Jérémi 9:12 - Kazambale lé Sebe Sauunu 1979

¹² Wedɔɔzan lé éé we ’konu maan, é a kyɛɛn? Mi lé Gakelebale we fe a lɛ, yee ɛ fe ma. Mɛmalé tɛrɛ a é sɛrɛle yé ana kyɛ ble bélé bwi gi lé mi do kpen ’ka giéan ana lo, a zoo?

Jérémi 9:12 ပူးပေါင်းရင်းမြစ်များ

Lɛrɛvɔ Sɛbɛ 107:34

Tɛrɛ lé éé fɛ dɔa di, éé a nɔlaan wɛtɛrɛ nya, Mi nyanénu lé woo nyanaan ana, wolé we ma.

Lɛrɛvɔ Sɛbɛ 107:43

Mian a ’wuo ke a ta, ’é tawo we ’konu ta ma, Yé ’é bɔn‐in bɔrɔ Gakelebale lé zin ma ma.

Ézai 42:23

Ka va mi kyɛn ɛ dan é tɔné dɔ lɛ we ’konu lɛɛ? É sɔ mi kyɛn lɛ léé, é dan é tɔné dɔ lɛ flee yé we lé é dan bɔ lɛ é voéla, yé é ’bɛ ’maa?

Jérémi 23:10

Naa, tɛrɛ la fan gɔné ginile valé le ginile nya; Bale a é pale tɛrɛ ’ko la munu ma, amalé gyɛbole ke; Winu lé fɛblena lé é ke bwi la, ’bɛna lu a é gale. Munu éé vlan buruwo wenaané kɛlɛle we ma, Plɛplɛ lé é ke wo lee, é a weple saa kɛlɛfɛ nya.

Jérémi 23:16

Lai sunyanu lé Gakelebale léma: Balelayezannu lé woo balelawe fé ka lɛ, té ka tɔné dɔ wo lɛ lo. Wa boawe fena ka lɛ; we lé ke wo bli gi, yee lé wa fé ka lɛ yuɛziwe nya; we lé éé sié Gakelebale ’léé, wo ’ka ’bɛ fé ka lɛ lo.

Jérémi 23:22

Dé é kɛlɛ kɔɔn léé, wo nyana anlé wekyɛ zi, ’té wo an dérenu fe anlé munu lɛ, ’té wo wo si wolé tawobɛ naané zuo, ’té wo wo si wo kɛlɛwe lɛrɛlɛrɛnu zuo.

Jérémi 23:28

Balelayezan lé é nyɛ gyɛ, ’élé nyɛ gi fe ma, yé mian é an dére ’ma, ’é a gi fe yarapalale nya ma. Mɛmalé ka ’sapɛɛ valé ’sawɔlɛ vɔɔ?-?aan? Maa Gakelebale ɛ ke a fena.

Jérémi 9:20

’Kaa lomu, ’ka tɔné dɔ Gakelebale dére lɛ, Yé we lé é ke a fena, ’ka a ’ma ma. ’Ka gyɛbolɛrɛ paa ka lunu gi; ’Ka wuvɔlɛrɛ paa ka ke gi.

Ézékiɛl 14:23

Dé ka wolé tawobɛ valé wo kɛlɛwenu ye, ’bɛ é dan ka tɔrɔ paa lɛ; yé ka dan a gi dɔɔ lɛ léé, we faa lé maa a kɛlɛ Jérusalɛm lɛ, maa ’ka a kɛlɛ lɛ é pla lo. A zo lé Mizan Gakelebale a fe.

OZÉ (Osée) 14:9

Mi lé é we dɔɔ, ’é gi bɔrɔ we ’konu ma ma. Mi lé a ’wuo ke a ta, ’é wo ’ma ma. Naa, Gakelebale lé zinu a é drɔle tegele; mi tegelenu é dan tawo lɛ wo ta, naa, nwamimazannu é dan dia lɛ ana.

OZÉ (Osée) 4:10

Wo dan fɛ ble lɛ, ’té wo ’ka kaan lo. Wo dan kɛlɛ lɛ bɔrɔdɛ nya yé wo ’ka faan lo; wo sɔn vɔ Gakelebale ma, é valé alé bélidɔwe ma, ’bɛzama.

Joɛl 1:11

Féifɛnu faa sɛrɛ, Amalé di blɛn kini nyanamapamunu gi, yé dɔrɔféi pazannu a dunnuna Buruwɔlɛ valé sɔnmlén lé we ma.

Sofoni 3:6

Maa bɛngɔnɔnu kulu ga, yé maa wolé flataginifɛnu sɛrɛ; maa wolé zinu sɛrɛ tata, giémunu ’ka é dɛrɛ lo. Wo ’wii wolé flanu ta; munu ’ka ana é dɛrɛ lo, yé a ta munu ’ka ana lo.

Matio 24:15

Amalé mi lé é ke sɛbɛ ’ko ta fena, ’bɛzan ’é yuɛ pa ébozen va ma. Fɛ sɛrɛle tata fɛ naané lé wo ’ka wo yuɛ vɔa a ta lo, ’té balelayezan Daniɛl alé we fe bɛ, dé ka a ye é dɔle fɛna sauun na,

Bélidɔwesɛbɛ Fiézan 32:29

Dé é a lé wo we dɔɔ, ’té we lé wa ’ma, yee lé ke ’ko: Yé ’té wo gi bɔrɔan we lé é dan bɔ lɛ wo ma, a lɛ.

Wegɔɔnle 1:3

A bléyi bɔ é pu, amalé mian éé sɛbɛ ’ko ta fé, é valé munuan woo balelawefele ’ko maan, yé wenu lé é ke é gyɛle sɛbɛ ta, ’té woo a ta tawoo bɛ, wo drɔɔ a é vole.