WENÉNÉ LE JAN A GYE (Évangile selon Jean) 11:24 - Kazambale lé Sebe Sauunu 1979

²⁴ Maate lé a lɛ léé: Maa a gi dɔɔ léé, yi voélazan nya é dan nwa lɛ gamunu nwabléyi va.

WENÉNÉ LE JAN A GYE (Évangile selon Jean) 11:24 ပူးပေါင်းရင်းမြစ်များ

Lɛrɛvɔ Sɛbɛ 17:15

Naa, dé é a maa nya, we ’ka an nwiin lo, yé an dan i yara ye lɛ, Dé an vuo tɔɔn, dé maa i ye, ’bɛ anzé bɔ.

Ézai 25:8

É dan gale yi ga lɛ lɛɛ faa zé nya ’té; Mizan Gakelebale é da mi faa yuɛyi si lɛ ’wo yara nuu; é dan yaragyɛwe si lɛ élé munu ’wuo ma tɛrɛ faa la. Naa, Gakelebale ɛ fe, azama.

Ézai 26:19

Amalé, ’ilé migalenu vuo ma; ’I anlé migalenu nwa ma. Ka lé ka ke vun va, ’ka vuo, ka gi ’é nana, Naa, Bale lé fli a mivoéyuɛma fli nya, Yé é dan vɔ lɛ migalenu ta.

OZÉ (Osée) 13:14

Maa dan wo si lɛ gamunu nyanana lé plɛplɛ lee; maa dan wo si lɛ ga boen lee. Gaoo ga, ilé bawurumagyɛ a kyɛɛn? Gamunu nyanana, ilé mi guru zanale a gi a kyɛɛn? Naa, maa ’ka wo bli nɔlale yé lo.

OZÉ (Osée) 6:2

É dan ko béli lɛ yi fié gi, a yi yaazan nya é dan ko nwa lɛ, yé ko dan vo lɛ é yuɛma a va.

WENÉNÉ LÉ LUK A GYE (Évangile selon Luc) 14:14

Wo ’ka bɔa a lɛgi kɛlɛle lɛ i lɛ lo, naa, Bale é dan a lɛgi kɛlɛ lɛ i lɛ mi tegelenu nwayi nya gale va, amalé i gi é dan nana lɛ ’bɛ yi la.

WENÉNÉ LE JAN A GYE (Évangile selon Jean) 11:23

Jézu lé a lɛ léé: I bwe é dan nwa lɛ gale va.

WENÉNÉ LE JAN A GYE (Évangile selon Jean) 6:39

Yé mi lé é an pa zia, alé blibɔmawe lé é ke léé, munu faa lé é wo nɔ an lɛ, té wo va mi do kpen é san an lee lo, naa, ’maa wo nwa gamunu va yi voélazan nya.

WENÉNÉ LE JAN A GYE (Évangile selon Jean) 6:40

An Ti lé blibɔmawe lé é ke ’ko: dé miomian é an ye a Be nya, yé a bli vo an lɛ, vole é yuɛma lé a glɛ ’ka lo, é wɔra ’bɛ gi, yé maa dan a nwa lɛ gamunu va yi voélazan nya.

Kelewenu 24:15

Mi tegelenu valé munu lé wo ’ka tegele lo, wo dan nwa lɛ gale va. An bli a Kazambale lɛ a we ma, bélé fɛan zo lé wo bli ke a lɛ, a zo.

Ébrunu 11:35

Lomu ’wolé mi ke ye é nwale gale va é ziin; a kenu ’wobo nɔ nyanéblele lɛ; wo ’ka a nyi si lɛ léé, ’wo sɔn vɔ ga ma monomono lo, nwale gale va bozen yele we gi.