Jérémi 9:24 - Kazambale lé Sebe Sauunu 1979

²⁴ Naa, mian é sɔ a lɛ léé, ébo tɔ bɔ, ’É ébo tɔ bɔ léé, wedɔɔle a ’é lee, Gakelebale dɔɔle we ma, É valé a gi dɔɔle we ma lee, maa ɛ ke Gakelebale lé É zin koo, we drɔle koo, we tegele koo, éé wo kɛla tɛrɛ la, a nya. Naa, ’bɛ zoɛ wedɔɔle sɔ an lɛ. Maa Gakelebale ɛ ke a fena.

Jérémi 9:24 ပူးပေါင်းရင်းမြစ်များ

Lɛrɛvɔ Sɛbɛ 20:7

Maa a gi dɔɔ é kwakwa léé, Gakelebale éé nyɔnɔzénnwiinzan sié we gi; É dan alé bazorodére nyi si lɛ é nyanana sauunna la gi, É dan bɔ lɛ a va é bɛyi plɛplɛ nya.

Lɛrɛvɔ Sɛbɛ 34:2

An dan Gakelebale drɔɔ vo lɛ bléyi faa va; Yé a tɔ zin fele é dan bɔra lɛ an ’léé yifaama.

Lɛrɛvɔ Sɛbɛ 34:3

Maa anbo tɔ bɔ Gakelebale gi, Wenaanébɔmazannu ’wo tɔné dɔ yé wo gi ’é nana ma.

Lɛrɛvɔ Sɛbɛ 44:8

Naa, bii ɛ ko sié ko nyanézannu lee, Yé bii ɛ ko zapamunu gi blin‐an ’wo ma.

Lɛrɛvɔ Sɛbɛ 44:9

Ko kobo ze vɔa kolé Bale tɔ gi yi faa do do ma, Yé ko dan i tɔ nwa lɛ yifaama, a glɛ ’ka lo. Ka ye do.

Lɛrɛvɔ Sɛbɛ 51:1

David lɛrɛ ’ko vɔle gɔɔn lɛrɛvɔzannu zilɛzan lɛ. Bléyian va lé David go Bat‐Sééba va, ’bɛ zuo yé balelayezan Natan da a va.

Lɛrɛvɔ Sɛbɛ 91:14

Bale léma: An sɔ a lɛ, amalé maa dan a si lɛ munu lee; É an tɔ dɔɔ, amalé maa dan a takuun lɛ wo lee.

Lɛrɛvɔ Sɛbɛ 99:4

Minwiinzan blɛn lé, we tegele sɔ a lɛ, ’wo alé plɛplɛ tɔ bɔ ma. I wedrɔle dɔa gligli, I we tegele valé we drɔle kɛla Jakɔb bɛn gi.

Ézai 20:5

Yé Juda munu lé wo pale ke Étiopi munu ta, ’té wo wobo tɔ bɔa Éjipiti munu gi, kana é dan zén lɛ wo gi, yé yaragyɛwe é dan bɔ lɛ wo ma.

Ézai 41:16

I dan wo fɛɛ lɛ yé fu é dan go lɛ wo nya, Yé barikoko é dan wo fwila lɛ. Naa, bii, i gi é dan nana lɛ Gakelebale gi; I dan ibo tɔ bɔ lɛ Izraɛl lé Mi Sauun gi.

Ézai 45:25

Gakelebale é dan Izraɛl kulu faa kɛlɛ lɛ tegele, ’Té éé wo tɔ kɛla blɛn.

Ézai 61:8

Naa, maa, Gakelebale, we tegele sɔ an lɛ, ’Wiile fɛ ta kyeenwole nya valé weple za a an gi; An yuɛgi ’ka dan blan lɛ wo banwole ma lo. Gipawe lé é ’ka nyaan lo, maa dan a kɛlɛ lɛ wo va.

Jérémi 22:16

É nyanégyɛzannu valé yalɛgyɛzannu lé we ble, Yé a gi nana. Yee lé ke an dɔɔle nya. Yee kaan loo? Maa Gakelebale ɛ ke a fena.

Jérémi 4:2

Dé ka bale ’nyɔɔn léé, Gakelebale a é yuɛma, dé ka a ’nyɔɔn webozen koo, wedrɔle koo, we tegele koo, wo nya, ’té bɛnnu drɔɔ é dan vo lɛ Bale gi, ’té wo dan ’wo tɔ bɔ lɛ a gi.

