WENÉNÉ LE JAN A GYE (Évangile selon Jean) 12:26 - Kazambale lé Sebe Sauunu 1979

²⁶ Dé é sɔ mian lɛ léé, é anlé nyanama pa, ’é da an zuo ma; yé fɛana lé an ke, ana lé anlé nyanamapazan é dan kɛlɛ lɛ é ziin. Mian éé anlé nyanama paan, an Ti é dan ’bɛzan tɔ kɛlɛ lɛ blɛn.

WENÉNÉ LE JAN A GYE (Évangile selon Jean) 12:26 ပူးပေါင်းရင်းမြစ်များ

Lɛrɛvɔ Sɛbɛ 17:15

Naa, dé é a maa nya, we ’ka an nwiin lo, yé an dan i yara ye lɛ, Dé an vuo tɔɔn, dé maa i ye, ’bɛ anzé bɔ.

Lɛrɛvɔ Sɛbɛ 91:15

É dan an tɔ laa lɛ, yé an dan we lɛ; Maa dan kɛlɛ lɛ a va alé kleblele gi; Maa dan a so lɛ wo lee, yé maa dan a tɔ zin bɔ lɛ.

Wegɔnévɔlenu 27:18

Mi lé éé bɔrɔyili suruan, é dan a poro ble lɛ, yé mi lé é ézan tabin‐é, wo dan a tɔ bɔ lɛ.

Mi Nɔnɔle 14:24

Naa, an wuozan Kalɛb gi bli a é yɛrama, yé é tawo anlé zi ta tegele, amalé tɛrɛ lé é go a ta, maa dan a nyana lɛ ’bɛna, yé é dan kɛlɛ lɛ a kulunu zé nya.

Mi Nɔnɔle 32:11

Munu lé wo si Éjipiti tɛrɛ la, ’té wo lɛɛ gié lɛɛ yɔ do ta, tɛrɛ lé maa anbo ’nyɔɔn léé, maa dan a nɔ lɛ Abraam koo, Izak koo, Jakɔb koo, wo lɛ, wo va mi do kpen ’ka dan a ye lɛ lo. Wo ’ka tawo lɛ an zuo yarapalale nya lo,

Matio 16:24

Yé Jézu lé é zuomunu lɛ léé: Dé é sɔ mian lɛ léé, é da an zuo, ’é bli si ébozen lɛ yé ébo lé yiliblan sia yé ’é da an zuo.

Matio 25:21

Azan lé a lɛ léé: An wuozan zima, yarapawelazan, ’bɛ a é zima. I kɛlɛ yarapawelazan nya we kiéné ’ko gi, amalé maa dan fɛ kiɛre bɛ pa lɛ i lee; ’i da, ’i nyana an va, yé ko gi ’é nana ékeva.

Maak 8:34

É mi gu valé é zuomunu laa aan wo, yé é lé wo lɛ léé: Dé é sɔ mian lɛ léé, ’é da an zuo, ’é bli si ébozen lɛ yé ’élé yiliblan sia yé ’é da an zuo.

WENÉNÉ LÉ LUK A GYE (Évangile selon Luc) 12:37

Wuomunu lé wozan é dan bɔ lɛ wo ma é yuɛma, wozé é dan kɛlɛ lɛ é zima. Maa lé ka lɛ webozen nya léé, wozan é dan sɔ vɔ lɛ é tɛrɛla, yé é dan wo nyana lɛ tablé zi, yé é dan fɛ nɔ lɛ wo lɛ.

WENÉNÉ LÉ LUK A GYE (Évangile selon Luc) 6:46

Mɛmalé ka an laan Mizan, Mizan, yé ka ’ka tawoo an dére ta loo?

WENÉNÉ LÉ LUK A GYE (Évangile selon Luc) 9:23

A zuo é lé wo faa lɛ léé: Dé é sɔ mian lɛ léé, ’é da an zuo, ’é bli si ébozen lɛ, yé ébo lé yiliblan sia tu valé é kinile ma yé ’é da an zuo.

WENÉNÉ LE JAN A GYE (Évangile selon Jean) 10:27

Anlé ’blanu an dére maan, yé maa wo dɔɔ yé woo dan an zuo.

WENÉNÉ LE JAN A GYE (Évangile selon Jean) 13:16

Maa fe ka lɛ kyɔ webozen nya, miwuozan ’ka minié ézan lɛ lo, yé nwunvɔzan ’ka minié é paziazan lɛ lo.

WENÉNÉ LE JAN A GYE (Évangile selon Jean) 14:15

Dé an sɔ ka lɛ, ’ka anlé bélidɔwenu kɛlɛ ma.

WENÉNÉ LE JAN A GYE (Évangile selon Jean) 14:3

Yé dé maa go, dé maa ka nyanana ma’lɛrɛ faa, maa dan da lɛ é ziin, yé maa dan ka sia lɛ yé maa go ka nya, yé fɛana lé an ke, yé ka kɛlɛ ana é ziin.

