WENÉNÉ LE JAN A GYE (Évangile selon Jean) 11:19 - Kazambale lé Sebe Sauunu 1979

¹⁹ bɛwemalé Juifinu kiɛre da Maate valé Mari va, wo tɔrɔ paale we gi wo bwe gale lé we ma.

WENÉNÉ LE JAN A GYE (Évangile selon Jean) 11:19 ပူးပေါင်းရင်းမြစ်များ

Wepélisiananu 37:35

A benu faa valé a lunu faa da a tɔrɔ paa lɛ; yé é ’ka ’bɛ nyi si lɛ monomono lo. É léé: An dan go lɛ an be va gamunu nyanana a wuvɔle nya. Yé é vo é be wuvɔna.

2 Samuɛl 10:2

Yé David léé: Maa dan wezin kɛlɛ lɛ Nakas be Anun lɛ, bélé fɛan zo lé a ti wezin kɛlɛ an lɛ, a zo. Yé David é wuomunu nwunvɔ a tɔrɔpaale we ma a ti gale we ma. David wuomunu bɔ aan wo Amɔn munu lé tɛrɛ la,

Minwiinzannu lé Wezuofe Sɛbɛ 10:12

wo va nyanazannu faa nwa, yé wo Saul valé é benu gale si yé wo go wo nya Jabɛs. Wo wo pa térébɛnt yili wuo, Jabɛs, yé wo lɔrɔ sɔn yi sɔrafié.

JOB (Job) 2:11

Job béé yaa ana; Téman mi Élifaz a do; Suas mi Bilda a do; Naama mi Sofaa a do; we naanénu faa lé wo bɔ Job ma, wa ’ma. Wo si ’wo va yé wo zén ékeva yé wo go a va, a gale nyɔ vɔle valé a tɔrɔpaale we ma.

JOB (Job) 42:11

Job bwenu koo, a buru koo, a béé vininnu koo, wo faa da we lɛ a va, yé wo fɛ ble a va alé kɔn gi. Wa gale nyɔ vɔ yé wa tɔrɔ paa we tɔntɔnnu faa lé Gakelebale a bɔ a ma, wolé we ma, yé wo faa gɔɔli valé bɛmakyan nɔ a lɛ.

Bale Lé We Gifezan 7:2

Gole gyɛbo kɔn gi fila vɔ é mini gole fɛtikɛlɛkɔn gi lɛ, naa, gyɛbokɔn lé ke mi faa zé ’wuoplana nya, azama, yé mi yuɛmalenu woo gi bɔrɔan a ma.

Ézai 51:19

We tɔntɔn fié bɔ i ma, De ɛ nyanai é dan zén lɛ i taa? Ilé fɛnu sile gla nya valé i sɛrɛle koo, lɔrɔ lé i gyɛle valé gwɔun koo, wo bɔ i ma, Maa dan i tɔrɔ paa lɛ kaa?

Jérémi Lé Wuvɔ Sɛbɛ 1:16

Bɛwemalé an wuvɔa, ’té an yuɛyi éé zén‐é, Naa, mian énɔ an tɔrɔ paama, é si an ma baa, Mian éé an fuu dɔa an ta, yee lé. Guliwuo vo an nyanézannu lɛ, amalé an benu bli kyɛ dɔ é baba.

Jérémi Lé Wuvɔ Sɛbɛ 1:2

Éé wuvɔa tu la, yé a yuɛyi a golɛ la blé; Munu faa lé é sɔ wo lɛ, a tɔrɔpaazan do ’ka ye lɛ ’bɛnu va lo; A béénu faa bli nɔla a ma, Yé wo kɛlɛ a nyanézannu nya.

Jérémi Lé Wuvɔ Sɛbɛ 1:21

Wo anlé bamaflinle ’ma, yé mi do ’ka an tɔrɔ paa lɛ lo; An nyanézannu faa anlé we tɔntɔnnu ’ma; Wo gi nana léé, bé kɛlɛ é zima; Naa, yi lé bé zana dɔɔ, léé, wozé ’é kɛlɛ bélé anzé zo, a yi ’é bɔ ma.

