WENÉNÉ LE JAN A GYE (Évangile selon Jean) 10:28 - Kazambale lé Sebe Sauunu 1979

²⁸ Vole é yuɛma lé a glɛ ’ka lo, maa wo wɔra ’bɛ gi, yé wo ’ka dan zamaga wo lɛ monomono lo; yé mi do kpen ’ka dan wo si lɛ an lee gla nya lo.

WENÉNÉ LE JAN A GYE (Évangile selon Jean) 10:28 ပူးပေါင်းရင်းမြစ်များ

JOB (Job) 17:9

Duowo, mi tegele a é dɔle gligli ézé zi ta, Mi lé a bɛ ma ke é bɔle a suni taa wɔra.

Lɛrɛvɔ Sɛbɛ 31:5

Séli lé wa vɔ an ’lɛ, i dan an so lɛ a gi, Naa, i a an takuunzan nya.

Lɛrɛvɔ Sɛbɛ 37:28

Naa, we tegele sɔ Gakelebale lɛ, Yé é ’ka sɔn vɔa élé yarapawelazannu ma lo; Éé wo tabin‐é yifaama. Naa, mi nyanénu kulu é dan ga lɛ.

Wegɔnévɔlenu 24:16

naa, mi tegele éé diaan gɔnɔ sɔrafié yé éé nwa é ziin, naa, woo mi naanénu vɔa we tɔntɔn gi.

Wegɔnévɔlenu 4:18

Mi tegelenu lé zi a bélé san lé éé bié nyananyana, a zo; a bile gi éé goo gyɛle nya fɔɔ yé yiéyi é pa.

Ézai 27:3

Maa, Gakelebale, maa ɛ ke a tabinzan nya. An ’yi zén‐é a ta bléyi faa va, an yuɛ paan a va é yiéyi valé é béli, dé wo da a sɛrɛ.

Ézai 45:17

Gakelebale ma lé Izraɛlnu si we gi, Sile we gi lé a glɛ ’ka lo, yee lé. Yaragyɛwe ’ka dan bɔ lɛ ka ma lo, yé yara ’ka dan ka gyɛ lɛ lo, Fɔɔ, lɛɛfaama, a glɛ ’ka dɔa lo.

Ézai 54:17

Gulidanfɛ faa lé wa foli i gyɛle we ma, é ’ka dan we do kɛlɛ lɛ i lɛ lo; Yé mi faa lé wo nwa i tɔ fele we ma, I dan wo gyɛ lɛ we nya. ’Bɛ zo lé Gakelebale wuozannu lé tɔnɔ ke, ’Bɛ zo lé maa dan wo si lɛ we gi. Gakelebale ɛ fe.

Ézai 55:3

’Ka an ban ka tɔné nya, yé ’ka da an va, ’Ka tɔné dɔ yé kaboen é dan vo lɛ é yuɛma; Gipawe lé é ’ka nyaan lo, kaa dan a kɛlɛ lɛ, Yé zin lé maa fe léé, maa dan a kɛlɛ lɛ David lɛ, a yi ’ka dan ga lɛ lo.

Jérémi 23:4

Yé mi pazannu lé wo dan fɛ nɔ lɛ wo lɛ, maa dan wo dɔ lɛ. Wo ’ka dan kana lɛ é ziin lo; di ’ka dan kini lɛ wo gi é dɛrɛ lo, yé fɛ ’ka dan kele lɛ wo va mi do kpen ma lo.

Jérémi 31:3

Gakelebale a é sile an ma baa, naa, ébo nagɔɔn an lɛ; i sɔ an lɛ sɔlɛle lé a glɛ ’ka lo, a nya, bɛwemalé anlé zin ana tan kazé nya.

Jérémi 31:34

Mi do kpen ’ka dan we paa lɛ é bɔluzan gi lo, yé mi do kpen ’ka dan we paa lɛ é bwe gi a fele nya léé, ’ka Gakelebale dɔɔ, lo. Naa, é sia né kiénénu ma, fɔɔ yé é bɔ mi kwakwanu ma, munu faa é dan an dɔɔ lɛ. Naa, maa dan wo ma we vo lɛ wolé weplenu ma, yé wolé wenyanénu sele ’ka dan dɔ lɛ an gi é dɛrɛ lo. Maa Gakelebale ɛ ke a fena.

