WENÉNÉ LE JAN A GYE (Évangile selon Jean) 11:25 - Kazambale lé Sebe Sauunu 1979

²⁵ Jézu lé a lɛ léé: Maa lé ke gamunu nwazan nya, é valé mi vo é yuɛmazan nya. Mian é bli vo an lɛ, dé é gaoo, é dan béli lɛ.

WENÉNÉ LE JAN A GYE (Évangile selon Jean) 11:25 ပူးပေါင်းရင်းမြစ်များ

Lɛrɛvɔ Sɛbɛ 36:9

Ilé kɔngifɛ kiɛre wo kaan, Ilé fɛ néné no wo lɛ yé lɔrɔ éé sié wo ma.

Ézai 26:19

Amalé, ’ilé migalenu vuo ma; ’I anlé migalenu nwa ma. Ka lé ka ke vun va, ’ka vuo, ka gi ’é nana, Naa, Bale lé fli a mivoéyuɛma fli nya, Yé é dan vɔ lɛ migalenu ta.

Ézai 38:16

Mizan, ilé zin ma lé mi éé voo é yuɛma, Ilé zin ma lé an ke flinna tan; I an dɔ an pa gi yé i an vo é yuɛma.

WENÉNÉ LÉ LUK A GYE (Évangile selon Luc) 23:43

Yé Jézu lé a lɛ léé: Kyɔ, i dan kɛlɛ lɛ an va paradi webozen nya. Maa fe i lɛ.

WENÉNÉ LE JAN A GYE (Évangile selon Jean) 1:4

A gi lé vole é yuɛma ke, yé yee vole é yuɛma a munu lé san nya.

WENÉNÉ LE JAN A GYE (Évangile selon Jean) 14:19

É vo sɛ yé tɛrɛlamunu ’ka dan an ye lɛ é dɛrɛ lo, naa, maa a é yuɛma, yé ka dan kɛlɛ lɛ é yuɛma é ziin, amalé ka dan an ye lɛ.

WENÉNÉ LE JAN A GYE (Évangile selon Jean) 14:6

Jézu lé a lɛ léé: Maa lé ke zi koo, webozen koo, vole é yuɛma koo, wo nya. Mi do kpen ’ka dan an Ti va lo, ’té dé é ’ka gié lɛ an va lo.

WENÉNÉ LE JAN A GYE (Évangile selon Jean) 3:16

Naa, Kazambale bli bɔ tɛrɛlamunu ma é baba, amalé é ’é Be wɔlɛ do kpen nɔ wolé we gi, léé, dé miomian bli vo a lɛ, é ’ka zamaga woo monomono lo, naa, é dan vo lɛ é yuɛma lɛɛfaama, ’bɛ glɛ ’ka lo.

WENÉNÉ LE JAN A GYE (Évangile selon Jean) 3:36

Mi lé éé bli voo Be lɛ, é dan vo lɛ é yuɛma lɛɛfaama, ’bɛ glɛ ’ka lo, naa, mi lé éé Be lɛgaanma, é ’ka dan vo lɛ é yuɛma lo, naa, Kazambale bli é dan vo lɛ flina a ma. A zo lé Jan a fe wo lɛ.

WENÉNÉ LE JAN A GYE (Évangile selon Jean) 5:21

Naa, fɛan zo lé an Ti éé munu nwaan gamunu va ’té éé wo bélié, a zo duo lé mi lé é sɔ an lɛ léé, maa a béli, ’bɛzan lé maa a bélié.

WENÉNÉ LE JAN A GYE (Évangile selon Jean) 5:26

Fɛan zo lé an Ti bozen ke vole é yuɛma ’wuo nya, a zo duo lé é a se kɛlɛ maa é Be lɛ léé, an kɛlɛ vole é yuɛma ’wuo nya é ziin.

WENÉNÉ LE JAN A GYE (Évangile selon Jean) 6:35

Jézu lé wo lɛ léé: Maa lé ke mibéliburu nya. Mi lé é da an va, lɔrɔ ’ka dan a gyɛ lɛ monomono lo, yé mi lé a bli vo an lɛ, ’yiminilɔrɔ ’ka dan a gyɛ lɛ monomono lo.

