Jérémi 9:22 - Kazambale lé Sebe Sauunu 1979

²² Bé fe léma: Gakelebale léma: Mi galenu é dan dia lɛ Bélé wibo vulile zo féinu ta, Bélé fɛan zo léé, ’sanɛnɛ éé zanaan ’sagyɛzan zuo, ’Té wo ’ka a sian lo, a zo.

Jérémi 9:22 ပူးပေါင်းရင်းမြစ်များ

2 Minwiinzannu 20:13

Ézékia nwunvɔzannu si, yé fɛ vlɛzannu koo, gɔɔlifu valé kyan koo, zianbla ginzannu valé nyɔnɔwezan koo, alé gulidanfɛnu koo, fɛ faa lé ke alé fɛwezannu nya koo, é a faa pana gɔɔn wo lɛ. Fɛ lé ke alé kɔn gi valé alé tɛrɛ faa la yé Ézékia ’ka ’bɛ gɔɔn lɛ wo lɛ lo, ’bɛ fɛ ’ka lo.

2 Minwiinzannu 20:15

Ézai lé é ziin léé: Mɛ fɛ lé wa ye ilé kɔn gii? Ézékia lé a lɛ léé: Wo anlé kɔngifɛnu faa ye; anlé fɛwezannu va fɛ lé maa ’ka a gɔɔn lɛ wo lɛ lo, é ’ka lo.

2 Minwiinzannu 9:37

yé Jézabɛl gale é dan kɛlɛ lɛ bélé bli vɔnle zo féinu ta, Jizréɛl munu lé féi ta fɛan zo, wo ’ka bɔalé wa fe léé, Jézabɛl lé, lo.

JOB (Job) 5:13

Éé wedɔɔzannu kunwo wobozen lé dabli gi, We lé é dɔ boawe fezan gi, a guru éé zanaan a gi;

Lɛrɛvɔ Sɛbɛ 49:7

Woo paan ’wolé fɛ zinnu ta, Yé woo wobo tɔ bɔa ’wolé fua gi.

Lɛrɛvɔ Sɛbɛ 83:10

’I we kɛlɛ wo lɛ bélé Madiannu koo, Sizéra koo, Jabɛn lé é ke Kizɔn yuu sɔnɔ bɛ koo, wo zo.

Wegɔnévɔlenu 18:11

Fuafɛnu a fuablezan lé fla plɛplɛ nya; é dɔ a gi léé, wa gɔrɔ torole nya.

Wegɔnévɔlenu 23:4

Té ibo wɔlɛi nyaa i ma kɛlɛle fua nya we gi lo, té i yara pa a naginile ta lo.

Ézai 5:25

Bɛwemalé Gakelebale bli fli élé munu ma; é bɛ nwa léé, ’é wo bla. Gɔblɛnnu ma nyɔɔn; migalenu a bélé bli zo zinu ta. Dé é kɛlɛ ’bɛ zo‐oo, a bli ’ka dɔralaan lo, ’té a bɛ a wo gyɛn gi duowo.

Jérémi 16:4

Gyɛ é dan wo gyɛ lɛ yé wo ga; wo ’ka dan wo wuvɔ lɛ lo, wo ’ka dan wo pa lɛ lo; wo dan kɛlɛ lɛ bélé wibo zo tɛrɛ la; wo dan zamaga wo lɛ gwɔun valé lɔrɔ nya, yé wo galenu é dan kɛlɛ lɛ lagi mianénu valé tɛrɛlawinu lé fɛblele nya.

Jérémi 25:33

Munu lé Gakelebale é dan wo gyɛ lɛ, ’bɛ yi ’ko la wo galenu é dan vo lɛ é zanale fɔɔ tɛrɛ glɛ sina. Wo ’ka dan wo wuvɔ lɛ lo; wo ’ka dan wo sia lɛ lo; wo ’ka dan wo pa lɛ lo; wo dan kɛlɛ lɛ bélé winu bo zo tɛrɛ la.

Jérémi 6:21

Amalé Gakelebale léma: Maa dan misaangɔlɛnu pla lɛ munu ’konu ’lɛ; nénu valé ’wo tinu sɔné é dan san lɛ ékeva; béé valé béénu sɔné é dan san lɛ a ma yé wo dan zamaga wo lɛ.

Jérémi 7:33

Munu ’ko galenu é dan kɛlɛ lɛ lagi mianénu valé tɛrɛlawinu lé fɛblele nya; yé mi lé éé wo bin‐é, ’bɛzan ’ka lo.

Abaku 1:11

Woo fuu taa éé dɔa wo ta; woo tawoo ’wo ’lɛzia yé wobo kɛla wegyɛzannu nya. Wolé plɛplɛ ɛ ke ’wolé bale nya.

Sofoni 1:17

Maa dan we tɔntɔn bɔ lɛ munu ma, yé wo dan tawo lɛ bélé yuɛwiizannu zo, wo wenyané kɛlɛ Gakelebale ma, azama. Maa dan wo nyɛ nwɛɛn lɛ bélé vungoi zo; maa dan wo wi nwɛɛn lɛ bélé bli zo.

Bélidɔwesɛbɛ Fiézan 8:17

Té ka fe ka bli gi léé, ’wolé plɛplɛ valé ’wo bɛ plɛplɛ ma lé ’wo fua ’ko ble lo.