WENÉNÉ LE JAN A GYE (Évangile selon Jean) 10:11 - Kazambale lé Sebe Sauunu 1979

¹¹ Maa a ’blatabinzan zima nya. ’Blatabinzan zima éé gaan ’élé ’blanu ta.

WENÉNÉ LE JAN A GYE (Évangile selon Jean) 10:11 ပူးပေါင်းရင်းမြစ်များ

2 Samuɛl 24:17

David lanje ye, ’té éé munu gya yé é lé Gakelebale lɛ léé: Bé ye, maa ɛ wenyané kɛlɛ. We a maa ɛ nwiin; naa, ’blanu ’ko, mɛ lé wa kɛlɛɛ? ’I bɛ kɛlɛ maa valé an ti lé kɔngimunu ta ma.

Lɛrɛvɔ Sɛbɛ 23:1

Lɛrɛ lé David a vɔ. Maa a bélé bla zo; Gakelebale a an tabinzan nya; fɛ do kpen ’ka dan vuru lɛ an ma lo.

Lɛrɛvɔ Sɛbɛ 80:1

Azafa lɛrɛ ’ko vɔle gɔɔn lɛrɛvɔzannu zilɛzan lɛ. Lɛrɛvɔafɛ lé wa laama bolu lé goo, ’wa gyɛ a va. Lɛrɛ lé.

Ézai 40:11

É a bélé ’blatabinzan zo, é dan élé trubɛnu pa lɛ, É dan élé ’blanénu sia lɛ Yé é wo buvɔ ’é ma; Yé é dan go lɛ ’bla tinanu nya.

Ézai 53:6

Ko faa zi saan bélé ’blanu zo, Ko faa do do kobo lé zi sia, Yé Gakelebale kolé weplenu faa dɔ a nwiin.

Ézékiɛl 34:2

Blami be, ’i balelawe fe Izraɛl pazannu ma léma: Mizan Gakelebale léma: Izraɛl pazannu lé wo ke wobozen pana bɛ, we tɔntɔn ’é bɔ wo ma ma. É ’ka kɔɔn léé, mipazannu é ’blanu pa loo?

Ézékiɛl 34:23

Maa dan wo pa lɛ wo pazan do kpen lee, yee lé ke an leezan David nya. Yee ɛ dan wo pa lɛ, yé é dan kɛlɛ lɛ wo pazan nya.

Ézékiɛl 37:24

An leezan David é dan kɛlɛ lɛ wo nwiinzan blɛn nya, yé wo faa pazan é dan kɛlɛ lɛ do. Wo dan tawo lɛ an dérenu ta, wo dan anlé bélidɔwenu lɛdɔ lɛ a ma, yé wo dan a ta tawo lɛ.

Misé 5:4

Yee ɛ dan munu vo lɛ drɔɔ. Dé Asirinu da kolé tɛrɛ la, dé wo wɔra kolé fuakɔnnu gi gla nya, ko dan munu pazannu sɔrafié valé mi blɛnblɛnnu sɔraa nwa lɛ wo ma.

Zakari 13:7

Gwɔun‐oo, gwɔun, ’i soi anlé ’blatabinzan ma! Lai sunyanu lé Gakelebale léma: ’I soi an bɔluzan ma. ’I ’blatabinzan gyɛ yé alé ’blanu ’é fwila. Yé maa dan bɔ lɛ ’bla tɔɔtɔɔnu va.

Matio 20:28

’Ko zo lé maa blami Be da. An ’ka da lɛ léé, munu an mawe kɛlɛ lo, an da munu mawe kɛlɛle we gi, ’bɛ valé an gale mi kiɛre tabofɛ nya we gi.

WENÉNÉ LE JAN A GYE (Évangile selon Jean) 10:2

Naa, mi lé éé wɔraan gɔrɔ ’léé zia, é a ’blanu tabinzan nya.

WENÉNÉ LE JAN A GYE (Évangile selon Jean) 15:13

Sɔlɛle lé é ke blɛn é mini mi gale é béénu ta lɛ, ’bɛ sɔlɛle ’ka lo.

Éfez munu 5:2

’Ka tawo ka ke va sɔlɛle nya, Krist kɛlɛwe ma. Kaa sɔ a lɛ, yé ébozen nɔ Kazambale lɛ kaalé we ma bélé blan valé saraka gin néné zo.

Tite 2:14

Jézu ébozen nɔ kolé we gi, weple faa sile ko lee we gi, é valé ko kɛlɛle ézé munu nya we gi, munu lé é wo kɛlɛ tegele, ’té wezin kɛlɛlɔrɔ a wo ma blɛn, wo nya.

Ébrunu 13:20

Mi vo drɔɔ Bale lé é ’Blatabinzan blɛn, Kaazan Jézu si gamunu va, yé é da a nya é ziin, gipawe lé é ’ka nyaan lo, a dɔ plɛplɛ nyɛ nya bɛ,

1 Piɛri 5:4

Yé dé Mipazan segele da yian ma, tɔkoro lé ke fua tɔbɔle nya, ’té é ’ka sɛra lo, ka dan a ye lɛ kazé nya.

1 Jan 3:16

Ko sɔlɛle dɔɔ wean ma, yee lé é ke ’ko: Jézu ga kaalé we gi, yé kaa é ziin, é a lé kaa ga kaa bwenu lé we gi.

Wegɔɔnle 7:17

Naa, ’Blané lé é ke webleblin guru la, é dan wo pa lɛ yé é go wo nya mivoéyuɛma ’yi’wuonu va, yé Kazambale é dan wo yuɛyi faa si lɛ.