WENÉNÉ LE JAN A GYE (Évangile selon Jean) 10:10 - Kazambale lé Sebe Sauunu 1979

¹⁰ Kyeenwozan éé dan kyeenwole koo, fɛ gyɛle koo, fɛ sɛrɛle koo, wo saa ɛ we ma; an da ’blanu vole é yuɛma we gi, é valé wo fuu dɔle wo ta we ma fɔɔ yé é gié é glɛ ta.

WENÉNÉ LE JAN A GYE (Évangile selon Jean) 10:10 ပူးပေါင်းရင်းမြစ်များ

Ézai 56:11

Wa bélé blénnu lé woo fɛ blé, ’té wo ’ka kaan lo, wo zo. Wa munutabinzannu lé wo ’ka we do kpen maan lo, wo nya. Wo faa wobo lé zi sian, wo faa do do lé tɔnɔ yele we ma.

OZÉ (Osée) 7:1

Dé é sɔ an lɛ léé, an Izraɛl béli, ’té Éfraim lé weple valé Samari lé wenyané ta éé bɔraan. Naa, wo we kɛlɛ dabli nya; kyeenzan wɔra kɔn gi, yé glawe kɛlɛzannu ’wii béera fɛnu ta.

Matio 18:10

’Ka yuɛ pa kabozen va léé, té ka nénu ’ko va né do kpen ye boané nya lo; maa lé ka lɛ léé, wolé lanjenu a la gi mi, ’té an Ti lé é ke la gi, ’té wa yé yifaama.

Matio 18:11

Naa, maa blami Be da fɛ sanle bɔra lɛ a gi.

Matio 20:28

’Ko zo lé maa blami Be da. An ’ka da lɛ léé, munu an mawe kɛlɛ lo, an da munu mawe kɛlɛle we gi, ’bɛ valé an gale mi kiɛre tabofɛ nya we gi.

Matio 21:13

Yé é lé wo lɛ léé: É a é gyɛle Kazambale lé sɛbɛ gi léé: Wo dan anlé kɔn laa lɛ bazorokɔn. Yé ka a kɛlɛ kyeenwozannu yɔɔkɔn nya.

Matio 23:13

Sɛbɛgifemunu valé Farizimunu, bodrɔzannu, ka gale nyɔ. Ka Kazambale lé fla zi lɛ tan munu lee; kabozen, ka ’ka wɔrana lo, yé munu lé é sɔ ’bɛnu lɛ léé, ’wo wɔra, ka ’ka ’bɛnu wɔrale ana nyi sié lo.

Maak 11:17

Yé é we pla wo lɛ a fele nya léé: Wo ’ka a gyɛ lɛ Kazambale lé sɛbɛ gi léé, wo dan anlé kɔn laa lɛ bɛn faa lé bazorokɔn loo? Naa, ka a kɛlɛ kyeenwozannu yɔɔkɔn nya.

WENÉNÉ LÉ LUK A GYE (Évangile selon Luc) 19:10

Naa, maa blami Be da fɛ sanle naginile valé a sile we gi we ma.

WENÉNÉ LE JAN A GYE (Évangile selon Jean) 10:1

Maa fe ka lɛ kyɔ webozen nya, mian é ’ka wɔraan ’blagɔrɔ ’léé zia lo, naa, éé wɔraan a fɛ bɛna zia, é a kyeenwozan valé ’bla?-?gyɛzan nya.

WENÉNÉ LE JAN A GYE (Évangile selon Jean) 10:11

Maa a ’blatabinzan zima nya. ’Blatabinzan zima éé gaan ’élé ’blanu ta.

WENÉNÉ LE JAN A GYE (Évangile selon Jean) 12:47

Dé mi do an dérenu maan yé é ’ka tawo wo ta lo, maa ’ka alé weblezan nya lo; maa ’ka da lɛ tɛrɛlamunu lé we blele we ma lo, naa, an da tɛrɛlamunu sile we gi we ma.

WENÉNÉ LE JAN A GYE (Évangile selon Jean) 12:6

É ’ka kɛlɛ lɛ léé, nyanégyɛmunu lé we gi bɔrɔ a a ma, ’bɛ we ma lé é a fe lo; kyeenzan lé ke a nya; kolé gɔɔlipabala a yee ɛ lee, yé fɛ lé ko paan a gi, éé ’bɛ sié, bɛwemalé é a fena.

WENÉNÉ LE JAN A GYE (Évangile selon Jean) 3:17

Kazambale ’ka é Be pa lɛ zia léé, ’é da tɛrɛlamunu lé we ble lo, naa, é a pa zia léé, ’é tɛrɛlamunu si we gi.

WENÉNÉ LE JAN A GYE (Évangile selon Jean) 5:40

Yé é ’ka sɔ lɛ ka lɛ léé, ka da an va ka vole é yuɛma we gi lo.

WENÉNÉ LE JAN A GYE (Évangile selon Jean) 6:33

Naa, Kazambale lé buru lé é ke maa lé an si la gi yé an zun tɛrɛ la, an nya, vole é yuɛma lé a glɛ ’ka lo, maa ɛ a no tɛrɛlamunu lɛ.

WENÉNÉ LE JAN A GYE (Évangile selon Jean) 6:51

Maa a mibéliburu lé é si la gi, a nya. Dé mi buru ’ko ble, é dan vo lɛ é yuɛma lɛɛfaama, a glɛ ’ka dɔa lo. Yé buru lé maa dan a nɔ lɛ a lɛ, an wi lé, yee lé maa dan a nɔ lɛ tɛrɛlamunu bélifɛ nya.

Rom munu 2:21

bii lé i we paan mi bɛnu gi ’naan, i ’ka we paan ibozen gi loo?

1 Timoté 1:15

Sɔbɛlawe lé é a lé mi faa a nyi si, yee lé ke ’ko: Jézu Krist da tɛrɛ la wenyanékɛlɛmunu sile we gi we ma, yé maa a wo va wenyanékɛlɛzan blɛɛn nya.

Ébrunu 6:17

We ’ko ma lé Kazambale ébo ’nyɔɔn. Munu lé Kazambale blivolɛdére fe wo lɛ bɛ, Kazambale a a va léé, é a gɔɔn wo lɛ léé, we lé é a ma kunna ye, é ’ka nɔlaan lo, amalé é blivolɛdére kɛlɛ sɔbɛlawe nya ébo ’nyɔɔnle nya.

Ébrunu 7:25

Bɛwemalé, munu lé woo biéan Kazambale sɔnɔ Jézu tɔ gi, Jézu éé bɔa wo sile lɛ we gi tegele. É a é yuɛma lɛɛfaama ’té éé dɔa wolé we gi lɛɛfaama Kazambale ’lɛ, azama.

2 Piɛri 1:11

’Ko zo lé Bale é dan a nyi si lɛ é bli faa nya léé, ka wɔra Kaazan, kaa Bélizan Jézu Krist lé fuatɛrɛ lé é ’ka nyaan lo, a ta.