Jérémi 9:2 - Kazambale lé Sebe Sauunu 1979

² Oo, dé é vo léé, kɔn do a an lee bwi gi giézannu nyanana nya, ’Té an sɔn vɔ anlé munu ma yé an si wo ma baa; Naa, wo faa a le bɛ valé gɔné bɛ ginizannu nya; Wa dabli munu nya.

Jérémi 9:2 ပူးပေါင်းရင်းမြစ်များ

Ézai 59:3

Mi nyɛ ka bɛ tiri dɔ, yé wenyané ka bɛnwɔlɛnu tiri dɔ; ka lɔlu éé vié woo, woo weple maan ka nɛnɛ ta.

Jérémi 12:1

Gakelebale, bii a tegele fɛan zo bɛ, é ’ka dɔ lɛ an gi léé, an zavɔ i va lo; Naa, duowo, maa a a va léé, maa we fe ilé weblele ma. Mɛmalé i mi nyanénu ma wenu nyian woo? Mɛmalé i dablikɛlɛmunu voo é yuɛma drɔɔ?

Jérémi 12:6

Naa, ibo bwenu valé i ti lé kɔngimunu i paan i nyanézannu lee, ’Té wobozen éé plaan i ta, Dé wo béé la glewo i va, té i bli é vo ’bɛ lɛ lo.

Jérémi 13:22

Dé bé fe i bli gi léé: Mɛmalé we ’ko bɔ an maa? Ilé weple di lé we ma lé wo ilé sɔ si i ta gla nya yé i dɔ é porole.

Jérémi 23:10

Naa, tɛrɛ la fan gɔné ginile valé le ginile nya; Bale a é pale tɛrɛ ’ko la munu ma, amalé gyɛbole ke; Winu lé fɛblena lé é ke bwi la, ’bɛna lu a é gale. Munu éé vlan buruwo wenaané kɛlɛle we ma, Plɛplɛ lé é ke wo lee, é a weple saa kɛlɛfɛ nya.

Jérémi 4:22

Naa, weboen lé, anlé munu ’wuo ’ka wo ta lo, wo ’ka an dɔɔa lo, Wo ta a é vole, wo gi do kpen ’ka é kinile lo. Weple saa lé wa kɛla, Naa, wo ’ka bɔa wezin do kpen kɛlɛle lɛ lo.

Jérémi 5:1

’Ka gié Jérusalɛm zinu ta, ’Ka nagini, ’ka we ma laa, ’ka vuun la nagini, Dé ka mi do ye ana, dé é a mi do nyaoo, ’Té éé we tegele kɛla, ’té é a é kunle webozen ma, Maa dan Jérusalɛm munu ma we vo lɛ alé we ma.

Jérémi 5:11

Naa, Izraɛl munu valé Juda munu ’ka plaan an wuo lo, azama. Maa Gakelebale ɛ ke a fena.

Jérémi 5:2

Dé wa fe boenwo léé: Gakelebale a é yuɛma, ’Té wa bale ’nyɔɔnna vié nya.

OZÉ (Osée) 4:2

Bale ’nyɔɔnle vié nya koo, viéwole koo, nɔmaga wole koo, kyeenwole valé leginile koo, ’bɛ saa ɛ ke ana. Wa glawe kɛlɛna, ’té woo goo migyɛle nya é ke la mi.

OZÉ (Osée) 5:7

Wo kɛlɛ gɔné bɛ ginizan nya Gakelebale wuo yé wo nénu yaa gɔrɔ la. Sin, maa dan wolé fɛ zin faa si lɛ wo lee moné do gi.

OZÉ (Osée) 6:7

Wo anlé gipawe sɛrɛ bélé mi planu lé wo nya; ’bɛna lé wo yuɛi blan an ma.

OZÉ (Osée) 7:4

Wo faa a mi bɛ na ginizannu nya; wa bélé burukɛlɛzan lé ’furu lé é tana, a zo; Wa yɔɔ zɔn aan wo, wo ’ka kyɛ bɛ zén lɛ a ta lo fɔɔ buruyɔɔ nwa, a zo.

Misé 6:12

Fla ’ko ta fuanu a é fanle glawe kɛlɛle nya, a tamunu éé vié woo, yé wo nɛnɛ a dabli nɛnɛnu nya wo ’léé.

Sofoni 3:4

Webozen ’ka alé balelayemunu gi lo, yé woo dabli kɛla. Alé Balebanmunu éé fɛ sauunnu sɔnnénu sɛra yé woo bélidɔwe sɛra.

Malasi 2:11

Juda ébo gɔɔn yuɛiblanzan nya; wo bozowe kɛlɛ Jérusalɛm Izraɛl bɛn gi. Fɛ lé wa pa é yɛrama Gakelebale zé nya, ’té é sɔ Gakelebale lɛ bɛ, Juda a sɔnné sɛrɛ yé é yo lé lomu si.

Malasi 2:14

Yé ka léé: Mɛmaléé? I boronéla le lé bé si, ’té é kɛlɛ i bɔavazan nya bɛ, ’té ka gi pa do a nya bɛ, i yuɛi blan a ma, yé Gakelebale kɛlɛ ka fié lé wenayezan nya, azamalé é kɛlɛ.

SEBE LÉ JAK A GYE (Épitre de Jacques) 4:4

Ka a bélé le bɛ valé gɔné bɛ ginizannu zo. Ka ’ka a gi dɔɔa léé, tɛrɛla sɔle mi lɛ éé mi kɛla Kazambale nyanézan nya loo? Bɛwemalé, dé mian éé tɛrɛlawe kɛla ’é béé nya, ’té é a ébo kɛlɛna Kazambale nyanézan nya.

Weblezannu 2:10

Mi kulu ’ko faa go wo tinu va, yé mi kulu bɛ nwa a zuo; ’bɛnu ’ka Gakelebale dɔɔ lɛ lo, yé we lé é a kɛlɛ Izraɛl lé we ma, wo ’ka ’bɛ gi dɔɔa lo.