Jérémi 9:26 - Kazambale lé Sebe Sauunu 1979

²⁶ Éjipiti munu koo, Juda munu koo, Édom munu koo, Amɔn munu koo, Moab munu koo, munu faa lé woo puoma gun ma gya koo, munu lé woo nyanaan nyéné saa lé fɛna koo, woo lé. Naa, bɛnnu faa ’ko, wo gane ’ka é dɔle lo, yé Izraɛl munu faa bli ’ka é sile ’wo kɛlɛwe kyɛnnu lɛ lo.

Jérémi 9:26 ပူးပေါင်းရင်းမြစ်များ

Jérémi 10:1

’Kaa Izraɛl munu, dére lé Gakelebale a fena ka lɛ, ’ka tɔné dɔ a lɛ.

Jérémi 4:4

Juda munu valé Jérusalɛm munu, ka kɛlɛle Gakelebale zé nya lé tɔmase ’é kɛlɛ ka ma ma, ’ka daan ka kɛlɛwe kyɛn ma, dé anlé bliflile é da ble bélé kyɛ zo, dé é da nwa bélé kyɛnɛnɛ zo, ’té mi do kpen ’ka bɔa a dirile lɛ lo, ka kɛlɛwe naané lé we ma.

Jérémi 40:11

Juifinu faa lé wo ke Moab valé Édom tɛrɛ la koo, wo lé wo ke Amɔn munu va koo, wo lé wo ke tɛrɛ bɛnu ta koo, wa ’ma léé, Babilɔn nwiinzan blɛn mi kenu vo Juda tɛrɛ la, yé é Safan be Asikam be Gédalia dɔ wo nwiinzan nya.

Jérémi 49:32

Wolé nyɔgɔménu é dan kɛlɛ lɛ gulizara nya, yé wolé trubɛ kiɛrenu é dan kɛlɛ lɛ ’wiiatafɛ nya. Munu lé woo puomagun boo é sun nya, maa dan wo faa kini lɛ ékema, yé maa dan wo nyanézannu bɔra lɛ wo zi fɛfaana, yé wo dan wolé fla vo lɛ é ’bin nya. Maa Gakelebale ɛ ke a fena.

Jérémi 6:10

Maa dan we fe lɛ mi kyɛn lɛɛ? Yé mi kyɛn lé maa sié anlé wenayezan nya, yé wo tɔné dɔ an lɛɛ? Bé ye, wo tɔné ’ka voo Bale dére lɛ lo, yé wo ’ka bɔa ’wo tɔné dɔle lɛ we lɛ lo. Gakelebale dére a wo yuɛ gi serelebomafɛ nya, é ’ka wo gi nanamawe nya lo.

Ézékiɛl 31:18

I tɔbɔle valé i blɛn a bélé de ɛ zé zo Édɛn yilinu vaa? Wo dan i nwunzi vuli lɛ Édɛn yilinu va tɛrɛwɔlɛ ma. I dan yia lɛ ganedɔlozannu méléna, munu lé wo wo gyɛ gwɔun nya za ma, wo va. Mizan Gakelebale léma: Faraɔn valé élé mi gu blɛn lé we lé ke bɛ.

Ézékiɛl 32:19

I nɔnɔmi mini kyɛnzan lɛɛ? ’I zun, yé ’i yia ganedɔlomunu va.

Ézékiɛl 44:7

Bɛnnu lé wo bli ’ka é sile ’wo kɛlɛwe kyɛnnu lɛ lo, yé woboen gane ’ka é dɔle lo, ka wo wɔra anlé fɛna tinle na, anlé kɔn sɛrɛle we ma. Yé anlé buru koo, anlé wi nyɔnɔnu koo, wi nyɛnu koo, ka wo nɔ kalé bozofɛnu faa lɛ. Ka anlé gipawe sɛrɛ.

Ézékiɛl 44:9

Mizan Gakelebale léma: Bɛnnu lé wo bli ’ka é sile ’wo kɛlɛwe kyɛn lɛ lo, ’té wo gane ’ka é dɔle lo, wo vazan do kpen ’ka dan wɔra lɛ anlé fɛna tinle na lo. Bɛnnu lé wo dan nyana lɛ Izraɛlnu méléna, wo vazan do kpen ’ka dan wɔra lɛ ana lo.

Lévinu 26:41

wenyané ’konu ma lé maa dɔ wo ma plɛplɛ é ziin, yé maa go wo nya wo nyanézannu lé tɛrɛ la. Yé wo bli lé é ’ka si lɛ wo kɛlɛwe kyɛn lɛ bɛ lo, wo dan a zun lɛ yé wo dan wolé weplenu banwo lɛ.

Kelewenu 7:51

’Kaa wemaplɛplɛzannu, ka lé ka bli ’ka sié ka kɛlɛwe kyɛn lɛ lo yé ka tɔnénu ’ka voo we lɛ lo, ka a é dɔle Léli Sauun ma plɛplɛ yifaama. Ka tranu a fɛan zo, a bɛ duo gi lé ka ke é ziin.

Bélidɔwesɛbɛ Fiézan 30:6

Gakelebale, kalé Bale é dan ka valé kalé nénu bli si lɛ wenyané lɛ, yé ka dan Gakelebale, kalé Bale lɔrɔ pa lɛ ka bli faa valé ka boen faa nya, ka vole é yuɛma we ma.

1 Samuɛl 14:6

Jonatan lé pɛniɛ lé éé alé gulidanfɛnu kɔné sié, a lɛ léé: ’I da ’ko go fɔɔ yé ko bɔ ganedɔlozannu ’konu lé gulimabɛnna. Dé Gakelebale é dan pa lɛ ko vaa? Naa, dé munu a kiɛreoo, dé munu ’ka kiɛre looo, Gakelebale é bɔalɛ yé é munu si we gi wo nya.

1 Samuɛl 17:26

David lé é sɔnɔ munu lɛ léé: Mi lé é Filisiti mi ’ko gyɛ yé é yaragyɛwe si Izraɛl nwiin, wo dan a kɛlɛ lɛ kaa ’bɛzan lɛɛ? Filisiti mi ’ko, ganedɔlozan, de ɛ ke a nya yé é Bale yuɛmale lé sunyanu sɔnɔaan?