Jérémi 9:7 - Kazambale lé Sebe Sauunu 1979

⁷ Amalé lai sunyanu lé Gakelebale léma: Ka ye, maa dan wo zuo kuli lɛ, yé maa dan wo gi dan lɛ, Naa, maa dan a kɛlɛ lɛ kaa anlé munu lé we maa?

Jérémi 9:7 ပူးပေါင်းရင်းမြစ်များ

2 Samuɛl 13:26

Abusalɔm léé: Dé i ’ka dan lo, ’i zi nɔ an bwe Aminɔn lɛ léé, ’é da ko va. Minwiinzan léé: Mɛmalé é goo i vaa?

2 Minwiinmunu lé Wezuofe Sɛbɛ 36:15

É sɔ Gakelebale wo tranu lé Bale lɛ léé, ’é élé munu valé ébozé nyanana tadɔ, amalé éé munu nwunvɔa wo va yifaama, léé, ’wo ’élé we pla wo lɛ.

Lɛrɛvɔ Sɛbɛ 120:4

Gulidanzan lé sawɔlɛnu lé wo ’lɛ ke, Yee valé jénɛyili kyɛ nyɛ, woo lé.

Lɛrɛvɔ Sɛbɛ 55:22

A nɛnɛ la a néné bélé zɔrɔnyɔnɔ blagi lé, Naa, guli a a bli gi; A dérenu a yɔrɔyɔrɔ bélé nyɔnɔ zo, Naa, wa bélé gwɔun lé wa soo é kɔlɛ gi, a zo.

Lɛrɛvɔ Sɛbɛ 62:5

Wo bɔn gi bɔrɔan léé, ’é si élé webleblin ta, ’é zun é falo ma; Viéwole sɔ wo lɛ, Woo mi drɔɔ voo wo ’léé, Naa, woo bale paan mi ma wo bli gi.

Ézai 1:25

An dan fɛ duun lɛ i lɛ; an dan ilé gɔɔlifu bo ’yibo lɛ bélé gwɛn lé wa zén a va. An dan lɛe wɔlɛnu si lɛ a ma.

Ézai 48:10

Maa ka pa fɛseleégibɔ gi bélé gɔɔlifu zo; Maa ka gi dan ’furu kyɛ lé ke we tɔntɔn nya, a va.

Ézai 59:3

Mi nyɛ ka bɛ tiri dɔ, yé wenyané ka bɛnwɔlɛnu tiri dɔ; ka lɔlu éé vié woo, woo weple maan ka nɛnɛ ta.

Jérémi 31:20

Éfraim a an be wezan nyaa? É a anlé ginanama né nyaa? Naa, dé maa a a mawe fena bléyio‐bléyian va, A sele éé dɔa an gi léé, an be lé. Yé é ziin, a lɔrɔ an gya; An nyanai é dan zén lɛ a ta. Maa Gakelebale ɛ ke a fena.

Jérémi 5:1

’Ka gié Jérusalɛm zinu ta, ’Ka nagini, ’ka we ma laa, ’ka vuun la nagini, Dé ka mi do ye ana, dé é a mi do nyaoo, ’Té éé we tegele kɛla, ’té é a é kunle webozen ma, Maa dan Jérusalɛm munu ma we vo lɛ alé we ma.

Jérémi 6:27

Maa i dɔ ilé munu méléna bélé foliɛwɔlɛ gidanzan zo, bélé guliyɔɔkɔn plɛplɛ zo, léé, ’i wolé tawobɛ dɔɔ yé bé gi dan.

OZÉ (Osée) 4:1

Izraɛlnu, ’ka tɔné dɔ Gakelebale dére lɛ. Naa, Gakelebale a tɛrɛ ’ko la munu mawe fena. We zin do ’ka ana lo, nyanai zénle ’ka ana lo. Kazambale dɔɔle ’ka ana tɛrɛ ’ko la lo, ’bɛzama.

Zakari 13:9

Maa dan a lɛ do ’ko vɔ lɛ kyɛ va, yé maa dan wo kɛlɛ lɛ tegele fɛan zo lé woo gɔɔlifu kɛla tegele, a zo, yé maa dan wo gi dan lɛ bélé kyan selele zo. Wo dan an tɔ laa lɛ, yé maa dan we lɛ wo lɛ. Maa dan a fe lɛ léé: Anlé munu lé, yé wo dan a fe lɛ léé: Gakelebale a kolé Bale nya.

Malasi 3:3

É dan nyana lɛ, yé é dan gɔɔlifu sele lɛ yé é a bo si a va; yé é dan Lévi kulunu ma bɔ lɛ; é dan fɛ naané si lɛ wo ma bélé woo gɔɔlifu valé kyan bo sié é ma fɛan zo, a zo, yé wo dan we tegele blɛ kɛlɛ lɛ Gakelebale lɛ.

1 Piɛri 1:7

Kalé blipale gidanle é dan nɔla lɛ ka ma ka tɔ zin fele koo, kalé fua koo, ka tɔbɔle koo, wo nya, Jézu Krist bɔrayi nya munu yuɛ va, amalé Bale éé ka gi daan.

1 Piɛri 4:12

’Kaa lé ka sɔ an lɛ, té ka gi é vuru ka gidanwe lé é ke ka ma tɔntɔn bélé vɔnɔ zo bɛ, a ma lo; ’bɛ ’ka mi givuruwe nya lo.