Jérémi 9:3 - Kazambale lé Sebe Sauunu 1979

³ Wo nɛnɛ a é ganale bélé sa zo, ’té woo vié vulian a nya. Dé wa plɛplɛ tɛrɛ ’ko la, ’té webozen‐an é wo dɔ plɛplɛ lo. Naa, woo goo we lɛrɛlɛrɛ kɛlɛle nya, ’té woo goo a kɛlɛle nya, ’Té wo ’ka an dɔɔa lo. Maa Gakelebale ɛ ke a fena.

Jérémi 9:3 ပူးပေါင်းရင်းမြစ်များ

Wepélisiananu 39:16

Yé é Jozɛfu lé sɔ pla é sɔnɔ fɔɔ yé a zana da kɔn’léé.

Wegɔnévɔlenu 12:5

Mi tegelenu gibɔrɔmawenu a we drɔle saa nya; mi naanénu ’wuogibɔrɔmawenu a dabli saa nya.

Ézai 1:3

Dirigɔné ézan dɔɔ yé sokofalezan éé fɛ no ’é lɛ fɛan gi, é a dɔɔ; Izraɛl ’ka we do kpen dɔɔa lo; ’wuo ’ka anlé munu ta lo.

Ézai 3:5

Yaale mi ta é dan kɛlɛ lɛ munu méléna. Wo dan yaa lɛ wo ke ta, yé mi faa do do é dan yaa lɛ é bɔluzan ta. Pɛniɛ é dan guli vɔ lɛ mi segele lɛ, yé boazan é dan guli vɔ lɛ tɔzan lɛ.

Ézai 6:5

Yé maa léé: Wenaané kɛlɛ an lɛ! Maa a é sanle weboen nya, naa, maa a mi lé a lɔlu tiri ke é dɔle, a nya, yé maa nyanaan munu lé wo lɔlu tiri ke é dɔle, wo va; maa Minwiinzan blɛn, lai sunyanuzan Gakelebale ye an yuɛ nya, azama.

Ézai 9:18

Lai sunyanu lé Gakelebale lé bliflile éé tɛrɛ ta kyɛ dɔa yé munu a bélé kyɛblefɛ zo; mi do kpen ’ka é bwe vo lo.

Jérémi 12:6

Naa, ibo bwenu valé i ti lé kɔngimunu i paan i nyanézannu lee, ’Té wobozen éé plaan i ta, Dé wo béé la glewo i va, té i bli é vo ’bɛ lɛ lo.

Jérémi 22:16

É nyanégyɛzannu valé yalɛgyɛzannu lé we ble, Yé a gi nana. Yee lé ke an dɔɔle nya. Yee kaan loo? Maa Gakelebale ɛ ke a fena.

Jérémi 31:34

Mi do kpen ’ka dan we paa lɛ é bɔluzan gi lo, yé mi do kpen ’ka dan we paa lɛ é bwe gi a fele nya léé, ’ka Gakelebale dɔɔ, lo. Naa, é sia né kiénénu ma, fɔɔ yé é bɔ mi kwakwanu ma, munu faa é dan an dɔɔ lɛ. Naa, maa dan wo ma we vo lɛ wolé weplenu ma, yé wolé wenyanénu sele ’ka dan dɔ lɛ an gi é dɛrɛ lo. Maa Gakelebale ɛ ke a fena.

Jérémi 4:22

Naa, weboen lé, anlé munu ’wuo ’ka wo ta lo, wo ’ka an dɔɔa lo, Wo ta a é vole, wo gi do kpen ’ka é kinile lo. Weple saa lé wa kɛla, Naa, wo ’ka bɔa wezin do kpen kɛlɛle lɛ lo.

Jérémi 5:4

Maa lé kɔɔn léé: Munu ’ko, wa nénu nya. Wo ’ka Gakelebale lé zi dɔɔa lo; wo ’ka wolé Bale lé bélidɔwe dɔɔa lo, Amalé woo we kɛla tavole nya.

Jérémi 5:5

Maa dan go lɛ mi segelenu va, yé ’bɛnu lɛ lé maa dan we fe lɛ; Naa, ’bɛnu ɛ Gakelebale lé zi dɔɔ, Yé ’bɛnu ’wolé Bale lé bélidɔwe dɔɔ. Naa, wo é ziin, wo ’wo bɔrɔ ma luubale kini Yé wo si an wuo;

Jérémi 6:28

Wo faa a nwamimazannu nya, yee valé mi tɔ sɛrɛzannu nya; wa plɛplɛ bélé zéné valé foliɛwɔlɛ zo; wo faa a é vɔnle.

Jérémi 7:26

Naa, wo ’ka ’wo tɔné dɔ lɛ an dére lɛ pelo, wo ’ka an ban lɛ ’wo tɔné nya lo. Wo kɛlɛ bli plɛplɛzannu nya; wo wenaané kɛlɛ di, ’bɛ mini wo tranu zé ta.

Jérémi 9:5

Wa wo ke tanna, Yé wo ’ka webozen fé pelo; Viéwole a wo baagiwe nya, Yé woo wenaané kɛlɛle draan.

