Jérémi 9:5 - Kazambale lé Sebe Sauunu 1979

⁵ Wa wo ke tanna, Yé wo ’ka webozen fé pelo; Viéwole a wo baagiwe nya, Yé woo wenaané kɛlɛle draan.

Jérémi 9:5 ပူးပေါင်းရင်းမြစ်များ

Wepélisiananu 19:11

Yé munu lé ke kɔn ’léé bɛ, wo wo yuɛ ’wii, é sia né kiénénu ma yé é bɔ mi segelenu ma, yé ’bɛnu wo wɔlɛi nyaa ’wo ma é pla kɔn ’léé naginile nya.

JOB (Job) 11:3

Ilé boawe fele é dan munu tadɔ lɛɛ? I mi ma we nanaan yé mi do kpen ’ka we gya i lɔlu la loo?

JOB (Job) 15:5

Ilé weple a é plale i ’léé nwiin, I gikinizan ’léé dére ɛ fé.

Lɛrɛvɔ Sɛbɛ 140:3

Woan woo gibɔrɔan wenaané nya, Woan wo ma ke é ’lɛrɛle yifaama gulidanle we gi, ’i an tabin wo lee.

Lɛrɛvɔ Sɛbɛ 50:19

I ’léé fuoan wenaané fele nya, Yé i nɛnɛ éé dabli dérenu fé.

Lɛrɛvɔ Sɛbɛ 52:3

Mi nyané plɛplɛ, mɛmalé ibo ze vɔa ilé wenyané kɛlɛle gii? Bale lé zin éé voo ana yifaama.

Lɛrɛvɔ Sɛbɛ 64:3

’I an yɔɔ mi nyanénu lé woo an ma we blé, wo lee, Wo valé weplekɛlɛmunu gu lé woo vun wé, woo lee.

Lɛrɛvɔ Sɛbɛ 7:14

É ’élé migyɛ dinwɔlɛnu vulian a vazia, Yé éé kyɛ vɔa élé sawɔlɛnu ’léé.

Wegɔnévɔlenu 12:5

Mi tegelenu gibɔrɔmawenu a we drɔle saa nya; mi naanénu ’wuogibɔrɔmawenu a dabli saa nya.

Wegɔnévɔlenu 4:16

Naa, dé wo ’ka tan wenyané kɛlɛ lɛ lo, wo ’ka yi gya lo, dé wo ’ka tan mi saan lɛ lo, yi ’ka wo gya lo;

Ézai 5:18

Munu lé woo weple ganaan ’wo zuo bélé diri lé, ’té woo wenyané ganaan ’wo zuo bélé wisoo lé éé goro ganaan é zuo, a zo, wenaané ’é kɛlɛ wo lɛ ma;

Ézai 57:10

Kalé ta kiɛre wole ma lé ka wɔ lɛ gi nyaa ka ma, yé ka ’ka a fé léé, ka sɔn vɔ a ma, lo. Plɛplɛ a tan ka lee, amalé ka ’ka gi dɔɔa léé, gyɛ a ka ma lo.

Jérémi 12:13

Wo buruwɔlɛ zima vɔ féi yé wo lélinu gyɛ fɛgyɛbléyi va. Wo ’wo wɔlɛ gi nyaa wo ma é pla, ’té a tɔnɔ ’ka lo. Fɛ lé ka a gyɛ féi, Gakelebale lé bliflile blɛn zuo bɛ, Yara ’é ka gyɛ a ma ma.

Jérémi 12:6

Naa, ibo bwenu valé i ti lé kɔngimunu i paan i nyanézannu lee, ’Té wobozen éé plaan i ta, Dé wo béé la glewo i va, té i bli é vo ’bɛ lɛ lo.

Jérémi 13:23

Étiopi mi éé bɔa é kɔlɛ nɔlale lɛɛ? Kua éé bɔa é kɔlɛ vɔɔle nɔlale lɛɛ? A zo duo lé, ka lé, wenaané kɛlɛlɛ vɔ ka lee, ka bɔaléé, ka wezin kɛlɛɛ?

