WENÉNÉ LE JAN A GYE (Évangile selon Jean) 1:29 - Kazambale lé Sebe Sauunu 1979

²⁹ ’Bɛ é tu kini, Jan Jézu ye dana ’é va, yé é léé: Kazambale lé ’Blané lé éé munu lé wenyané sié wo lee, yee lé é dan bɛ.

WENÉNÉ LE JAN A GYE (Évangile selon Jean) 1:29 ပူးပေါင်းရင်းမြစ်များ

Fwile 28:38

É dan kɛlɛ lɛ Arɔn yarapɛla; yé wenyanénu lé Izraɛl lé nénu a kɛlɛ, Arɔn é dan wo faa kɔné si lɛ, wolé saraka sauunnu faa bole nya; kyan lɛlɛné é dan kɛlɛ lɛ a yarapɛla Gakelebale ’lɛ, alé wolé we nyi sile we ma.

Ézai 53:10

Élé tɛrɛla nɔ wenyané ’yibofɛ nya, Yé Gakelebale a ’wii nyanéblele nya, é sɔ a lɛ fɛan zo, a zo; A kulu é dan kɛlɛ lɛ yé a yinu é dan kɛlɛ lɛ di, Yé Gakelebale lé nyanama va é dan gyɛ lɛ a lee.

Ézai 53:11

É dan élé nyanéblele ma tɔnɔ ye lɛ yé ’bɛ é dan a fan lɛ ginanale nya; Alé wedɔɔle nya lé an wuozan tegele é dan mi kiɛre kɛlɛ lɛ tegele, Yé é dan wolé weplenu kɔné si lɛ.

Ézai 53:7

Wo nyané pa a ta yé wo yaa a ta, Yé é ’ka é ’léé fuo lɛ lo, É a bélé ’blané lé wa gona a gyɛna, a zo, É a bélé ’bla lé é ’ka wé ’é kyɛɛ bɔi?-?zan lɛ lo, a zo. É ’ka é ’léé fuo lɛ lo.

OZÉ (Osée) 14:2

’Ka da Gakelebale va yé ’ka ka gi we fe. ’Ka fe a lɛ léma: ’I ko ma we vo kolé weple faa ma, yé ’i ko si é zima. Ko ’ka dan i ban lɛ diri nya lo, naa, ko dan i ban lɛ ko lɔlu nya.

Lévinu 10:17

yé é léé: Mɛmalé ka ’ka wenyané ’yibowi ble lɛ fɛna plɛplɛ na loo? É a bale ’lɛfɛ nya; yé Gakelebale a nɔ ka lɛ léé, ka munu lé wenyané kɔné si, kalé wolé wenyané ’yibole Gakelebale ’lɛ we gi.

Zakari 13:1

’Bɛ yi la, ’yi’wuo do é dan fɔn lɛ David lé munu valé Jérusalɛm munu zé nya, wenyané valé mi tiridɔwenu lé we ma.

Mi Nɔnɔle 18:1

Gakelebale lé Arɔn lɛ léé: Bii valé i benu, ’é valé i tra lé kɔngimunu, weplenu lé wa kɛlɛ fɛna sauun na, wo dan wo we dɔ lɛ ka nwiin; bii valé i benu lé é ke i va, weplenu lé wa kɛla balebannyanama pana, wo dan wo we dɔ lɛ ka nwiin.

Mi Nɔnɔle 18:23

Lévinu woo zén‐ékevasɔkɔn gi nyanama paan, amalé munu lé weple é dan vo lɛ wo nwiinwe nya. Wozé fɛ ’ka dan kɛlɛ lɛ Izraɛlnu va lo; we ’ko é dan vo lɛ bélidɔwe do lé é ’ka nyaan lo, a nya, i kulunu va.

Mi Nɔnɔle 21:9

Moizi zéné foli méné foto nya, yé é a dun yiliblan ’léé, yé dé miomian méné suiɛ dɔ a ma, dé é zénéméné nagini, ’té é béli.

Mi Nɔnɔle 7:27

dirigɔné boroné do koo, ’blagɔné do koo, lɛɛ do ’blané koo, é ’bɛnu nɔ balebanwi lé wa kyɛ blé, a nya;

Mi Nɔnɔle 7:39

dirigɔné boroné do koo, ’blagɔné do koo, lɛɛ do ’blané koo, é ’bɛnu nɔ balebanwi lé wa kyɛ blé, a nya;

Matio 1:21

Mari é dan négɔné do yaa lɛ, yé bé tɔ pa Jézu; yee ɛ dan élé munu lé wenyanénu si lɛ wo lee.

