WENÉNÉ LE JAN A GYE (Évangile selon Jean) 10:16 - Kazambale lé Sebe Sauunu 1979

¹⁶ ’Bla bɛnu a é ziin anzé nya, ’té wo ’ka gɔrɔ ’ko gi ’blanu nya lo. ’Bɛnu é ziin, é a lé an da wo nya; wo dan an dére ’ma lɛ yé wo dan kɛlɛ lɛ trubɛ do kpen nya yé ’blatabinzan é dan kɛlɛ lɛ do kpen.

WENÉNÉ LE JAN A GYE (Évangile selon Jean) 10:16 ပူးပေါင်းရင်းမြစ်များ

Wepélisiananu 49:10

Plaminwiin soowolivwii ’ka dan si lɛ Juda lee pelo, Plaminwiin yili ’ka da si lɛ a gane worona lo Fɔɔ yé Siilo é da, ’bɛ gi léé, mi drɔɔ, Yé munu a lɛdɔma.

Lɛrɛvɔ Sɛbɛ 86:9

Mizan, bɛnnu faa lé bé kɛlɛ, wo dan da lɛ Dia lɛ ’wo bli la i ’lɛ, Yé wo dan i tɔ bɔ lɛ.

Bale Lé We Gifezan 12:11

Bale lé we gifezan ’ka wedɔɔzan saa nya é pla lo, é gikinile paa é ziin munu gi, yé é wegɔné kiɛre nagini, yé é wo gi kuli, yé é wo gyɛ ’wo gyɛna.

Ézai 11:10

’Bɛ yi la, gɔn lé é fɔn Izai ma, É dan kɛlɛ lɛ drapo nya migɔnɔnu lɛ; Bɛnnu faa é dan nɔla lɛ a vazia, Yé fuasan é dan kɛlɛ lɛ a nyanana nya.

Ézai 43:6

Maa dan a fe lɛ yirinwana bɛbolazia lɛ léé, ’i wo nɔ. Maa dan a fe lɛ yirinwana bɛyilazia lɛ léé, té i kun wo ma lo. ’Ka an benu si tɛrɛ baanu ta, ’ka da wo nya, ’Ka an lunu si tɛrɛ glɛ sina, ’wo da.

Ézai 49:6

Yee Gakelebale léma: Dé i kɛlɛ an wuozan nya, Yé i Jakɔb bɛnnu vɔ a ma, Yé i da Izraɛl mi pɔnénu nya wo pa gi, ’bɛ a kiéné; Maa dan i kɛlɛ lɛ bɛnnu vakinisan nya, Yé i go anlé mi silewegi nya fɔɔ tɛrɛ glɛ sina.

Ézai 52:10

Gakelebale a mi sauun nya fɛan zo, É a nagɔɔn bɛnnu faa yuɛ va; Kolé Bale éé mi sié we gi fɛan zo, Tɛrɛ glɛ sina munu faa é dan a ye lɛ.

Ézai 56:8

Mizan Gakelebale lé, éé Izraɛl lé lulazannu zén‐é ékeva, é léma: Munu lé wo zén Izraɛl va é kyɛn kwakwa, maa dan mi bɛnu zén lɛ wo va.

Ézékiɛl 34:12

’Blapazan a élé ’bla fwilalenu méléna fɛan zo, ’té éé wo ginian bɛ, a zo lé maa dan anlé ’blanu gini lɛ, yé fɛana lé wo kini ékema yé wo go, yian nya lé fɛna gunu dɔra yé té yiri ’ka bié lo bɛ, maa dan wo si lɛ ’bɛna yé maa da wo nya an va.

Ézékiɛl 34:23

Maa dan wo pa lɛ wo pazan do kpen lee, yee lé ke an leezan David nya. Yee ɛ dan wo pa lɛ, yé é dan kɛlɛ lɛ wo pazan nya.

Ézékiɛl 34:6

Anlé trubɛ palu vo nɔɔna gɔ faa valé gɔpanénu faa nwiin. Anlé trubɛ palu kini ékema tɛrɛ la fɛfaana. Mi do kpen ’ka é gi bɔrɔan wo ma lo; mi do kpen ’ka wo ginina lo.

Ézékiɛl 37:22

Maa dan wo kɛlɛ lɛ bɛn do kpen nya tɛrɛ ’ko la, Izraɛl gɔnu ma. Wo faa nwiinzan blɛn é dan kɛlɛ lɛ do. Wo ’ka dan kɛlɛ lɛ bɛn fié nya é dɛrɛ lo. Wo ’ka dan kini lɛ ékema yé wo kɛlɛ bɛntɛrɛ fié nya é dɛrɛ lo.

Ézékiɛl 37:24

An leezan David é dan kɛlɛ lɛ wo nwiinzan blɛn nya, yé wo faa pazan é dan kɛlɛ lɛ do. Wo dan tawo lɛ an dérenu ta, wo dan anlé bélidɔwenu lɛdɔ lɛ a ma, yé wo dan a ta tawo lɛ.

Zakari 2:11

Bɛn kiɛrenu é dan yere lɛ maa Gakelebale ma ’bɛ yi la, yé wo dan kɛlɛ lɛ anlé munu nya; maa dan nyana lɛ wo méléna; yé ka dan a gi dɔɔ lɛ léé, lai sunyanu lé Gakelebale ɛ an pa ka va zia.

Matio 17:5

É ke aan wo we fena, yé la fu tata do tua wo nwiin. Tɔɔn, Bale we fe la fu gi, yé é léé: Mi ’ko a an be lé é sɔ an lɛ é baba, a nya; a va sɔlɛle a an gi blɛn. ’Ka tɔné dɔ a lɛ.