Jérémi 32:40

Gipawe lé é dan vo lɛ ana lɛɛfaama, maa dan a kɛlɛ lɛ wo va. Maa ’ka dan an yara si lɛ wo ta é dɛrɛ lo, maa dan we zin kɛlɛ lɛ wo lɛ. Yé an dan an lee kanale pa lɛ wo bli gi, léé, té wo si an va lo.

Maak 13:22

Dabli Kristnu valé viébalelayezannu é dan nwa lɛ, yé wo dan we blɛnblɛnnu valé gyɛzorowenu kɛlɛ lɛ fɔɔ yé munu lé Kazambale wo si a va ézé nya, yé wo wo saan, ’té dé wo bɔa kɔɔn saanle lɛ.

WENÉNÉ LÉ LUK A GYE (Évangile selon Luc) 23:46

Jézu siaa dére plɛplɛ nya léé: An Ti, maa an léli bɛ pa i lee. Dére ’konu fele nya lé é ga.

WENÉNÉ LE JAN A GYE (Évangile selon Jean) 10:29

An Ti lé é wo nɔ an lɛ, a blɛn mini fɛ faa ta, yé mi do kpen ’ka bɔa wo sile lɛ an Ti lee gla nya lo.

WENÉNÉ LE JAN A GYE (Évangile selon Jean) 11:25

Jézu lé a lɛ léé: Maa lé ke gamunu nwazan nya, é valé mi vo é yuɛmazan nya. Mian é bli vo an lɛ, dé é gaoo, é dan béli lɛ.

WENÉNÉ LE JAN A GYE (Évangile selon Jean) 14:19

É vo sɛ yé tɛrɛlamunu ’ka dan an ye lɛ é dɛrɛ lo, naa, maa a é yuɛma, yé ka dan kɛlɛ lɛ é yuɛma é ziin, amalé ka dan an ye lɛ.

WENÉNÉ LE JAN A GYE (Évangile selon Jean) 17:2

fɛan zo lé bé se kɛlɛ an lɛ léé, an pla mi faa nwiin, munu lé i wo nɔ an lɛ, vole é yuɛma lé a glɛ ’ka lo, anlé a nɔle wo lɛ we ma.

WENÉNÉ LE JAN A GYE (Évangile selon Jean) 18:9

É we ’ko fe, dére lé é a fe é kyɛn, a lɛsɔɔle we ma; é léé: Munu lé i wo nɔ an lɛ, wo va mi do kpen ’ka san lɛ an lee lo.

WENÉNÉ LE JAN A GYE (Évangile selon Jean) 3:36

Mi lé éé bli voo Be lɛ, é dan vo lɛ é yuɛma lɛɛfaama, ’bɛ glɛ ’ka lo, naa, mi lé éé Be lɛgaanma, é ’ka dan vo lɛ é yuɛma lo, naa, Kazambale bli é dan vo lɛ flina a ma. A zo lé Jan a fe wo lɛ.

WENÉNÉ LE JAN A GYE (Évangile selon Jean) 4:14

Naa, ’yi lé maa dan a nɔ lɛ munu lɛ, dé mian é ’bɛ ’yi mini, ’yiminilɔrɔ ’ka dan ’bɛzan gyɛ lɛ é dɛrɛ lo. Yé ’yi lé maa dan a nɔ lɛ ’bɛzan lɛ, é dan kinin lɛ ’yi’wuo nya a bɔn gi, yé é dan vo lɛ duunna fɔɔ yé é kɛlɛ munubélifɛ nya, yé wo vo é yuɛma ’té ’bɛ glɛ ’ka dɔa lo.

WENÉNÉ LE JAN A GYE (Évangile selon Jean) 5:24

Maa fe ka lɛ kyɔ webozen nya, mi lé éé an dére maan, yé éé bli voo mi lé é an pa zia, a lɛ, vole é yuɛma lé a glɛ ’ka lo, é a ’bɛzan gi, yé wo ’ka dan alé we ble lɛ monomono lo; naa, é so ga lee, yé é wɔra vole é yuɛma gi.

