WENÉNÉ LE JAN A GYE (Évangile selon Jean) 10:2 - Kazambale lé Sebe Sauunu 1979

² Naa, mi lé éé wɔraan gɔrɔ ’léé zia, é a ’blanu tabinzan nya.

WENÉNÉ LE JAN A GYE (Évangile selon Jean) 10:2 ပူးပေါင်းရင်းမြစ်များ

Lɛrɛvɔ Sɛbɛ 23:1

Lɛrɛ lé David a vɔ. Maa a bélé bla zo; Gakelebale a an tabinzan nya; fɛ do kpen ’ka dan vuru lɛ an ma lo.

Lɛrɛvɔ Sɛbɛ 80:1

Azafa lɛrɛ ’ko vɔle gɔɔn lɛrɛvɔzannu zilɛzan lɛ. Lɛrɛvɔafɛ lé wa laama bolu lé goo, ’wa gyɛ a va. Lɛrɛ lé.

Bale Lé We Gifezan 12:11

Bale lé we gifezan ’ka wedɔɔzan saa nya é pla lo, é gikinile paa é ziin munu gi, yé é wegɔné kiɛre nagini, yé é wo gi kuli, yé é wo gyɛ ’wo gyɛna.

Ézai 40:11

É a bélé ’blatabinzan zo, é dan élé trubɛnu pa lɛ, É dan élé ’blanénu sia lɛ Yé é wo buvɔ ’é ma; Yé é dan go lɛ ’bla tinanu nya.

Ézai 63:11

We lé é kɛlɛ é li kwakwa Moizi bléyi va, a sele dɔ Bale lé munu gi; mi lé é wo si wɛyi va élé trubɛ tabinzan nya, é a kyɛɛn? Mi lé é Léli Sauun pa wo va,

Ézékiɛl 34:23

Maa dan wo pa lɛ wo pazan do kpen lee, yee lé ke an leezan David nya. Yee ɛ dan wo pa lɛ, yé é dan kɛlɛ lɛ wo pazan nya.

Misé 5:5

Wo dan pla lɛ Asirinu nwiin wolé gwɔun nya yé wo dan pla lɛ Nimrɔd lé tɛrɛ la flanu nwiin. ’Bɛ zo lé é dan ko si lɛ Asirinu lee, ’té dé wo da kolé tɛrɛ la yé wo wɔra ana gla nya.

Zakari 11:3

’Blatabinzannu éé siaan wuvɔle nya, Wo kɛlɛle blɛn yi ga, azama; Juudɛn tɔbɔmafɛnu sɛrɛ, Amalé golizra boronénu woo gi gunuan.

Zakari 11:5

Munu lé wo wo lɔ bɛ, wo ’ka wo vo lo, woo wo bɔrɔ boo. Wo dan?-?munu léma: Ko a fua blena, amalé ’wo Gakelebale drɔɔ vo ma. Yé wo pazannu ’ka wo soo we lee lo.

Zakari 11:8

Maa ’blapazannu yaa si ana moné do kpen gi; an boen bli a pɛpɛ wolé we ma, yé an sɛrɛ wo gi.

Zakari 13:7

Gwɔun‐oo, gwɔun, ’i soi anlé ’blatabinzan ma! Lai sunyanu lé Gakelebale léma: ’I soi an bɔluzan ma. ’I ’blatabinzan gyɛ yé alé ’blanu ’é fwila. Yé maa dan bɔ lɛ ’bla tɔɔtɔɔnu va.

Matio 15:11

Fɛ lé éé wɔraan mi ’léé, é ’ka mi tiri dɔa lo, naa, we lé éé bɔraan mi ’léé, yee ɛ mi tiri dɔa.

WENÉNÉ LE JAN A GYE (Évangile selon Jean) 10:14

Maa a ’blatabinzan zima nya. Maa anlé ’blanu dɔɔ yé wo an dɔɔ,

WENÉNÉ LE JAN A GYE (Évangile selon Jean) 10:7

Jézu lé é ziin wo lɛ léé: Maa fe ka lɛ kyɔ webozen nya, maa a ’bla gɔrɔ ’léé nya.

WENÉNÉ LE JAN A GYE (Évangile selon Jean) 10:9

Maa a gɔrɔ ’léé nya. Dé mian é wɔra an vazia é dan si lɛ we gi; é dan wɔra lɛ, yé é dan bɔra lɛ, yé é dan fɛblelenu ye lɛ.

Kelewenu 20:28

Bɛwemalé, ’ka yuɛ pa kabozen valé trubɛ palu gimunu faa lé Léli Sauun ka kɛlɛ wo tabinzannu nya, wo va. Mizan lé léglizigimunu lé é wo lɔ ébo nyɛ nya bɛ, Bale ka kɛlɛ wo tabinzannu nya léé, ’ka fɛblele nɔ wo lɛ.

1 Timoté 4:14

Blɛ lé Bale a kɛlɛ i lɛ léglizigimi segelenu bɛnu plale i ta valé balelawefele nya, té i yara si a ta lo.

Tite 1:5

Maa i vo Krɛt tɛrɛ la, wenu lé wo vo, ilé wo yuɛ gi bole we ma, yé i munu dɔ léglizinu gi mi segelenu nya fla do do ta, maa a fe i lɛ fɛan zo, a zo;

Ébrunu 13:20

Mi vo drɔɔ Bale lé é ’Blatabinzan blɛn, Kaazan Jézu si gamunu va, yé é da a nya é ziin, gipawe lé é ’ka nyaan lo, a dɔ plɛplɛ nyɛ nya bɛ,

1 Piɛri 2:25

Naa, ka a turu bélé ’bla sanlenu zo, naa, sin, ka nɔla ka boen pazan va, ka boen tabinzan va.

1 Piɛri 5:4

Yé dé Mipazan segele da yian ma, tɔkoro lé ke fua tɔbɔle nya, ’té é ’ka sɛra lo, ka dan a ye lɛ kazé nya.

Wegɔɔnle 1:20

Monéné sɔrafié lé i wo ye an bɛyi lee, é valé kyan fintran sɔrafié, wolé we a é yɔɔle. A gi lé é ke ’ko: monéné sɔrafié a léglizi sɔrafié lé lanjenu nya, yé fintran sɔrafié a léglizi sɔrafié nya.