Jérémi 4:22

Naa, weboen lé, anlé munu ’wuo ’ka wo ta lo, wo ’ka an dɔɔa lo, Wo ta a é vole, wo gi do kpen ’ka é kinile lo. Weple saa lé wa kɛla, Naa, wo ’ka bɔa wezin do kpen kɛlɛle lɛ lo.

Jérémi 51:58

Lai sunyanu lé Gakelebale léma: Wo dan Babilɔn lé gɔrɔ laala blɛnnu zana lɛ a gi, Wo dan alé duoli torolenu kyɛ ble lɛ; ’Bɛ gi léé, alé munu nyanama pa é pla; Bɛnnu wɔlɛ gi nyaa wo ma é pla, é kɛlɛ kyɛ zé nya.

Jérémi 51:64

yé i dan a fe lɛ léma: A zo duo lé Babilɔn é dan san lɛ ’yi wuo. We tɔntɔnnu lé maa dan wo bɔ lɛ a ma, é ’ka dan so lɛ wo gi lo; a tamunu fuu é dan si lɛ wo ta yé wo dan dia lɛ. Jérémi lé we nyaana lé ke bɛ.

Jérémi 7:28

Amalé, bé fe wo lɛ léma: Bɛn lé wo ’ka ’wo tɔné dɔ lɛ Gakelebale, wolé Bale dére lɛ lo, ’té wo ’ka alé wepladére nyi si lɛ lo, yee lé ke wo nya ’ko. Webozen san, é so wo lee yé é go.

Jérémi 9:3

Wo nɛnɛ a é ganale bélé sa zo, ’té woo vié vulian a nya. Dé wa plɛplɛ tɛrɛ ’ko la, ’té webozen‐an é wo dɔ plɛplɛ lo. Naa, woo goo we lɛrɛlɛrɛ kɛlɛle nya, ’té woo goo a kɛlɛle nya, ’Té wo ’ka an dɔɔa lo. Maa Gakelebale ɛ ke a fena.

Jérémi 9:8

Wo nɛnɛ a mi gyɛ din nya, Woo vié saa woo, Woo vole drɔɔ fé ’wo bɔluzan lɛ ’wo ’léé, Yé wo bli wɔlɛ ma mi woo san dɔa a lee.

Ézékiɛl 24:12

Kwa kulile faa a é pla; gyan kiɛre lé é ke a ma, é ’ka dan si lɛ a ma lo; kyɛ ɛ dan a si lɛ a ma.

Misé 6:12

Fla ’ko ta fuanu a é fanle glawe kɛlɛle nya, a tamunu éé vié woo, yé wo nɛnɛ a dabli nɛnɛnu nya wo ’léé.

Misé 6:3

Anlé munu, mɛ fɛ lé maa kɛlɛ ka lɛɛ? An ka wɔlɛgi nyaa mɛ we nyaa? ’Ka zi vɔ an lɛ ma.

Abaku 2:13

Bé ye, dé é a lai sunyanu lé Gakelebale bligiwe nya, ’té migɔnɔnu a nyanama pana kyɛ zé nya, ’té bɛngɔnɔnu a ’wo wɔlɛgi nyaana é pla.

Malasi 2:10

Ko faa ti ’ka do loo? Bale do kpen‐an ko kɛlɛ loo? Mɛmalé ko yuɛi blan ko ke ma ko tinu lé gipawe sɛrɛle nyaa?

Éfez munu 4:25

Bɛwemalé, ’ka sɔn vɔ viéwole ma, yé ka va mi do do faa ’é weboen fe é bɔluzan lɛ, naa, kaa faa a kɔlɛ do vafɛnu nya.

1 Timoté 4:2

Yo ’konu é dan nyanama pa lɛ munu lé woo viéwe paan munu gi, ’té woo wobo drɔan, wo nya. Wolé wevasibli a wo gi bélé wi lé wa pla kyɛ ta, a gale zo kwa?-?koroo.

Weblezannu 2:10

Mi kulu ’ko faa go wo tinu va, yé mi kulu bɛ nwa a zuo; ’bɛnu ’ka Gakelebale dɔɔ lɛ lo, yé we lé é a kɛlɛ Izraɛl lé we ma, wo ’ka ’bɛ gi dɔɔa lo.