WENÉNÉ LE JAN A GYE (Évangile selon Jean) 6:27

Té ka nyanama pa fɛblele lé é dan gié lɛ bɛ, ’bɛ lé we ma lo. ’Ka a pa yee lé é vo vole é yuɛma lé a glɛ ’ka lo, azé nya, alé we ma; yee lé maa blami Be é dan a nɔ lɛ ka lɛ. Naa, Tibale ézé tɔmase pa maa ɛ ma.

WENÉNÉ LE JAN A GYE (Évangile selon Jean) 6:37

Munu faa lé an Ti éé wo no an lɛ, wo dan da lɛ an va, yé mi lé é da an va, an ’ka dan sɔn vɔ lɛ a ma monomono lo.

WENÉNÉ LE JAN A GYE (Évangile selon Jean) 6:47

Maa fe ka lɛ kyɔ webozen nya, mi lé a bli vo an lɛ, vole é yuɛma lé a glɛ ’ka lo, é wɔra ’bɛ gi.

WENÉNÉ LE JAN A GYE (Évangile selon Jean) 6:68

Simɔn Piɛri lé a lɛ léé: ’I, Mizan, de ɛ va lé ko dan go lɛɛ? Vole é yuɛma lé a glɛ ’ka lo, a dérenu a i ’léé,

Kelewenu 7:59

Bléyian va lé wa Étiɛne gyɛna gɔlɛ nya, ’té éé bazoroan a fele nya léé: Mizan Jézu, ’i an si.

Rom munu 5:17

Mi do kpen lé we sɛrɛle ma lé ga a é dɔle munu faa nwiin yee mi do lé we ma, naa, munu lé Bale zin kɛlɛ wo lɛ kiɛre, yé é wo kɛlɛ tegele blɛ nya, wo dan vo lɛ é yuɛma yé wo dan pla lɛ munu nwiin Jézu Krist do kpen lé we ma. ’Bɛ néné ’ka mini lɛ loo?

Rom munu 5:2

Kolé blipale ma lé Jézu ko wɔra Bale lé zin ’ko lé, ko ke é dɔle a gi gligli ’ko, a gi, yé ko gi a nanana léé, ko bli a Kazambale lé fuasan yele lɛ.

Rom munu 5:21

léé, fɛan zo lé wenyané pla munu nwiin gale nya, a zo duo lé zin éé plaan munu nwiin kɛlɛle tegele nya, yé a ’wuo éé plaan vole é yuɛma lé a glɛ ’ka lo, a nya, Kozan Jézu Krist lé we ma.

Rom munu 5:9

Ko kɛlɛ tegele sin a nyɛ nya ’naan, é ’ka dan ko si lɛ bliflile wuo é ziin loo?

Rom munu 6:23

Yé wenyané ma ban lé ke ga nya, naa, Kazambale lé blɛ pla lé ke vole é yuɛma lé a glɛ ’ka lo, a nya, Kaazan Jézu Krist gi.

Rom munu 8:1

Amalé sin, we do kpen ’ka é dɔle Jézu Krist gimunu nwiin lo.

Rom munu 8:29

Munu lé é wo dɔɔ ézé nya é vinin, é wo dɔ é kyɛn é Be bɔmazannu nya é ziin, a Be kɛlɛle né vininzan nya bwe kiɛre worona we gi.

Bélidɔwesɛbɛ Fiézan 33:3

Iin, munu sɔ a lɛ; Alé mi sauunnu a a lee. Wo dɔ a gane sɔnɔ Wo a dére ’ma.

Filip munu 1:6

Mian é kun nyanama zin pale ma ka gi bɛ, é dan go lɛ a lɛsɔɔle nya fɔɔ yé Jézu Krist lé yi é bɔ, maa a é pale ’bɛ ta.

2 Tɛsalɔnik munu 2:13

Ko bwenu, ka sɔ Mizambale lɛ é baba, amalé é a lé ko Kazambale bɔ vɔ yifaama kalé we ma. Naa, a péli sia bléyi va Kazambale ka si a va ka sile we gi we ma. Kazambale Léli lé ka kɛlɛle sauun valé ka bli vole webozen lɛ, ’bɛ ka si we gi.