Jérémi 9:8

Wo nɛnɛ a mi gyɛ din nya, Woo vié saa woo, Woo vole drɔɔ fé ’wo bɔluzan lɛ ’wo ’léé, Yé wo bli wɔlɛ ma mi woo san dɔa a lee.

Ézékiɛl 8:13

Naa, bozowe blɛnnu lé wa kɛla, i dan a bɛnu ye lɛ é ziin.

Daniɛl 11:27

Minwiinzan blɛn fié ’ko wo dan wo ’wuoi bɔrɔ lɛ wenaané kɛlɛle ma, yé wo dan viéwo lɛ wo ke lɛ fɛble pala do zi. Naa, ’bɛ nyian ’ka dan wo lɛ wo lɛ lo. Naa, a nyaabléyi lé Bale a dɔ, é ’ka dan nyaa lɛ ’bɛ bléyi ’lɛ lo.

Lévinu 19:11

Té ka kyeenwo lo, té ka viéwo ka ke lɛ lo, té ka dabli kɛlɛ ka ke lɛ lo.

Maak 8:38

Naa, mian éé yara gya maa valé an dérenu lé we ma, bléyi ’ko vamunu lé wo ke pɛnpɛnnégyɛzannu valé wenyanékɛlɛzannu nya, wo méléna, dé maa blami Be da an Ti lé fuasan nya, é valé lanje sauunnu nya an va, yara é dan an gyɛ lɛ ’bɛzan lé we ma é ziin.

WENÉNÉ LE JAN A GYE (Évangile selon Jean) 17:3

Bii lé i ke Bale nya i do kpen, dé mi i dɔɔ, yé maa Jézu Krist lé i an pa zia, dé mi an dɔɔ, yee ɛ ke vole é yuɛma lé a glɛ ’ka lo, a nya.

Kelewenu 24:9

Yé Juifinu dɔ a dére ta yé wo léé, a zo lé é ke.

Rom munu 1:16

Naa, yara ’ka an gya Wenéné ma lo. É a Kazambale lé plɛplɛ do nya blipaalɛmunu faa bélifɛ nya, Juifinu zé lé é vinin, ’bɛ zuo é a Grɛkinu zé nya.

Rom munu 1:28

Kazambale dɔɔle gi bɔrɔ ’ka aan wo wo ma lo, Kazambale wo nɔ wolé gi bɔrɔle naanénu lɛ, yaragyɛwe gɔnɔ faa kɛlɛle we ma.

Rom munu 3:13

Wo bɔrɔ gi a bélé mi vun lɛ sole zo, Woo dabli kɛla mi lɛ wo néné nya, Ménénwunnu suiɛ nyi a wo lɔlu gi.

1 Korent munu 15:34

Té ka vo ka tanyila lo. ’Ka kɛlɛ tegele; té ka wenyané kɛlɛ lo. Mi kenu ’ka Kazambale dɔɔa lo. Maa fe ka lɛ, yaragyɛwe lé.

Filip munu 1:28

’té di ’ka kinié ka gi ka nyanézannu lé we ma monomono lo. We ’ko, Bale a nɔ tɔmase nya ka nyanézannu lɛ léé, wa é sanle; naa, é a tɔmase nya léé, ka a é sile we gi.

2 Timoté 3:13

Naa, mi lɛrɛlɛrɛnu valé mi tablezannu lé wenyané kɛlɛle gi é dan gyɛ lɛ yifaama; ’té woo dabli kɛla mi bɛnu lɛ, ’té wa kɛla wobozen lɛ é ziin.

SEBE LÉ JUD A GYE (Épitre de Jude) 1:3

An béé zinnu, é sɔ an lɛ turu léé, maa sɛbɛ gyɛ ka lɛ, sile we gi lé ke kaa faa zé nya, alé we ma. Yé sin an bli a an nyununa léé, ’maa kɛlɛ, we plale ka lɛ we ma, léé, Kazambale lé we lé wa nɔ Kazambale lé munu lɛ gɔnɔ do lɛɛ faa zé nya, ’ka a ta guli dan.

Wegɔɔnle 12:11

Wa kele ’Blané nyɛ valé wolé wenayedére fele nya, yé wo bli si wobo lɛ léé, ’wo ga.

Weblezannu 14:17

Fɛti yi sɔrafié ’ko wuo, é vo wuvɔna a ma yé a yi sɔrafiézan nya é a gi fe a lɛ, é kle pa a ta, azama. Yé lezan tɔraléé gi fe élé munu lɛ.

Weblezannu 2:10

Mi kulu ’ko faa go wo tinu va, yé mi kulu bɛ nwa a zuo; ’bɛnu ’ka Gakelebale dɔɔ lɛ lo, yé we lé é a kɛlɛ Izraɛl lé we ma, wo ’ka ’bɛ gi dɔɔa lo.

1 Samuɛl 2:12

Éli benu a mi vɔnlenu nya yé wo ’ka Gakelebale dɔɔa lo.