, É dan kɛlɛ lɛ drapo nya migɔnɔnu lɛ; Bɛnnu faa é dan nɔla lɛ a vazia, Yé fuasan é dan kɛlɛ lɛ a nyanana nya.

Ézai 49:6

Yee Gakelebale léma: Dé i kɛlɛ an wuozan nya, Yé i Jakɔb bɛnnu vɔ a ma, Yé i da Izraɛl mi pɔnénu nya wo pa gi, ’bɛ a kiéné; Maa dan i kɛlɛ lɛ bɛnnu vakinisan nya, Yé i go anlé mi silewegi nya fɔɔ tɛrɛ glɛ sina.

OZÉ (Osée) 11:4

An wo sia ana zin valé sɔlɛle nya, Maa a lɔrɔ pa an blin ma Yé maa fɛblele nɔ a lɛ.

Mi Nɔnɔle 21:9

Moizi zéné foli méné foto nya, yé é a dun yiliblan ’léé, yé dé miomian méné suiɛ dɔ a ma, dé é zénéméné nagini, ’té é béli.

WENÉNÉ LE JAN A GYE (Évangile selon Jean) 1:7

É da kɛlɛ lɛ wenayezan nya san lé we fele we gi, léé, munu faa bli é vo a lɛ ’é dére ta.

WENÉNÉ LE JAN A GYE (Évangile selon Jean) 12:34

Yé mi gu lé a lɛ léé: Ko a ’ma bélidɔwe sɛbɛ gi léé, Krist é dan vo lɛ é yuɛma lɛɛfaama. Yé mɛmalé bii léé, é a lé wo blami Be duun? De ɛ ke ’bɛ blami Be ’ko nyaa?

WENÉNÉ LE JAN A GYE (Évangile selon Jean) 18:32

Wo we ’ko fe, we lé Jézu a fe é kyɛn léé, é dan ga lɛ fɛan zo, a lɛ sɔɔle we ma.

WENÉNÉ LE JAN A GYE (Évangile selon Jean) 19:17

Jézu élé yiliblan sia yé é goan, yé é bɔ miwuowɔlɛ lé fɛna, wa laama Ébru dére gi Gɔlgɔta.

WENÉNÉ LE JAN A GYE (Évangile selon Jean) 3:14

Yé fɛan zo lé Moizi méné dun bwi gi, a zo duo lé é a lé wo maa blami Be dun é ziin,

WENÉNÉ LE JAN A GYE (Évangile selon Jean) 6:44

an Ti lé é an pa zia, dé é ’ka mi sia lɛ ana lo, mi do kpen ’ka bɔa dale lɛ an va lo; naa, mian é da an va, maa dan ’bɛzan nwa lɛ gamunu va yi voélazan nya.

WENÉNÉ LE JAN A GYE (Évangile selon Jean) 8:28

Jézu lé wo lɛ léé: Yian nya lé ka dan maa blami Be dun lɛ, ’bɛ yi la, dé mi lé maa ke a nya, ka dan a dɔɔ lɛ, yé ka dan a dɔɔ lɛ léé, maa ’ka we do kpen kɛlɛna anbo ’wuo gi lo, naa, we lé an Ti a paa an gi, yee saa lé maa ke a fena.

Galasi munu 3:13

Krist kaa tabo bélidɔwe lé balepale lee yeebozen kɛlɛle balepamazan nya kaalé we gi we ma; naa, é a é gyɛle sɛbɛ gi léé: Dé wo mian dun yiliblan ta, ’bɛzan a balepamazan nya.

1 Timoté 2:6

’té ébozen nɔ mi faa tabozan nya bɛ, yee lé. Yee we lé wa gɔɔn alé we nya bléyi lé Bale a dɔ, a nya.

Ébrunu 2:9

Fɛ lé ko yé, yee lé ke Jézu nya. Jézu kɛlɛ kiéné é mini lanjenu ta bléyi sɛ nya, yé sin ko a yé, ’té fuasan valé tɔbɔle a a lee, plale mi nwiin tɔmase nya, ga lé é a wo, a we ma. Kazambale lé zin nya lé é mi faa gi ga wo.

1 Piɛri 2:24

é dɔ kaalé wenyané gi ébozen kɔlɛ nya yili la, kaa gale kaalé wenyanénu vazia we gi yé kaa vo é yuɛma we tegele kɛlɛle we gi; a tuolenu ma lé kaa béli.

1 Piɛri 3:18

Krist é ziin, é nyané ble wenyané ma gɔnɔ do; yee, Mi Tegele, é nyané ble mi plenu lé we gi, gole ka nya Kazambale va we ma; dé é a a kɔlɛ nya, ’bɛ ga, yé dé é a a léli nya, ’bɛ béli;

1 Jan 2:2

Yeebozen kɛlɛ kaalé wenyané ’yibofɛ nya, kaa saa zé wenyané kaan lo, tɛrɛ faa la munu koo é ziin.

Wegɔɔnle 5:9

Yé wo vo lɛrɛ dɛrɛ vɔna yé wo léé: Ilé sɛbɛ sile valé zɔrɔkaanyɔɔ bɔi yara lé, naa, wo i gyɛ saraka nya, azama, yé bɛn faa koo, dére faa koo, migɔnɔ faa koo, bɛntɛrɛ faa koo, i munu si wo va yé i wo tabo i nyɛ nya Kazambale zé nya;