WENÉNÉ LE JAN A GYE (Évangile selon Jean) 10:36 - Kazambale lé Sebe Sauunu 1979

³⁶ maa lé Kazambale an pa é yɛrama yé é an pa zia tɛrɛlamunu va, dé maa a fe léé, Bale Be lé ke an nya, yé ka léé, an Bale sɔnɔɔ?

WENÉNÉ LE JAN A GYE (Évangile selon Jean) 10:36 ပူးပေါင်းရင်းမြစ်များ

Lɛrɛvɔ Sɛbɛ 2:2

Mɛmalé tɛrɛ la minwiinzan blɛnnu éé nwaan ’Té mi blɛnnu woo péli vɔa wo va do Gakelebale valé élé nyɔnɔzénnwiinzan maa?

Ézai 42:1

An wuozan lé maa dɔ a zuo, yee lo, Maa a si a va, yé é sɔ an bli lɛ. Maa an léli vɔ a ta; É dan wetegele fe lɛ bɛnnu lɛ.

Ézai 42:3

Kyɛbɔ bale lé a goi ke dɔna, é ’ka dan a diri lɛ lo; É dan wetegele fe lɛ weboen yɛrama.

Ézai 55:4

Maa a dɔ wenayezan nya munu lɛ, Maa a dɔ munu nwiinzan valé wo bélidɔzan nya.

Jérémi 1:5

Dé maa ’ka tan i kɛlɛle péli sia lɛ i bu bɔn gi lo, ’té maa i dɔɔ. Yé maa i pa é yɛrama yé maa i dɔ munu faa lé balelayezan nya i bu lé i yaale ’lɛ.

Matio 27:43

Ébo bɛ pa Kazambale lee, naa, dé é sɔ Kazambale lɛ, ’bɛ a si we gi sin ma. Jézu a fe é kyɛn léé, ’é a Kazambale Be nya, amalé wa fe.

Matio 27:54

Sunyayɔsoru ’lɛzan valé munu lé wo ke a va yuɛ pana Jézu ta, dé wo tɛrɛ ma nyɔɔnle ye, é valé we lé é bɔ bɛ, a nya, wo gi nyɛ blɛn kini yé wo léma: Mi ’ko a Bale Be nya webozen nya.

WENÉNÉ LÉ LUK A GYE (Évangile selon Luc) 1:35

Lanje lé a lɛ léé: Léli Sauun é dan zén lɛ i ta, yé Loruzan lé plɛplɛ é dan zén lɛ i ta bélé furɔ zo. Amalé né sauun lé i dan a yaa lɛ bɛ, wo dan a laa lɛ Kazambale Be.

WENÉNÉ LE JAN A GYE (Évangile selon Jean) 10:35

Munu lé wo Kazambale lé we fe wo lɛ, dé Kazambale lé sɛbɛ wo laa balenu, yé dé sɛbɛgiwe ’ka bɔaléé, é kɛlɛ we pla nya lo,

WENÉNÉ LE JAN A GYE (Évangile selon Jean) 17:18

Fɛan zo lé i an pa zia tɛrɛ la, a zo duo lé maa wo pa zia tɛrɛ la é ziin.

WENÉNÉ LE JAN A GYE (Évangile selon Jean) 17:21

wo kɛlɛle mi do nya we ma, bélé Bii an Ti, i a an gi yé maa a i gi fɛan zo, wo é ziin yé wo ’é kɛlɛ mi do nya a zo ko gi, yé tɛrɛlamunu a gi dɔɔ léé, bii ɛ an pa zia.

WENÉNÉ LE JAN A GYE (Évangile selon Jean) 17:8

yé dérenu lé bé pa an ’léé, maa a fe wo lɛ yé wa nyi si yé wa gi dɔɔ webozen nya léé, i va lé maa si, yé wo dɔ a ta léé, bii ɛ an pa zia.

WENÉNÉ LE JAN A GYE (Évangile selon Jean) 19:7

Juifinu lé a lɛ léé: Kolé bélidɔwe do a, yé kolé bélidɔwe ’ko yɛrama é a lé mi ’ko ’é ga. É ’ébo kɛlɛ Kazambale Be nya, azama.

WENÉNÉ LE JAN A GYE (Évangile selon Jean) 20:28

Tɔmas lé a lɛ léé: Anzan valé anzé Bale.

