Jérémi 9:18 - Kazambale lé Sebe Sauunu 1979

¹⁸ ’Wo gyɛ wuvɔ ko ta é kele ma, Yé ko yuɛyi ’é bɔra ma, Yé yuɛyi ’é yoro ko yuɛlakɔné gi ma.

Jérémi 9:18 ပူးပေါင်းရင်းမြစ်များ

Lɛrɛvɔ Sɛbɛ 119:136

Wo ’ka ilé bélidɔwenu kɛla lo, Amalé an yuɛyi éé yoroan bélé ’yi zo.

Ézai 22:4

Bɛwemalé maa léé: Té ka an nagini lo; ’ka an vo, an wuvɔ kaii; té ka kwa kuli léé, ka an tɔrɔ paa anlé munu guru zanale a gi we ma lo.

Jérémi 13:17

Dé ka ’ka ka tɔné dɔ lɛ an lɛ lo, Maa dan wuvɔ lɛ kyeen gi kalé boblɛn lé we ma. An yuɛyi é dan yoro lɛ, Wo go Gakelebale lé trubɛnu nya luu gi, azama.

Jérémi 14:17

Bé fe wo lɛ léma: É yiéyi valé é béli an yuɛyi a yorona, Yé é ’ka kinié lo; Naa, wenaané blɛn bɔ anlé munu ma, Manɔn yaale baba bɔra wo ma.

Jérémi 3:24

Ko kiéné la bléyi va, miyilinu ko tinu panyanama tɔnɔ ble; wolé ’blanu koo, wolé dirinu koo, wo benu valé wo lunu koo, wo wo ble.

Jérémi 3:25

Kolé yaragyɛwe kɛlɛ bélé yialafɛ zo, yé nyɔnmɛ wɔra ko ta bélé sɔ zo. Naa, ko wenyané kɛlɛ Gakelebale kolé Bale ma, ko koo, ko tinu koo, é sia ko kiéné la bléyi va fɔɔ kyɔ. Yé ko ’ka ko tɔné dɔ lɛ Gakelebale kolé Bale lɛ lo.

Jérémi 4:20

Woo we tɔntɔn na glewoo, ’té wa woo, Naa, wo ’wii tɛrɛ faa ta, Wo anlé sɔkɔnnu sɛrɛ bléyi do nya fiaa, Wo anlé yɔlaabannu zana yuɛlakɔné gyɛle do nya.

Jérémi 6:26

Anlé munu, ’ka bɔlɔ zén ka ta, yé ’ka burula kyɛyee va. ’Ka gyɛ bo bélé négɔné do kpen gyɛ zo. Ka yuɛyi ’é zén, ’ka dunuzénmita wuvɔ; naa, fɛsɛrɛzan a dana ko va ko tanyila.

Jérémi 7:29

Jérusalɛm munu, ’ka ka nwin bɔi yé ’ka a vuli baa; ’Ka vɔ fɛna nwalenu na, yé ’ka wu lɛrɛ vɔ. Munu lé wo Gakelebale bli nwa, É sɔn vɔ wo ma yé é wo sié ma baa.

Jérémi 9:1

Yiba! dé é kɛlɛ kɔɔn léé, an ’wuo a é fanle ’yi nya, Dé an yuɛ a kɔɔn ’yibɔna zo, ’Té maa dan anlé munu galenu wuvɔ lɛ, Bladi nyanadi.

Jérémi 9:10

É sɔ an lɛ léé, an wuvɔ yé an dunnu gɔ nwiin; Maa dan gyɛ wuvɔ lɛ nyéné saa lé fɛna pɛblɛɛna; Naa, wo ana kyɛ ble, mi do kpen ’ka giéna ana lo, Wo ’ka trubɛnu dére maan ana é dɛrɛ lo; Lagi mianénu valé winu fwila yé wo san.

Jérémi 9:20

’Kaa lomu, ’ka tɔné dɔ Gakelebale dére lɛ, Yé we lé é ke a fena, ’ka a ’ma ma. ’Ka gyɛbolɛrɛ paa ka lunu gi; ’Ka wuvɔlɛrɛ paa ka ke gi.

Jérémi Lé Wuvɔ Sɛbɛ 1:2

Éé wuvɔa tu la, yé a yuɛyi a golɛ la blé; Munu faa lé é sɔ wo lɛ, a tɔrɔpaazan do ’ka ye lɛ ’bɛnu va lo; A béénu faa bli nɔla a ma, Yé wo kɛlɛ a nyanézannu nya.

Jérémi Lé Wuvɔ Sɛbɛ 2:11

An yuɛyi kiɛre zénle we ma an yuɛ fuu si é ta, a bli ’ka é male an gi lo; An gi nyɛ kini Dunu zénmitawe lé é bɔ anlé munu ma, alé we ma. Nunukénénénu valé nyɔmanénu fuu si wo ta flaworo dii zinu ta.

Jérémi Lé Wuvɔ Sɛbɛ 2:13

An dan fe lɛ i lɛ nɔɔ? Jérusalɛm munu, maa ka daan mɛ fɛ maa? Jérusalɛm munu, Maa ka daan mɛ fɛ ma ka tɔrɔ paale we maa? Naa, ka manɔn a blɛn bélé wɛyi zo; de ɛ bɔa a nyaale lɛɛ?

Jérémi Lé Wuvɔ Sɛbɛ 2:18

Woo siaan, ’té wo bli a Mizan lɛ, Siɔn munu lé flagɔrɔ, ’i kɛlɛ bélé mi lé éé wuvɔa é yiéyi valé é béli, ’té a yuɛyi éé yoroan, a zo. Té i flin lo, Té i yuɛyi é nyaa i yuɛ gi lo.

Jérémi Lé Wuvɔ Sɛbɛ 3:48

An yuɛyi éé yoroan bélé ’yiyoro zo, Anlé munu sɛrɛle tata we ma.

Amɔs 5:16

Bɛwemalé Gakelebale, lai sunyanu lé Bale, Mizan léma: Wo dan wuvɔ lɛ fla vuun la fɛfaana; wo dan siaa lɛ flaworo dii léé, an bu loo! an ti loo! Wo dan féipazan laa lɛ gyɛ bole we ma, yé wo dan gyɛ wuvɔzannu laa lɛ, wuvɔle we ma.

WENÉNÉ LÉ LUK A GYE (Évangile selon Luc) 19:41

Wo bɔ aan wo fla sɔnɔ Jézu fla ye, yé é kun wuvɔle ma alé we ma,