WENÉNÉ LE JAN A GYE (Évangile selon Jean) 6:44

an Ti lé é an pa zia, dé é ’ka mi sia lɛ ana lo, mi do kpen ’ka bɔa dale lɛ an va lo; naa, mian é da an va, maa dan ’bɛzan nwa lɛ gamunu va yi voélazan nya.

Kelewenu 3:15

Yé ka bélile punsina gyɛ, yee lé Kazambale a nwa gamunu va. Ko a anayezannu nya.

Rom munu 4:17

é léé: Maa i kɛlɛ bɛn kiɛre ti nya. É a kaa ti nya Bale lé é bli vo ’bɛ lɛ, ’bɛ yuɛ gi, Bale lé éé migalenu bélié, yé fɛnu lé wo ’ka tan lo, éé wo laan bélé fɛan zo lé wo ana, a zo, ’bɛ Bale yuɛ gi.

Rom munu 8:2

Naa, Kazambale Léli lé bélidɔwe lé éé mi bélié Jézu Krist gi, é an si wenyané lé bélidɔwe valé ga wuo.

1 Korent munu 15:18

’té munu lé wo ga Krist gi, ’té wa é sanle é ziin.

1 Korent munu 15:29

É ziin, wo mi kenu batizéwo mi galenu tɔ gi. Mɛmalé wa kɛlɛɛ? Dé mi galenu ’ka nwaan monomono lo, mɛmalé wa munu batizéwona wo tɔ gii?

2 Korɛnt Munu 4:14

Ko a gi dɔɔ léé, mian é Mizan Jézu nwa gamunu va, ’bɛzan é dan ko nwa lɛ é ziin Jézu va, yé é dan é ziin ko valé kanu bɔra lɛ é yara.

Filip munu 1:23

An bli a bɛ fié la. É sɔ an lɛ léé, ’an go yé an kɛlɛ Krist va. ’Bɛ fila vɔ é baba.

Filip munu 3:10

Maa a a va léé, maa Krist dɔɔ, yé plɛplɛ lé é Krist nwa gale va koo, nanale a va alé nyanéblelenu gi koo, maa a wo va. É sɔ an lɛ léé, an ga, bélé fɛan zo lé é ga, a zo,

1 Tɛsalɔnik munu 4:14

Dé ko dɔ a ta léé, Jézu ga yé é nwa é ziin, é a lé ko dɔ a ta é ziin léé, munu lé wo ga Jézu gi, Kazambale é dan wo pa lɛ Jézu va yé é da wo nya.

Wegɔɔnle 1:18

An ga, yé maa lo, maa a é yuɛma sin lɛɛfaama, a glɛ ’ka lo. Yé ga valé gamunu nyanana lé lakléwɔlɛnu a maa ɛ lee.

Wegɔɔnle 20:5

Migale pɔnénu ’ka nwa lɛ é yuɛma lo fɔɔ yé lɛɛ wuru soru lɛ sɔɔ a zo. Migale nwale vininzan lé.

Wegɔɔnle 21:4

É dan wo yuɛyi si lɛ yé mi ’ka dan ga lɛ é dɛrɛ lo; wo ’ka dan gyɛ bo lɛ é dɛrɛ lo; wo ’ka dan wuvɔ lɛ é dɛrɛ lo; wo ’ka dan nyané ble lɛ é dɛrɛ lo, naa, we vininnu faa gié.

Wegɔɔnle 22:1

Yuu lé éé mi voo é yuɛma, ’té a yuɛ a sésé bélé vlinvlin wezan zo, ’té éé sié Kazambale valé ’Blané lé webleblin gi bɛ, lanje a gɔɔn an lɛ.

Wegɔɔnle 22:17

Yé Kazambale Léli valé bosizan léé: ’I da. Yé dé mianzan a ’ma, ’bɛzan ’é ’i da vɔ ma. Mian ’yiminilɔrɔ ke a gyɛna, ’é da ma; yé mian é sɔ a lɛ léé, ’é mivoéyuɛma ’yi si, ’bɛzan a si é pla ma.