Matio 20:28

’Ko zo lé maa blami Be da. An ’ka da lɛ léé, munu an mawe kɛlɛ lo, an da munu mawe kɛlɛle we gi, ’bɛ valé an gale mi kiɛre tabofɛ nya we gi.

WENÉNÉ LE JAN A GYE (Évangile selon Jean) 1:35

’Bɛ é tu kini, Jan ana mi ’é zuomi fié va é ziin,

WENÉNÉ LE JAN A GYE (Évangile selon Jean) 1:36

yé dé Jézu a giéna Jan a nagini, yé é léé: Kazambale lé ’Blané lé é ke bɛ.

WENÉNÉ LE JAN A GYE (Évangile selon Jean) 1:43

’Bɛ é tu kini, é sɔ Jézu lɛ léé, ’é go Galilé tɛrɛ la, yé wo kee Filip nya. Yé é lé ’bɛ lɛ léé: ’I da an zuo.

WENÉNÉ LE JAN A GYE (Évangile selon Jean) 2:1

’Bɛ zuo yi yaa wo lesile lé fɛti kɛlɛ Kana, Galilé tɛrɛ la. ’Té Jézu bu ana mi,

WENÉNÉ LE JAN A GYE (Évangile selon Jean) 3:16

Naa, Kazambale bli bɔ tɛrɛlamunu ma é baba, amalé é ’é Be wɔlɛ do kpen nɔ wolé we gi, léé, dé miomian bli vo a lɛ, é ’ka zamaga woo monomono lo, naa, é dan vo lɛ é yuɛma lɛɛfaama, ’bɛ glɛ ’ka lo.

WENÉNÉ LE JAN A GYE (Évangile selon Jean) 4:42

yé wo lé lezan lɛ léé: Ko bli ’ka vo lɛ a lɛ we lé bé fe bɛ, ’bɛ saa ma lo. Kobozen a dére ’ma koboan, yé ko a gi dɔɔ léé, é a tɛrɛlamunu faa siéwegizan nya webozen nya.

WENÉNÉ LE JAN A GYE (Évangile selon Jean) 6:51

Maa a mibéliburu lé é si la gi, a nya. Dé mi buru ’ko ble, é dan vo lɛ é yuɛma lɛɛfaama, a glɛ ’ka dɔa lo. Yé buru lé maa dan a nɔ lɛ a lɛ, an wi lé, yee lé maa dan a nɔ lɛ tɛrɛlamunu bélifɛ nya.

Kelewenu 13:39

We faa lé Moizi lé bélidɔwe ’ka bɔa wo sile lɛ mi nwiin lo, yee mi ’ko lé é ke Jézu nya, dé miomian bli vo a lɛ, ’bɛzan zé é dan si lɛ é nwiin yee Jézu lé we ma.

Kelewenu 8:32

Sɛbɛ kuru lé é ke a ta fena, yee lé ke ’ko: Wo go a nya, bélé ’bla lé wo go a gyɛ lɛ, a zo; Yé é ’ka we si lɛ a ta lo Bélé fɛan zo lé ’blané lé é ke é kyɛɛbɔizan lee, ’té é ’ka wé lo, a zo.

1 Korent munu 15:3

We bɛnu faa ’lɛ, wean wa paa an gi, yee lé maa a paa ka gi, yee lé ke léé: Krist ga kaalé we ma Bale lé sɛbɛ yɛrama;

2 Korɛnt Munu 5:21

Krist lé é ’ka wenyané dɔɔ lɛ monomono lo, Bale a kinin wenyané nya kolé we ma, léé, Kazambale ’é ko kɛlɛ tegele bélé ’é zo Krist gi.

Galasi munu 1:4

Naa, Krist ébozen nɔ kaalé wenyanénu ma, kaa sile bléyi nyané ’ko gi we ma. É ébo nɔ kaalé wenyanénu ma kaa Ti Bale lé blibɔmawe nya.

Galasi munu 3:13

Krist kaa tabo bélidɔwe lé balepale lee yeebozen kɛlɛle balepamazan nya kaalé we gi we ma; naa, é a é gyɛle sɛbɛ gi léé: Dé wo mian dun yiliblan ta, ’bɛzan a balepamazan nya.

1 Timoté 2:6

’té ébozen nɔ mi faa tabozan nya bɛ, yee lé. Yee we lé wa gɔɔn alé we nya bléyi lé Bale a dɔ, a nya.

