WENÉNÉ LE JAN A GYE (Évangile selon Jean) 1:3 - Kazambale lé Sebe Sauunu 1979

³ É fɛnu faa kɛlɛ, yé fɛofɛan wo ’bɛ kɛlɛ, ’té yee ’ka ’bɛ kɛlɛ lɛ lo, ’bɛ fɛ ’ka lo.

WENÉNÉ LE JAN A GYE (Évangile selon Jean) 1:3 ပူးပေါင်းရင်းမြစ်များ

Wepélisiananu 1:1

Fɛkɛlɛle pélisia bléyi va, dé Kazambale la valé tɛrɛ kɛlɛ,

Wepélisiananu 1:26

’Bɛ zuo Kazambale léé: Kaa mi kɛlɛ kaa dɔbɛ gi, kaa bɔmazan nya, yé ’é pla wɛyi va pɔnu koo, lagi mianénu koo, winu koo, tɛrɛlafɛnu faa koo, tawoplɛlawinu faa lé woo giéan tɛrɛ la koo, wo faa nwiin.

Lɛrɛvɔ Sɛbɛ 102:25

Maa léé: Anzé Bale, bii lé i yi ’léé ’ka lo, Té i an yinu bɔi a ta lo.

Lɛrɛvɔ Sɛbɛ 33:6

Gakelebale dére lanu kɛlɛ, É lagi sunyanu faa kɛlɛ é ’léé fu nya.

Wegɔnévɔlenu 8:30

’Bɛ bléyinu va, ’té maa a a sɔnɔ nyanama pana a va, Yé maa a yifaama a ginanamazan nya, Yé an gi éé nanaan a yara,

Ézai 45:12

Maa ɛ tɛrɛ kɛlɛ, Yé maa ɛ mi bɔra a ta; Maa lé, an bɛnu ɛ lanu fwila, Maa ɛ wo gifɛnu dɔ ’wo dɔna.

Ézai 45:18

Gakelebale, Lanu kɛlɛzan, Bale do kpen lé É tɛrɛ kɛlɛ yé é a dɔ gligli, ’Té é a kɛlɛ léé, té ana é vo é pla bɛ lo, ’Té é a kɛlɛ léé, munu éé nyanaan a ta bɛ, yee Gakelebale léma: Maa ɛ ke Gakelebale nya, Bale bɛ do kpen ’ka ana lo.

WENÉNÉ LE JAN A GYE (Évangile selon Jean) 1:10

Dére a tɛrɛ la yé é tɛrɛ kɛlɛ, yé tɛrɛlamunu ’ka a dɔɔ lɛ lo.

WENÉNÉ LE JAN A GYE (Évangile selon Jean) 1:2

A pélisiana ’té é ana Kazambale va.

1 Korent munu 8:6

Naa, duowo, dé é a kozé nya, Bale a do kpen, yee lé ke Tibale nya. A va lé fɛnu faa éé sié; yé kaa a azé nya. Mizan a do kpen, Jézu Krist lé. Alé we ma lé fɛnu faa ke; alé we ma lé kaa ke.

Éfez munu 3:9

yé we lé é ke é yɔɔle yifaama Kazambale lé, é fɛ faa bɔra, a bli gi, Kazambale é dan we ’ko kɛlɛle lɛ sɔɔ lɛ fɛan zo, yé maa wo bɔn‐in kini a nya;

Ébrunu 11:3

Blipale nya lé kaa a gi dɔɔ léé, Kazambale tɛrɛ kɛlɛ é dére nya, amalé fɛnu faa lé kaa yé kaa yuɛ nya ’ko, wo ’ka é kyɛn lo, naa, Bale dére ɛ wo bɔra.

1 Jan 5:1

Mi faa lé wo bli ke a lɛ léé, Jézu a Krist nya, wa Kazambale lé nénu nya, yé dé mi yaati sɔ miomian lɛ, ’té a giné éé sɔa a lɛ é ziin.

Wegɔɔnle 3:14

’I sɛbɛ pa Laodisé léglizi lé lanje lɛ zia. ’Bé fe a lɛ léé: Mi lé ke Amɛɛn nya, yarapawela wenayezan bozen nya, Kazambale lé fɛ kɛlɛle pélisiale nya, a dére lé ke ’ko:

Wegɔɔnle 4:11

Kozan, kozé Bale, i fɛnu faa kɛlɛ; ilé blibɔmale nya lé wo ke, yé wa é kɛlɛle, amalé kɛlɛle blɛn koo, tɔbɔle koo, plɛplɛ koo, ilé wo ye yara lé.