WENÉNÉ LE JAN A GYE (Évangile selon Jean) 15:20

Dére lé maa a fe ka lɛ, a sele ’é dɔ ka gi; maa fe kɔɔn ka lɛ léé, mi wuozan ’ka minié ézan lɛ lo. Dé wo nyané pa an ta, wo dan nyané pa lɛ é ziin ka ta; dé wo tawo an dére ta, wo dan tawo lɛ é ziin ka dére ta.

WENÉNÉ LE JAN A GYE (Évangile selon Jean) 17:24

An Ti, é sɔ an lɛ léé, fɛana lé an ke, munu lé i wo nɔ an lɛ, ’wo kɛlɛ an va ana, anlé fua tɔbɔle lé bé nɔ an lɛ, wolé a yele we ma. An sɔ i lɛ tɛrɛ bɔrale ’lɛ, ’bɛ lé we ma.

WENÉNÉ LE JAN A GYE (Évangile selon Jean) 21:22

Jézu lé a lɛ léé: Dé é sɔ an lɛ léé, ’é vo ana fɔɔ yé an da, ’bɛ mɛ ɛ kɛla i lɛɛ? Bii, ’i da an zuo.

Rom munu 1:1

Maa Pɔl lé an ke Jézu Krist lé luugɔnéné nya, maa ɛ ke sɛbɛ ’ko gyɛna ’kaa Rom munu lɛ. Bale an laa léé, an kɛlɛ nwunvɔzan nya, yé é an dɔ élé Wenéné fezan nya.

Rom munu 14:18

Mian éé Krist bɔa we yaa ’ko nya, ’bɛzan ɛ sɔ Kazambale lɛ, ’té ’bezan lé we a é zima munu yuɛ gi.

2 Korɛnt Munu 4:5

Ko ’ka kobozen lé we fena lo; Mizan Jézu Krist lé we lé ko ke a fena, yé ko léé, ko a ka wuozannu nya Jézu lé we ma.

2 Korɛnt Munu 5:8

Ko fuu a ko ta yé é sɔ ko lɛ léé, ko si kɔlɛ ’ko gi yé ko go Mizan va.

Galasi munu 1:10

Yé lao, maa a a va léé, munu ɛ an ye mi zin nya laa, taa, Bale ɛ an ye mi zin nyaa? Taa, maa a kwa kulina léé, anlé we é sɔ munu lɛɛ? Dé maa a tan kwa kulina léé, anlé we é sɔ munu lɛ, ’té maa ’ka kɛla kɔɔn Krist wuozan nya lo.

Filip munu 1:23

An bli a bɛ fié la. É sɔ an lɛ léé, ’an go yé an kɛlɛ Krist va. ’Bɛ fila vɔ é baba.

Kolɔs munu 3:24

ka a gi dɔɔ léé, ka dan tɔnɔ ye lɛ ka ban nya Mizan va. ’Ka kɛlɛ Mizan Krist lé luu nya ma.

Kolɔs munu 4:12

Épafras lé é ke ka va mi do nya bɛ, é we ka va; é a Jézu Krist wuozan nya, yé é ’ka daanma ka ta gulidanle ma bazorole nya lo léé, ’ka dɔ gligli yé gun ’é si ka ma, yé ’ka ’wuo dɔ Kazambale lé blibɔmawe faa wuo.

2 Piɛri 1:1

’Kaanu lé ka blipale wezan duo ye ko va, kaalé Bale valé Mibélizan Jézu Krist tegele lé we ma bɛ, an we ka va. Maa Simɔn Piɛri lé an ke Jézu Krist lé luugɔnéné valé alé nwunvɔzan nya, maa ɛ ke sɛbɛ ’ko gyɛna ka lɛ.

1 Jan 5:3

Kazambale va sɔlɛle ɛ ke alé bélidɔwe kɛlɛle nya, yé alé bélidɔwe kɛlɛle ’ka tɔntɔn lo;

SEBE LÉ JUD A GYE (Épitre de Jude) 1:1

’Kaanu lé Tibale ka laa, ’té ka sɔ a lɛ yé é ka tadɔ Jézu Krist zé nya bɛ, maa we ka va. Maa Jud lé an ke Jézu Krist lé luugɔnéné nya, Jak bwe nya, maa ɛ ke sɛbɛ ’ko pana ka lɛ zia.

Wegɔɔnle 14:4

Wa munu lé wo ’ka ’wobo tiri dɔ lɛ lomu va lo, wo nya, naa, wo ’ka le dɔɔ lɛ lo; fɛ faa lé ’Blané éé goo ana, woo goo a zuo. Bale wo tabo munu méléna féifɛ bɔrale vinin nya Kazambale valé ’Blané zé nya;

1 Samuɛl 2:30

Bɛwemalé Gakelebale, Izraɛl lé Bale léma: Maa lé turu léé, ilé munu valé i ti lé munu é dan vo lɛ an ’lɛ lɛɛfaama, ’bɛ glɛ ’ka lo. Gakelebale léé: Sin, ’bɛ ’ka an gi é dɛrɛ lo. Naa, mi lé é an lɛdɔama, maa dan ’bɛzan lɛdɔ lɛ a ma, yé mi lé é serele bo an ma, maa dan serele bo lɛ ’bɛzan ma.