Tite 2:14

Jézu ébozen nɔ kolé we gi, weple faa sile ko lee we gi, é valé ko kɛlɛle ézé munu nya we gi, munu lé é wo kɛlɛ tegele, ’té wezin kɛlɛlɔrɔ a wo ma blɛn, wo nya.

Ébrunu 1:3

Bale Be a Bale lé fuasan nya, yé é a Bale bozen nagɔɔnle nya yé a dére plɛplɛ éé fɛ faa kunwo ékema. Dé é nyaa kɛlɛle nya wenyané nyaafɛ nya faa, é nyana fuaneé Bale bɛyila la gi loru.

Ébrunu 2:17

Bɛwemalé é a lé é kɛlɛ é zuanénu zo we faa gi, léé, ’é kɛlɛ Balebanmunu ’lɛzan lé a nyanai éé zén‐é ’té éé yara paan we la, a nya Kazambale lé nyanama gi, munu lé wenyanénu ’yibole we ma.

Ébrunu 9:28

A zo lé Krist é ziin, é ébo nɔ gɔnɔ do kpen mi kiɛre lé wenyané nyaale we gi, yé é dan da lɛ a gɔnɔ fiézan nya; é ’ka dan da lɛ wenyané nyaale we ma lo, é dan da lɛ munu lé wo ke a lɛbɛnna, wo sile we gi we ma.

1 Piɛri 1:19

Krist lé ke bélé ’blané lé gyɛ ’ka a ma lo, ’té we do kpen ’ka a kɔlɛ ma lo, a zo, a nyɛ wezan nya lé Bale ka tabo.

1 Piɛri 2:24

é dɔ kaalé wenyané gi ébozen kɔlɛ nya yili la, kaa gale kaalé wenyanénu vazia we gi yé kaa vo é yuɛma we tegele kɛlɛle we gi; a tuolenu ma lé kaa béli.

1 Piɛri 3:18

Krist é ziin, é nyané ble wenyané ma gɔnɔ do; yee, Mi Tegele, é nyané ble mi plenu lé we gi, gole ka nya Kazambale va we ma; dé é a a kɔlɛ nya, ’bɛ ga, yé dé é a a léli nya, ’bɛ béli;

1 Jan 2:2

Yeebozen kɛlɛ kaalé wenyané ’yibofɛ nya, kaa saa zé wenyané kaan lo, tɛrɛ faa la munu koo é ziin.

1 Jan 3:5

Naa, ka a gi dɔɔ léé, Jézu da wenyané sile munu lee we gi, yé wenyané do ’ka yeebozen gi lo.

1 Jan 4:10

Sɔlɛle ’ko, é ’ka kɛlɛ lɛ léé, Kazambale ɛ sɔ kaa lɛ, ’bɛ lé lo, naa, kaa ɛ sɔ Kazambale lɛ, yé é Be pa zia kaalé wenyané ’yibofɛ nya.

Wegɔɔnle 12:11

Wa kele ’Blané nyɛ valé wolé wenayedére fele nya, yé wo bli si wobo lɛ léé, ’wo ga.

Wegɔɔnle 13:8

Tɛrɛlamunu faa é dan dia lɛ ’wo bli la a ’lɛ; ’Blané lé wa gyɛ, tɛrɛlamunu faa lé wo tɔ ’ka é gyɛle alé mibélilenu tɔgyɛlasɛbɛ gi tɛrɛ pélisia bléyi va lo, wo dan dia lɛ yee wi ’ko ’lɛ.

Wegɔɔnle 14:1

Maa a naginina ’té ’Blané dɔ Siɔn gɔ nwiin, ’té mi baa yɔ yaa wɔlɛ vu ta fié lé, a tɔ valé a Ti tɔ ke é gyɛle wo yarapɛla, wa a va.

Wegɔɔnle 14:10

yee é ziin, é dan Kazambale lé bliflile mini lɛ bélé nwɛ zo. Bliflile ’ko ’ka é vɔɔle lo, é a Kazambale lé bliflile zéngikana gi, yé azan é dan a mini lɛ, yé é dan nyané ble lɛ kyɛ valé povun kyɛ va, lanje sauunnu valé ’Blané yuɛ va.