Misé 6:8

Oo blami, we lé ke é zima, wa gɔɔn i lɛ; we lé é sɔ Gakelebale lɛ léé, bé kɛlɛ, yee lé ke léé, ’i we tegele kɛlɛ, yé nyanai zénle ’é sɔ i lɛ, yé ’i tawo bo kiéné nya ilé Bale va.

Misé 7:18

I bɔmabale a kyɛɛn? Bii lé i mi ma we vo alé weple ma, yé ilé mi sɛ lé wo vo, wolé wenyané éé saan i gi, i bɔmabale a kyɛɛn? I bli ’ka vo flina yifaama lo; nyanai zénle mi ta sɔ i lɛ.

Matio 11:27

An Ti fɛnu faa nɔ an lɛ; yé mi do kpen ’ka maa Bale Be dɔɔa lo, ’té dé é ’ka an Ti nya lo, yé é ziin, mi do kpen ’ka an Ti dɔɔa lo, ’té dé é ’ka maa Bale Be nya lo, maa valé mian é sɔ an lɛ léé, maa a nagɔɔn ’bɛzan lɛ, ’bɛ nya lo.

WENÉNÉ LÉ LUK A GYE (Évangile selon Luc) 10:22

An Ti fɛnu faa nɔ an lɛ, yé mi lé maa, a Be ke a nya, mi do kpen ’ka a dɔɔa lo, ’té dé é ’ka an Ti nya lo; yé mi lé an Ti ke a nya, mi do kpen ’ka a dɔɔa lo, ’té dé é ’ka maa, a Be nya lo; é valé mian é sɔ an lɛ léé, maa a nagɔɔn ’bɛzan lɛ, ’bɛ nya lo.

WENÉNÉ LE JAN A GYE (Évangile selon Jean) 17:3

Bii lé i ke Bale nya i do kpen, dé mi i dɔɔ, yé maa Jézu Krist lé i an pa zia, dé mi an dɔɔ, yee ɛ ke vole é yuɛma lé a glɛ ’ka lo, a nya.

Rom munu 5:11

Yé ’bɛ saa kaan lo, naa, é ziin, Kozan Jézu Krist lé, Bale valé konu nana a ta, ko gi a é nanale Kazambale va alé we ma.

1 Korent munu 1:31

Yee lé Kazambale lé sɛbɛ a fe léé: Mian é ébo ze vɔa, ’é ébo ze vɔ Mizan gi ma.

2 Korɛnt Munu 10:17

Naa, dé mi do a a va léé, ’ébo ze vɔ, ’ébo ze vɔ Mizan gi ma.

2 Korɛnt Munu 4:6

Kazambale lé é a fe léé: San ’é bi gunutinu va ma, yee Bale duo lé, ’élé san bi ko bli gi yé é ko va kini, yé Bale lé fuasan lé ko yé Krist yara, é ko bɔn‐in dɔ ko ma yé mi bɛnu a gi dɔɔ ko ma.

Galasi munu 6:14

Naa, dé é a maa nya, dé é ’ka Kaazan Jézu Krist lé yiliblan lé we nya lo, ’té an ’ka anbo ze vɔa we do kpen gi lo. A nya lé tɛrɛlafɛnu ga yiliblan ta an vazia, bélé fɛan zo lé an ga yiliblan ta tɛrɛlafɛnu vazia, a zo.

Filip munu 3:3

Naa, kaa lé kaa Kazambale bɔa Kazambale Léli nya, ’té kaabo ze vɔa Jézu Krist gi, ’té kaa bli ’ka voo mi kɛlɛwe lɛ monomono lo, kaa ɛ ke ganedɔmunu bozen nya.

1 Jan 5:20

Kaa a gi dɔɔ é ziin léé, Kazambale Be da yé é kaa bɔn‐in kini kaa ma, Bale lé ke webozen nya, a dɔɔle we gi; yé kaa a Kazambale Be Jézu Krist gi, bɛwemalé kaa a Kazambale bozen gi. Jézu ɛ ke Bale bozen nya, é valé vole é yuɛma lé a glɛ ’ka lo, a nya.

1 Samuɛl 15:22

Samuɛl léé: Balebanwe kyɛblele valé sarakanu bole éé sɔa Gakelebale lɛ bélé tawole Gakelebale dére ta zoo? Bé ye, lɛdɔmale fila vɔ é mini saraka bole ta, yé a dére ta tawole fila vɔ é mini ’blagɔné nyɔnɔ ta.