Jérémi 9:6 - Kazambale lé Sebe Sauunu 1979

⁶ I nyanaan vié méléna, Vié nya lé wo sɔn vɔ an dɔɔle ma. Maa Gakelebale ɛ ke a fena.

Jérémi 9:6 ပူးပေါင်းရင်းမြစ်များ

Wegɔnévɔlenu 1:24

Maa ka laan, yé ka sɔn vɔa an dére ma, maa bɛ soian ka lɛ, yé mi do kpen ’ka a naginian lo,

Wegɔnévɔlenu 1:29

’Wuoatawe za a wo gi, yé wo ’ka kanale Gakelebale lee si lɛ a va lo,

Ézai 1:25

An dan fɛ duun lɛ i lɛ; an dan ilé gɔɔlifu bo ’yibo lɛ bélé gwɛn lé wa zén a va. An dan lɛe wɔlɛnu si lɛ a ma.

Ézai 1:3

Dirigɔné ézan dɔɔ yé sokofalezan éé fɛ no ’é lɛ fɛan gi, é a dɔɔ; Izraɛl ’ka we do kpen dɔɔa lo; ’wuo ’ka anlé munu ta lo.

Ézai 4:4

Mizan é dan Siɔn lomu lé weplenu si lɛ wo lee. Mi nyɛ lé wa zana Jérusalɛm Gakelebale é dan a sia lɛ we tegele kɛlɛle valé wo sɛrɛle nya.

Jérémi 11:10

Wo nɔla wo tranu vininnu lé wo sɔn vɔ tɔné dɔle ma an dérenu lɛ, wolé weplenu zuo, yé wo go bale bɛnu zuo yé wo ’bɛnu bɔ; anlé gipawe lé maa a kɛlɛ wo tranu va bɛ, Izraɛl munu valé Juda munu a sɛrɛ.

Jérémi 11:19

Maa a bélé ’blané drɔɔ lé wo go a nya wigyɛna, a zo, yé ’wuo gi naanénu lé wo ke a bɔrɔna an ma, maa ’ka a do kpen dɔɔ lɛ lo. Wo léé: Kaa yili valé a poro sɛrɛ. Kaa a soowɔla mi yuɛmalenu lé tɛrɛ la, yé té a tɔ sele é dɔ mi gi é dɛrɛ lo.

Jérémi 13:10

Mi nyanénu ’ko lé wo ’ka ’wo tɔné dɔa an dérenu lɛ lo, ’té woo gibɔrɔan ’wolé blibɔmawenu ma yé wo go bale bɛnu zuo bɛ, ’té woo ’bɛnu bɔa ’té woo diaan ’bɛnu ’lɛ, wolé we ’é kɛlɛ bélé kyɛsidi ’ko lé é ’ka vo lɛ é zima é dɛrɛ lo, azé zo ma.

Jérémi 18:18

Yé wo léé: ’Ka da, kaa gi pa Jérémi ma. Bélidɔwe ’ka dan si lɛ Balebanzannu lee lo; weplale ’ka dan si lɛ wedɔɔzannu lee lo; dére ’ka dan nyaa lɛ balelayemunu ’léé lo. ’Ka da, kaa Jérémi gyɛ kaa dére nya, té kaa tɔné dɔ a dére do kpen lɛ lo.

Jérémi 20:10

Maa mi kiɛre lé gun gyɛle ’ma, Yé wo léé: Yifaama, yifaama, we tɔntɔn, we tɔntɔn! ’Ka a tɔ laa, yé ko dan a tɔ fe lɛ. Munu faa lé wo bli ke an ma drɔɔ, Wa sin an ma vɔɔna léé, dé a sɔné é dan san lɛɛ? Wo léé: Dé é dan we do kɛlɛ lɛ é tanyila Yé ko a kuun? ’Té ko dan we lɛgi pa lɛ a ma.

Jérémi 5:27

Mane?-?nu woo zénkɔɔ faan fɛan zo, a zo lé wolé kɔnnu a é fanle dablifɛnu nya. ’Bɛ zo lé woo kɛla mi plɛplɛnu valé fuablezannu nya.

Jérémi 8:5

Mɛmalé Jérusalɛm munu wo wobo no zi sanlenu lé wo glɛ ’ka lo, wo lɛɛ? Woo yara paan dabli kɛlɛle ta, yé woo sɔn vɔa ’wo bli nɔlale ma.

OZÉ (Osée) 11:8

Éfraim, maa dan kɛlɛ lɛ ilé we ma kaa? Izraɛl, é a lé maa i pa mi bɛ lee? É a lé maa a kɛlɛ i lɛ bélé Adima zoo? É a lé maa we kɛlɛ i lɛ bélé Séboim zoo? An bli a diana an gi, An nyanai faa a zénna.

OZÉ (Osée) 4:6

Anlé munu ’ka we dɔɔa lo, amalé wo sɛrɛ; ka sɔn vɔ wedɔɔle ma, amalé maa dan sɔn vɔ lɛ ka ma, yé maa dan balebannyanama si lɛ ka lee; i gi san ilé Bale lé bélidɔwepun ma, amalé an gi é dan san lɛ kalé nénu ma.

Zakari 13:9

Maa dan a lɛ do ’ko vɔ lɛ kyɛ va, yé maa dan wo kɛlɛ lɛ tegele fɛan zo lé woo gɔɔlifu kɛla tegele, a zo, yé maa dan wo gi dan lɛ bélé kyan selele zo. Wo dan an tɔ laa lɛ, yé maa dan we lɛ wo lɛ. Maa dan a fe lɛ léé: Anlé munu lé, yé wo dan a fe lɛ léé: Gakelebale a kolé Bale nya.

Rom munu 1:28

Kazambale dɔɔle gi bɔrɔ ’ka aan wo wo ma lo, Kazambale wo nɔ wolé gi bɔrɔle naanénu lɛ, yaragyɛwe gɔnɔ faa kɛlɛle we ma.

1 Korent munu 15:34

Té ka vo ka tanyila lo. ’Ka kɛlɛ tegele; té ka wenyané kɛlɛ lo. Mi kenu ’ka Kazambale dɔɔa lo. Maa fe ka lɛ, yaragyɛwe lé.

1 Samuɛl 2:12

Éli benu a mi vɔnlenu nya yé wo ’ka Gakelebale dɔɔa lo.