Jérémi Lé Wuvɔ Sɛbɛ 1:9

Alé sɔ lɔlu tiri dɔ, yé é ’ka bɔn‐in bɔrɔan é nyaale ma lo; Munu gi vuru a diabɛ lé we ma, yé a tɔrɔpaazan ’ka lo; Oo Gakelebale, ’i anlé nyanainya we ye. Ko nyanézannu éé ko naginian ’wo yuɛ zuo.

Jérémi Lé Wuvɔ Sɛbɛ 2:13

An dan fe lɛ i lɛ nɔɔ? Jérusalɛm munu, maa ka daan mɛ fɛ maa? Jérusalɛm munu, Maa ka daan mɛ fɛ ma ka tɔrɔ paale we maa? Naa, ka manɔn a blɛn bélé wɛyi zo; de ɛ bɔa a nyaale lɛɛ?

WENÉNÉ LÉ LUK A GYE (Évangile selon Luc) 10:39

A buru a, wa laama Mari; ’bɛ nyana Mizan gane ma, ’té ’bɛ éé tɔné dɔa a dére lɛ.

WENÉNÉ LÉ LUK A GYE (Évangile selon Luc) 10:42

Naa, we do kpen ɛ ke mi mawe nya. A zin lé Mari a si ézé nya, yé wo ’ka dan a si lɛ a lee lo.

WENÉNÉ LE JAN A GYE (Évangile selon Jean) 1:19

Juifinu lé wo ke Jérusalɛm, wo Balebanzannu valé Lévinu nwunvɔ we laale Jan lee we gi léé: De ɛ ke i nyaa?

WENÉNÉ LE JAN A GYE (Évangile selon Jean) 11:1

Bétani gɔné do lé wa laama Lazaa, a ma é yaan. Bétani a Mari valé é buru Maate lé fla nya.

WENÉNÉ LE JAN A GYE (Évangile selon Jean) 11:31

Juifinu lé wo ke Mari va kɔn gi a tɔrɔ paana bɛ, wa ye aan wo léé, é nwa é kele yé é bɔra, é dɔ wo gi léé, é a gona mi vun ta wuvɔle we ma, yé wo go a zuo.

WENÉNÉ LE JAN A GYE (Évangile selon Jean) 11:33

Jézu a ye léé, é a wuvɔna, é valé Juifinu lé wo da a va, wo nya, ’bɛ Jézu bli kyɛ dɔ fɔɔ yé a gi vuru.

WENÉNÉ LE JAN A GYE (Évangile selon Jean) 11:36

Amalé Juifinu léé: É sɔ a lɛ fɛan zo, ka a yé loo?

WENÉNÉ LE JAN A GYE (Évangile selon Jean) 11:45

Juifinu lé wo da Mari va, dé wo Jézu kɛlɛwe ye, wo va mi kiɛre pa a ta.

WENÉNÉ LE JAN A GYE (Évangile selon Jean) 11:8

A zuomunu lé a lɛ léé: Kozan, Juifinu a kwa kulina yi la léé, ’wo i gya gɔlɛ nya Judé tɛrɛ la ’naan, yé i léé, ’é go ana é ziin?

Rom munu 12:15

Ka gi ’é nana, munu lé wo gi ke é nanale, wo va ma. ’Ka wuvɔ, munu lé wo ke wuvɔna, wo va ma.

2 Korɛnt Munu 1:4

We tɔntɔn faa lé woo bɔa ko ma, éé ko tɔrɔ paan wo ma, léé, dé we tɔntɔn bɔ mi bɛnu ma, yé ko bɔalɛ léé, ko wo tɔrɔ paa, bélé Kazambale ko tɔrɔ paa fɛan zo, a zo.

1 Tɛsalɔnik munu 4:18

Bɛwemalé, ’ka ka ke tɔrɔ paa dére ’konu nya ma.

1 Tɛsalɔnik munu 5:11

Bɛwemalé, ’ka we pla ka ke lɛ, yé ’ka ka ke dɔ gligli, bélé fɛan zo lé ka ke a kɛlɛna, a zo.

1 Samuɛl 31:13

wo wo wɔlɛnu si yé wo wo pa Tamarik yili wuo Jabɛs, yé wo lɔrɔ sɔn yi sɔrafié.