WENÉNÉ LÉ LUK A GYE (Évangile selon Luc) 15:8

Taa, le kyɛn lé, dé tanma vu a a lee yé a do san a lee, é ’ka kyɛbɔ bié ’té éé kɔn gi sian yé é vo a ginian yɛrɛlɛɛ, fɔɔ yé é a ye loo?

WENÉNÉ LE JAN A GYE (Évangile selon Jean) 10:11

Maa a ’blatabinzan zima nya. ’Blatabinzan zima éé gaan ’élé ’blanu ta.

WENÉNÉ LE JAN A GYE (Évangile selon Jean) 10:2

Naa, mi lé éé wɔraan gɔrɔ ’léé zia, é a ’blanu tabinzan nya.

WENÉNÉ LE JAN A GYE (Évangile selon Jean) 10:27

Anlé ’blanu an dére maan, yé maa wo dɔɔ yé woo dan an zuo.

WENÉNÉ LE JAN A GYE (Évangile selon Jean) 10:3

’Blagɔrɔtabinzan éé gɔrɔ lɛ soo a lɛ, yé ’blanu a dére maan. ’Blanu lé wo ke azé nya, éé wo laan ’wo tɔ nya, ’té éé goo wo nya béera.

WENÉNÉ LE JAN A GYE (Évangile selon Jean) 10:4

Abozen lé ’blanu faa bɔrale zuo, éé tawoo wo ’lɛ. ’Blanu a dére dɔɔ, amalé woo goo a zuo.

WENÉNÉ LE JAN A GYE (Évangile selon Jean) 10:5

Wo ’ka goo mi bɛnu zuo lo; wo ’ka mi bɛnu dére dɔɔa lo, amalé woo vian buruwo ’bɛnu lee baa.

WENÉNÉ LE JAN A GYE (Évangile selon Jean) 11:52

Yé a bɛn saa lé we ma kaan lo; naa, Kazambale lé nénu lé wo ke é nwɛɛnle fɛfaana, wo zénle ékeva yé ’wo kɛlɛ kɔlɛ do nya lé we ma lé é ziin.

WENÉNÉ LE JAN A GYE (Évangile selon Jean) 17:20

Maa ’ka bazorona wo saa tɔ ma lo, naa, munu lé ’bɛnu bli é dan vo lɛ an lɛ wo dére lé we ma bɛ, maa a bazorona ’bɛnu tɔ ma é ziin,

WENÉNÉ LE JAN A GYE (Évangile selon Jean) 6:37

Munu faa lé an Ti éé wo no an lɛ, wo dan da lɛ an va, yé mi lé é da an va, an ’ka dan sɔn vɔ lɛ a ma monomono lo.

Kelewenu 15:14

An bwenu, ’ka tɔné dɔ an lɛ. Fɛan zo lé Kazambale bɛnnu nagini sin yé é mi lɛ do si wo va yé é ’é tɔ pa wo ma, yee lé Simɔn a fe bɛ.

Kelewenu 18:10

Maa a i va, yé mi do kpen ’ka dan é bɛ mane lɛ i ma wenyané kɛlɛle i lɛ we gi lo. ’I we fe. Anlé mi a fla ’ko la kiɛre.

Kelewenu 22:14

Yé é léé: Ko tranu zé Bale i si a va léé, ’i élé blibɔmawe dɔɔ, yé ’i Mi Tegele ye, yé ’i yeebozen dére ’ma.

Rom munu 11:25

An bwenu, Kazambale lé we yɔɔle lé ke léé, Bale Izraɛl lɛ do tɔné ta vo fɔɔ yé bɛn bɛnu ’léé lɛ sɔɔle ’é wɔra, yé é ’ka sɔ lɛ an lɛ léé, ka vo ka tanyila weyɔɔle ’ko vazia lo, té ka kabo ye wedɔɔzannu nya lo we gi.

2 Tɛsalɔnik munu 2:13

Ko bwenu, ka sɔ Mizambale lɛ é baba, amalé é a lé ko Kazambale bɔ vɔ yifaama kalé we ma. Naa, a péli sia bléyi va Kazambale ka si a va ka sile we gi we ma. Kazambale Léli lé ka kɛlɛle sauun valé ka bli vole webozen lɛ, ’bɛ ka si we gi.

Ébrunu 13:20

Mi vo drɔɔ Bale lé é ’Blatabinzan blɛn, Kaazan Jézu si gamunu va, yé é da a nya é ziin, gipawe lé é ’ka nyaan lo, a dɔ plɛplɛ nyɛ nya bɛ,

1 Piɛri 2:10

É vinin, té ka a é pla, naa sin, ka kɛlɛ Kazambale bɛn nya. É vinin Kazambale nyanai ’ka zén lɛ ka ta lo; naa, sin a nyanai zén ka ta.

1 Piɛri 2:25

Naa, ka a turu bélé ’bla sanlenu zo, naa, sin, ka nɔla ka boen pazan va, ka boen tabinzan va.

1 Piɛri 5:4

Yé dé Mipazan segele da yian ma, tɔkoro lé ke fua tɔbɔle nya, ’té é ’ka sɛra lo, ka dan a ye lɛ kazé nya.

Wegɔɔnle 3:20

Bé ye, maa a é dɔle kɔn ’léé, ’té maa duoli gya. Dé mian é an dére ’ma yé é kɔn lɛ so an lɛ, ’té maa a wɔrana a va, yé maa fɛ blé a va yé éé fɛ blé an va.