Jérémi 9:4 - Kazambale lé Sebe Sauunu 1979

⁴ É a lé mi faa do do ébo tabin é béé lee, Yé té wo bli é vo wo bwe do kpen lɛ lo. Naa, bwenu faa a dablikɛlɛzi ginina, Yé mi béénu faa a mi tɔ sɛrɛna.

Jérémi 9:4 ပူးပေါင်းရင်းမြစ်များ

Wepélisiananu 32:28

É lé é ziin léé: I tɔ ’ka dan kɛlɛ lɛ Jakɔb é dɛrɛ lo, naa, wo dan i laa lɛ Izraɛl; i buo si Kazambale valé munu va yé i wo kele a nya, azama.

Lɛrɛvɔ Sɛbɛ 101:5

Mian é ’é bɔluzan tɔ sɛra kyeen gi, maa dan ’bɛzan sɛrɛ lɛ tata. Mian éé mi naginian é yuɛ zuo, ’té boblɛn a a bli gi, maa ’ka dan an ’wuo dɔ lɛ ’bɛzan lé we wuo lo.

Lɛrɛvɔ Sɛbɛ 15:3

Mi tɔ sɛrɛ dére do ’ka bɔraan a nɛnɛ ta lo, É ’ka wenaané kɛla é yɛramazan ma pelo, Yé é ’ka serele boo é bɔlu bɛ ma pelo.

Wegɔnévɔlenu 10:18

Mi lé éé zapale tɔ yɔɔan, a lɔlu a viéwo lɔlu nya, yé mi lé éé mi tɔ sɛra, é a ’tugyɛzan nya.

Wegɔnévɔlenu 25:18

Mi lé éé vié woo é punmazan ma, é a bélé gboné koo, gwɔun koo, sawɔlɛ lɛmabole koo, wo zo.

Wegɔnévɔlenu 4:16

Naa, dé wo ’ka tan wenyané kɛlɛ lɛ lo, wo ’ka yi gya lo, dé wo ’ka tan mi saan lɛ lo, yi ’ka wo gya lo;

Wegɔnévɔlenu 4:17

naa, wenyané ɛ ke wo bleburu nya; glawe ɛ ke wo mininwɛ nya.

Wegɔnévɔlenu 6:16

Fɛ suiɛdo ’ka sɔ lɛ Gakelebale lɛ lo, maa fé, a sɔrafié faa za a a gi:

Wegɔnévɔlenu 6:19

dabli wenayezan lé éé vié woo koo, mi lé é bwenu vɔa ékema koo, woo lé.

Ézai 59:13

Ko kɛlɛ wegyɛzannu valé yuɛgiblanzannu nya Gakelebale va; ko sɔn vɔ kolé Bale ma; ko kɛlɛ glakɛlɛzannu valé nwamimazannu nya; viéwe péli sia ko bli gi, ’té ko a bɔrɔan ko bɔn‐in.

Ézai 9:16

Bɛwemalé Mizan gi ’ka nanaan wolé pɛniɛnu ma lo, yé a nyanai ’ka zén‐é wolé ti valé bugalazannu valé wolé gyɛzaralomu ta lo. Naa, wo faa a Bale lé zi ma wenyanéfezannu valé mi naanénu nya, yé weple éé bɔraan wo faa ’léé. Dé ’bɛ faa bɔoo, ’bɛ ’ka alé bliflile ta zanaan lo, ’té a bɛ a wo gyɛn gi duowo.

Jérémi 12:6

Naa, ibo bwenu valé i ti lé kɔngimunu i paan i nyanézannu lee, ’Té wobozen éé plaan i ta, Dé wo béé la glewo i va, té i bli é vo ’bɛ lɛ lo.

Jérémi 6:28

Wo faa a nwamimazannu nya, yee valé mi tɔ sɛrɛzannu nya; wa plɛplɛ bélé zéné valé foliɛwɔlɛ zo; wo faa a é vɔnle.

Jérémi 9:8

Wo nɛnɛ a mi gyɛ din nya, Woo vié saa woo, Woo vole drɔɔ fé ’wo bɔluzan lɛ ’wo ’léé, Yé wo bli wɔlɛ ma mi woo san dɔa a lee.

Ézékiɛl 22:9

Mitɔsɛrɛzannu lé woo mi nyɛ nwɛɛn‐an, wa bii fla ’ko ta; i tamunu éé yobanfɛ blé gɔnu nwiin, woo weple kɛla bii fla ’ko ta.

Lévinu 19:16

Té ka mitɔsɛrɛwe nwɛɛn kalé munu va lo. Té ka nwa ka bɔluzannu ma wo nyɛ zanale we ma lo. Maa a Gakelebale nya.

Malasi 2:10

Ko faa ti ’ka do loo? Bale do kpen‐an ko kɛlɛ loo? Mɛmalé ko yuɛi blan ko ke ma ko tinu lé gipawe sɛrɛle nyaa?

Matio 10:17

’Ka yuɛ pa kabozen va munu lé we ma, naa, wo dan ka pa lɛ weblezannu lee, yé wo dan ka bla lɛ plén nya ’wolé bazorokɔnnu gi;

Matio 10:21

Mi é dan é zuané bɔra lɛ ga lɛ, yé mi é dan élé né bɔra lɛ ga lɛ; nénu é dan nwa lɛ ’wo yaamunu ma yé wo dan ’wo yaamunu gyɛ lɛ.

WENÉNÉ LÉ LUK A GYE (Évangile selon Luc) 21:16

Ka yaamunu koo, ka bwenu koo, ka gɔnɔlamunu koo, ka béénu koo, wo dan ka pa lɛ munu lee; yé wo dan ka va mi kiɛre gyɛ lɛ.

1 Tɛsalɔnik munu 4:6

Té mi do é wenyané ’ko zo kɛlɛ é bwe lɛ lo. Mizan ɛ ’bɛ zoɛ wenu lɛgi paan; yee lé ko a fe ka lɛ é kyɛn, yé ko a gɔɔn ka lɛ wéiin.