1 Timoté 1:16

Naa, yee we ’ko ma lé Bale nyanai zén an ta, léé, Jézu Krist élé bli tiéé nagɔɔn an ta, léé, munu lé wo dan wo bli vo lɛ Jézu lɛ, ’wo vo é yuɛma lɛɛfaama a glɛ ’ka lo, yé ’an kɛlɛ wolé wekɛlɛmazan nya.

2 Timoté 1:12

Amalé maa a nyané ’konu blena, naa, yara ’ka an gyɛna lo. Mi lé an bli ke a lɛ, maa azan dɔɔ, yé maa a gi dɔɔ léé, we lé maa a bɛ pa a lee, é bɔalɛ léé, é yuɛ pa a va fɔɔ yé ’bɛ yi é bɔ. Bɛwemalé yara ’ka an gya lo.

Ébrunu 7:25

Bɛwemalé, munu lé woo biéan Kazambale sɔnɔ Jézu tɔ gi, Jézu éé bɔa wo sile lɛ we gi tegele. É a é yuɛma lɛɛfaama ’té éé dɔa wolé we gi lɛɛfaama Kazambale ’lɛ, azama.

1 Piɛri 1:5

Ka bli a Kazambale lɛ amalé alé plɛplɛ éé ka tabin‐é fɔɔ yé ka béliwe lé Kazambale a ma’lɛrɛle nyaa, yé ’é a nagɔɔn bléyi voéla nya.

1 Jan 1:2

wo yee bélile nagɔɔn ko lɛ, yé ko a ye yé ko kɛlɛ a nayezannu nya, yé yee bélile lé a glɛ ’ka lo, é a Ti va yé é a nagɔɔn ko lɛ, yé yee lé ko ke a fena ka lɛ.

1 Jan 2:19

Wo si kaa méléna, naa, wo ’ka kaazé nya lo. Dé é vo léé, kaazé lé é ke wo nya, ’té wo vo kaa va kɔɔn. We ’ko kɛlɛle ma lé munu faa a gi dɔɔ léé, wo faa ’ka kaazé nya lo.

1 Jan 2:25

We lé Jézu a ma blivolɛdére fe kaa lɛ, yee lé é ke ’ko: kaa dan vo lɛ é yuɛma lɛɛfaama, a glɛ ’ka lo.

1 Jan 5:11

Yé yee wenayedére lé ke ’ko: vole é yuɛma lé a glɛ ’ka lo, Kazambale a nɔ kaa lɛ, yé yee vole é yuɛma ɛ ke a Be gi.

SEBE LÉ JUD A GYE (Épitre de Jude) 1:1

’Kaanu lé Tibale ka laa, ’té ka sɔ a lɛ yé é ka tadɔ Jézu Krist zé nya bɛ, maa we ka va. Maa Jud lé an ke Jézu Krist lé luugɔnéné nya, Jak bwe nya, maa ɛ ke sɛbɛ ’ko pana ka lɛ zia.

SEBE LÉ JUD A GYE (Épitre de Jude) 1:21

’Ka vo Kazambale lé sɔlɛle gi, yé ’ka Kaazan Jézu Krist lɛbɛn yé vole é yuɛma lé a glɛ ’ka lo, yé ’é a nɔ ka lɛ a nyanai zénle ka ta we ma.

SEBE LÉ JUD A GYE (Épitre de Jude) 1:24

Bale lé, éé bɔa ’é yuɛ pale lɛ ka va yé ka ’ka saan monomono lo, ’té éé bɔa ka kɛlɛle lɛ sauun yé é da ka nya élé fua tɔbɔle va, ’té ka gi nanale a blɛɛn,

1 Samuɛl 2:9

É dan é yuɛ pa lɛ é sɔlɛzannu ganepa va, Naa, mi naané é dan zamaga wo lɛ gunutinu va. Naa, guliwuo ’ka dan vo lɛ mi lɛ élé plɛplɛ ma lo.