Jérémi 9:20 - Kazambale lé Sebe Sauunu 1979

²⁰ ’Kaa lomu, ’ka tɔné dɔ Gakelebale dére lɛ, Yé we lé é ke a fena, ’ka a ’ma ma. ’Ka gyɛbolɛrɛ paa ka lunu gi; ’Ka wuvɔlɛrɛ paa ka ke gi.

Jérémi 9:20 ပူးပေါင်းရင်းမြစ်များ

JOB (Job) 22:22

’Bé lé wepladérenu nyi si, Yé ’bé dérenu tadɔ i bli gi.

Ézai 3:16

Gakelebale léma: Siɔn lomu a boblɛnzannu nya, yé woo tawoo ’wo bɔrɔ séléblaané soile nya, ’té wo yuɛ la galaan; woo tawoo ’nyané nyané ’nyané, ’té wo gane ma zowoloné éé wé;

Ézai 3:4

Maa dan pɛniɛnu kɛlɛ lɛ wo nwiinzannu nya, yé nénu é dan pla lɛ wo nwiin.

Jérémi 14:16

Yé munu lé wo balelawe fe ’bɛnu lɛ, ’bɛnu galenu é dan dia lɛ Jérusalɛm zinu ta, lɔrɔ valé gwɔun pagi nya. Wo koo, wo nanu koo, wo benu koo, wo lunu koo, wo pazan do ’ka dan kɛlɛ lɛ ana lo; maa dan wolé we lɛrɛlɛrɛnu nɔla lɛ wo ma.

Jérémi 23:16

Lai sunyanu lé Gakelebale léma: Balelayezannu lé woo balelawe fé ka lɛ, té ka tɔné dɔ wo lɛ lo. Wa boawe fena ka lɛ; we lé ke wo bli gi, yee lé wa fé ka lɛ yuɛziwe nya; we lé éé sié Gakelebale ’léé, wo ’ka ’bɛ fé ka lɛ lo.

Jérémi 23:28

Balelayezan lé é nyɛ gyɛ, ’élé nyɛ gi fe ma, yé mian é an dére ’ma, ’é a gi fe yarapalale nya ma. Mɛmalé ka ’sapɛɛ valé ’sawɔlɛ vɔɔ?-?aan? Maa Gakelebale ɛ ke a fena.

Jérémi 6:11

Gakelebale lé bliflile an kan; an ’ka bɔa anbo kunle lɛ lo. I bli ’é fli né lé é ke zi gi, a ma. I bli ’é fli miboronénu lé woo zén‐é ékema, wo ma. Naa, wo dan gɔné valé lezan kun lɛ; mi kwa, mi lé ana mɔn, wo dan wo kun lɛ.

Jérémi 7:29

Jérusalɛm munu, ’ka ka nwin bɔi yé ’ka a vuli baa; ’Ka vɔ fɛna nwalenu na, yé ’ka wu lɛrɛ vɔ. Munu lé wo Gakelebale bli nwa, É sɔn vɔ wo ma yé é wo sié ma baa.

Jérémi 9:12

Wedɔɔzan lé éé we ’konu maan, é a kyɛɛn? Mi lé Gakelebale we fe a lɛ, yee ɛ fe ma. Mɛmalé tɛrɛ a é sɛrɛle yé ana kyɛ ble bélé bwi gi lé mi do kpen ’ka giéan ana lo, a zoo?

Jérémi Lé Wuvɔ Sɛbɛ 2:19

’Ka nwa, ’ka ma dunnu wo a lɛ é béli, ’Ka bligiwenu faa bɔra yé ’ka zana Mizan lɛ; ’Ka bɛ nwa a vazia, kalé nénu lé ke gana Lɔrɔ nya zi blannu faa ta, wo vole é yuɛma we ma.

Jérémi Lé Wuvɔ Sɛbɛ 2:21

Né valé mi kwanu wo dia zinu ta, Wo anlé blɛnnu valé anlé pɛniɛnu gyɛ gwɔun nya. I bli fliyi nya i wo gyɛ, I wo bɔrɔ bo; i nyanai ’ka zén lɛ wo ta lo.