WENÉNÉ LE JAN A GYE (Évangile selon Jean) 20:31

Naa, maa we ’konu gyɛ sɛbɛ gi ka bli vole a lɛ we ma léé, Jézu ɛ ke Krist nya, Kazambale Be nya, yé dé ka bli vo a lɛ yé ka béli a tɔ ma.

WENÉNÉ LE JAN A GYE (Évangile selon Jean) 3:17

Kazambale ’ka é Be pa lɛ zia léé, ’é da tɛrɛlamunu lé we ble lo, naa, é a pa zia léé, ’é tɛrɛlamunu si we gi.

WENÉNÉ LE JAN A GYE (Évangile selon Jean) 3:34

Naa, Kazambale ’ka ’é Léli nɔle glɛ dɔ lɛ a lɛ lo; bɛwemalé, mi lé Kazambale a pa zia, Kazambale dérenu lé éé a fé.

WENÉNÉ LE JAN A GYE (Évangile selon Jean) 5:30

Maa ’ka bɔa we do kɛlɛle lɛ anbo ’wuo gi lo. We lé maa a maan, a yɛrama lé maa we blé; yé maa ’ka anbo lé blibɔmawe kɛlɛna lo; naa, mi lé é an pa zia, alé blibɔmawe lé maa ke a kɛlɛna, bɛwemalé an we blé tegele.

WENÉNÉ LE JAN A GYE (Évangile selon Jean) 6:27

Té ka nyanama pa fɛblele lé é dan gié lɛ bɛ, ’bɛ lé we ma lo. ’Ka a pa yee lé é vo vole é yuɛma lé a glɛ ’ka lo, azé nya, alé we ma; yee lé maa blami Be é dan a nɔ lɛ ka lɛ. Naa, Tibale ézé tɔmase pa maa ɛ ma.

WENÉNÉ LE JAN A GYE (Évangile selon Jean) 6:38

An ’ka si lɛ la gi yé an da anbo lé blibɔmawe kɛlɛle we ma lo, naa, an si la gi yé an da, mi lé é an pa zia, alé blibɔmawe kɛlɛle we ma.

WENÉNÉ LE JAN A GYE (Évangile selon Jean) 6:57

Fɛan zo lé an Ti lé é ke é yuɛma é an pa zia, yé an voo é yuɛma alé we ma, a zo duo lé mian éé an blé é dan vo lɛ é yuɛma anlé we ma.

WENÉNÉ LE JAN A GYE (Évangile selon Jean) 6:69

yé ko a gi dɔɔ léé, bii a Krist nya, Kazambale lé Mi Sauun nya, yé ko dɔ ’bɛ ta.

WENÉNÉ LE JAN A GYE (Évangile selon Jean) 8:42

Jézu lé wo lɛ léé: Dé é vo léé, Kazambale ɛ ke ka ti nya, ’té an dan sɔ lɛ ka lɛ. Kazambale gi lé an si, yé an da; an ’ka da lɛ anbo ’wuo gi lo, naa, yee ɛ an pa zia.

Rom munu 1:4

naa, dé é a a léli sauun nya, é a Kazambale Be nya; plɛplɛ lé é nwa a nya gamunu va, ’bɛ a nagɔɔn.

Rom munu 8:3

Kaa dɔbɛ kyɛn bélidɔwe tua, amalé we lé bélidɔwe ’ka bɔa a kɛlɛle lɛ lo, Kazambale a kɛlɛ. É a kɛlɛ fɛan zo, yee lé ke ’ko: ébozen Be pa zia wenyané ma ban nya kɔlɛ lé é ke bélé kaalé wenyanékɔlɛ zo, a gi; ’bɛ kɛlɛlɛ nya lé é wenyané lɛgama mi dɔbɛ kyɛn gi.

Rom munu 9:5

Abraamnu a wo ɛ tranu nya, yé dé é a Krist lé tɛrɛlakɔlɛ lé we nya, wo ɛ kululazan lé, Krist lé ke fɛnu faa nwiin, ’té é ke Bale lé a drɔɔ ke é vole lɛɛfaama, a nya, wo ɛ kululazan lé. Amɛɛn.

Galasi munu 4:4

Naa, a bléyi lɛ sɔɔ aan wo, Kazambale é Be pa zia; le do a yaa bélidɔwe wuozan nya;