Wegɔɔnle 14:4

Wa munu lé wo ’ka ’wobo tiri dɔ lɛ lomu va lo, wo nya, naa, wo ’ka le dɔɔ lɛ lo; fɛ faa lé ’Blané éé goo ana, woo goo a zuo. Bale wo tabo munu méléna féifɛ bɔrale vinin nya Kazambale valé ’Blané zé nya;

Wegɔɔnle 15:3

Yé wo Kazambale wuozan Moizi lé lɛrɛ vɔ, yé wo ’Blané lé lɛrɛ vɔ yé wo léé: Mizambale, Plɛplɛfaazan, i kɛlɛwenu a blɛn yé wo tɔ a é bɔle. Bɛnnu nwiinzan, ilé zinu a tegele yé wa webozen nya.

Wegɔɔnle 17:14

Wo dan guli dan lɛ ’Blané va, yé ’Blané é dan wo kele lɛ; é a Mizannuzan nya yé é a minwiinzannu Nwiinzan nya, azama. Yé a vamunu lé é wo laa, ’té é wo si a va, ’té woo yara paan we la bɛ, ’bɛnu é dan wo kele lɛ é ziin.

Wegɔɔnle 19:7

Kaa gi ’é nana ma, yé kaa vo gi nanale blɛn gi ma, kaa a tɔ bɔ ma; naa, Blané lé lesile bɔ yé a na ma’lɛrɛle nyaa,

Wegɔɔnle 19:9

Yé lanje lé an lɛ léé: ’Bé gyɛ sɛbɛ gi léé: Munu lé wo wo laa ’Blané lé lesile lé fɛti kɛlɛle ma, wozé a é zima. Yé é lé an lɛ léé: Dére ’konu a Kazambale dére bozennu nya.

Wegɔɔnle 21:14

Fla gɔrɔ gane vɔna a vu ta fié yé wo ta lé ’Blané lé nwunvɔmunu vu ta fié tɔnu ke é gyɛle do do.

Wegɔɔnle 21:27

Fɛ tirizan do ’ka dan wɔra lɛ ’bɛna lo; munu lé ’wobo nɔ wenaané naané kɛlɛle valé vié lɛ, wo va mi do kpen ’ka dan wɔra lɛ ’bɛna lo; munu lé wo wo tɔ gyɛ ’Blané lé mibélilenu tɔgyɛlasɛbɛ gi, wo saa ɛ dan wɔra lɛ ’bɛna.

Wegɔɔnle 21:9

A zuo, lanje sɔrafié lé, kana sɔrafié ke wo lee, ’té wo ke é fanle migyɛgyɛ sɔrafié voélazannu nya, wo va lanje do we fe an lɛ yé é léé: ’I da, yé bosizan lé é ke ’Blané na nya, maa a nagɔɔn i lɛ.

Wegɔɔnle 5:6

Webleblin koo, fɛ yuɛmale ziɛn koo, mi segelenu koo, maa ’Blané ye é dɔle wo méléna; é a bélé fɛan zo lé a bɔrɔ a é bole, a zo. A béli a sɔrafié, yé a yuɛ a sɔrafié, wo lé ke Kazambale léli sɔrafié lé é wo nwunvɔ tɛrɛ faa la, wo nya.

Wegɔɔnle 5:8

É sɛbɛ si aan wo, fɛ yuɛmale ziɛn valé mi segele yɔ do wɔlɛ ziɛn dia ’wo bli ta ’Blané ’lɛ, ’té kɔnɔ valé kyankananu a wo lee do do, yé lasikɔrɔ lé é ke Kazambale lé munu lé bazorolenu nya, é a é fanle yee kananu nya.

Wegɔɔnle 6:1

’Blané zɔrɔkaanyɔɔ sɔrafié va zɔrɔkaanyɔɔ do bɔi aan wo, ’té maa a naginian, yé maa a ’ma léé, fɛyuɛmale do we fe é dére nya bélé zagele banle zo yé é léé: ’I da.

Wegɔɔnle 6:16

Yé wo lé gɔnu valé gɔlɛnu lɛ léé: ’Ka dia ko ta, yé ’ka ko ta yɔɔ fuablintazan yara valé ’Blané lé bliflile lee;

Wegɔɔnle 7:14

Maa lé a lɛ léé: Anzan, bii ɛ ’bɛ gi dɔɔ. É lé an lɛ léé: Wa munu lé wo si nyané blɛn gi, wo nya; wo ’wolé sɔnu zuru ’Blané nyɛ nya yé wo kɛlɛ fu tata.

Wegɔɔnle 7:17

Naa, ’Blané lé é ke webleblin guru la, é dan wo pa lɛ yé é go wo nya mivoéyuɛma ’yi’wuonu va, yé Kazambale é dan wo yuɛyi faa si lɛ.